ಎಫೆಸ 5:22 - ಕೊಡವ ಬೈಬಲ್

²² ಪೊಣ್ಣಾಳುವಳೇ, ಒಡೆಯಂಗ್ ತಗ್ಗಿತ್ ನಡ್‍ಪನೆಕೆ ನಿಂಗ ನಿಂಗಡ ವಡಿಯಂಗಕ್ ತಗ್ಗಿತ್ ನಡ್‌ಕಂಡು.

ಎಫೆಸ 5:22 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:16

ಅಲ್ಲಿಂಜ ಅಂವೊ ಆ ಪೊಣ್ಣಾಳ್‌ಕ್: ನೀನ್‌ ಕೆಲಕರ್ತಿಯಾಯಿತ್‌ಪ್ಪಕ ದುಂಬ ನೊಂಬಲತ್‌ನ ಉಂಟ್‌ಮಾಡ್‌ವಿ, ದುಂಬ ನೊಂಬಲತ್‌ಲ್‌ ನೀನ್‌ ಕುಂಞಿಯಳ ಪೆರುವಿಯ. ನೀಡ ಆಸೆಯೆಲ್ಲ ನೀಡ ವಡಿಯಂಡ ಮೇಲೆ ಇಪ್ಪ; ಆಚೇಂಗಿ ಅಂವೊ ನೀಡ ಮೇಲೆ ಅದಿಕಾರ ಮಾಡ್‌ವಾಂದ್‌ ಎಣ್ಣ್‌ಚಿ.

ಎಸ್ತೆರ್‌ 1:20

ಇಂಞು ಅಂವೊ: ಇನ್ನನೆ ರಾಜ ತೀರ್ಮಾನ ಮಾಡ್‌ನ ಈ ರಜಾಜ್ಞೆ ತಾಂಡ ಬಲ್ಯ ರಾಜ್ಯತ್‌ಲೆಲ್ಲಾ ಗೊತ್ತಾಪಕ, ಬಲ್ಯಯಿಂಗಳು, ಕಮ್ಮಿಲ್‌ ಉಳ್ಳ ಎಲ್ಲಾ ಪೊಣ್ಣಾಳ್‌ವಳು ತಾಂಡ ವಡಿಯಂಗಕ್‌ ಮರ್ಯಾದಿ ಕೊಡ್‌ಪಾಂದ್‌ ಅಂವೊ ಎಣ್ಣ್‌ಚಿ.

ಎಸ್ತೆರ್‌ 1:22

ಅಂವೊ ಪ್ರತಿಯೋರ್‌ ಕುಟುಂಬತ್‌ಲ್‌ ವಡಿಯನೇ ಒಡೆಯನಾಯಿತಿರಡೂಂದು ಪಿಂಞ ಇದ್‌ನ ಎಲ್ಲಾ ಪ್ರಂದಿಯಕು ಅಯಿಂಗಯಿಂಗಡ ತಕ್ಕ್‌ರ ಎಳ್‌ತ್‌ಲ್ ಅರಿಚಿಡಂಡು ಎಣ್ಣಿಯಂಡ್, ರಾಜ್ಯತ್‌ರ ಎಲ್ಲಾ ಪ್ರಾಂತ್ಯಕ್‌ ಪತ್‌ರಿಕೆರ ಮೂಲಕ ಅರಿಚಿಟ್ಟತ್.

1 ಕೊರಿಂಥ 14:34

ಸಬೆರ ಆರಾದನೆಲ್ ಪೊಣ್ಣಾಳುವ ಮುಂಡತೆ ಇರಂಡು. ಅಯಿಂಗ ತಕ್ಕ್ ಪರಿಯುವಕ್ ಅನುಮತಿ ಇಲ್ಲೆ. ನ್ಯಾಯಪ್ರಮಾಣತ್‌ಲ್‌ ಎಣ್ಣ್‌ವನೆಕೆ ಪೊಣ್ಣಾಳ್‍ವ ಸಬೇಲ್ ಅಡಕತ್‍ಲ್ ಇರಂಡು.

ಎಫೆಸ 5:22

ಪೊಣ್ಣಾಳುವಳೇ, ಒಡೆಯಂಗ್ ತಗ್ಗಿತ್ ನಡ್‍ಪನೆಕೆ ನಿಂಗ ನಿಂಗಡ ವಡಿಯಂಗಕ್ ತಗ್ಗಿತ್ ನಡ್‌ಕಂಡು.

ಎಫೆಸ 6:5

ಅಡಿಯಾಳ್‌ವಳೇ, ನಿಂಗ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ, ಈ ಲೋಕತ್‍ರ ನಿಂಗಡ ಎಜಮಾನಂಗಕ್ ಬೊತ್ತಿತ್, ಪಿಂಞ ನಡ್‍ಗಿಯಂಡ್, ಕಪಟಯಿಲ್ಲತ ಮನಸ್ಸ್‌ಲ್ ನಡ್‌ಕಂಡು.

ಕೊಲೊಸ್ಸೆ 3:1

ಆನಗುಂಡ್, ಕ್ರಿಸ್ತಂಡ ಕೂಡೆ ಆತ್ಮೀಯವಾಯಿತ್ ಜೀವತ್‍ಲ್ ಎದ್ದಿತ್ ಉಂಡೇಂಗಿ, ಕ್ರಿಸ್ತ, ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಜಾಗತ್‍ಲ್ ಉಳ್ಳ ಪರಲೋಕತ್‍ರ ವಿಷಯತ್‍ನ ತ್‍ೕಡಂಡು.

ಕೊಲೊಸ್ಸೆ 3:18

ಪೊಣ್ಣಾಳುವಳೇ! ಒಡೆಯಂಗ್ ಯೋಗ್ಯವಾಯಿತ್ ನಡ್‍ಪನೆಕೆ ನಿಂಗ ನಿಂಗಡ ವಡಿಯಂಗಕ್ ತಗ್ಗಿತ್ ನಡ್‌ಕಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:5

ಎಲ್ಲಾ ಬಾಲೆಕಾರ್ತಿಯಳು, ತನ್ನಡಕ್ಕ ಉಳ್ಳಯಿಂಗಳಾಯಿತ್, ವಡಿಯಂಗ್ ನೇರಾನಯಿಂಗಳಾಯಿತ್, ಅಯಿಂಗಡ ಮನೆನ ಚಾಯಿ ನೋಟ್‍ವಯಿಂಗಳಾಯಿತ್, ಅಯಿಂಗಡ ವಡಿಯಂಗಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್, ಪ್ರೀತಿಯುಳ್ಳಯಿಂಗಳಾಯಿತ್, ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್. ಅಕ್ಕ ದೇವಡ ವಾಕ್ಯಕ್ ಅಯಿಂಗ ದೂಷಣೆ ಕೊಂಡ್ ಬಪ್ಪುಲೆ.