ಎಫೆಸ 4:31 - ಕೊಡವ ಬೈಬಲ್

³¹ ಎಲ್ಲಾ ಕೈಪ್‍ತನ, ಬೈಗಳ, ಚೆಡಿ, ಜೋರ್ ಮಾಡ್‍ವದ್, ಕೆಟ್ಟ ತಕ್ಕ್ ಪಿಂಞ ಎಲ್ಲಾ ಕೆಟ್ಟ ಗುಣವು ನಿಂಗಳ ಬುಟ್ಟಿತ್ ಪೋಡ್.

ಎಫೆಸ 4:31 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 27:41

ಅಂವೊಂಡ ಅಪ್ಪ ಯಾಕೋಬನ ಆಶೀರ್ವಾದ ಮಾಡ್‍ನಗುಂಡ್, ಅಂದಿಂಜ ಏಸಾವ, ಯಾಕೋಬಂಡ ಮೇಲೆ ಪಗೆ ಬೆಚ್ಚಂಡ್, ತಾಂಡ ಮನಸ್ಸ್‌ಲ್: ನಾಡ ಪಪ್ಪ ಬೆರಿಯ ಚತ್ತ್‌ ಪೋಪ. ಅಕ್ಕ ನಾನ್‌ ಯಾಕೋಬನ ಕೊಂದ್ರುವಾಂದ್‌ ಗೇನ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 37:21

ಆಚೇಂಗಿ ರೂಬೇನ ಅದ್‌ನ ಕ್‍ೕಟಿತ್‌ ಯೋಸೆಫನ ಅಯಿಂಗಡ ಕೈಯಿಂಜ ಕಾಪಾಡಿತ್‌ ಅಂವೊನ ತಿರಿತ್‌ ತಾಂಡ ಅಪ್ಪಂಡ ಪಕ್ಕ ಕಾಕಿಯಂಡ ಪೋಕಾಂದ್‌ ಗೇನಮಾಡಿತ್, ಅಯಿಂಗಳ ನೋಟಿತ್: ಅಂವೊನ ಕೊಲ್ಲೊದ್‌ ಬೋಂಡ, ನಿಂಗ ಚೋರೆ ಚೆಲ್ಲೊದ್‌ ಬೋಂಡ. ನಿಂಗ ಅಂವೊಂಡ ಮೇಲೆ ಕೈ ಬೆಕ್ಕತನೆಕೆ, ಅಂವೊನ ಮಣಬೂಮಿಲ್‌ ಉಳ್ಳ ಈ ಕುಂಡ್‌ಲ್‌ ಚಾಡೀಂದ್‌ ಎಣ್ಣಿತ್‌ ಅಂವೊನ ಅಯಿಂಗಡಿಂಜ ಕಾಪಾಡ್‌ಚಿ.

ಆದ್ಯತ್‌ರ ಪುಸ್ತಕ 37:4

ಆಚೇಂಗಿ ಅಂವೊಂಡ ಅಣ್ಣತಮ್ಮಣಂಗಕ್‌ ಅಯಿಂಗಡ ಅಪ್ಪ ಅಯಿಂಗಕಿಂಜ ಅಂವೊನ ದುಂಬ ಪ್ರೀತಿಮಾಡಿಯಂಡುಂಡ್‍ೕಂದ್‌ ಗೊತ್ತಾಯಿತ್, ಯೋಸೇಫನ ದ್ವೇಶ ಮಾಡಿತ್, ಅಯಿಂಗಕ್‌ ಅಂವೊಂಡ ಕೂಡೆ ಸಮಾದಾನತ್‌ಲ್‌ ತಕ್ಕ್‌ ಪರಿಯುವಕ್‌ ಕಯಿಂಜ್‌ತ್‌ಲ್ಲೆ.

ಆದ್ಯತ್‌ರ ಪುಸ್ತಕ 4:8

ಇಕ್ಕ ಕಾಯಿನ ತಾಂಡ ತಮ್ಮಣನಾನ ಹೇಬೆಲಂಗ್, ಬೇಲ್‌ಕ್‌ ಪೋಕನ ಬಾಂದ್‌ ಕಾಕ್‌ಚಿ. ಬೇಲ್‌ಕ್‌ ಪೋನ ಪಿಂಞ ಕಾಯಿನ ತಾಂಡ ತಮ್ಮಣಂಡ ಮೇಲೆ ಚೆಡಿಲ್‌ ಜಗಳ ಮಾಡಿತ್‌ ಹೇಬೆಲನ ಕೊಂದತ್.

ಜ್ಞಾನತ್‌ರ ಪಡಿಮ 10:12

ದ್ವೇಷ ವಿರೋದತ್‌ನ ಉಂಟ್‌ಮಾಡುವ. ಆಚೇಂಗಿ ಪ್ರೀತಿ ಎಲ್ಲಾ ಪಾಪತ್‌ನ ಮನ್ನಿಚಿಡುವ.

ಜ್ಞಾನತ್‌ರ ಪಡಿಮ 10:18

ದ್ವೇಷತ್‌ನ ಒಳ್‌ಪ್‌ಚಿಡ್‌ವಂವೊ ಪೊಟ್ಟ್‌ಮಾರಿ. ಕುತ್ತ ಪರಂದಂಡ್‌ ನಡಪ್ಪಂವೊ ಮೂಡ.

ಜ್ಞಾನತ್‌ರ ಪಡಿಮ 14:17

ಮುಂಜೆಡಿ ಉಳ್ಳಂವೊ ದಡ್ಡ ಕಾರ್ಯತ್‌ನ ಮಾಡುವ. ಕ್‍ೕಡ್‌ನ ಗೇನ ಮಾಡ್‌ವಂವೊನ ದ್ವೇಷ ಮಾಡುವ.

ಜ್ಞಾನತ್‌ರ ಪಡಿಮ 18:8

ಒಬ್ಬಂಡ ಮೇಲೆ ಎಣ್ಣುವ ಕುತ್ತತ್‌ನ ಕ್‍ೕಪಕ, ಅದ್‌ ರಸವುಳ್ಳ ಊಟತ್‌ರನಕೆ ಇಪ್ಪ. ಅದ್‌ ಮನಸ್ಸ್‌ರ ಆಳತ್‌ ಬೇರೂರಿತ್‌ ಪೋಪ.

ಜ್ಞಾನತ್‌ರ ಪಡಿಮ 19:12

ರಾಜಂಡ ಚೆಡಿ ಸಿಂಹ ಕೂತ್‌ಡ್‌ವನೆಕೆ ಇಪ್ಪ. ಆಚೇಂಗಿ ಅಂವೊಂಡ ದಯೆ ಪಿಲ್ಲ್‌ರ ಮೇಲೆ ಪೊಯ್ಯುವ ಮಂಜಿ ತುಳಿರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 25:23

ಬಡಕ್‌ ದಿಕ್ಕ್‌ಯಿಂಜ ಬಪ್ಪ ಗಾಳಿ ಮಳೆನ, ಚಾಡಿ ಎಣ್ಣುವ ನಾವ್‌ ಚೆಡಿನ ಬಪ್ಪ್‌ಚಿಡುವ.

ಜ್ಞಾನತ್‌ರ ಪಡಿಮ 26:20

ಪುಳ್ಳಿಯಿಲ್ಲತೆ ತಿತ್ತ್‌ ಆರಿ ಪೋಪ. ಅನ್ನನೆ ಚಾಡಿ ಎಣ್ಣ್‌ವಂವೊ ಇಲ್ಲತೆ ಜಗಳ ನಿಂದ್‌ ಪೋಪ.

ಜ್ಞಾನತ್‌ರ ಪಡಿಮ 29:22

ಮುಂಜೆಡಿ ಉಳ್ಳಂವೊ ಜಗಳತ್‌ನ ಉಂಟ್‌ಮಾಡುವ. ದುಂಬ ಚೆಡಿ ಉಳ್ಳಂವೊ ದುಂಬ ಪಾಪ ಮಾಡುವ.

ಜ್ಞಾನತ್‌ರ ಪಡಿಮ 29:9

ಜ್ಞಾನಿಯಾನಂವೊ ಮೂಡಂಡ ಕೂಡೆ ವಾದ ಮಾಡ್‌ವಕ, ಕೂತ್‌ಟ್ಟತೇಂಗಿಯು, ತೆಳಿಚೆತೇಂಗಿಯು ಅಂವೊಂಗ್‌ ಸಮಾದಾನಯಿಲ್ಲೆ.

ಜ್ಞಾನತ್‌ರ ಪಡಿಮ 6:19

ಪೊಟ್ಟ್‌ನೇ ಪರಿಯುವ ಪೊಟ್ಟ್‌ ಸಾಕ್ಷಿ ಪಿಂಞ ಅಣ್ಣತಮ್ಮಣಂಗಡ ಮದ್ಯತ್‌ ಜಗಳ ಬಿತ್ತ್‌ವದ್‌ ಎಣ್ಣುವದೇ.

ಅಪೊಸ್ತಲ 21:30

ಅಕ್ಕ ಪಟ್ಟಣತ್‍ಲ್ ಬಲ್ಯ ಗಲಾಟೆ ಆಚೀಂದ್ ಪಟ್ಟಣತ್‍ಲ್ ಇಂಜ ಜನಕೆಲ್ಲ ಗೊತ್ತಾಯಿತ್ ಓಡಿ ಬಂತ್ ಕೂಡ್‍ಚಿ. ಪಿಂಞ ಪೌಲನ ಪುಡ್‌ಚಿತ್ ದೇವಾಲಯತ್‍ರ ಪೊರಮೆ ಬಲ್‍ಚಂಡ್ ಬಾತ್. ಅಕ್ಕಣೆಕ್ ದೇವಾಲಯತ್‍ರ ಪಡಿನ ಅಯಿಂಗ ಮುಚ್ಚಿರ್‌ತ್.

ರೋಮ್ 3:14

ಅಯಿಂಗಡ ಬಾಯಿ, ಕೆಟ್ಟ ತಕ್ಕ್ ಪಿಂಞ ಶಾಪ ದುಂಬಿತ್ ಉಂಡ್.

1 ಕೊರಿಂಥ 14:20

ನಾಡ, ಅಣ್ಣತಮ್ಮಣಂಗಳೇ, ದೇವಡ ಆತ್ಮ ತಪ್ಪ ವರತ್‍ರ ವಿಷಯತ್‍ಲ್ ಚೆರಿಯ ಮಕ್ಕಡನೆಕೆ ನಿಂಗ ಗೇನ ಮಾಡತಿ, ಕೆಟ್ಟ ವಿಷಯತ್‍ಲ್ ನಿಂಗ ಚೆರಿಯ ಮಕ್ಕಡನೆಕೆ ಗೇನ ಮಾಡಂಡು, ಆಚೇಂಗಿ ಈ ವಿಷಯತ್‍ಲ್ ಬಲ್ಯಂಗಡನೆಕೆ ನಿಂಗ ಗೇನ ಮಾಡಂಡು.

1 ಕೊರಿಂಥ 5:8

ಆನಗುಂಡ್, ಈಸ್ಟ್‌ರಗುಂಡ್ ಮಾಡ್‍ನ ಪಳೆಯ ಒಟ್ಟಿರನೆಕೆ ಉಳ್ಳ ಮೋಸ ಪಿಂಞ ದುಷ್ಟತನತ್‍ನ ಬೆಚ್ಚಂಡ್ ಅಲ್ಲ, ಆಚೇಂಗಿ ಪವಿತ್ರ ಪಿಂಞ ಸತ್ಯ ಎಣ್ಣುವ ಪುಳಿಯಿಲ್ಲತ ಒಟ್ಟಿ ತಿಂಬನೆಕೆ ನಮ್ಮೆನ ಕೊಂಡಾಡನ.

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.

ಗಲಾತ್ಯ 5:20

ವಿಗ್ರಹ ಆರಾದನೆ, ಮಾಟ, ವಿರೋದ, ಪಗೆ, ವೈರಾಗ್ಯ, ಚೆಡಿ, ಬಡಾಯಿ, ವಿಂಗಡ, ಗುಂಪ್ ಮಾಡ್‍ವದ್, ಬೋರೆ ಬೋರೆ ಮಾಡ್‍ವದ್,

ಎಫೆಸ 4:22

ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

ಎಫೆಸ 4:25

ಪಿಂಞ, ನಂಗ ಒಬ್ಬೊಬ್ಬಂಗಳು ಒರೇ ತಡೀರ ಬಾಗವಾಯಿತ್ ಉಳ್ಳಾಂಗ್, ಪೊಟ್ಟ್ ಪರಿವಾನ ಬುಟ್ಟಿತ್, ಒಬ್ಬೊಬ್ಬಂಡ ಕೂಡೆ ಸತ್ಯ ಪರಿಯುವಯಿಂಗಳಾಯಿತ್ ಇರಿ.

ಎಫೆಸ 4:26

ನಿಂಗಕ್ ಚೆಡಿ ಬಾತೇಂಗಿಯು, ಪಾಪ ಮಾಡತೆ ಇರಿ; ಸೂರ್ಯ ಮುಳುವಕ್ ಮಿಂಞಲೇ ನಿಂಗಡ ಚೆಡಿ ತಣ್ಂಜ್ ಪೋಡ್.

ಕೊಲೊಸ್ಸೆ 3:19

ವಡಿಯಂಗಳೇ, ನಿಂಗ ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು, ಅಯಿಂಗಡ ಮೇಲೆ ಕಯಿಪ್‌ಲ್ ಇಪ್ಪಕ್ಕಾಗ.

ಕೊಲೊಸ್ಸೆ 3:8

ಆಚೇಂಗಿ, ಇಕ್ಕ ನಿಂಗ ಇದ್‍ನೆಲ್ಲಾ ಬುಡಂಡು. ಅದಲ್ಲತೆ, ಚೆಡಿ, ಬಲ್ಯ ಚೆಡಿ, ಕೆಟ್ಟದ್ ಪರಿಯುವ ಗುಣ, ನಿಂಗಡ ಬಾಯಿಂಜ ಬಪ್ಪ ಅಶುದ್ದ ತಕ್ಕ್, ಇದ್‍ನೆಲ್ಲಾ ಬುಡಂಡು.

1 ತಿಮೊಥೆಯ 3:11

ಅನ್ನನೆ ಅಯಿಂಗಡ ಪೊಣ್ಣಾಳ್‍ವಳೂ ಮರ್ಯಾದಸ್ತಂಗಳಾಯಿತ್, ಕುತ್ತ ಪರಿಯತಯಿಂಗಳಾಯಿತ್, ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಅಯಿಂಗ ಮಾಡ್‌ವ ಎಲ್ಲಾ ಕಾರ್ಯತ್‍ಲ್ ನಂಬಿಕಸ್ತಯಿಂಗಳಾಯಿತ್ ಇರಂಡು.

1 ತಿಮೊಥೆಯ 3:3

ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು.

1 ತಿಮೊಥೆಯ 5:13

ಅದೂ ಅಲ್ಲತೆ ಅಯಿಂಗ ಸೋಮಾರಿಯಾಯಿತ್, ಮನೆಮನೆಕ್ ಸುತ್ತಿಯಂಡಿಪ್ಪ. ಸೋಮಾರಿಯಾಯಿತ್ ಮಾತ್ರ ಅಲ್ಲತೆ, ಬೋರೆಯಿಂಗಡ ಕೆಲಸತ್‍ಲ್ ಬಂತ್, ಎಣ್ಣುವಕ್ಕಾಗಾಂತ ವಿಷಯತ್‍ನ ಪರ್‌ದಂಡ್, ಹರಟೆ ಪೊಯ್ಯುವ.

2 ತಿಮೊಥೆಯ 2:23

ಮೂಡ ತಕ್ಕ್ ಪಿಂಞ ಪ್ರಯೋಜನ ಇಲ್ಲತ ಚರ್ಚೆ, ಬರಿ ಜಗಳಕ್ ಬಟ್ಟೆ ಕೊಡ್‍ಪಾಂದ್ ಗೊತ್ತಾನಗುಂಡ್, ಅದ್‍ಂಜ ನೀನ್ ದೂರ ಇರ್.

2 ತಿಮೊಥೆಯ 3:3

ಪ್ರೀತಿ ಇಲ್ಲತಯಿಂಗಳಾಯಿತ್, ಮನ್ನಿಚಿಡತಯಿಂಗಳಾಯಿತ್, ಚಾಡಿ ಎಣ್ಣ್‌ವಯಿಂಗಳಾಯಿತ್, ತನ್ನಡಕ್ಕ ಇಲ್ಲತಯಿಂಗಳಾಯಿತ್, ಕ್ರೂರಿಯಂಗಳಾಯಿತ್, ನಲ್ಲದ್‍ನ ವಿರೋದಿಚಿಡುವಯಿಂಗಳಾಯಿತ್,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:7

ಸಬೆರ ಪೆರಿಯಯಿಂಗ ದೇವಡ ಮಕ್ಕಳ ಚಾಯಿತೆ ನಡ್‍ತಿಯಂಡ್ ಪೋಪ ಜವಾಬ್ದಾರಿ ಉಳ್ಳಂವೊನಾಯಿತ್ ಇಪ್ಪ. ಆನಗುಂಡ್, ದಾರೂ ಕುತ್ತ ಪರಿಯುವಕ್ ಕಯ್ಯತನೆಕೆ ಅಂವೊಂಡ ಬದ್‍ಕ್ ಇರಂಡು. ಅಂವೊಂಡ ಕುಶೀರನೆಕೆ ಮಾಡ್‍ವಂವೊನಾಯಿತು, ಬೆರಿಯ ಚೆಡಿ ಬಪ್ಪಂವೊನಾಯಿತು, ಕುಡಿಪಂವೊನಾಯಿತು, ಜಗಳ ಮಾಡ್‌ವಕ್ ಕುಶಿಯುಳ್ಳಂವೊನಾಯಿತು, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತು ಇಪ್ಪಕ್ಕಾಗ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:3

ಅನ್ನನೆ ವಯಸ್ಸಾನ ಪೊಣ್ಣಾಳ್‍ವಳು, ದೇವಡ ಮೇಲೆ ಪ್ರೀತಿ ಉಳ್ಳಯಿಂಗ ನಡ್‍ಪನೆಕೆ ನಡ್‌ಕಂಡು. ಕುತ್ತ ಪರಿಯತಯಿಂಗಳಾಯಿತ್, ಕಳ್ಳ್ ಕುಡಿಚಂಡ್ ಇಪ್ಪಕ್ಕಾಗ. ಏದ್ ನಲ್ಲದೋ, ಅದ್‍ನ ಅಯಿಂಗ ಬೋರೆಯಿಂಗಕ್ ಪಡಿಪ್‍ಚಿಡಂಡು.

ಯಾಕೋಬ 1:19

ನಾಡ ಅಣ್ಣತಮ್ಮಣಂಗಳೇ! ಎಲ್ಲಾರು ಕ್‍ೕಪಕ್ ಚುರ್‌ಕಾಯಿತು, ತಕ್ಕ್ ಪರಿಯುವಕ್ ನಿದಾನವಾಯಿತು, ಚೆಡಿ ಮಾಡ್‌ವಕ್ ತಾಳ್ಮೆಯಾಯಿತು ಇಕ್ಕಂಡು.

ಯಾಕೋಬ 3:14

ಆಚೇಂಗಿ ನಿಂಗಡ ಹೃದಯತ್‍ಲ್ ನಿಂಗ ಕೆಟ್ಟದ್ ಮಾಡಂಡೂಂದ್ ಗೇನ ಮಾಡಿಯಂಡ್ ಒಟ್ಟೆಕಿಚ್ಚ್‌ಪಟ್ಟಂಡ್, ನಿಂಗ ಬುದ್ದಿವಂತಂಗಾಂದ್ ಕಳಿಕತಿ, ಅದ್ ಎಲ್ಲಾಕಿಂಜಿ ಬಲ್ಯ ಪೊಟ್ಟ್.

ಯಾಕೋಬ 4:11

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಬ್ಬಂಗೊಬ್ಬ ವಿರೋದವಾಯಿತ್ ಕೆಟ್ಟದ್ ಪರಿಯತಿ; ನಿಂಗ ಒಬ್ಬಂಗೊಬ್ಬ ತಪ್ಪ್ ಪರ್ಂದಿತ್, ದೂಷಣೆ ಮಾಡ್‍ಚೇಂಗಿ, ಅಕ್ಕ ನಿಂಗ ನ್ಯಾಯಪ್ರಮಾಣತ್‍ಲ್ ತಪ್ಪ್ ಕಂಡ್‍ಪುಡ್‌ಚಿತ್ ದೂಷಣೆ ಮಾಡ್‍ನನೆಕೆ; ನ್ಯಾಯಪ್ರಮಾಣ ಸರಿ ತಪ್ಪ್‍ೕಂದ್ ನಿಂಗ ತೀರ್ಪ್ ಕೊಡ್‍ಪಕ್ಕಾಗ, ಅದ್‍ನ ಕ್‍ೕಟಿತ್ ನಡ್‍ಪದೇ ನಿಂಗಡ ಕೆಲಸ.

1 ಪೇತ್ರ 2:1

ಆನಗುಂಡ್, ಬೋರೆಯಿಂಗಳ ಕಷ್ಟಪಡ್‌ತ್‌ವದ್‍ಲ್ ಕುಶಿ ಪಡುವ ಎಲ್ಲಾ ಗುಣತ್‍ನ, ವಂಚನೆ ಮಾಡ್‌ವ ಗುಣತ್‍ನ, ಎಲ್ಲಾ ಕಪಟಿಯಾನ ಗುಣತ್‍ನ, ಹೊಟ್ಟೆಕಿಚ್ಚ್‌ನ, ಕುತ್ತಪರಿಯುವಾನೆಲ್ಲಾನ ನಿಂಗಡಲ್ಲಿಂಜ ಚಾಡಿ ಕಳೆಯುವಿರ.

1 ಯೋಹಾನ 3:12

ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.

1 ಯೋಹಾನ 3:15

ದಾರ್ ಒಬ್ಬ ತಾಂಡ ಅಣ್ಣತಮ್ಮಣಂಗಳ ದ್ವೇಶ ಮಾಡ್‌ವ ಅಂವೊ ಕೊಲೆಗಾರನೆಕೆ. ಏದ್ ಕೊಲೆಗಾರಂಡಲ್ಲಿಯು ನಿತ್ಯ ಜೀವ ಇಪ್ಪುಲೇಂದ್ ನಿಂಗಕ್ ಗೊತ್ತುಂಡ್.

ಪ್ರಕಟನೆ 12:10

ಅಕ್ಕ, ಪರಲೋಕತ್‍ಲ್ ಒರ್ ಬಲ್ಯ ವಾಣಿ ಕ್‍ೕಟತ್: ಇಕ್ಕ, ರಕ್ಷಣೆಯು, ಶಕ್ತಿಯು, ನಂಗಡ ದೇವಡ ರಾಜ್ಯವು, ಅಂವೊಂಡ ಕ್ರಿಸ್ತಂಡ ಅದಿಕಾರವು ಬಂದಿತುಂಡ್; ಬಯಿಟ್ ಪೋಲ್ ನಂಗಡ ದೇವಡ ಮಿಂಞತ್, ನಂಗಡ ಅಣ್ಣತಮ್ಮಣಂಗಡ ಮೇಲೆ ಕುತ್ತ ಪರ್ಂದಂಡ್ ಇಂಜ ಅಂವೊ, ಅಡಿಕ್ ಬೂವನೆಕೆ ಮಾಡಿರ್‌ತ್.