ಎಫೆಸ 5:11 - ಕೊಡವ ಬೈಬಲ್

¹¹ ಫಲ ತಪ್ಪಕ್ ಕಯ್ಯತ ಇರ್‌ಟ್‌ರ ಕ್ರಿಯೇಲ್ ಪಾಲ್‍ದಾರಂಗಳಾಯಿತ್ ಆಕತೆ, ಅದ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಪೊರಮೆ ಕಾಂಬ್‌ಚಿಡಂಡು.

ಎಫೆಸ 5:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 20:16

ಪಿಂಞ ಸಾರಳನ ನೋಟಿತ್: ನೋಟ್ ನೀಡ ಅಣ್ಣಂಗ್‌ ಆಯಿರ ಬೊಳ್ಳಿರ ನಾಣ್ಯತ್‌ನ ಕೊಡ್‌ತ್ತಿಯೆ. ನೀಕ್‌ ನಾನ್‌ ಎಂತಾಚೇಂಗಿ ತಪ್ಪ್‌ ಮಾಡಿತುಂಡೇಂಗಿ ಅದ್‌ನ ಸರಿಪಡ್‌ತ್‌ವಕ್‌ ಕೊಡ್‌ತಂಡುಳ್ಳ. ಇದ್‌ ನಾಡ ವಿರುದ್ದ ನೀಕ್‌ ಎಂತೇಂಗಿ ಹಕ್ಕ್‌ ಉಂಡೇಂಗಿ ಅದ್‌ ಪೂರ್ತಿ ಆಪ. ನೀಡ ಮರ್ಯಾದೆ ಉಳಿಯುವಾಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 1:10

ನಾಡ ಮೋನೇ, ಪಾಪಿಯ ನೀಕ್‌ ಸನ್ನ ಕಾಟ್‌ಚೇಂಗಿಯು ಅದಂಗ್‌ ನೀನ್‌ ಒತ್ತೊತೆ.

ಜ್ಞಾನತ್‌ರ ಪಡಿಮ 1:31

ಆನಗುಂಡ್, ಅಯಿಂಗ ಅಯಿಂಗಡ ನಡತೆರ ಫಲತ್‌ನ ಅನುಬವಿಚಿಡುವ; ಅಯಿಂಗಡ ಯೋಚನೇಲ್‌ ತೃಪ್ತಿಯಾಪ.

ಜ್ಞಾನತ್‌ರ ಪಡಿಮ 13:18

ಬುದ್ದಿತಕ್ಕ್‌ನ ಕಡೆಗಣಿಚಿಡ್‌ವಂವೊಂಗ್‌ ಬಡತನ ಪಿಂಞ ಅವಮಾನ ಆಪ. ಎಚ್ಚರ ತಕ್ಕ್‌ನ ಸ್ವೀಕಾರ ಮಾಡ್‌ವಂವೊಂಗ್‌ ಮರ್ಯಾದಿ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 15:12

ಪರಿಹಾಸ ಮಾಡ್‌ವಂವೊ ತಾಂಡ ತಪ್ಪ್‌ನ ತಿದ್ದ್ ವಯಿಂಗಳ ಕುಶಿಪಡುಲೆ. ಜ್ಞಾನಿಯಡ ಪಕ್ಕ ಪೋಪದು ಇಲ್ಲೆ.

ಜ್ಞಾನತ್‌ರ ಪಡಿಮ 19:25

ಪರಿಹಾಸ ಮಾಡ್‌ವಂವೊನ ದಂಡ್‌ಚಿಡ್, ಅಕ್ಕ ಸಾದು ಮನುಷ್ಯ ಬುದ್ದಿವಂತನಾಪ. ವಿವೇಕವುಳ್ಳಂವೊನ ಎಚ್ಚರ ಮಾಡ್‌ಚೇಂಗಿ ಅಂವೊ ಅರಿವುನ ಅರ್ಥಮಾಡಿಯೊವ.

ಜ್ಞಾನತ್‌ರ ಪಡಿಮ 25:12

ಕ್‍ೕಪಕ್‌ ಕುಶಿ ಉಳ್ಳಂವೊನ ಎಚ್ಚರಿಕೆ ಮಾಡ್‌ವಂವೊ ಪೊನ್ನ್‌ರ ಓಲೆಕು, ಪೊನ್ನ್‌ರ ಮಾಲೆಕು ಸರಿಸಮ.

ಜ್ಞಾನತ್‌ರ ಪಡಿಮ 28:4

ದೇವಡ ಕಾನೂನ್ನ ಕೈ ಬುಡುವಂವೊ ದುಷ್ಟಂಗಳ ಕೊಂಡಾಡುವ. ಆಚೇಂಗಿ ದೇವಡ ಕಾನೂನ್‌ಕ್‌ ತಗ್ಗಿತ್‌ ನಡ್‌ಪಯಿಂಗ ಅಯಿಂಗಡಕೂಡೆ ಪೋರಾಡುವ.

ಜ್ಞಾನತ್‌ರ ಪಡಿಮ 29:1

ಒಬ್ಬಂಗ್‌ ದುಂಬಕುರಿ ಎಚ್ಚರ ಮಾಡಿತೂ ಅಂವೊ ತನ್ನ ಕಠಿಣ ಮಾಡಿಯಂಡತೇಂಗಿ ಸಹಾಯಯಿಲ್ಲತೆ ಒಮ್ಮಕೆ ನಾಶ ಆಯಿಪೋಪ.

ಮತ್ತಾಯ 18:15

ನೀಡ ಅಣ್ಣತಮ್ಮಣಂಡಡೆಲ್ ದಾರೇಂಗಿ ತಪ್ಪ್ ಮಾಡ್‍ಚೇಂಗಿ ನೀನ್ ಅಂವೊಂಡ ಪಕ್ಕ ಪೋಯಿತ್, ನಿಂಗ ದಂಡಾಳ್ ಮಾತ್ರ ಇಪ್ಪಕಾಪಕ ಅಂವೊಂಡ ತಪ್ಪ್‌ನ ಎಣ್ಣಿ ಕೊಡ್, ಅಕ್ಕ ಅಂವೊ ಅಂವೊಂಡ ತಪ್ಪ್‌ನ ಒತ್ತತೇಂಗಿ, ನೀನ್ ಅಂವೊನ ನೀಡ ಬಟ್ಟೇಕ್ ಕೊಂಡ್ ಬಂದಿಯ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:19

ಆಚೇಂಗಿ ಉಪರಾಜನಾನ ಹೆರೋದ ಅಂವೊಂಡ ಅಣ್ಣಂಡ ಪೊಣ್ಣ್ ಹೆರೋದಿಯಳ ಮಂಗಲ ಕಯಿಚಗುಂಡ್ ಯೋಹಾನ ಹೆರೋದನ ಚೂಕ್‌ಚಿ.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ರೋಮ್ 13:12

ಬೈಟ್ ದುಂಬ ಕಳೆಂದ್ ಪೋಚಿ, ಪೋಲ್ ಪಕ್ಕ ಬಾತ್; ಆನಗುಂಡ್ ಇರ್‌ಟ್‌ರ ಕ್ರಿಯೇನ ಬುಟ್ಟಿತ್, ಬೊಳಿರ ಆಯುದತ್‍ನ ಇಡೋನ.

ರೋಮ್ 16:17

ಅದಲ್ಲತೆ, ನಾಡ ಅಣ್ಣತಮ್ಮಣಂಗಳೇ, ನಿಂಗ ಪಡಿಚಿತುಳ್ಳ ಬೋದನೆಕ್ ವಿರೋದವಾಯಿತ್ ವಿಂಗಡ ಮಾಡ್‌ವಯಿಂಗಡ ಕೂಡೆಯು ಪಿಂಞ ಬೊಳ್‍ತ್‍ವಕ್ ತಡೆ ಮಾಡ್‌ವಯಿಂಗಡ ಕೂಡೆಯು ಎಚ್ಚರತ್‍ಲ್ ಇರೀಂದ್ ನಿಂಗಳ ಬೋಡುವಿ. ಅಯಿಂಗಳ ದೂರ ಮಾಡಂಡೂಂದ್ ನಿಂಗಳ ಬೋಡುವಿ.

ರೋಮ್ 6:21

ಆ ಕಾಲತ್‍ಲ್ ನಿಂಗಕ್ ಎಂತ ಲಾಬ ಕ್‍ಟ್ಟ್‌ಚಿ? ಅದ್‍ನ ಗೇನ ಮಾಡ್‌ವಕ, ಇಕ್ಕ ಅವಮಾನವಾಯಿತುಂಡ್. ಅದ್ಂಡ ಪ್ರತಿಫಲ ಚಾವ್.

ಗಲಾತ್ಯ 6:8

ತಾಂಡ ಸ್ವಂತ ಆಸೇನ ತೃಪ್ತಿ ಪಡ್‍ತ್‍ವಕಾಯಿತ್ ಮಾತ್ರ ಬದ್‍ಕ್‍ವಯಿಂಗ ಪಾಪ ಗುಣತ್‍ರ ಫಲವಾನ ಚಾವ್‍ನ ಕೊಯ್ಯುವ. ಆಚೇಂಗಿ ದೇವಡ ಆತ್ಮತ್‌ನ ಕುಶಿಪಡ್‍ತುವಕಾಯಿತ್ ಬದ್‍ಕ್‍ವಯಿಂಗ ಪವಿತ್ರಾತ್ಮ ತಪ್ಪ ನಿತ್ಯ ಜೀವತ್‍ನ ಕೊಯ್ಯುವ.

ಎಫೆಸ 4:22

ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

ಎಫೆಸ 5:12

ಅಯಿಂಗ ಗುಟ್ಟ್‌ಲ್ ಮಾಡ್‌ವ ಕ್ರಿಯೇನ ಎಣ್ಣುವಕ್ ಸಹ ಞಾಣವಾಯಿತುಂಡಲ್ಲ?

ಎಫೆಸ 5:7

ಆನಗುಂಡ್, ಅನ್ನನೆ ಮಾಡ್‌ವಯಿಂಗಡ ಕೂಡೆ ನಿಂಗ ಐಕ್ಯತ್‍ಲ್ ಇರತಿ.

ಕೊಲೊಸ್ಸೆ 1:12

ಬೊಳಿಲ್ ಉಳ್ಳ ದೇವಡ ಮಕ್ಕಡ ಬಾದ್ಯತೆಲ್, ನಂಗಕ್ ಪಾಲ್ ಕ್‍ಟ್ಟುವಕ್ ಯೋಗ್ಯವಾಯಿತ್ ಮಾಡ್‍ನಂವೊಂಗ್,

1 ಥೆಸಲೊನೀಕ 5:7

ವರಿವಯಿಂಗ ಎಲ್ಲಾರು ಬಯಿಟ್ ವರಿವ; ದಾರ್ ಕಳ್ಳ್ ಕುಡಿಪ ಅಯಿಂಗ ಬಯಿಟ್ ಕಳ್ಳ್ ಕುಡಿಪ.

2 ಥೆಸಲೊನೀಕ 3:14

ಈ ಕಾಗದತ್‍ಲ್ ಉಳ್ಳ ಬೋದನೆಕ್ ಒಬ್ಬ ತಗ್ಗಿತ್ ನಡ್‍ಕತೆ ಪೋನಕ, ಅಂವೊನ ಎಲ್ಲಾಡ ಮಿಂಞ ಕಂಡ್‍ಪುಡ್‌ಚಿತ್, ಅಂವೊನ ದೂರ ಮಾಡಂಡು. ಅಕ್ಕ ಅಂವೊ ಅನ್ನನೆ ಮಾಡ್‌ನಾಂಗ್ ಅಂವೊಂಗ್ ಞಾಣ ಆಪ.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.

1 ತಿಮೊಥೆಯ 5:20

ಅನ್ನನೆ ಅಂವೊ ಪಾಪ ಮಾಡಿಯಂಡೇ ಇಂಜತೇಂಗಿ, ಅಲ್ಲಿ ಉಳ್ಳಯಿಂಗಕ್ ಪಾಪ ಮಾಡ್‌ವಕ್ ಪೋಡಿ ಬಪ್ಪನೆಕೆ ಎಲ್ಲಾಡ ಮಿಂಞತ್ ಅಂವೊನ ಎಚ್ಚರ ಮಾಡ್.

1 ತಿಮೊಥೆಯ 5:22

ದೇವಡ ಸೇವೇಕ್ ನೇಮಿಚಿಡ್‍ವಕ್ ಏದ್ ಮನುಷ್ಯಂಡ ಮಂಡೆರ ಮೇಲೆ ಅವಸರತ್‌ಲ್ ಕೈ ಬೆಕ್ಕತೆ. ಅನ್ನನೆ ಮಾಡ್‍ಚೇಂಗಿ, ಬೋರೆಯಿಂಗ ಮಾಡ್‌ವ ಪಾಪತ್‍ಲ್ ನೀನ್ ಸಹ ಪಾಲ್‍ದಾರನಾಯಿತ್‌ಪ್ಪಿಯ, ನೀನ್ ಪವಿತ್ರ ಉಳ್ಳಂವೊನಾಯಿತಿರ್.

1 ತಿಮೊಥೆಯ 6:5

ಅಯಿಂಗಡ ಮನಸ್ಸ್ ಪಾಳಾಯಿತ್, ಎಕ್ಕಾಲು ಜಗಳ ಮಾಡ್‌ವ. ಅಯಿಂಗಡ ಹೃದಯತ್ಂಜ ಸತ್ಯತ್‍ನ ಎಡ್‍ತ್‍ರ್‌ತ್. ಅಯಿಂಗ ದುಡ್ಡ್ ಮಾಡ್‌ವಕಾಯಿತ್ ಅಯಿಂಗಳ, ದೇವಡ ಬಕ್ತಂಗಳಾಯಿತ್ ಕಾಂಬ್‍ಚಿಡ್‍ವ.

2 ತಿಮೊಥೆಯ 3:5

ದೇವಡ ಮೇಲೆ ಬಕ್ತಿ ಉಳ್ಳಯಿಂಗಡನೆಕೆ ವೇಷ ಇಡ್‌ವ, ಆಚೇಂಗಿ, ದೇವಡ ಶಕ್ತಿನ ಅಯಿಂಗಡ ಒಳ್‍ಲ್ ಕ್ರಿಯೆ ಮಾಡ್‌ವಕ್ ಬುಡುಲೆ. ಈಂಗಳ ಬುಟ್ಟಿತ್ ನೀನ್ ದೂರ ಇರ್.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:15

ಇದ್‍ನೆಲ್ಲಾ ನೀನ್ ಅಯಿಂಗಕ್ ಬೋದನೆ ಮಾಡಿತ್, ಎಲ್ಲಾ ಅದಿಕಾರತ್‍ಲ್ ಎಚ್ಚರ ಮಾಡ್ ಪಿಂಞ ಪುರ್‌ಡ್ ಕೊಡ್. ದಾರೂ ನೀಡ ಅದಿಕಾರತ್‍ನ ಅಲ್ಲಗೆಳೆಯುವನೆಕೆ ಬುಡತೆ.

ಪ್ರಕಟನೆ 18:4

ಪಿಂಞ, ಇಂಞೊರ್ ವಾಣಿ ಪರಲೋಕತ್ಂಜ ಕ್‍ೕಟತ್. ಅದ್: ನಾಡ ಜನಳೇ, ನಿಂಗ ಅವಡ ಪಾಪಕ್ ಕೂಡತೆ, ಅವಕ್ ಬಪ್ಪ ನಾಶತ್‍ಲ್ ಚಿಕ್ಕತನೆಕೆ, ಅವಳ ಬುಟ್ಟಿತ್ ಪೊರಮೆ ಬಾರಿ.