ಎಫೆಸ 2:22 - ಕೊಡವ ಬೈಬಲ್

²² ಅಂವೊಂಡ ಮೇಲೆ ನಿಂಗಳು, ಆತ್ಮತ್‍ರಗುಂಡ್ ದೇವ ವಾಸ ಮಾಡ್‌ವ ಜಾಗವಾಯಿತ್ ಕೂಟಾಯಿತ್ ಕೆಟ್ಟಿಯಂಡ್ ಬಂದಂಡುಳ್ಳಿರ.

ಎಫೆಸ 2:22 ပူးပေါင်းရင်းမြစ်များ

1 ಕೊರಿಂಥ 3:16

ನಿಂಗ ದೇವಡ ಆಲಯವಾಯಿತ್ ಉಳ್ಳೀರಾಂದೂ, ನಿಂಗಡ ಹೃದಯತ್‍ಲ್ ದೇವಡ ಆತ್ಮ ವಾಸ ಮಾಡಿಯಂಡ್ ಉಂಡ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 3:9

ಎನ್ನಂಗೆಣ್ಣ್‌ಚೇಂಗಿ ನಂಗ ದಂಡಾಳು ದೇವಡ ಸೇವೇಲ್ ಪಾಲ್‍ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಬೇಲ್ ಆಯಿತು, ದೇವಡ ಕಟ್ಟಡವಾಯಿತೂ ಉಳ್ಳಿರ.

1 ಕೊರಿಂಥ 6:19

ನಿಂಗಡ ತಡಿ ಪವಿತ್ರಾತ್ಮ ವಾಸ ಮಾಡ್‌ವ ಆಲಯವಾಯಿತ್ ಉಂಡ್‍ೕಂದು, ಪವಿತ್ರಾತ್ಮತ್‍ನ ನಿಂಗಕ್ ದೇವ ಕೊಡ್‍ತತ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ? ಆನಗುಂಡ್ ನಿಂಗ ನಿಂಗಕ್ ಸ್ವಂತ ಅಲ್ಲ.

2 ಕೊರಿಂಥ 6:16

ದೇವಡ ಆಲಯಕು ವಿಗ್ರಹಕು ಎಂತ ಐಕ್ಯ? ನಂಗಳೇ ಜೀವವಾಯಿತುಳ್ಳ ದೇವಡ ಆಲಯವಾಯಿತುಂಡಲ್ಲ! ನಾನ್ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿತ್, ನಡ್ಂದಂಡ್, ನಾನ್ ಅಯಿಂಗಡ ದೇವನಾಯಿತು, ಅಯಿಂಗ ನಾಡ ಜನವಾಯಿತು ಇಪ್ಪಾಂದ್ ದೇವ ಎಣ್ಣಿತುಂಡ್.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

1 ಯೋಹಾನ 3:24

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.

1 ಯೋಹಾನ 4:13

ದೇವ ನಂಗಕ್ ಅಂವೊಂಡ ಆತ್ಮತ್‌ನ ತಂದಿಯತ್, ಅದ್ಂಗಾಯಿತ್ ನಂಗ ದೇವಡಲ್ಲಿ ಉಂಡ್‍ೕಂದು, ದೇವ ನಂಗಡಲ್ಲಿ ಉಂಡ್‍ೕಂದು ಗೊತ್ತಾಪ.

1 ಯೋಹಾನ 4:16

ದೇವ ನಂಗಡ ಮೇಲೆ ಇಟ್ಟಿತುಳ್ಳ ಪ್ರೀತಿ ನಂಗಕ್ ಗೊತ್ತಾಯಿತ್, ಆ ಪ್ರೀತಿನ ಸತ್ಯಾಂದ್ ನಂಗ ನಂಬಿಯತ್. ದೇವ ಪ್ರೀತಿಯಾಯಿತೇ ಉಂಡ್. ದಾರೆಲ್ಲ ಪ್ರೀತಿಲ್ ಬದ್‍ಕ್‍ವ ಅಂವೊ ದೇವಡ ಕೂಡೆ ಐಕ್ಯತ್‍ಲ್ ಇಪ್ಪ, ದೇವ ಸಹ ಅಂವೊಂಡ ಕೂಡೆ ಐಕ್ಯತ್‍ಲ್ ಇಪ್ಪ.