ಎಫೆಸ 4:22 - ಕೊಡವ ಬೈಬಲ್

²² ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

ಎಫೆಸ 4:22 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:18

ಒರ್‌ ದುಷ್ಟಂಡ ಆದಾಯ ಮೋಸವಾಯಿತ್‌ಪ್ಪ. ಆಚೇಂಗಿ ನೀತಿನ ಬಿತ್ತ್‌ವಂವೊ ಯೋಗ್ಯವಾನ ಫಲತ್‌ನ ಪಡೆಯುವ.

ರೋಮ್ 6:6

ನಂಗ ಇಂಞು ಮಿಂಞಕ್ ಪಾಪಕ್ ಆಳಾಯಿತ್ ಬದ್‍ಕತೆ, ಪಾಪತ್‍ರ ತಡಿ ಪಾಳಾಯಿ ಪೋಪಕ್, ನಂಗಡ ಪಳೆಯ ಮನುಷ್ಯನ ಅಂವೊಂಡ ಕೂಡೆ ಶಿಲುಬೇಲ್ ಇಟ್ಟಿತಾಚೀಂದ್ ನಂಗಕ್ ಗೊತ್ತುಂಡ್.

ರೋಮ್ 7:11

ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಾಪಕ್ ಕಾನೂನ್‍ರಗುಂಡ್ ಬಟ್ಟೆ ಕ್‍ಟ್ಟಿತ್, ನನ್ನ ವಂಚನೆ ಮಾಡಿತ್, ನನ್ನ ಚತ್ತನೆಕೆ ಮಾಡಿರ್‌ತ್.

2 ಕೊರಿಂಥ 11:3

ಆಚೇಂಗಿ, ಆದ್ಯ ಪೊಣ್ಣಾಳಾನ ಹವ್ವಳ, ಪಾಂಬ್ ತಾಂಡ ತಂತ್ರತ್‍ನಗುಂಡ್ ಮೋಸ ಮಾಡ್‍ನನೆಕೆ, ಕ್ರಿಸ್ತಂಡ ಸತ್ಯತ್‍ನ ಬುಟ್ಟಿತ್ ಬಟ್ಟೆ ತಪ್ಪಿ ಪೋಪನೆಕೆ ನಿಂಗಡ ಮನಸ್ಸ್ ಸಹ ಆಯಿ ಪೋಪಾಂದ್ ನಾಕ್ ಪೋಡಿ ಆಯಂಡುಂಡ್.

ಗಲಾತ್ಯ 1:13

ನಾನ್ ಯೆಹೂದ್ಯಂಗಡ ಪದ್ದತಿರ ಪ್ರಕಾರ ನಡ್ಂದಂಡಿಪ್ಪಕ, ನಾನ್ ಎನ್ನನೆ ಇಂಜ್‍ೕಂದ್ ನಿಂಗ ಕ್‍ೕಟಿತ್ತುಳ್ಳಿರ. ದೇವಡ ಸಬೇನ ಪಾಳ್ ಮಾಡಿತ್, ದೇವಡ ಮಕ್ಕಳ ದುಂಬ ತೊಂದರೆ ಮಾಡಿಯಂಡಿಂಜ.

ಎಫೆಸ 2:3

ನಂಗಳು ಸಹ ಅನ್ನನೆ ನಂಗಡ ತಡೀರ ಇಚ್ಛೆರ ಪ್ರಕಾರ ನಡ್ಂದಂಡ್, ನಂಗಡ ತಡಿ ಪಿಂಞ ಮನಸ್ಸ್ ಇಷ್ಟ ಪಟ್ಟಾನ ಮಾಡಿಯಂಡ್ ಇಂಜತ್. ಅನ್ನನೆ ನಂಗಡ ಪಾಪ ಗುಣತ್‍ರ ಪ್ರಕಾರ ಬೋರೆಯಿಂಗಡನೆಕೆ ದೇವಡ ಬಲ್ಯ ಚೆಡಿರ ಮಕ್ಕಳಾಯಿತ್ ಶಿಕ್ಷೆಕ್ ಒಳಪಟ್ಟಿತ್ಂಜತ್.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

ಎಫೆಸ 4:25

ಪಿಂಞ, ನಂಗ ಒಬ್ಬೊಬ್ಬಂಗಳು ಒರೇ ತಡೀರ ಬಾಗವಾಯಿತ್ ಉಳ್ಳಾಂಗ್, ಪೊಟ್ಟ್ ಪರಿವಾನ ಬುಟ್ಟಿತ್, ಒಬ್ಬೊಬ್ಬಂಡ ಕೂಡೆ ಸತ್ಯ ಪರಿಯುವಯಿಂಗಳಾಯಿತ್ ಇರಿ.

ಎಫೆಸ 4:31

ಎಲ್ಲಾ ಕೈಪ್‍ತನ, ಬೈಗಳ, ಚೆಡಿ, ಜೋರ್ ಮಾಡ್‍ವದ್, ಕೆಟ್ಟ ತಕ್ಕ್ ಪಿಂಞ ಎಲ್ಲಾ ಕೆಟ್ಟ ಗುಣವು ನಿಂಗಳ ಬುಟ್ಟಿತ್ ಪೋಡ್.

ಕೊಲೊಸ್ಸೆ 2:11

ಅದಲ್ಲತೆ, ನಿಂಗ ಕ್ರಿಸ್ತಂಡಲ್ಲಿ ಉಳ್ಳಗುಂಡ್, ಯೆಹೂದ್ಯಂಗ, ತಡೀಲ್ ಮಾಡ್‌ವ ಸುನ್ನತಿರನೆಕೆ ಅಲ್ಲ, ಆಚೇಂಗಿ ತಡೀಲ್ ಪಾಪ ವಾಸ ಮಾಡ್‌ವ ನಂಗಡ ಪಾಪತ್‍ರ ಗುಣತ್‍ನ ಕೆತ್ತಿತ್ ಕಳೆಯುವನೆಕೆ ಕ್ರಿಸ್ತಂಡಿಲ್ಲಿ ಆತ್ಮೀಯ ಸುನ್ನತಿ ಪಡ್ಂದಿತುಳ್ಳಿರ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3

ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.

ಇಬ್ರಿಯ 3:13

ನಿಂಗಡಲ್ಲಿ ಒಬ್ಬಂಡ ಹೃದಯ ಸಹ, ಪಾಪತ್‍ರ ವಂಚನೆರಗುಂಡ್ ಕಲ್ಲ್‌ರನೆಕೆ ಆಪಕ್ಕಾಗ. ಆಚೇಂಗಿ, ಅದ್ಂಡ ಬದ್‍ಲ್, ಇಂದ್ ಎಣ್ಣುವ ತಕ್ಕ್ ಇಪ್ಪಕತ್ತನೆ, ನಿಂಗ ಒಬ್ಬಂಗ್ ಒಬ್ಬ ಎಕ್ಕಾಲು ಪುರ್‌ಡ್ ಕೊಡ್‍ತಂಡಿರಂಡು.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.

ಯಾಕೋಬ 1:26

ನಿಂಗಡಲ್ಲಿ ಒಬ್ಬ ತಾಂಡ ನಾವ್‌ಕ್ ಕಡಿವಾಣ ಇಡತೆ ನಾನ್ ದೇವಡ ಮೇಲೆ ಬಕ್ತಿ ಉಳ್ಳಂವೋಂದ್ ಗೇನ ಮಾಡ್‍ಚೇಂಗಿ ಅಂವೊ ತಾಂಗ್ ತಾನೆ ಮೋಸ ಮಾಡ್‌ವ, ಅಂವೊಂಡ ಬಕ್ತಿ ಪ್ರಯೋಜನ ಇಲ್ಲತ ಬಕ್ತಿಯಾಯಿತ್‌ಪ್ಪ.

1 ಪೇತ್ರ 1:18

ನಿಂಗಡ ಮುತ್ತಜ್ಜಂಗಡ ಪದ್ದತಿರ ಪ್ರಕಾರ, ಪ್ರಯೋಜನ ಇಲ್ಲತ ನಿಂಗ ಮಾಡಿಯಂಡ್ ಬಂದ, ಪಾಳಾಯಿ ಪೋಪ ಪೊನ್ನ್ ಬೊಳ್ಳಿರಗುಂಡ್ ನಿಂಗಡ ಪಾಪತ್‍ರ ಶಿಕ್ಷೆಯಿಂಜ ನಿಂಗಳ ಬುಡ್‍ತಿತ್‌ಲ್ಲೆ.

1 ಪೇತ್ರ 4:3

ಕಯಿಂಜ ಕಾಲತ್‍ಲ್ ನಂಗ ದೇವನ ಗೊತ್ತ್‌ಲ್ಲತಯಿಂಗ ಎನ್ನನೆ ಬದ್‍ಕಂಡೂಂದ್ ಗೇನಮಾಡ್‍ಚೋ ಅನ್ನನೆ ಬೋಂಡಿಯಚ್ಚಕ್ ಬದ್‍ಕಿರ್‌ತ್. ಅಕ್ಕ ನಂಗ ತಡೀರ ಮೋಹತ್‍ಲ್, ಇಚ್ಛೆಲ್ ನಡ್‌ದಂಡ್, ಕುಡಿಚಂಡ್, ಕೂಟ್‌ಕಳಿ ಮಾಡ್‌ವಯಿಂಗಳಾಯಿತ್, ಕುಡ್‍ಕಂಗಳಾಯಿತ್ ಅಸಹ್ಯವಾನ ವಿಗ್ರಹ ಆರಾದನೆ ಮಾಡಿಯಂಡ್ ಇಂಜತ್.

2 ಪೇತ್ರ 2:13

ಅಯಿಂಗ ಮಾಡ್‍ನ ಕೇಡ್‍ಕ್ ಅಯಿಂಗಕ್ ಬಪ್ಪ ಕೇಡೇ ಫಲವಾಯಿತ್‌ಪ್ಪ. ಪೋಲ್‍ರ ಬೊಳಿಲ್ ಕೂಟ್‍ಕಳೀಲ್ ಮುಳ್‍ಗಿತ್ ಇಪ್ಪದ್ ಕುಶೀಂದ್ ಗೇನ ಮಾಡ್‌ವ. ಅಯಿಂಗ ನಿಂಗಡಲ್ಲಿ ಲೆಜ್ಜೆಯಾಯಿತ್, ಞಾಣವಾಯಿತ್ ಇಪ್ಪ. ಅಯಿಂಗ, ನಿಂಗಡ ಕೂಡೆ ಐಕ್ಯತ್‍ರ ಗಾದ್ದಾಳತ್‍ಲ್ ಉಂಬಕ ಸಹ ಅಯಿಂಗ ಮಾಡ್‌ವ ವಂಚನೆಲ್ ಕುಶಿಪಟ್ಟಂಡ್ ಇಪ್ಪ.

2 ಪೇತ್ರ 2:7

ಆಚೇಂಗಿ, ಅದೇ ಸಮಯತ್‍ಲ್, ನೀತಿವಂತಂವೊನಾನ ಲೋಟ ಎಣ್ಣ್‌ವಂವೊ, ಲೈಂಗಿಕ ಪಾಪತ್‍ಲ್ ದುಷ್ಟಂಗಳಾಯಿತ್ ಬದ್‍ಕಿಯಂಡ್ ಇಂಜ ಜನಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತೇಂಗಿಯು,