ಎಫೆಸ 5:26 - ಕೊಡವ ಬೈಬಲ್

²⁶ ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

ಎಫೆಸ 5:26 ပူးပေါင်းရင်းမြစ်များ

ಯೋಹಾನ 13:10

ಯೇಸು ಅಂವೊನ ನೋಟಿತ್: ದಾರ್ ಚಾಯಿತೆ ಕುಳ್‌ಚಿತ್ ಶುದ್ದವಾಯಿತುಂಡೊ, ಅಯಿಂಗ ಬರಿ ಅಯಿಂಗಡ ಕಾಲ್‌ನ ಕತ್ತ್‌ಚೇಂಗಿ ಮದಿ. ಒಬ್ಬನ ಬುಟ್ಟಿತ್, ನಿಂಗ ಎಲ್ಲಾರು ಶುದ್ದವಾಯಿತ್ ಉಳ್ಳಿರಾಂದ್ ಎಣ್ಣ್‌ಚಿ.

ಯೋಹಾನ 15:3

ನಾನ್ ನಿಂಗಕ್ ಎಣ್ಣ್‌ನ ವಾಕ್ಯತ್‍ರಗುಂಡ್ ನಿಂಗ ಇಕ್ಕಲೆ ಶುದ್ದ ಆಯಿತುಳ್ಳಿರ.

ಯೋಹಾನ 15:8

ನಿಂಗ ದುಂಬ ಫಲ ತಪ್ಪಯಿಂಗಳಾಯಿತ್ ಇಂಜತೇಂಗಿ, ನಾಡ ಅಪ್ಪಂಗ್ ಮಹಿಮೆ ಕ್‍ಟ್ಟುವ, ನಾಕ್ ಸಹ ನಿಂಗ ಶಿಷ್ಯಂಗಳಾಯಿತ್‌ಪ್ಪಿರ.

ಯೋಹಾನ 17:7

ನಾಕ್ ಉಳ್ಳದೆಲ್ಲ, ನೀನ್ ನಾಕ್ ಕೊಡ್‍ತದ್‍ೕಂದ್ ಇಕ್ಕ ಅಯಿಂಗಕ್ ಗೊತ್ತಾಯಿತುಂಡ್.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 22:16

ಇಕ್ಕ ಎನ್ನಂಗ್ ನೀನ್ ತಡೆ ಮಾಡ್‌ವಿಯ? ಅಂವೊಂಡ ಪೆದತ್‍ನ ನೀನ್ ಕಾಕಿಯಂಡಿಪ್ಪಕಲೇ, ಎದ್ದಿತ್ ದೀಕ್ಷಾಸ್ನಾನ ಮಾಡ್‍ಚಿಟ್ಟಂಡ್, ನೀಡ ಪಾಪತ್‍ನ ಕತ್ತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ರೋಮ್ 10:8

ಆಚೇಂಗಿ ಅದ್ ಎಂತ ಎಣ್ಣಿಯಂಡ್ ಉಂಡ್? ದೇವಡ ವಾಕ್ಯ ನೀಡ ಪಕ್ಕತ್‍ಲ್, ನೀಡ ಬಾಯಿಲ್ ಪಿಂಞ ನೀಡ ಹೃದಯತ್‍ಲ್ ಉಂಡ್‍ೕಂದ್ ಎಣ್ಣಿಯಂಡುಂಡ್, ಅದ್ ನಂಗ ಬೋದನೆ ಮಾಡ್‌ವ ನಂಬಿಕೇರ ವಾಕ್ಯವೇ.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

2 ಕೊರಿಂಥ 11:2

ಕ್ರಿಸ್ತ ಎಣ್ಣುವ ಒರೇ ಪುತ್ತಂಗಾರಂಗ್ ನಿಂಗಳ ಪವಿತ್ರ ಕನ್ನಿ ಮೂಡಿಯಾಯಿತ್ ಒಪ್ಪ್‌ಚಿಡಂಡೂಂದ್ ನಾನ್ ನಿಶ್ಚಯ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಡ ವೈರಾಗ್ಯವಾನ ವೈರಾಗ್ಯತ್‍ಲ್ ನಾನ್ ಉಳ್ಳ.

ಎಫೆಸ 6:17

ರಕ್ಷಣೆ ಎಣ್ಣುವ ಇರ್‍ಂಬ್ ತೊಪ್ಪಿನ ಇಟ್ಟಂಡ್, ದೇವಡ ವಾಕ್ಯವಾಯಿತುಳ್ಳ ಪವಿತ್ರಾತ್ಮತ್‍ರ ಬಾಳ್ ಕತ್ತಿನ ಪುಡ್‍ಚಂಡ್ ಇರಿ.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 10:10

ಯೇಸು ಕ್ರಿಸ್ತಂಡ ತಡಿ ಒರೇ ಕುರಿ ಬಲಿಯಾನಗುಂಡ್, ದೇವಡ ಚಿತ್ತತ್‍ರನೆಕೆ ಅದ್ಂಡ ಮೂಲಕ ನಂಗಳ ಪವಿತ್ರವಾನಯಿಂಗಳಾಯಿತ್ ಮಾಡ್‍ಚಿ.

ಇಬ್ರಿಯ 10:14

ಎನ್ನಂಗೆಣ್ಣ್‌ಚೇಂಗಿ, ಪವಿತ್ರವಾನಯಿಂಗಳಾಯಿತ್ ಮಾಡ್‍ನಯಿಂಗಳ ಒರೇ ಬಲಿರ ಮೂಲಕ ಇಂವೊ ಎಕ್ಕಾಲು ಪೂರ್ತಿ ಮಾಡಿತುಂಡ್.

ಇಬ್ರಿಯ 10:22

ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

ಇಬ್ರಿಯ 10:29

ದೇವಡ ಮೋಂವೊನ ತಾಂಡ ಕಾಲ್‍ರ ಅಡಿಕ್ ಇಟ್ಟಿತ್ ಬೋಂಡಾಂದ್ ಎಣ್ಣಿತ್, ತನ್ನ ಪವಿತ್ರ ಮಾಡ್‍ನ ಒಪ್ಪಂದತ್‍ರ ಚೋರೆನ ಅಶುದ್ದಾಂದ್ ಗೇನ ಮಾಡಿತ್, ಕೃಪೇರ ಆತ್ಮತ್‌ನ ತ್‍ಕ್ಕಾರ ಮಾಡ್‌ವಂವೊ ಎಚ್ಚಕ್ ಬಲ್ಯ ದಂಡನೆಕ್ ಯೋಗ್ಯನಾಯಿತ್‌ಪ್ಪಾಂದ್ ಗೇನ ಮಾಡಿಯೊಳಿ.

ಇಬ್ರಿಯ 13:12

ಅನ್ನನೆ ಯೇಸು ಸಹ, ತಾಂಡ ಸ್ವಂತ ಚೋರೆರಗುಂಡ್, ಜನತ್‍ನ ಪವಿತ್ರವಾಯಿತ್ ಮಾಡ್‌ವಕ್, ಊರ್‌ರ ಪಡಿರ ಪೊರಮೆ ಕಷ್ಟಪಟ್ಟತ್.

ಇಬ್ರಿಯ 4:12

ದೇವಡ ವಾಕ್ಯ ಜೀವವು, ಶಕ್ತಿ ಉಳ್ಳದಾಯಿತು, ದಂಡ್ ಪಕ್ಕವು ಚೂಪಾಯಿತ್ ಉಳ್ಳ ಏದ್ ಬಾಳ್‌ಕತ್ತಿಕಿಂಜಲು ಚೂಪಾಯಿತ್ ಉಂಡ್. ಇದ್ ಆತ್ಮತ್‌ನ ಪಿಂಞ ಜೀವತ್‍ನ, ಮುಟ್ಟ್‌ನ ಪಿಂಞ ಅದ್ಂಡ ಒಳ್‍ಲ್ ಉಳ್ಳ ಮಜ್ಜೆನ ಬೋರೆ ಬೋರೆ ಮಾಡಿತ್ ನಂಗಡ ಒಳ್‍ಕ್ ಕುತ್ತುವನೆಕೆ ಉಂಡ್. ಇದ್ ಹೃದಯತ್‍ರ ಗೇನತ್‍ನ ಪಿಂಞ ಆಲೋಚನೆರ ರೀತಿನ ನಂಗಕ್ ಕಾಟಿತಪ್ಪದಾಯಿತುಂಡ್.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

ಯಾಕೋಬ 1:18

ಅಂವೊಂಡ ಚಿತ್ತತ್‍ರನೆಕೆ, ತಾಂಡ ಎಲ್ಲಾ ಸೃಷ್ಟಿಲ್, ನಂಗಳ ಆದ್ಯ ಸ್ತಾನತ್‍ಲ್ ಇಕ್ಕಂಡೂಂದ್ ನಂಗಳ ಸತ್ಯ ವಾಕ್ಯತ್‍ರ ಮೂಲಕ ಪುಟ್ಟ್‌ವಕ್ ಮಾಡ್‍ಚಿ.

1 ಪೇತ್ರ 1:2

ಅಪ್ಪನಾನ ದೇವ ಎಲ್ಲಾಕಿಂಜ ಮಿಂಞ ಎಂತ ತೀರ್ಮಾನ ಮಾಡಿತ್ಂಜತೋ, ಅನ್ನನೆ ನಿಂಗಳ ಅಂವೊ ಗೊತ್ತ್ ಮಾಡಿತ್, ನಿಂಗ ಯೇಸು ಕ್ರಿಸ್ತಂಗ್ ಬಗ್ಗಿತ್ ನಡ್‍ಪನೆಕೆ, ಅಂವೊಂಡ ಚೋರೆರ ಮೂಲಕ ನಿಂಗ, ನಿಂಗಡ ಪಾಪತ್ಂಜ ಶುದ್ದ ಆಪನೆಕೆ, ಅಂವೊಂಡ ಆತ್ಮತ್‍ರ ಮೂಲಕ ನಿಂಗಳ ಬೋರೆ ಮಾಡಿತ್ ಶುದ್ದಮಾಡ್‍ಚಿ. ದುಂಬ್‍ನ ಕೃಪೆಯು ಸಮಾದಾನವು ನಿಂಗಕ್ ಇಂಞು ಕ್‍ಟ್ಟಡ್.

1 ಪೇತ್ರ 3:21

ಅದ್ಂಗ್ ಸಮವಾನ ನಂಗಡ ರಕ್ಷಣೆಕಾಯಿತುಳ್ಳ ದೀಕ್ಷಾಸ್ನಾನ ಎಂತ ಎಣ್ಣ್‌ಚೇಂಗಿ, ಅದ್ ನಂಗಡ ತಡೀರ ಅಶುದ್ದತ್‍ನ ಕತ್ತುವ ವಿಷಯ ಅಲ್ಲ. ಆಚೇಂಗಿ, ದೇವಡ ವಿಷಯತ್ ನಂಗಡ ಮನಸಾಕ್ಷಿರ ಒಪ್ಪಂದವಾಯಿತ್, ಇಕ್ಕ ನಂಗಳ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವತ್‍ಲ್ ಬಂದ ಮೂಲಕ ರಕ್ಷಣೆ ಮಾಡಿಯೆ.

2 ಪೇತ್ರ 1:9

ಈ ಗುಣವೆಲ್ಲ ದಾರ್‌ಕ್ ಇಲ್ಲೆಯೋ, ಅಯಿಂಗ ಮಿಂಞ ಮಾಡ್‍ನ ಪಾಪತ್ಂಜ ಪವಿತ್ರ ಆನದ್‍ನ ಮರ್ಂದ್ ಪೋಯಿತ್, ದೂರತ್‍ಲ್ ಉಳ್ಳದ್‍ನ ಕಾಂಬಕ್ ಕಯ್ಯತ ಕುರ್‌ಡಂಗನೆಕೆ ಆಯಿತ್‌ಪ್ಪ.

1 ಯೋಹಾನ 5:6

ಯೇಸು ಕ್ರಿಸ್ತನಾನ ಇಂವೊನೇ ನೀರ್ಂಜಲು ಚೋರೆಯಿಂಜಲು ಬಂದಂವೊ. ನೀರ್ಂಜ ಮಾತ್ರವಲ್ಲ, ನೀರ್ಂಜಲು ಪಿಂಞ ಚೋರೆಯಿಂಜಲು ಬಂದಂವೊ. ಪವಿತ್ರಾತ್ಮನಾನಂವೊನೇ ಇದ್ ಸತ್ಯಾಂದ್ ಸಾಕ್ಷಿ ಕೊಡ್‍ತಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ದೇವಡ ಆತ್ಮ ಸತ್ಯವುಳ್ಳಂವೊ.

ಯೂದ ಒಳ್‍ದ್‍ನ ಕಾಗದ 1:1

ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬಂಡ ತಮ್ಮಣನಾನ ಯೂದ, ದೇವ ಕಾಕ್‍ನಯಿಂಗಳಾಯಿತ್, ಅಪ್ಪನಾನ ದೇವನ ಪ್ರೀತಿ ಮಾಡ್‌ವಯಿಂಗಳಾಯಿತ್, ಯೇಸು ಕ್ರಿಸ್ತಂಗಾಯಿತ್ ಬದ್ರವಾಯಿತ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.