ಎಫೆಸ 3:13 - ಕೊಡವ ಬೈಬಲ್

¹³ ಆನಗುಂಡ್, ನಿಂಗಡಗುಂಡ್ ನಾನ್ ಅನುಬವಿಚಿಡುವ ಹಿಂಸೆಕಾಯಿತ್ ನಿಂಗ ತಳ್ಂದ್ ಪೋಕತೆ ಇರಂಡೂಂದ್ ನಾನ್ ನಿಂಗಳ ಬೋಡುವಿ. ಇದೆಲ್ಲ ನಿಂಗಡ ನಲ್ಲದ್‍ಕಾಯಿತೇ ಆಯಂಡುಂಡ್.

ಎಫೆಸ 3:13 ပူးပေါင်းရင်းမြစ်များ

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

2 ಕೊರಿಂಥ 1:6

ಆನಗುಂಡ್, ನಂಗ ಹಿಂಸೆ ಪಟ್ಟತೇಂಗಿಯು, ಅದ್ ನಿಂಗಡ ಸುಕಕು ರಕ್ಷಣೆಕು ಆಯಿತ್‌ಪ್ಪ; ನಂಗಕ್ ಸಮಾದಾನ ಕ್‍ಟ್ಟ್‌ಚೇಂಗಿಯು ಅದ್ ಸಹ ನಿಂಗಡ ಸಮಾದಾನಕು ರಕ್ಷಣೆಕು ಆಯಿತ್‌ಪ್ಪ; ನಂಗ ಕಷ್ಟಪಡ್‌ವನೆಕೆ ನಿಂಗಳು ಕಷ್ಟಪಟ್ಟಿತ್ ಸಹಿಸಿಯಂಡ್ ಉಳ್ಳಗುಂಡ್, ಆ ರಕ್ಷಣೆ ಫಲ ತಂದಂಡುಂಡ್.

2 ಕೊರಿಂಥ 4:1

ದೇವ ಅಂವೊಂಡ ಕರುಣೇಲ್ ಈ ಸೇವೇನ ನಂಗಕ್ ಕೊಡ್‍ತಿತುಳ್ಳಾಂಗ್, ನಂಗ ತಳ್ಂದ್ ಪೋಯಂಡಿಲ್ಲೆ.

ಗಲಾತ್ಯ 6:9

ನಂಗ ನಲ್ಲದ್ ಮಾಡ್‌ವದ್‍ಲ್ ತಳ್ಂದ್ ಪೋಪಕ್ಕಾಗ; ನಂಗ ನಲ್ಲದ್ ಮಾಡ್‌ವದ್‍ಲ್ ತಳ್ಂದ್ ಪೋಕತೆ ಇಂಜತೇಂಗಿ, ತಕ್ಕ ಸಮಯತ್‍ಲ್ ನಂಗಕ್ ಫಲ ಕ್‍ಟ್ಟುವ.

ಎಫೆಸ 3:1

ಇದ್ಂಗಾಯಿತ್ ಪೌಲನಾನ ನಾನ್, ಯೆಹೂದ್ಯಂಗಲ್ಲತಯಿಂಗಳಾನ ನಿಂಗಳಗುಂಡ್, ಕ್ರಿಸ್ತ ಯೇಸುಕಾಯಿತ್ ಕೈದಿಯಾಯಿತ್ ಉಳ್ಳ.

ಫಿಲಿಪ್ಪಿ 2:18

ಅಕ್ಕು, ನಿಂಗ ಸಂತೋಷ ಪಡಂಡು, ಪಿಂಞ ನಿಂಗಡ ಸಂತೋಷತ್‌ನ ನಾನು ಪಾಲ್ ಮಾಡ್‌ವಿ.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

2 ಥೆಸಲೊನೀಕ 3:13

ಅಣ್ಣತಮ್ಮಣಂಗಳೇ, ನಲ್ಲದ್ ಮಾಡ್‌ವದ್‍ಲ್ ತಳ್ಂದ್ ಪೋಕತಿ.