ಕೊಲೊಸ್ಸೆ 4:17 - ಕೊಡವ ಬೈಬಲ್

¹⁷ ಅರ್ಖಿಪ್ಪನ ನೋಟಿತ್, ಒಡೆಯ ಅಂವೊಂಗ್ ಒಪ್ಪ್‌ಚಿಟ್ಟ ಸೇವೇನ ಪೂರ್ತಿ ಮಾಡ್‌ವಕ್ ಎಚ್ಚರತ್‍ಲ್ ಇರಂಡೂಂದ್ ಎಣ್ಣಿ ಕೊಡಿ.

ಕೊಲೊಸ್ಸೆ 4:17 ပူးပေါင်းရင်းမြစ်များ

ಮತ್ತಾಯ 25:17

ಅನ್ನನೆ ದಂಡ್ ಬಾಗ ಕ್‍ಟ್ಟ್‌ನಂವೊ, ವ್ಯಾಪಾರ ಮಾಡಿತ್ ಇಂಞು ದಂಡ್ ಬಾಗತ್‍ನ ಸಂಪಾದನೆ ಮಾಡ್‍ಚಿ.

ಅಪೊಸ್ತಲ 1:17

ಯೂದ ನಂಗಡ ಕೂಟ್‌ಲ್ ಒಬ್ಬನಾಯಿತ್ಂಜತ್. ದೇವಡ ಸೇವೇಲ್ ಪಾಲ್‍ದಾರನಾಯಿತ್ಂಜತ್.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ಎಫೆಸ 4:11

ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.

1 ತಿಮೊಥೆಯ 4:14

ಸಬೆರ ಪೆರಿಯಯಿಂಗ ನೀಡ ಮಂಡೆಕ್ ಕೈ ಬೆಪ್ಪಕ, ಪ್ರವಾದನೆರ ಮೂಲಕ ನೀಕ್ ಕ್‍ಟ್ಟ್‌ನ ಆತ್ಮೀಯ ವರತ್‍ರ ವಿಷಯತ್‍ನ ಅಲ್ಲಗೆಳೆಯತೆ.

1 ತಿಮೊಥೆಯ 4:16

ನೀಡ ವಿಷಯತ್‍ಲ್, ನೀಡ ಬೋದನೆರ ವಿಷಯತ್‍ಲ್ ಎಚ್ಚರತ್‍ಲ್ ಇರ್. ಅನ್ನನೆ ಮಾಡಿಯಂಡಿಂಜತೇಂಗಿ, ನೀಡ ಬದ್‍ಕ್‍ನ ಪಿಂಞ ನೀಡ ಬೋದನೆನ ಕ್‍ೕಪಯಿಂಗಡ ಬದ್‍ಕ್‍ನ ಕಾಪಾಡ್‍ವಿಯ.

1 ತಿಮೊಥೆಯ 4:6

ನೀನ್ ಇದ್‍ನೆಲ್ಲ ಯೇಸುನ ನಂಬ್‍ನಯಿಂಗಕ್ ಬೋದನೆ ಮಾಡಿಯಂಡ್ ಬಾತೇಂಗಿ, ನಂಬಿಕೇಕ್ ಉಳ್ಳ ತಕ್ಕ್‌ಲು ನೀನ್ ಮಾಡಿಯಂಡುಳ್ಳ ನಲ್ಲ ಬೋದನೆಲು ಬೊಳ್ಂದಿತ್, ಯೇಸು ಕ್ರಿಸ್ತಂಗ್ ನಲ್ಲ ಸೇವಕನಾಯಿತ್ ಇಪ್ಪಿಯ.

1 ತಿಮೊಥೆಯ 6:20

ಓ ತಿಮೊಥೆಯನೇ, ನೀಡ ಪಕ್ಕ ಒಪ್ಪ್‌ಚಿಟ್ಟಾನೆಲ್ಲ ಬದ್ರವಾಯಿತ್ ಕಾಪಾಡ್. ದೇವಬಕ್ತಿಕ್ ಆಕತ ಒರ್ ಪ್ರಯೋಜನವಿಲ್ಲತ ಹರಟೆ ತಕ್ಕ್‌ಕ್ ಪಿಂಞ ಜ್ಞಾನಾಂದ್ ಜನ ನಂಬಿತುಳ್ಳ ಪೊಟ್ಟ್ ತಕ್ಕ್‌ರ ಬೋದನೆಕ್ ನೀನ್ ದೂರ ಇರ್.

2 ತಿಮೊಥೆಯ 1:6

ಇದ್ಂಗಾಯಿತ್, ನಾನ್ ನೀಡ ಮೇಲೆ ನಾಡ ಕೈಯಿನ ಬೆಪ್ಪಕ ನೀಕ್ ಕ್‍ಟ್ಟ್‌ನ ಆತ್ಮೀಯ ವರತ್‍ನ ಇಂಞು ಪ್ರಕಾಶವಾಯಿತ್ ಮಾಡ್‌ವಕ್ ನಾನ್ ನೀಕ್ ಞಾಪಕ ಮಾಡ್‌ವಿ.

2 ತಿಮೊಥೆಯ 2:2

ಎಚ್ಚಕೋ ಸಾಕ್ಷಿರ ಮಿಂಞತ್, ನಾನ್ ಮಾಡ್‍ನ ಬೋದನೇನೆಲ್ಲ ಕ್‍ೕಟ ನೀನ್, ಅದ್‍ನ, ಬೋರೆಯಿಂಗಕ್ ಪಡಿಪ್‍ಚಿಡ್‍ವಕ್ ಯೋಗ್ಯವಾನ ನಂಬಿಕಸ್ತಂಡ ಪಕ್ಕ ಒಪ್ಪ್‌ಚಿಡ್.

ಫಿಲೆಮೋನ 1:2

ನಂಗಡ ತಂಗೆ ಅಪ್ಫಿಯಾ, ನಂಗಡನೆಕೆ ದೇವಡ ಸೇವೆ ಮಾಡಿಯಂಡುಳ್ಳ ಅರ್ಖಿಪ್ಪ ಎಣ್ಣುವಯಿಂಗಕ್ ಪಿಂಞ ನೀಡ ಕೂಡೆ ಮನೆಲ್ ಕೂಡುವ ಸಬೇಕ್ ಒಳ್‍ದ್‍ವ ಕಾಗದ ಇದ್.