27 ಸೈತಾನಂಗ್ ಬಟ್ಟೆ ಕೊಡ್‌ಕತಿ.
ಅಕ್ಕ ಪೇತ್ರ ಅನನೀಯನ ನೋಟಿತ್: ಅನನೀಯನೇ, ನೀಡ ಜಾಗ ಮಾರ್‌ನ ಪಣತ್‌ಲ್ ಒರು ಪಾಲ್‍ನ ನೀಕ್ ಬೆಚ್ಚಂಡ್, ಪವಿತ್ರಾತ್ಮತ್‍ರ ಪಕ್ಕ ಪೊಟ್ಟ್ ಪರಿಯುವನೆಕೆ, ಸೈತಾನ ನೀಡ ಹೃದಯತ್‍ನ ಪಾಳ್‍ಮ್‌ವಕ್ ಎನ್ನಂಗ್ ಬುಟ್ಟಿಯ?
ನಾಡ ಪ್ರೀತಿರ ಜನಳೇ, ಪಗೆ ತ್‍ೕಪದ್ ನಾಡ ಕೆಲಸ, ನಾನೇ ಪಗೆ ತ್‍ೕಪೀಂದ್ ಒಡೆಯ ಎಣ್ಣಿತುಂಡ್‍ೕಂದ್ ಒಳ್‍ದಿತುಳ್ಳಾಂಗ್, ನಿಂಗ ದಾರ್‌ಕು ಪಗೇನ ತ್‍ೕಕತೆ, ದೇವಡ ಬಲ್ಯ ಚೆಡಿಕ್ ಬುಟ್ಟ್ ಕೊಡಿ.
ನಿಂಗ ಸೈತಾನಂಡ ತಂತ್ರಕ್ ಎದ್‍ರ್ ನಿಪ್ಪಕ್ ಶಕ್ತಿ ಉಳ್ಳಯಿಂಗಳಾಯಿತ್ ಇಪ್ಪಕ್ ದೇವಡ ಸರ್ವ ಆಯುದತ್‍ನ ಇಟ್ಟೊಳಿ.
ಎಲ್ಲಾಕಿಂಜ ಬಲ್ಯದಾಯಿತ್, ವಿರೋದಿಯಾನ ಸೈತಾನ ಕೆಣಿಪ ತಿತ್ತ್‌ರ ಅಂಬ್‍ನ ತಡ್‍ಪಕ್ ನಂಬಿಕೆ ಎಣ್ಣುವ ಪಡೆತಟ್ಟೆನ ಪುಡ್‌ಚಯಿಂಗಳಾಯಿತ್ ಇರಿ.
ಆನಗುಂಡ್ ನಿಂಗ ನಿಂಗಳ ದೇವಕ್ ಅರ್ಪಿಚಿಡಿ, ಸೈತಾನಂಗ್ ಎದ್‍ರ್ ನಿಲ್ಲಿ. ಅನ್ನನೆ ಮಾಡ್‍ಚೇಂಗಿ ಸೈತಾನ ನಿಂಗಳ ಬುಟ್ಟಿತ್ ಓಡಿ ಪೋಯಿರ್‌ವ.
ತನ್ನಡಕ್ಕ ಉಳ್ಳಯಿಂಗಳಾಯಿತ್, ಎಚ್ಚರತ್ ಇಪ್ಪಯಿಂಗಳಾಯಿತ್ ಇರಿ. ನಿಂಗಡ ವಿರೋದಿಯಾನ ಸೈತಾನ, ಕೂತ್ ಕೊಡ್‍ಪ ಸಿಂಹತ್‍ರನೆಕೆ ದಾರ್‌ನ ಮುಗ್ಗಂಡೂಂದ್ ಸುತ್ತಿಯಂಡ್ ನೋಟಿಯಂಡುಂಡ್.
