ಕೊಲೊಸ್ಸೆ 4:18 - ಕೊಡವ ಬೈಬಲ್

¹⁸ ಪೌಲನಾನ ನಾನ್, ನಾಡ ಕೈಯಿಂಜಲೇ ಒಳ್‍ದಿತ್ ನಿಂಗಕ್ ಈ ವಂದನೆ ಎಣ್ಣ್‌ವಿ. ನಾನ್ ಸೆರಮನೇಲ್ ಕೈದಿಯಾಯಿತ್ ಕೆಟ್ಟ್‌ಲ್ ಇಪ್ಪದ್‍ನ ಗೇನ ಬೆಚ್ಚೊಳಿ. ಕೃಪೆ ನಿಂಗಡ ಕೂಡೆ ಇರಡ್.

ಕೊಲೊಸ್ಸೆ 4:18 ပူးပေါင်းရင်းမြစ်များ

ರೋಮ್ 16:20

ಸಮಾದಾನತ್‍ರ ದೇವ ಬೆರಿಯ ಸೈತಾನನ ನಿಂಗಡ ಕಾಲ್‍ರ ಅಡಿಲ್ ಜಜ್ಜಿರ್‌ವ. ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಡ ಕೂಡೆ ಇಕ್ಕಡ್. ಆಮೆನ್.

ರೋಮ್ 16:22

ಈ ಕಾಗದತ್‍ನ ಒಳ್‍ದ್‍ನ ತೆರ್ತ್ಯನಾನ ನಾನ್ ಒಡೆಯಂಡಲ್ಲಿ ನಿಂಗಕ್ ವಂದನೆ ಎಣ್ಣ್‌ವಿ.

ರೋಮ್ 16:23

ನನ್ನ ಪಿಂಞ ಇಲ್ಲಿಯತ್‍ರ ಸಬೇನ ಚಾಯಿ ನೋಟಿಯಂಡುಳ್ಳ ಗಾಯನು ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಈ ಪಟ್ಟಣತ್‍ರ ಖಜಾನತ್‍ರ ಕಣಕ್ ನೋಟುವ ಎರಸ್ತ ಪಿಂಞ ತಮ್ಮಣನಾನ ಕ್ವರ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್.

1 ಕೊರಿಂಥ 16:21

ಪೌಲನಾನ ನಾನ್ ನಾಡ ಸ್ವಂತ ಕೈಯಿಂಜ ನಿಂಗಕ್ ವಂದನೆ ಒಳ್‌ದಿಯಂಡುಂಡ್.

2 ಕೊರಿಂಥ 13:14

ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು, ದೇವಡ ಪ್ರೀತಿಯು, ಪವಿತ್ರಾತ್ಮಂಡ ಐಕ್ಯವು ನಿಂಗ ಎಲ್ಲಾಡ ಕೂಡೆ ಇಕ್ಕಡ್. ಆಮೆನ್.

ಫಿಲಿಪ್ಪಿ 1:7

ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

2 ಥೆಸಲೊನೀಕ 3:17

ಪೌಲನಾನ ನಾನ್ ನಾಡ ಸ್ವಂತ ಕೈಯಿಲ್ ಒಳ್‍ದಿತ್ ನಿಂಗಕ್ ವಂದನೆ ಮಾಡ್‌ವಿ. ನಾನ್ ಒಳ್‍ದ್‍ವ ಕಾಗದಕೆಲ್ಲ ಅದ್ ಒರ್ ಗುರ್‌ತಾಯಿತ್‌ಪ್ಪ. ನಾನ್ ಇನ್ನನೆ ಎಕ್ಕಾಲು ಒಳ್‍ದಿಯಂಡುಳ್ಳ.

1 ತಿಮೊಥೆಯ 6:21

ಚೆನ್ನ ಜನ ಅದ್‍ನ ಸ್ವೀಕಾರ ಮಾಡಿತ್, ಕ್ರಿಸ್ತಂಡ ಮೇಲೆ ಬೆಚ್ಚ ನಂಬಿಕೇನ ಬುಟ್ಟಿತ್ ದೂರ ಪೋಯಿತುಂಡ್. ದೇವಡ ಕೃಪೆ ನೀಡ ಕೂಡೆ ಇರಡ್.

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

2 ತಿಮೊಥೆಯ 4:22

ಒಡೆಯನಾನ ಯೇಸು ಕ್ರಿಸ್ತ ನೀಡ ಆತ್ಮತ್‍ರ ಕೂಡೆ ಇರಡ್. ದೇವಡ ಕೃಪೆ ನೀಡ ಕೂಡೆ ಇರಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:15

ನಾಡ ಪಕ್ಕ ಉಳ್ಳ ಎಲ್ಲಾರು ನೀಕ್ ಪ್ರೀತಿರ ವಂದನೆ ಎಣ್ಣಿಯಂಡುಂಡ್. ದೇವಡ ಮೇಲೆ ಉಳ್ಳ ನಂಬಿಕೇಲ್ ನಂಗಳ ಪ್ರೀತಿ ಮಾಡ್‌ವಯಿಂಗಕ್ ವಂದನೆ ಎಣ್ಣ್. ದೇವಡ ಕೃಪೆ ನಿಂಗ ಎಲ್ಲಾಡ ಕೂಡೆ ಇರಡ್.

ಇಬ್ರಿಯ 13:25

ಕೃಪೆ ನಿಂಗಡ ಎಲ್ಲಾಡ ಕೂಡೆ ಇಕ್ಕಡ್. ಆಮೆನ್.

ಇಬ್ರಿಯ 13:3

ಕ್ರಿಸ್ತಂಗಾಯಿತ್ ಕೈದಿಯಾಯಿತ್ ಇಪ್ಪಯಿಂಗಡ ಕೂಡೆ ನಿಂಗಳು ಕೈದಿಯಾಯಿತ್ ಇಪ್ಪನೆಕೆ ಗೇನ ಮಾಡಿಯೊಳಿ; ಅವಮಾನತ್‍ನ ಸಹಿಸಿಯಂಡ್ ಇಪ್ಪಯಿಂಗಳ ಗೇನ ಮಾಡಿತ್ ನಿಂಗಕು ಅನ್ನನೆ ಆನನೆಕೆ ಗೇನ ಮಾಡಿಯೊಳಿ.