ಎಫೆಸ 2:19 - ಕೊಡವ ಬೈಬಲ್

¹⁹ ಆನಗುಂಡ್, ನಿಂಗ ಇಂಞು ಮಿಂಞಕ್ ಬೋರೆಯಿಂಗಾಂದ್ ಪಿಂಞ ಅನ್ಯ ಜನಾಂದ್ ಇಲ್ಲತೆ, ದೇವಡ ಮಕ್ಕಡ ಕೂಟ್‌ಲ್ ಒರೇ ದೇಶಕ್ ಕೂಡ್‍ನಯಿಂಗಳು, ದೇವಡ ಮನೆಕಾರಂಗಳಾಯಿತ್ ಇಂಜಂಡ್,

ಎಫೆಸ 2:19 ပူးပေါင်းရင်းမြစ်များ

ಮತ್ತಾಯ 10:25

ಒರ್ ಶಿಷ್ಯ ಉಪಾದ್ಯಂಡನೆಕೆ ಇಂಜತೇಂಗಿ ಮದಿ, ಅನ್ನನೆ ಒರ್ ಆಳ್ ಅಂವೊಂಡ ಎಜಮಾನಂಡನೆಕೆ ಇಂಜತೇಂಗಿ ಮದಿ. ಮನೆರ ಎಜಮಾನನೇ ಬೆಲ್ಜೆಬೂಲ್ ಎಂದ್ ಕಾಕ್‍ಚೇಂಗಿ, ಅಂವೊಂಡ ಮನೆಕಾರಳ ಇಂಞು ಎಚ್ಚಕ್ ಎಣ್ಣುವ?

ಗಲಾತ್ಯ 6:10

ಅನ್ನನೆ ನಂಗಕ್ ಅವಕಾಶ ಕ್‍ಟ್ಟ್‌ನನೆಕೆ, ಎಕ್ಕಾಲು ನಲ್ಲದ್ ಮಾಡಂಡು. ಮುಕ್ಯವಾಯಿತ್ ಕ್ರಿಸ್ತನ ನಂಬ್‍ನ ದೇವಡ ಕುಟುಂಬಕ್ ಕೂಡ್‍ನಯಿಂಗಕ್ ಸಹಾಯ ಮಾಡಂಡು.

ಎಫೆಸ 2:12

ಅಕ್ಕ ನಿಂಗ ಕ್ರಿಸ್ತಂಡಲ್ಲಿ ಕೂಡತಯಿಂಗಳಾಯಿತ್, ಇಸ್ರಾಯೇಲ್ ರಾಜ್ಯಕ್ ಕೂಡತಯಿಂಗಳಾಯಿತ್, ದೇವಡ ಒಪ್ಪಂದತ್‍ರ ವಾಗ್ದಾನಕ್ ಕೂಡತಯಿಂಗಳಾಯಿತ್, ನಿರೀಕ್ಷೆ ಇಲ್ಲತಯಿಂಗಳಾಯಿತ್, ಈ ಲೋಕತ್‍ಲ್ ದೇವ ಇಲ್ಲತಯಿಂಗಳಾಯಿತ್ ಬದ್‌ಕಿಯಂಡಿಂಜಿರಾಂದ್ ಗೇನ ಬೆಚ್ಚೊಳಿ.

ಎಫೆಸ 3:15

ನಂಗಡ ದೇವನಾನ ಅಪ್ಪಂಡ ಮಿಂಞತ್ ಮೊಣಕಾಲಿಟ್ಟಿತ್ ಇನ್ನನೆ ಪ್ರಾರ್ಥನೆ ಮಾಡ್‌ವಿ.

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 13:14

ಸ್ತಿರವಾನ ಪಟ್ಟಣ ನಂಗಕ್ ಇಲ್ಲಿ ಇಲ್ಲೆ, ಇಂಞು ಮಿಂಞಕ್ ಬಪ್ಪಕುಳ್ಳದ್‍ನ ನೋಟಿಯಂಡುಂಡ್.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.

1 ಯೋಹಾನ 3:1

ನಂಗಳ ದೇವಡ ಮಕ್ಕಾಂದ್ ಕಾಕ್‍ನಗುಂಡ್ ನಂಗಡ ದೇವನಾನ ಅಪ್ಪ ನಂಗಡ ಮೇಲೆ ಇಟ್ಟಿತ್ತುಳ್ಳ ಪ್ರೀತಿ ಎಚ್ಚಕ್ ಬಲ್ಯದ್‍ೕಂದ್ ನೋಟಿ! ಅಕ್ಕು, ನಂಗ ದೇವಡ ಮಕ್ಕಳೇ! ಆಚೇಂಗಿ, ಈ ಲೋಕತ್‍ರ ಜನ ನಂಗಳ ದೇವಡ ಮಕ್ಕಾಂದ್ ಅರಿಂಜಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್ ದೇವನ ಗೊತ್ತ್‌ಲ್ಲೆ.