ಎಫೆಸ 4:30 - ಕೊಡವ ಬೈಬಲ್

³⁰ ವಿಮೋಚನ ಕ್‍ಟ್ಟ್‌ವ ನಾಳ್‍ಕಾಯಿತ್, ನಿಂಗಕ್ ಮುದ್ರೆ ಇಟ್ಟಿತ್ತುಳ್ಳ ದೇವಡ ಪವಿತ್ರಾತ್ಮನ ದುಃಖಪಡ್‌ತತಿ.

ಎಫೆಸ 4:30 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 6:3

ಅಕ್ಕ ಯೆಹೋವ: ನಾಡ ಆತ್ಮ ಮನುಷ್ಯಂಗಡಗುಂಡ್‌ ಕಾಲಕಾಲಕು ಪೊರುಮೆಯಾಯಿತ್‌ ಇಪ್ಪುಲೆ, ಅಂವೊ ನಾಶ ಆಯಿಪೋಪ ಜೀವ ತಾನೇ, ಅಂವೊಂಡ ಬದ್‌ಕ್‌ ನೂಟ್ಯ ಇರ್ವದ್‌ ಕಾಲ ಇರಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 6:6

ಯೆಹೋವ ಮನುಷ್ಯನ ಬೂಮಿರ ಮೇಲೆ ಸೃಷ್ಟಿ ಮಾಡ್‌ನಂಗಾಯಿತ್‌ ಅಂವೊಂಡ ಮನಸ್ಸ್‌ ದುಂಬ ನೊಂದತ್.

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:28

ಇದೆಲ್ಲ ಆಪದ್‍ನ ನಿಂಗ ಕಾಂಬಕ, ಎದ್ದ್ ನಿಂದಿತ್ ಮಂಡೆನ ಕೊಡಿಕ್ ಮಾಡಿತ್ ನಿಲ್ಲಿ, ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಬುಡ್‍ಗಡೆ ದಿವಸ ಪಕ್ಕ ಬಾತ್‍ೕಂದ್ ಗೊತ್ತ್ ಮಾಡಿಯೊಳಿ.

ಯೋಹಾನ 3:33

ಅಂವೊಂಡ ಸಾಕ್ಷಿನ ತಕ್ಕಾರ ಮಾಡ್‌ವಂವೊ, ದೇವ ಎಣ್ಣ್‌ನದ್ ಸತ್ಯಾಂದ್ ಉಳ್ಳ ವಿಷಯತ್‍ನ ಮುದ್ರೆ ಇಟ್ಟಿತ್ ದೃಡಪಡ್‌ತಿಯಂಡುಂಡ್.

ಅಪೊಸ್ತಲ 7:51

ಹಟಮಾರಿ ಜನಳೇ, ನಿಂಗಡ ಹೃದಯ ಎಚ್ಚಕ್ ಕಲ್ಲಾಯಿತಿಕ್ಕು! ದೇವಡ ತಕ್ಕ್‌ಕ್ ನಿಂಗ ಎಚ್ಚಕ್ ಕಿವ್‌ಡಂಗಳಾಯಿತ್ ಉಳ್ಳಿರ! ನಿಂಗಳು ನಿಂಗಡ ಅಜ್ಜಂಗಡನೆಕೆ ಪವಿತ್ರಾತ್ಮಂಗ್ ವಿರೋದವಾಯಿತ್ ಜಗಳ ಮಾಡಿಯಂಡುಳ್ಳಿರ.

ರೋಮ್ 8:11

ಅದಲ್ಲತೆ, ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊಂಡ ಆತ್ಮ ನಿಂಗಡ ಒಳ್‍ಲ್ ವಾಸಮಾಡಿಯಂಡಿಂಜತೇಂಗಿ, ಕ್ರಿಸ್ತ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಿಂಗಡಲ್ಲಿ ವಾಸ ಮಾಡಿಯಂಡುಳ್ಳ ತಾಂಡ ಆತ್ಮತ್‍ರಗುಂಡ್ ಚತ್ತ್ ಪೋಪಕುಳ್ಳ ನಿಂಗಡ ತಡೀನ ಸಹ ಎಪ್ಪ್‌ಚಿಡುವ.

ರೋಮ್ 8:23

ಅದ್ ಮಾತ್ರ ಅಲ್ಲತೆ, ಪವಿತ್ರಾತ್ಮತ್‍ರ ಆದ್ಯ ಫಲ ಕ್‍ಟ್ಟ್‌ನ ನಂಗ ಸಹ, ನಂಗಡ ತಡೀರ ವಿಮೋಚನವಾನ ಮಕ್ಕಡ ಹಕ್ಕ್ ಬಪ್ಪಕಾಯಿತ್ ನಂಗಡ ಒಳ್‍ಲ್ ನೆರೆಂಗಿಯಂಡುಂಡ್.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 15:54

ಮಣ್ಣ್‌ಕ್ ಬುದ್ದಿತ್ ಪಾಳಾಯಿಪೋಪಕಿಂಜ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಯಿಂಗಡ ತಡಿ ಎಕ್ಕಾಲು ಚಾವ್ ಇಲ್ಲತ ತಡಿಕ್ ಬದ್‍ಲಾಪಕ, ಚಾವ್ ಒಮ್ಮಕೆ ಪಾಳಾಯಿ ಪೋಚಿ, ಜಯ ಬಾತ್ ಎಣ್ಣುವ ದೇವಡ ವಾಕ್ಯ ಪೂರ್ತಿಯಾಪ.

1 ಥೆಸಲೊನೀಕ 5:19

ಪವಿತ್ರಾತ್ಮತ್‍ರ ಕ್ರಿಯೇನ ಪುಡ್‌ಚಿತ್ ಬೆಪ್ಪಕ್ಕಾಗ.

ಇಬ್ರಿಯ 10:29

ದೇವಡ ಮೋಂವೊನ ತಾಂಡ ಕಾಲ್‍ರ ಅಡಿಕ್ ಇಟ್ಟಿತ್ ಬೋಂಡಾಂದ್ ಎಣ್ಣಿತ್, ತನ್ನ ಪವಿತ್ರ ಮಾಡ್‍ನ ಒಪ್ಪಂದತ್‍ರ ಚೋರೆನ ಅಶುದ್ದಾಂದ್ ಗೇನ ಮಾಡಿತ್, ಕೃಪೇರ ಆತ್ಮತ್‌ನ ತ್‍ಕ್ಕಾರ ಮಾಡ್‌ವಂವೊ ಎಚ್ಚಕ್ ಬಲ್ಯ ದಂಡನೆಕ್ ಯೋಗ್ಯನಾಯಿತ್‌ಪ್ಪಾಂದ್ ಗೇನ ಮಾಡಿಯೊಳಿ.

ಇಬ್ರಿಯ 3:10

ಆನಗುಂಡ್, ಆ ಸಂತಾನಕಾರಂಗಡ ಮೇಲೆ ನಾಕ್ ದುಂಬ ಚೆಡಿ ಆಯಿತ್, ಅಯಿಂಗಡ ಹೃದಯ ಎಕ್ಕಾಲು ನನ್ನ ಬುಟ್ಟಿತ್ ಪೋಪ, ನಾಡ ಬಟ್ಟೆ ಅಯಿಂಗಕ್ ಗೊತ್ತ್‌ಲ್ಲೇಂದ್ ಎಣ್ಣಿತ್,

ಇಬ್ರಿಯ 3:17

ಅಲ್ಲತೆ, ದಾಡ ಕೂಡೆ ದೇವ ನಾಪದ್ ಕಾಲ ಚೆಡಿಲ್ ಇಂಜತ್? ಪಾಪ ಮಾಡ್‍ನಯಿಂಗಡ ಕೂಡೆ ತಾನೇ? ಅಯಿಂಗಡ ಚಾವ್ ತಡಿ ಮಣಬೂಮಿಲ್ ಬುದ್ದ್ ಪೋಚಲ್ಲಾ?