21 ಅಂವೊನ ಪರಲೋಕತ್‍ಲ್ ತಾಂಡ ಬಲ್‌ತೆ ಬರಿಲ್ ಅಳ್‌ಪಕ್ ಮಾಡ್‍ಚಿ.
ಆನಗುಂಡ್, ಮನುಷ್ಯಕುಮಾರಂಗ್ ವಿರೋದವಾಯಿತ್ ತಕ್ಕ್ ಪರಿಯುವಂಗಕ್ ಮನ್ನಿಪ್ ಕ್‍ಟ್ಟ್‌ವ, ಆಚೇಂಗಿ ಪವಿತ್ರಾತ್ಮಂಗ್ ವಿರೋದವಾಯಿತ್ ತಕ್ಕ್ ಪರಿಯುವಂಗಕ್, ಈ ಲೋಕತ್‌ಲು ಪರಲೋಕತ್‌ಲು ಮನ್ನಿಪ್ ಕ್‍ಟ್ಟ್‌ಲೆ.
ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ನಂಗಳ ರಕ್ಷಣೆ ಮಾಡ್‌ವಕ್ ಕಯ್ಯುಲೆ. ಬಾನತ್‍ರ ಅಡಿಲ್, ಮನುಷ್ಯಂಗಡ ಮದ್ಯತ್‍ಲ್ ಯೇಸುರ ಪೆದತ್‍ನ ಬುಟ್ಟಿತ್ ಬೋರೆ ಒರ್ ಪೆದವು ನಂಗಡ ರಕ್ಷಣೆಕ್ ಕೊಡ್‍ತಿತ್‌ಲ್ಲೆ.
ಅದ್‍ಲ್, ಪಂಡ್ ನಿಂಗ, ಈ ಲೋಕತ್‍ರ ಪದ್ದತಿರ ಪ್ರಕಾರ, ಪಿಂಞ ದೇವಡ ವಾಕ್ಯಕ್ ತಗ್ಗಿತ್ ನಡ್‍ಕತ ಜನತ್‍ರ ಮದ್ಯತ್‍ಲ್, ಇಕ್ಕ ಕ್ರಿಯೆ ಮಾಡಿಯಂಡುಳ್ಳ ದೆವ್ವ ಲೋಕತ್‍ರ ಅದಿಕಾರತ್‍ರ ಅದಿಕಾರಿಯಡ ಆತ್ಮತ್‍ರ ಪ್ರಕಾರ ಬದ್‍ಕಿಯಂಡಿಂಜಿರ.
ಆನಗುಂಡ್, ಸಬೆರ ಮೂಲಕ ಅಂವೊಂಡ ನಾನಾತರ ಜ್ಞಾನತ್‍ನ ಇಕ್ಕ ಎಲ್ಲಾ ಅದಿಪತಿಯಂಗಕು, ಪರಲೋಕತ್‍ಲ್ ಉಳ್ಳ ಎಲ್ಲಾ ಅದಿಕಾರಕು ಗೊತ್ತಾಪನೆಕೆ ಮಾಡ್‍ಚಿ.
ಎನ್ನಂಗೆಣ್ಣ್‌ಚೇಂಗಿ, ನಂಗಡ ಪೋರಾಟ ಮನುಷ್ಯಂಗಕ್ ವಿರೋದವಾಯಿತ್ ಅಲ್ಲ, ಅದಿಕಾರಕ್ ವಿರೋದವಾಯಿತ್, ಕೂಳಿಯಡ ಅದಿಕಾರಿಯಂಗಕ್ ವಿರೋದವಾಯಿತ್, ಈ ಇರ್‌ಟ್ ಲೋಕತ್‍ರ ಅದಿಪತಿಯಂಗಕ್ ವಿರೋದವಾಯಿತ್ ಪಿಂಞ ಬಾನತ್‍ಲ್ ವಾಸ ಮಾಡಿಯಂಡುಳ್ಳ ಕೂಳಿಯಡ ಸೇನೆಕ್ ವಿರೋದವಾಯಿತ್ ಉಂಡ್.
ನಿಂಗ ಕ್ರಿಸ್ತಂಡ ಕೂಡೆ ಒಂದಾನಗುಂಡ್, ನಿಂಗಕ್ ಪೂರ್ಣವಾನ ಬದ್‍ಕ್‍ನ ಅಂವೊ ತಂದಿತುಂಡ್. ಅಂವೊ ಎಲ್ಲಾ ಆತ್ಮೀಕ ಅದಿಕಾರಕು, ಎಲ್ಲಾ ಶಕ್ತಿಕು ಮಂಡೆಯಾಯಿತುಂಡ್.
ಆ ಶಿಲುಬೇಲ್, ಕ್ರಿಸ್ತ ಅಂವೊನ ಪುಡ್‍ಚಿ ಬೆಚ್ಚಿತ್ಂಜ ಎಲ್ಲಾ ಶಕ್ತಿನ, ದೆವ್ವತ್‍ರ ಅದಿಕಾರತ್‍ನ ಒರ್ ಶಕ್ತಿಯು ಇಲ್ಲತನೆಕೆ ಮಾಡಿರ್‌ತ್. ಅಂವೊ ಅದ್‍ನೆಲ್ಲಾ, ಅಂವೊಂಡ ಕೈಯಿಕ್ ಕ್‍ಟ್ಟ್‌ನನೆಕೆ ಎಲ್ಲಾಡ ಮಿಂಞ ಎಲ್ಲಾರು ಕಾಂಬನೆಕೆ ಅದ್‍ನೆಲ್ಲಾ ಕೊಂಡ್ ಬಂದಿತ್ ಶಿಲುಬೇರೆ ಮೇಲೆ ಅಯಿಂಗಳ ಗೆದ್ದತ್.
ಇಂವೊ, ದೇವದೂತಂಗಕು ಬಲ್ಯಂವೊನಾಯಿತ್ ಎಚ್ಚಕ್ ಪೆದ ಎಡ್‌ತಂಡತೋ, ಅಚ್ಚಕ್ ಬಲ್ಯದಾಯಿತ್ ಅಯಿಂಗಕಿಂಜ ಗನ ಪಟ್ಟಂವೊನಾಚಿ.
ಇಂಞು ಮಿಂಞಕ್ ಬಪ್ಪಕುಳ್ಳ ಲೋಕತ್‍ರ ವಿಷಯತ್‍ನ ನಂಗ ತಕ್ಕ್ ಪರ್ಂದಂಡುಂಡಲ್ಲಾ? ಅದ್‍ನ ದೂತಂಗಡ ಅದಿಕಾರತ್‍ರ ಅಡಿಕ್ ದೇವ ಕೊಡ್‍ತಿತ್‌ಲ್ಲೆ.
ಬಾನತ್‍ರ ಮೂಲಕ ಪರಲೋಕಕ್ ಪೋಯಿತುಳ್ಳ ದೇವಡ ಮೋಂವೊನಾನ ಯೇಸು ಎಣ್ಣುವ ಮಹಾ ಯಾಜಕ ನಂಗಕ್ ಉಳ್ಳಗುಂಡ್, ನಂಗ ಮಾಡ್‍ನ ನಂಬಿಕೇರ ಅರಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್ ಬದ್‍ಕಂಡು.
ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.
