ಕೊಲೊಸ್ಸೆ 4:2 - ಕೊಡವ ಬೈಬಲ್

² ಎಡೆಬುಡತೆ ಪ್ರಾರ್ಥನೆ ಮಾಡಿಯಂಡ್ ಇರಿ, ಪ್ರಾರ್ಥನೆ ಮಾಡ್‌ವಕ, ದೇವನ ತುದಿಚಂಡ್ ಎಚ್ಚರತ್‍ಲ್ ಇರಿ.

ಕೊಲೊಸ್ಸೆ 4:2 ပူးပေါင်းရင်းမြစ်များ

ಮತ್ತಾಯ 26:41

ನಿಂಗ ಪರಿಕ್ಷೇಕ್ ಒಳಪಡತನೆಕೆ ಎಚ್ಚರ ಎಡ್‍ತಂಡ್ ಪ್ರಾರ್ಥನೆ ಮಾಡಿ; ಆತ್ಮಕ್ ಕುಶಿ ಉಂಡ್ ಆಚೇಂಗಿ ತಡಿ ತಳ್ಂದಿತ್ ಉಂಡ್‍ೕಂದ್ ಯೇಸು ಎಣ್ಣ್‌ಚಿ.

ಮಾರ್ಕ 13:33

ಆ ಕಾಲ ಎಕ್ಕ ಬಪ್ಪಾಂದ್ ನಿಂಗಕ್ ಗೊತ್ತಿಲ್ಲತಗುಂಡ್, ಎಲ್ಲಾರು ಎಚ್ಚರತ್‍ಲ್ ಪಾರಕಾತಂಡ್, ಪ್ರಾರ್ಥನೆ ಮಾಡಿಯಂಡಿರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:1

ಯೇಸು ಅಂವೊಂಡ ಶಿಷ್ಯಂಗಕ್, ಅಯಿಂಗ ತಳ್ಂದ್ ಪೋಕತೆ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಕ್ಕಂಡೂಂದ್ ಒರ್ ಕಥೇರ ರೂಪ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:36

ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.

ಅಪೊಸ್ತಲ 1:14

ಅಲ್ಲಿ ಈಂಗ ಎಲ್ಲಾರು ಒಟ್ಟ್ ಕೂಡಿತ್ ಒರೇ ಮನಸ್ಸ್‌ಲ್ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಂಜತ್. ಅಯಿಂಗಡ ಕೂಡೆ ಪೊಣ್ಣಾಳುವ, ಯೇಸುರ ಅವ್ವ ಮರಿಯ ಪಿಂಞ ಯೇಸುರ ತಮ್ಮಣಂಗಳು ಇಂಜತ್.

ರೋಮ್ 12:12

ನಿರಿಕ್ಷೇಲ್ ಕುಶಿಯಾಯಿತಿರಿ, ಕಷ್ಟತ್‍ಲ್ ಪೊರುಮೆಯಾಯಿತಿರಿ, ಪ್ರಾರ್ಥನೆ ಮಾಡ್‌ವದ್‍ಲ್ ಸ್ತಿರವಾಯಿತ್ ಮಾಡಿಯಂಡಿರಿ.

ಎಫೆಸ 6:18

ನಿಂಗ ಎಲ್ಲಾ ಸಮಯತ್‍ಲು, ಎಲ್ಲಾ ತರತ್‍ರ ಪ್ರಾರ್ಥನೆರ ಮೂಲಕ ಪಿಂಞ ಬೋಡಿಕೆರ ಮೂಲಕ ಎಚ್ಚರ ಎಡ್‍ತಂಡ್, ದುಂಬ ಸ್ತಿರವಾಯಿತ್ ಎಲ್ಲಾ ದೇವಡ ಮಕ್ಕಕಾಯಿತ್ ಪ್ರಾರ್ಥನೆ ಮಾಡಿಯಂಡೇ ಇರಿ.

ಫಿಲಿಪ್ಪಿ 4:6

ನಿಂಗ ಒರ್ ವಿಷಯಕು ಬೇಜಾರ್ ಮಾಡಂಡ, ಅದ್ಂಡ ಬದ್‍ಲ್ ಎಲ್ಲಾ ವಿಷಯಕ್ ದೇವನ ತುದಿಚಂಡ್ ನಿಂಗಡ ಪ್ರಾರ್ಥನೆಲ್ ನಿಂಗಕ್ ಎಂತ ಬೋಂಡೂಂದ್ ಅಂವೊನ ಬೋಡಿತ್ ಕ್‍ೕಳಿ.

ಕೊಲೊಸ್ಸೆ 1:9

ಆನಗುಂಡ್ ನಂಗ ಇದ್‍ನ ಕ್‍ೕಟ ದಿವಸತ್ಂಜ ಎಕ್ಕಾಲು ನಿಂಗಕಾಯಿತ್ ಪ್ರಾರ್ಥನೆ ಮಾಡಿಯಂಡುಂಡ್. ನಿಂಗ ದೇವಡ ಚಿತ್ತತ್‍ನ ಗೊತ್ತ್‌ಮಾಡ್‍ವಕುಳ್ಳ ಬುದ್ದಿ ದುಂಬ್‍ನಯಿಂಗಳಾಯಿತ್, ಪವಿತ್ರಾತ್ಮ ತಪ್ಪ ಎಲ್ಲಾ ಜ್ಞಾನ ಪಿಂಞ ಬುದ್ದಿಲ್ ಪ್ರಾರ್ಥನೆ ಮಾಡಿಯಂಡುಂಡ್.

ಕೊಲೊಸ್ಸೆ 2:7

ನಿಂಗಡ ಬೇರ್ ಅಂವೊಂಡಲ್ಲಿ ಆಳವಾಯಿತ್ ಬೇರೂರಿತ್, ನಿಂಗಡ ಬದ್‍ಕ್‍ನ ಅಂವೊಂಡ ಮೇಲೆ ಕೆಟ್ಟುವಿರ. ಅಕ್ಕ ನಿಂಗಕ್ ಕ್‍ಟ್ಟ್‌ನ ನಂಬಿಕೇಲ್ ನಿಂಗ ದೃಡವಾಯಿತ್ ಬೊಳ್ಂದಿತ್, ದೇವಕ್ ವಂದನೆ ಎಣ್ಣುವದ್‍ಲ್ ದುಂಬ ಬೊಳಿವಿರ.

ಕೊಲೊಸ್ಸೆ 3:15

ಕ್ರಿಸ್ತಂಡ ಸಮಾದಾನ ನಿಂಗಡ ಹೃದಯತ್‍ನ ಆಳ್ವಿಕೆ ಮಾಡಡ್. ಸಮಾದಾನತ್‍ಲ್ ಇಪ್ಪಕಾಯಿತೇ ಒರೇ ತಡಿಯಾಯಿತ್ ದೇವ ನಿಂಗಳ ಕಾಕ್‍ಚಿ. ಆನಗುಂಡ್ ದೇವಕ್ ವಂದನೆ ಮಾಡ್‌ವಯಿಂಗಳಾಯಿತ್ ಸಹ ಇರಂಡು.

ಕೊಲೊಸ್ಸೆ 3:17

ತಕ್ಕ್ ಪರಿವದಾಡ್, ಕೆಲಸ ಮಾಡ್‌ವದಾಡ್, ನಿಂಗ ಎಂತ ಮಾಡ್‍ಚೇಂಗಿಯು, ಅದ್‍ನೆಲ್ಲಾ ಒಡೆಯನಾನ ಯೇಸುರ ಪೆದತ್‍ಲ್ ಮಾಡಿಯಂಡ್, ಅಂವೊಂಡ ಮೂಲಕ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

ಕೊಲೊಸ್ಸೆ 4:12

ಕ್ರಿಸ್ತ ಯೇಸುರ ಸೇವಕನು, ನಿಂಗಡ ಪಟ್ಟಣಕ್ ಕೂಡ್‍ನಂವೊನಾನ ಎಪಫ್ರ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಂವೊ ನಿಂಗಕಾಯಿತ್ ಎಕ್ಕಾಲು ದೇವಡ ಪಕ್ಕ ನೇರಾಯಿತು ಪ್ರಾರ್ಥನೆ ಮಾಡಿಯಂಡುಂಡ್. ದೇವ ನಿಂಗಳ ಬಲ ಉಳ್ಳಯಿಂಗಳಾಯಿತ್ ಮಾಡಂಡೂಂದು, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ನಿಂಗಕ್ ದೇವಡ ಚಿತ್ತ ಪೂರ್ತಿ ಗೊತ್ತಾಂಡೂಂದೂ ಅಂವೊ ಪ್ರಾರ್ಥನೆ ಮಾಡಿಯಂಡುಂಡ್.

1 ಪೇತ್ರ 4:7

ಎಲ್ಲಾಂಗ್ ಆಕೀರ್ ಕಾಲ ಪಕ್ಕ ಬಾತ್. ಆನಗುಂಡ್, ಚಾಯಿ ಮನಸ್ಸ್ ಉಳ್ಳಯಿಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇರಿ. ಅಕ್ಕ ನಿಂಗ ಚಾಯಿ ಪ್ರಾರ್ಥನೆ ಮಾಡ್‌ವಕ್ ಆಪ.