ಎಫೆಸ 2:20 - ಕೊಡವ ಬೈಬಲ್

²⁰ ಅಪೊಸ್ತಲಂಗ ಪಿಂಞ ಪ್ರವಾದಿಯಂಗ ಎಣ್ಣುವಯಿಂಗಡ ಅಡಿಪಾಯತ್‍ರ ಮೇಲೆ ಕೆಟ್ಟಿತುಳ್ಳಯಿಂಗಳಾಯಿತುಳ್ಳಿರ; ಅದ್ಂಗ್ ಯೇಸು ಕ್ರಿಸ್ತತನೇ ಮೂಲೆ ಕಲ್ಲಾಯಿತ್ ಉಂಡ್.

ಎಫೆಸ 2:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 9:1

ಜ್ಞಾನ ತಾಂಡ ಮನೆನ ಕೆಟ್ಟಿತ್, ತಾಂಡ ಏಳ್‌ ಕಂಬತ್‌ನ ಕೆತ್ತಿತ್‌ ಬೆಚ್ಚಿತುಂಡ್.

ಮತ್ತಾಯ 16:18

ನಾನ್ ನೀಕ್ ಎಣ್ಣ್‌ವಿ, ನೀನ್ ಪೇತ್ರ, (ಪೇತ್ರಾಂದ್ ಎಣ್ಣ್‌ಚೇಂಗಿ ಬಂಡೆ ಕಲ್ಲ್‍ೕಂದ್ ಅರ್ಥ) ಈ ಬಂಡೆ ಕಲ್ಲ್‌ರ ಮೇಲೆ ನಾನ್ ನಾಡ ಸಬೇನ ಕೆಟ್ಟ್‌ವಿ. ನರಕತ್‌ರ ಶಕ್ತಿ ಅದ್‍ನ ಗೆಲ್ಲುವಕ್ ಕಯ್ಯುಲೆ.

ಮತ್ತಾಯ 21:42

ಯೇಸು ಅಯಿಂಗಳ ನೋಟ್‌ವಂಜಿ: ಮನೆ ಕೆಟ್ಟ್‌ವಯಿಂಗ, ಆ ಕಲ್ಲ್ ಲಾಯಕಾಯಿತ್‌ಲ್ಲೇಂದ್ ತ್‍ಕ್ಕಾರ ಮಾಡ್‍ನ ಕಲ್ಲೇ ಮುಕ್ಯವಾನ ಮೂಲೆ ಕಲ್ಲಾಚಿ, ಇದ್ ದೇವ ಮಾಡ್‍ನದ್, ಅದ್‍ನ ನೋಟ್‍ವಕ ನಂಗಕ್ ಆಶ್ಚರ್ಯವಾಯಿತ್ ಉಂಡ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್ ನಿಂಗ ಓದಿತ್‌ಲ್ಲೆಯಾ?

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

ಎಫೆಸ 3:5

ಆ ಗುಟ್ಟ್‌ನ ಇಕ್ಕ ಅಂವೊಂಡ ಪವಿತ್ರವಾನ ಅಪೊಸ್ತಲಂಗಕು ಪ್ರವಾದಿಯಂಗಕು ಪವಿತ್ರಾತ್ಮನಗುಂಡ್ ಅರಿಚಿಟ್ಟನೆಕೆ, ಇದ್ಂಗ್ ಮಿಂಞ ಇಂಜಯಿಂಗಕ್ ಈ ವಿಷಯತ್‍ನ ಎಣ್ಣಿತ್ಂಜಿತ್‌ಲ್ಲೆ.

ಕೊಲೊಸ್ಸೆ 2:7

ನಿಂಗಡ ಬೇರ್ ಅಂವೊಂಡಲ್ಲಿ ಆಳವಾಯಿತ್ ಬೇರೂರಿತ್, ನಿಂಗಡ ಬದ್‍ಕ್‍ನ ಅಂವೊಂಡ ಮೇಲೆ ಕೆಟ್ಟುವಿರ. ಅಕ್ಕ ನಿಂಗಕ್ ಕ್‍ಟ್ಟ್‌ನ ನಂಬಿಕೇಲ್ ನಿಂಗ ದೃಡವಾಯಿತ್ ಬೊಳ್ಂದಿತ್, ದೇವಕ್ ವಂದನೆ ಎಣ್ಣುವದ್‍ಲ್ ದುಂಬ ಬೊಳಿವಿರ.

1 ಪೇತ್ರ 2:6

ದೇವಡ ವಾಕ್ಯತ್‍ಲ್: ನೋಟಿ, ನಾನ್ ಗೊತ್ತ್ ಮಾಡ್‍ನ ಬೆಲೆಯುಳ್ಳ ಮೂಲೆಕಲ್ಲ್‌ನ ಚೀಯೋನ್‌ ಪಟ್ಟಣತ್‍ಲ್ ಬೆಚ್ಚಿಯೆ, ಅದ್ಂಡಮೇಲೆ ನಂಬಿಕೆ ಬೆಪ್ಪಂವೊ ಞಾಣ ಆಪುಲೇಂದ್ ಎಣ್ಣಿತುಂಡ್.

ಪ್ರಕಟನೆ 21:14

ಆ ಪಟ್ಟಣತ್‍ರ ಗೋಡೆರ ಪನ್ನೆರಂಡ್ ಅಡಿಪಾಯತ್‍ರ ಕಲ್ಲ್ ಇಂಜತ್; ಅದ್ಂಡಮೇಲೆ, ಕೊರಿಕುಟ್ಟಿಯಾನವೊಂಡ ಪನ್ನೆರಂಡ್ ಅಪೊಸ್ತಲಂಗಡ ಪನ್ನೆರಂಡ್ ಪೆದ ಇಂಜತ್.