ಎಫೆಸ 4:19 - ಕೊಡವ ಬೈಬಲ್

¹⁹ ಸೊಯ ತಪ್ಪಿತ್, ಎಲ್ಲಾ ಅಶುದ್ದ ಕ್ರಿಯೇನ ಕುಶೀಲ್ ಮಾಡಿಯಂಡಿಪ್ಪಕಾಯಿತ್, ಲೈಂಗಿಕ ಪಾಪಕ್ ಅಯಿಂಗಳ ಅಯಿಂಗ ಒಪ್ಪ್‌ಚಿಟ್ಟಯಿಂಗಾಳಾಯಿತುಂಡ್.

ಎಫೆಸ 4:19 ပူးပေါင်းရင်းမြစ်များ

ಮಾರ್ಕ 7:22

ಬೋಂಡತಾಸೆ, ಎಲ್ಲಾ ಕೆಟ್ಟ ಕೆಲಸ, ಮೋಸ, ಅಯೋಗ್ಯತನ, ಒಟ್ಟೆಕಿಚ್ಚ್, ಬೈಗಳ, ಹಮ್ಮ್, ಬುದ್ದಿ ಕೆಟ್ಟ ಗುಣ ಎಲ್ಲಾ ಮನುಷ್ಯಂಗಡ ಹೃದಯತ್ಂಜೆ ಬಪ್ಪ.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

ಕೊಲೊಸ್ಸೆ 3:5

ಆನಗುಂಡ್, ಲೈಂಗಿಕ ಪಾಪ, ಪವಿತ್ರಯಿಲ್ಲತ ವಿಷಯ, ಇಚ್ಛೆ, ಕೆಟ್ಟ ಆಸೆ, ದುಷ್ಟತನ, ಅತಿ ಆಸೆಯಾಯಿತುಳ್ಳ ವಿಗ್ರಹ ಆರಾದನೆ, ಈ ಲೋಕತ್‍ರ ಗುಣವಾಯಿತುಳ್ಳ ಇದೆಲ್ಲಾ ನಿಂಗಡಿಂಜ ಪಾಳ್ ಆಪನೆಕೆ ಬುಡ್‍ವಿರ.

1 ತಿಮೊಥೆಯ 4:2

ಈಂಗ, ಕಪಟತನತ್‍ಲ್ ಪೊಟ್ಟ್ ಪರ್ಂದಂಡ್, ತಂಗಡ ಮನಸಾಕ್ಷಿ ತಿತ್ತ್‌ಲ್ ಬೆಂಜಿಪೋನನೆಕೆ,

1 ಪೇತ್ರ 4:3

ಕಯಿಂಜ ಕಾಲತ್‍ಲ್ ನಂಗ ದೇವನ ಗೊತ್ತ್‌ಲ್ಲತಯಿಂಗ ಎನ್ನನೆ ಬದ್‍ಕಂಡೂಂದ್ ಗೇನಮಾಡ್‍ಚೋ ಅನ್ನನೆ ಬೋಂಡಿಯಚ್ಚಕ್ ಬದ್‍ಕಿರ್‌ತ್. ಅಕ್ಕ ನಂಗ ತಡೀರ ಮೋಹತ್‍ಲ್, ಇಚ್ಛೆಲ್ ನಡ್‌ದಂಡ್, ಕುಡಿಚಂಡ್, ಕೂಟ್‌ಕಳಿ ಮಾಡ್‌ವಯಿಂಗಳಾಯಿತ್, ಕುಡ್‍ಕಂಗಳಾಯಿತ್ ಅಸಹ್ಯವಾನ ವಿಗ್ರಹ ಆರಾದನೆ ಮಾಡಿಯಂಡ್ ಇಂಜತ್.

2 ಪೇತ್ರ 2:22

ನಾಯಿ ಅದ್ ಕಕ್ಕ್‌ನದ್‍ನ ಪುನಃ ತಿಂಬನೆಕೆ, ಕತ್ತ್‌ನ ಪಂದಿ ಪುನಃ ಬಂಡ್‍ಲ್ ಪೋಪಾಂದ್ ಎಣ್ಣ್‌ವ ಪಳೆಯ ತಕ್ಕ್‌ರನೆಕೆ ಅಯಿಂಗಕ್ ಆಚಿ.

ಯೂದ ಒಳ್‍ದ್‍ನ ಕಾಗದ 1:11

ಕಳ್ಳ ಬೋದನೆ ಮಾಡ್‌ವಯಿಂಗಕ್ ಅಯ್ಯೋ! ಈಂಗ ತಮ್ಮಣನ ಕೊಂದ ಕಾಯಿನ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್ಂದಂಡುಂಡ್. ಪಣಕಾಯಿತ್ ದೇವಡ ಮಕ್ಕಳ ಬಿಳಾಮ ಎಣ್ಣ್‌ವಂವೊ ಮೋಸ ಮಾಡ್‍ನನೆಕೆ ಈಂಗಳು ದುಡ್‍ಕಿಯಂಡ್ ಓಡ್‍ವ. ಪಿಂಞ ಕೋರಹ ಎಣ್ಣ್‌ವಂವೊ ಎದ್‍ರ್ ತಕ್ಕ್ ಪರ್ಂದಿತ್ ಎನ್ನನೆ ಪಾಳಾಯಿ ಪೋಚೋ, ಅನ್ನನೆ ಈಂಗಳು ಪಾಳಾಯಿ ಪೋಪ.

ಪ್ರಕಟನೆ 18:3

ಅವಡ ವೇಶಿತನತ್‍ರ ಬಲ್ಯ ಚೆಡಿರ ಕಳ್ಳ್‌ನ ಎಲ್ಲಾ ಜಾತಿಯಳು ಕುಡಿಚತ್; ಬೂಮಿರ ರಾಜಂಗ ಅವಡ ಕೂಡೆ ವೇಶಿತನ ಮಾಡ್‍ಚಿ; ಬೂಮಿರ ವ್ಯಾಪಾರಿಯಂಗ, ಅವಡ ದುಂಬ್‍ನ ಐಶ್ವರ್ಯತ್‍ರಗುಂಡ್ ಐಶ್ವರ್ಯವಂತಂಗಳಾಚೀಂದ್ ಎಣ್ಣ್‌ಚಿ.