ಎಫೆಸ 4:28 - ಕೊಡವ ಬೈಬಲ್

²⁸ ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.

ಎಫೆಸ 4:28 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:11

ಬಿಟ್ಟಿಲ್‌ ಕ್‌ಟ್ಟ್‌ನ ಐಶ್ವರ್ಯ ಬೆರಿಯ ಕಾಂಗತೆ ಆಯಿಪೋಪ. ಆಚೇಂಗಿ ಕಷ್ಟಪಟ್ಟಿತ್‌ ಕೂಟಿ ಬೆಪ್ಪಂವೊ ಅಬಿವೃದ್ದಿ ಆಯಂಡೇ ಪೋಪ.

ಜ್ಞಾನತ್‌ರ ಪಡಿಮ 14:23

ಕಷ್ಟಪಟ್ಟಿತ್‌ ನಯಿಚತೇಂಗಿ ಲಾಬ ಉಂಡ್; ಬರೀ ತಕ್ಕ್‌ ಪರ್‌ಂದಂಡ್‌ ಉಂಡೇಂಗಿ ಬಡತನ ಬಪ್ಪ.

ಜ್ಞಾನತ್‌ರ ಪಡಿಮ 21:26

ಅಂವೊ ದಿವಸಯೆಲ್ಲಾ ಕುಶಿಲ್‌ ಆಸೆಪಟ್ಟಂಡೇ ಉಂಡ್. ಆಚೇಂಗಿ ನೀತಿವಂತ ತಾಂಗಾಯಿತ್‌ ಬೆಕ್ಕತೆ ಉದಾರವಾಯಿತ್‌ ಕೊಡ್‌ಪ.

ಜ್ಞಾನತ್‌ರ ಪಡಿಮ 28:13

ತಾಂಡ ಪಾಪತ್‌ನ ಮುಚ್ಚ್‌ವಂವೊ ಚಾಯಾಪುಲೆ. ಆಚೇಂಗಿ ತಾಂಡ ಪಾಪತ್‌ನ ಅರಿಕೆ ಮಾಡಿತ್‌ ಅದ್‌ನ ಬುಡುವಂವೊಂಗ್‌ ಕರುಣೆ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 30:9

ಇಲ್ಲತಪೋಚೇಂಗಿ, ನಾಕ್‍ ಜಾಸ್ತಿ ಕ್‍ಟ್ಟಿತ್: ಯೆಹೋವ ದಾರ್‍ೕಂದ್‌ ನಿನ್ನ ತ್‌ಕ್ಕಾರ ಮಾಡುವಿ, ಗರೀಬನಾಚೇಂಗಿ ನಾನ್‌ ಕದ್ದಿತ್‌ ನಾಡ ದೇವನಾನ ನೀಡ ಪೆದಕ್‌ ಅವಮಾನ ಕೊಂಡಬಪ್ಪಿ.

ಜ್ಞಾನತ್‌ರ ಪಡಿಮ 31:20

ಅವ ಗರೀಬಂಗ್‌ಕ್ ತಾಂಡ ಕೈಯಿನ ತೊರ್‌ಂದಿತ್, ಕಷ್ಟತ್‌ಲ್‌ ಉಳ್ಳಯಿಂಗಕ್‌ ತಾಂಡ ಕೈಯಿನ ನ್‍ೕಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:8

ಜಕ್ಕಾಯಂಡ ಮನೆಲ್ ಯೇಸು ಇಪ್ಪಕ ಅಂವೊ ಎದ್ದ್ ನಿಪ್ಪಂಜಿ: ಒಡೆಯ, ಇಕ್ಕ ನಾನ್ ನಾಡ ಆಸ್ತಿಲ್ ಪಾದಿನ ಗರೀಬಂಗಕ್ ಕೊಡ್‍ಪಿ, ನಾನ್ ದಾರ್‌ಕೇಂಗಿ ಮೋಸ ಮಾಡಿತುಂಡೇಂಗಿ ಅದ್‍ನ ನಾಲ್ ಪಾಲಾಯಿತ್ ಅಯಿಂಗಕ್ ಕೊಡ್‌ಪೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:8

ಆಚೇಂಗಿ ನಿಂಗ ನೇರಾಯಿತ್ ಪಶ್ಚಾತಾಪ ಪಟ್ಟಿತ್ ಬದ್‍ಲಾಯಿತ್ ಉಳ್ಳಿರಾಂದ್, ನಿಂಗಡ ಬದ್‍ಕ್‍ಲ್ ಪಿಂಞ ಕ್ರಿಯೇಲ್ ಕಾಟಿ; ಅಬ್ರಹಾಮ ನಂಗಡ ಅಪ್ಪಾಂದ್ ನಿಂಗ ಎಣ್ಣುವಕ್ ಸುರು ಮಾಡತಿ; ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 12:6

ಅಂವೊ, ನೇರಾಯಿತು ಗರೀಬಂಗಡ ಮೇಲೆ ಕನಿಕರ ಇಂಜಗುಂಡ್ ಅನ್ನನೆ ಎಣ್ಣಿತ್‌ಲ್ಲೆ. ಅಂವೊ ಕಳ್ಳನಾಯಿತ್ ಇಂಜತ್. ದುಡ್ಡ್‌ರ ಚೀಲ ಅಂವೊಂಡ ಪಕ್ಕ ಇಂಜತ್, ಅಲ್ಲಿಂಜ ಅಂವೊ ಎಡ್‍ಪಕಿಂಜತ್.

ಯೋಹಾನ 13:29

ಯೂದಂಡ ಕೈಯಿಲ್ ಪಣತ್‍ರ ಚೀಲ ಇಂಜಗುಂಡ್, ಅಂವೊ ಪೋಯಿತ್ ನಮ್ಮೆಕ್ ಎಂತಾಚು ಎಡ್‍ತಂಡ್ ಬಪ್ಪಕಾಯಿತ್, ಇಲ್ಲೇಂಗಿ, ಗರೀಬಂಗಕ್ ಎಂತಾಚು ಕೊಡ್‍ಪಕ್ ಯೇಸು ಪರ್ಂದಿತ್ ಇಕ್ಕೂಂದ್ ಯೇಸುರ ಶಿಷ್ಯಂಗ ಗೇನ ಮಾಡ್‍ಚಿ.

ರೋಮ್ 12:13

ದೇವಡ ಮಕ್ಕಡ ಕಷ್ಟತ್‍ಲ್ ಅಯಿಂಗಕ್ ಬೋಂಡಿಯಾನದ್‍ನ ಮಾಡಿ, ನಿಂಗಡ ಪಕ್ಕ ಬಪ್ಪಯಿಂಗಳ ಚಾಯಿ ನೋಟಿಯೊಳಿ.

1 ಕೊರಿಂಥ 4:12

ನಂಗ ನಂಗಡ ಕೈಯಿಂಜ ಕಷ್ಟಪಟ್ಟಿತ್ ಕೆಲಸ ಮಾಡ್‌ವ. ನಂಗಳ ದಾರ್ ಅವಮಾನ ಮಾಡ್‍ಚೇಂಗಿಯು ನಂಗ ಅಯಿಂಗಳ ಆಶೀರ್ವಾದ ಮಾಡ್‌ವ. ನಂಗಳ ಹಿಂಸೆ ಮಾಡ್‌ವಯಿಂಗಡ ಮೇಲೆ ನಂಗ ತಾಳ್ಮೆನ ಕಾಟುವ.

2 ಕೊರಿಂಥ 8:12

ಒಬ್ಬಂಗ್ ಮನಸ್ಸ್ ಇಂಜತೇಂಗಿ, ಅಂವೊಂಗ್ ಇಲ್ಲತ ಅಳ್‌ತೆರಚ್ಚಕ್ ಅಲ್ಲ, ಅಂವೊಂಗ್ ಉಳ್ಳಚ್ಚಕ್ ಕೊಡ್‍ತತೇಂಗಿ ಅದ್ಂಗ್ ಅಂಗಿಕಾರ ಕ್‍ಟ್ಟುವ.

2 ಕೊರಿಂಥ 8:2

ಅಯಿಂಗ ದುಂಬ ಹಿಂಸೇಲ್ ಪರೀಕ್ಷೆ ಪಟ್ಟಂಡಿಪ್ಪಕ, ಅಯಿಂಗ ದುಂಬ ಗರಿಬಂಗಳಾಯಿತ್ ಇಂಜತೇಂಗಿಯು, ಅಯಿಂಗಡ ತ್‍ೕರ ಕುಶೀಲ್ ದುಂಬ ದಾರಾಳವಾಯಿತ್ ಕೊಡ್‍ತತ್.

ಗಲಾತ್ಯ 6:10

ಅನ್ನನೆ ನಂಗಕ್ ಅವಕಾಶ ಕ್‍ಟ್ಟ್‌ನನೆಕೆ, ಎಕ್ಕಾಲು ನಲ್ಲದ್ ಮಾಡಂಡು. ಮುಕ್ಯವಾಯಿತ್ ಕ್ರಿಸ್ತನ ನಂಬ್‍ನ ದೇವಡ ಕುಟುಂಬಕ್ ಕೂಡ್‍ನಯಿಂಗಕ್ ಸಹಾಯ ಮಾಡಂಡು.

1 ತಿಮೊಥೆಯ 6:18

ನಲ್ಲದ್ ಮಾಡ್‌ವದ್‍ಲ್, ಸಹಾಯ ಮಾಡ್‌ವದ್‍ಲ್ ಐಶ್ವರ್ಯವಂತಂಗಳಾಯಿತ್, ಉದಾರ ಮನಸ್ಸ್‌ಲ್ ಕೊಡ್‍ಪಯಿಂಗಳಾಯಿತ್, ಅಯಿಂಗಡದ್‍ನ ಕಷ್ಟತ್‍ಲ್ ಉಳ್ಳಯಿಂಗಕ್ ಕೊಡ್‍ಪಕ್ ಎಣ್ಣ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:14

ನಂಗಡ ಜನ, ನೇರಾಯಿತ್ ಕೊರತೆ ಉಳ್ಳಯಿಂಗಕ್ ಬೋಂಡಿಯಾನದ್‍ನ ಪೂರೈಚಿಡುವ ನಲ್ಲ ಕಾರ್ಯತ್‍ನ ಮಾಡ್‌ವಕ್ ಪಡಿಕಡ್. ಅಕ್ಕ ಅಯಿಂಗಡ ಬದ್‍ಕ್ ಪ್ರಯೋಜನ ಇಲ್ಲತೆ ಪೋಪುಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.