ಎಫೆಸ 5:21 - ಕೊಡವ ಬೈಬಲ್

²¹ ಕ್ರಿಸ್ತಂಡ ಮೇಲೆ ಉಳ್ಳ ಬಕ್ತಿರಗುಂಡ್ ಒಬ್ಬೊಂಗೊಬ್ಬ ತಗ್ಗಿತ್ ನಡ್‌ಕಂಡು.

ಎಫೆಸ 5:21 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 16:9

ಅದ್‌ಂಗ್‌ ಯೆಹೋವಂಡ ದೇವದೂತ ಅವಕ್: ನೀನ್‌ ನೀಡ ಎಜಮಾನಿರ ಪಕ್ಕ ತಿರಿತ್‌ ಪೋ. ಅವಡ ಅದಿಕಾರಕ್‌ ತಗ್ಗಿತ್‌ ನಡೇಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 24:21

ನಾಡ ಮೋನೇ, ಯೆಹೋವಂಗು, ರಾಜಂಗು ಬೊತ್ತಿತ್‌ ನಡೆ. ಅಯಿಂಗ ದಂಡಾಳ್‌ನ ವಿರೋದಿಚಿಡುವ ಜನಡ ಕೂಡೆ ಕೂಡತೆ.

1 ಕೊರಿಂಥ 16:16

ಇನ್ನನೆ ಉಳ್ಳಯಿಂಗಕು, ಅಯಿಂಗಡ ಕೂಡೆ ದೇವಡ ಸೇವೇನ ಕಷ್ಟಟತ್‍ಲ್ ಮಾಡಿಯಂಡುಳ್ಳ ಸೇವಕಂಗಕೂ, ಅಯಿಂಗ ಎಣ್ಣ್‌ವಾನ ಕ್‍ೕಟಿತ್ ಅದ್ಂಗ್ ಬಗ್ಗಿತ್ ನಡ್‍ಕಂಡೂಂದ್ ನಿಂಗಕ್ ಬುದ್ದಿ ಎಣ್ಣ್‌ವಿ.

2 ಕೊರಿಂಥ 5:11

ಆನಗುಂಡ್, ಒಡೆಯಂಗ್ ಬೊತ್ತಿಯಂಡ್ ಬದ್‍ಕ್‍ವದ್ ಎಂತದ್‍ೕಂದ್ ಗೊತ್ತುಳ್ಳಗುಂಡ್, ನಂಗ ಜನಕ್ ಬುದ್ದಿ ಎಣ್ಣಿಯಂಡುಂಡ್; ನಂಗ ಎನ್ನನೆ ಉಂಡ್‍ೕಂದ್ ದೇವಕ್ ಗೊತ್ತುಂಡ್, ನಿಂಗಡ ಮನಸಾಕ್ಷಿಕು ಇದ್ ಗೊತ್ತುಂಡ್‍ೕಂದ್ ನಂಬುವಿ.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

ಎಫೆಸ 5:22

ಪೊಣ್ಣಾಳುವಳೇ, ಒಡೆಯಂಗ್ ತಗ್ಗಿತ್ ನಡ್‍ಪನೆಕೆ ನಿಂಗ ನಿಂಗಡ ವಡಿಯಂಗಕ್ ತಗ್ಗಿತ್ ನಡ್‌ಕಂಡು.

ಎಫೆಸ 5:24

ಆನಗುಂಡ್, ಸಬೆ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ, ಪೊಣ್ಣಾಳುವಳೇ ನಿಂಗಡ ಸ್ವಂತ ವಡಿಯಂಗಕ್ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್‌ಕಂಡು.

ಫಿಲಿಪ್ಪಿ 2:3

ನಿಂಗ ಮಾತ್ರ ಬಲ್ಯಯಿಂಗಾಂದ್ ಗೇನ ಮಾಡತಿ, ನಿಂಗಳ ತಗ್ಗ್‌ಚಿಟ್ಟಂಡ್ ಬೋರೆಯಿಂಗ ನಿಂಗಕಿಂಜ ಬಲ್ಯಯಿಂಗಾಂದ್ ಗೇನ ಮಾಡಿ.

1 ತಿಮೊಥೆಯ 2:11

ಪೊಣ್ಣಾಳ್‍ವ ಎಲ್ಲಾ ವಿಷಯತ್‍ಲ್ ಮೌನವಾಯಿತ್ಂಜಿತ್ ಅಡಕತ್‍ಲ್ ಪಡಿಕಂಡು.

1 ತಿಮೊಥೆಯ 3:4

ಅಂವೊ ಅಂವೊಂಡ ಸಂಸಾರತ್‌ನ ಚಾಯಿತೆ ನೋಟಿಯಂಡ್, ಅಂವೊಂಡ ಮಕ್ಕ ಅಂವೊಂಗ್ ಮರ್ಯಾದೆ ಕೊಡ್‍ಪಯಿಂಗಳಾಯಿತ್, ಅಂವೊಂಡ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್ ಇಪ್ಪನೆಕೆ ಅಯಿಂಗಳ ನಡ್‍ತಂಡು.

ಇಬ್ರಿಯ 13:17

ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

1 ಪೇತ್ರ 2:13

ಮನುಷ್ಯಂಗಡ ಮದ್ಯತ್‍ಲ್ ನೇಮಿಚಿಟ್ಟಿತುಳ್ಳ ಎಲ್ಲಾ ಅದಿಕಾರಕು, ಒಡೆಯಂಗಾಯಿತ್ ತಗ್ಗಿತ್ ನಡ್‌ಕಂಡು. ಅದ್ ರಾಜನಾಯಿತ್ಂಜತೇಂಗಿಯು,

1 ಪೇತ್ರ 2:17

ಎಲ್ಲಾರ್‌ಕು ಚಾಯಿ ಮರ್ಯಾದೆ ಕೊಡಿ, ಯೇಸುನ ನಂಬ್‍ನಯಿಂಗಳ ಪ್ರೀತಿ ಮಾಡಿ, ದೇವಕ್ ಬೊತ್ತ್‌ಚಿಡಿ, ರಾಜನ ಗನಪಡ್‌ತಂಡು.

1 ಪೇತ್ರ 5:5

ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.