ಎಫೆಸ 4:11 - ಕೊಡವ ಬೈಬಲ್

¹¹ ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.

ಎಫೆಸ 4:11 ပူးပေါင်းရင်းမြစ်များ

ಮತ್ತಾಯ 28:20

ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 21:8

ಪಿತ್ಯಾಂದ್ ಅಲ್ಲಿಂಜ ಪೊರಟಿತ್, ಕೈಸರೈಯಕ್ ಬಂದಿತ್ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವ ಫಿಲಿಪ್ಪಂಡ ಮನೆಕ್ ಪೋಯಿತ್ ಅಂವೊಂಡ ಮನೆಲ್ ಇಂಜತ್. ಈ ಫಿಲಿಪ್ಪ, ಯೆರೂಸಲೇಮ್‍ಲ್ ಉಳ್ಳ ಸಬೇಲ್ ಕೂಳ್ ಪಾಲ್‌ಮಾಡ್‌ವಕಾಯಿತ್ ಅಪೊಸ್ತಲಂಗ ಗೊತ್ತ್ ಮಾಡ್‍ನ ಏಳ್ ಸೇವಕಂಗಡಲ್ಲಿ ಒಬ್ಬನಾಯಿತ್ಂಜತ್.

ರೋಮ್ 12:7

ಸೇವೆ ಮಾಡ್‌ವ ವರ ಎಣ್ಣ್‌ಚೇಂಗಿ ಅಂವೊ ಸೇವೆ ಮಾಡಡ್; ಬೋದನೆ ಮಾಡ್‌ವದಾಚೇಂಗಿ, ಅಂವೊ ಬೋದನೆ ಮಾಡಡ್.

1 ಕೊರಿಂಥ 12:4

ಪವಿತ್ರಾತ್ಮಂಡ ವರ, ನಾನಾ ತರತ್‍ಲ್ ಉಂಡ್, ಆಚೇಂಗಿ ಪವಿತ್ರಾತ್ಮ ಒಬ್ಬನೇ.

ಎಫೆಸ 2:20

ಅಪೊಸ್ತಲಂಗ ಪಿಂಞ ಪ್ರವಾದಿಯಂಗ ಎಣ್ಣುವಯಿಂಗಡ ಅಡಿಪಾಯತ್‍ರ ಮೇಲೆ ಕೆಟ್ಟಿತುಳ್ಳಯಿಂಗಳಾಯಿತುಳ್ಳಿರ; ಅದ್ಂಗ್ ಯೇಸು ಕ್ರಿಸ್ತತನೇ ಮೂಲೆ ಕಲ್ಲಾಯಿತ್ ಉಂಡ್.

ಎಫೆಸ 3:5

ಆ ಗುಟ್ಟ್‌ನ ಇಕ್ಕ ಅಂವೊಂಡ ಪವಿತ್ರವಾನ ಅಪೊಸ್ತಲಂಗಕು ಪ್ರವಾದಿಯಂಗಕು ಪವಿತ್ರಾತ್ಮನಗುಂಡ್ ಅರಿಚಿಟ್ಟನೆಕೆ, ಇದ್ಂಗ್ ಮಿಂಞ ಇಂಜಯಿಂಗಕ್ ಈ ವಿಷಯತ್‍ನ ಎಣ್ಣಿತ್ಂಜಿತ್‌ಲ್ಲೆ.

ಎಫೆಸ 4:8

ಅದ್ಂಗೇ ದೇವಡ ವಾಕ್ಯತ್‍ಲ್: ಅಂವೊ ಪರಲೋಕಕ್ ಪತ್ತ್‌ವಕ, ಅಂವೊಂಡ ಕೂಡೆ ದುಂಬ ಕೈದಿಯಳ ಕೈದಿಯಾಯಿತ್ ಕಾಕಿಯಂಡ್ ಪೋಯಿತ್, ಮನುಷ್ಯಂಗಕ್ ವರತ್‍ನ ತಂದತ್‍ೕಂದ್ ಎಣ್ಣಿತುಂಡ್.

2 ತಿಮೊಥೆಯ 4:5

ಆಚೇಂಗಿ ನೀನ್ ಎಲ್ಲಾ ವಿಷಯತ್‍ಲು ಮನಸ್ಸ್ ತೆಳ್ಂಗ್‍ನಂವೊನಾಯಿತ್ ಇರ್, ಕಷ್ಟ ಅನುಬವಿಚಿಡ್‍ವಕ್ ಕುಶಿ ಪಡ್, ನಲ್ಲ ಸುದ್ದಿರ ಬೋದನೆಕಾರಂಡ ಕರ್ತವ್ಯತ್‍ನ ಮಾಡ್, ದೇವ ನೀಕ್ ತಂದ ಸೇವೇನ ಪೂರ್ತಿಮಾಡ್.

ಇಬ್ರಿಯ 5:12

ನಿಂಗಡ ಕ್ರಿಸ್ತ ಬದ್‍ಕ್‍ನ ನೋಟ್‍ಚೇಂಗಿ, ಇಕ್ಕ ನಿಂಗ ಉಪಾದ್ಯಂಗಳಾಯಿತ್ ಇಕ್ಕಂಡು. ಆಚೇಂಗಿ ನಿಂಗಕೇ, ದೇವಡ ವಾಕ್ಯತ್‍ರ ಅಡಿಪಾಯತ್‍ನ ಬೋರೆಯಿಂಗ ಬೋದನೆ ಮಾಡ್‌ವನೆಕೆ ಉಂಡ್. ನಿಂಗ ಪಾಲ್ ಕುಡಿಪ ಕುಂಞಿರನೆಕೆ ಉಳ್ಳಿರ, ಗಟ್ಟಿಯಾನ ಆಹಾರತ್‍ನ ಉಂಬಕ್ ಕಯಿಂಜಂಡಿಲ್ಲೆ.

ಯೂದ ಒಳ್‍ದ್‍ನ ಕಾಗದ 1:17

ಆಚೇಂಗಿ ನಾಡ ಕುಶೀರ ಜನಳೇ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪೊಸ್ತಲಂಗ, ಎಂತ ಬಪ್ಪಾಂದ್ ಮಿಂಞಲೇ ಎಣ್ಣ್‌ನ ತಕ್ಕ್‌ನ ಗೇನ ಬೆಚ್ಚೊಳಿ.

ಪ್ರಕಟನೆ 18:20

ಓ ಪರಲೋಕವೇ, ಪವಿತ್ರವಾನ ಅಪೊಸ್ತಲಂಗಳೇ, ಪ್ರವಾದಿಯಳೇ, ಇವ ನಿಂಗಕ್ ಮಾಡ್‍ನಂಗಾಯಿತ್ ದೇವ ನ್ಯಾಯತೀರ್ಪ್ ಮಾಡ್‍ನಗುಂಡ್, ಇವಕಾಯಿತ್ ನಿಂಗ ಕುಶಿ ಪಡಿರಿ.

ಪ್ರಕಟನೆ 21:14

ಆ ಪಟ್ಟಣತ್‍ರ ಗೋಡೆರ ಪನ್ನೆರಂಡ್ ಅಡಿಪಾಯತ್‍ರ ಕಲ್ಲ್ ಇಂಜತ್; ಅದ್ಂಡಮೇಲೆ, ಕೊರಿಕುಟ್ಟಿಯಾನವೊಂಡ ಪನ್ನೆರಂಡ್ ಅಪೊಸ್ತಲಂಗಡ ಪನ್ನೆರಂಡ್ ಪೆದ ಇಂಜತ್.