ಎಫೆಸ 4:8 - ಕೊಡವ ಬೈಬಲ್

⁸ ಅದ್ಂಗೇ ದೇವಡ ವಾಕ್ಯತ್‍ಲ್: ಅಂವೊ ಪರಲೋಕಕ್ ಪತ್ತ್‌ವಕ, ಅಂವೊಂಡ ಕೂಡೆ ದುಂಬ ಕೈದಿಯಳ ಕೈದಿಯಾಯಿತ್ ಕಾಕಿಯಂಡ್ ಪೋಯಿತ್, ಮನುಷ್ಯಂಗಕ್ ವರತ್‍ನ ತಂದತ್‍ೕಂದ್ ಎಣ್ಣಿತುಂಡ್.

ಎಫೆಸ 4:8 ပူးပေါင်းရင်းမြစ်များ

ಎಸ್ತೆರ್‌ 2:18

ತಾಂಡ ಎಲ್ಲಾ ಪ್ರಬುವಯಿಂಗಕು, ಸೇವಕಂಗಕು, ಎಸ್ತೇರಂಡ ಪೆದತ್‌ಲ್‌ ಬಲ್ಯ ನಮ್ಮೆ ಮಾಡಿತ್, ಎಲ್ಲಾ ಪ್ರಾಂತ್ಯತ್‌ ಸುಂಕತ್‌ನ ಕಮ್ಮಿ ಮಾಡಿತ್, ರಾಜಂಡ ಗನತ್‍ಕ್ ಸೆರಿಯಾಯಿತ್‌ ಉದಾರವಾಯಿತ್‌ ಇನಾಮ್‌ ಅಯಿಚತ್.

ಜ್ಞಾನತ್‌ರ ಪಡಿಮ 30:4

ಪರಲೋಕಕ್‌ ಪೋಯಿತ್‌ ಅಡಿಕ್‌ ಇಳ್‌ಂಜಿತ್‌ ಬಂದಂವೊ ದಾರ್? ಗಾಳಿನ ತಾಂಡ ಕೈಯಿ ಮುಷ್ಟಿಲ್‌ ಅಡಕ್‌ನಂವೊ ದಾರ್? ತಾಂಡ ಉಡ್‌ಪ್‌ಲ್‌ ನೀರ್‌ನ ಮೂಟೆ ಕಟ್ಟ್‌ನಂವೊ ದಾರ್? ಬೂಮಿರ ಗಡಿನಯೆಲ್ಲಾ ಸ್ತಾಪನೆ ಮಾಡ್‌ನಂವೊ ದಾರ್? ಅಂವೊಂಡ ಪೆದ ಎಂತ? ಅಂವೊಂಡ ಮೋಂವೊಂಡ ಪೆದ ಎಂತ? ನೀಕ್‌ ಅದ್‌ ಗೊತ್ತುಂಡೇಮಗಿ ನಾಕ್‍ ಅದನ ಎಣ್ಣ್?

ಎಫೆಸ 4:11

ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.

ಕೊಲೊಸ್ಸೆ 2:15

ಆ ಶಿಲುಬೇಲ್, ಕ್ರಿಸ್ತ ಅಂವೊನ ಪುಡ್‍ಚಿ ಬೆಚ್ಚಿತ್ಂಜ ಎಲ್ಲಾ ಶಕ್ತಿನ, ದೆವ್ವತ್‍ರ ಅದಿಕಾರತ್‍ನ ಒರ್ ಶಕ್ತಿಯು ಇಲ್ಲತನೆಕೆ ಮಾಡಿರ್‌ತ್. ಅಂವೊ ಅದ್‍ನೆಲ್ಲಾ, ಅಂವೊಂಡ ಕೈಯಿಕ್ ಕ್‍ಟ್ಟ್‌ನನೆಕೆ ಎಲ್ಲಾಡ ಮಿಂಞ ಎಲ್ಲಾರು ಕಾಂಬನೆಕೆ ಅದ್‍ನೆಲ್ಲಾ ಕೊಂಡ್ ಬಂದಿತ್ ಶಿಲುಬೇರೆ ಮೇಲೆ ಅಯಿಂಗಳ ಗೆದ್ದತ್.