ಕೊಲೊಸ್ಸೆ 4:10 - ಕೊಡವ ಬೈಬಲ್

¹⁰ ನಾಡ ಕೂಡೆ ಜೈಲ್‍ಲ್ ಉಳ್ಳ ಅರಿಸ್ತಾರ್ಕ ಪಿಂಞ ಬಾರ್ನಬಂಡ ಅಕ್ಕಂಡ ಮೋಂವೊನಾನ ಮಾರ್ಕ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. (ಮಾರ್ಕಂಡ ವಿಷಯತ್ ನಿಂಗಕ್ ಮಿಂಞಲೇ ಅಪ್ಪಣೆ ಕ್‍ಟ್ಟಿತುಂಡ್; ಅಂವೊ ಬಪ್ಪಕ, ನಿಂಗ ಅಂವೊನ ಸತ್ಕಾರ ಮಾಡಂಡು).

ಕೊಲೊಸ್ಸೆ 4:10 ပူးပေါင်းရင်းမြစ်များ

ಅಪೊಸ್ತಲ 12:12

ಅಂವೊಂಗ್ ಇದ್ ಚಾಯಿತೆ ಗೊತ್ತಾನ ಪಿಂಞ ಮಾರ್ಕ ಎಣ್ಣುವ ಪೆದ ಉಳ್ಳ ಯೋಹಾನಂಡ ಅವ್ವನಾನ ಮರಿಯಡ ಮನೆಕ್ ಪೋಚಿ. ಅಲ್ಲಿ ದುಂಬ ಜನ ಕೂಡಿತ್ ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 12:25

ಬಾರ್ನಬ ಪಿಂಞ ಸೌಲ, ಅಯಿಂಗ ಯೆರೂಸಲೇಮ್‍ಲ್ ಮಾಡ್‍ವಕ್ಕುಳ್ಳ ಸೇವೇನ ಪೂರ್ತಿ ಮಾಡ್‍ನ ಪಿಂಞ ಮಾರ್ಕ ಎಣ್ಣುವ ಇಂಞೊರ್ ಪೆದವುಳ್ಳ ಯೋಹಾನನ ಕಾಕಿಯಂಡ್ ಯೆರೂಸಲೇಮ್ಂಜ ಪುನಃ ವಾಪಸ್ ಬಾತ್.

ಅಪೊಸ್ತಲ 13:13

ಅಲ್ಲಿಂಜ ಪೌಲ ಪಿಂಞ ಅಂವೊಂಡ ಕೂಡೆಯಿಂಜ ಎಲ್ಲಾರು ಪಾಫೋಸ್ ಎಣ್ಣುವ ಪಟ್ಟಣತ್‍ನ ಬುಟ್ಟಿತ್ ಸಮುದ್ರ ಮಾರ್ಗವಾಯಿತ್ ಪಂಫುಲ್ಯ ಸೀಮೆಕ್ ಕೂಡ್‍ನ ಪೆರ್ಗೆ ಎಣ್ಣುವ ಪಟ್ಟಣಕ್ ಬಾತ್. ಅಲ್ಲಿಕತ್ತನೆ ಅಯಿಂಗಡ ಕೂಡೆ ಬಂದಂಡಿಂಜ ಯೋಹಾನ ಅಯಿಂಗಳ ಬುಟ್ಟಿತ್ ಪುನಃ ಯೆರೂಸಲೇಮ್‌ಕ್ ವಾಪಸ್ ಪೋಚಿ.

ಅಪೊಸ್ತಲ 13:5

ಅಯಿಂಗ ಸಲಮಿಸ್ ಪಟ್ಟಣಕ್ ಬಂದಿತ್, ಅಲ್ಲಿ ಇಂಜ ಯೆಹೂದ್ಯಂಗಡ ಸಬಾಮಂದಿರತ್‍ಲ್ ದೇವಡ ವಾಕ್ಯತ್‍ನ ಬೋದನೆ ಮಾಡ್‍ಚಿ. ಅಯಿಂಗಡ ಸೇವೇಲ್ ಸಹಾಯ ಮಾಡ್‌ವಕ್ ಯೋಹಾನ ಎಣ್ಣುವ ಮಾರ್ಕ ಅಯಿಂಗಡ ಕೂಡೆ ಇಂಜತ್.

ಅಪೊಸ್ತಲ 19:29

ಅಚ್ಚಕ್ ಬೆರಿಯ ಇಡೀ ಪಟ್ಟಣತ್‍ಲ್ ಗಲಿಬಿಲಿ ಆಚಿ. ಪ್ರಯಾಣತ್‍ಲ್ ಪೌಲಂಡ ಕೂಡೆ ಪ್ರಯಾಣ ಮಾಡಿಯಂಜಯಿಂಗ ಮಕೆದೋನ್ಯತ್‍ರ ಗಾಯನ ಪಿಂಞ ಅರಿಸ್ತಾರ್ಕ ಎಣ್ಣುವಯಿಂಗಳ ಬಲ್‍ಚಂಡ್ ಒರೇ ಮನಸ್ಸ್‌ಲ್ ಜನ ಕೂಡಿತ್ ನಾಟಕ ಶಾಲೆರ ಒಳ್‍ಕ್ ನುಗ್ಗಿತ್ ಪೋಚಿ.

ಅಪೊಸ್ತಲ 20:4

ಪೌಲಂಡ ಕೂಡೆ, ಬೆರೋಯ ಪಟ್ಟಣತ್‍ರ ಪಿರಸಂಡ ಮೋಂವೊನಾನ ಸೋಪತ್ರ ಎಣ್ಣ್‌ವಂವೊನು, ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಪಿಂಞ ಸೆಕುಂದ ಎಣ್ಣುವಯಿಂಗಳು, ದೆರ್ಬೆ ಪಟ್ಟಣತ್‍ರ ಗಾಯನ ಪಿಂಞ ತಿಮೊಥೆಯ ಎಣ್ಣುವಯಿಂಗಳು, ಆಸ್ಯ ಸೀಮೆರ ತುಖಿಕನ ಪಿಂಞ ತ್ರೊಫಿಮ ಎಣ್ಣುವಯಿಂಗಳು ಆಸ್ಯ ಸೀಮೆಕತ್ತನೆ ಪೋಚಿ.

ಅಪೊಸ್ತಲ 27:2

ಅಕ್ಕ ನಂಗ ಆಸ್ಯ ಸೀಮೆರ ಅದ್ರಮಿತ್ತಿಯ ಎಣ್ಣುವ ಪಟ್ಟಣತ್ಂಜ ಬಂದ ಹಡಗ್‍ಲ್ ಪತ್ತ್‌ಚಿ. ಆ ಹಡಗ್ ಆಸ್ಯ ಸೀಮೆರ ಕರಾವಳಿರ ಬೋರೆ ಬೋರೆ ಜಾಗಕ್ ಪೋಪಕ್ ಇಂಜತ್. ಅಯಿಂಗ ಅದ್‍ಲ್ ನಂಗಳ ಅಯಿಚತ್. ಮಕೆದೋನ್ಯ ಸೀಮೆಕ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಎಣ್ಣ್‌ವಂವೊ ನಂಗಡ ಕೂಡೆ ಇಂಜತ್.

ಅಪೊಸ್ತಲ 4:36

ಇನ್ನನೆ ಮಾಡಿಯಂಡ್ ಉಳ್ಳಯಿಂಗಡಡೆ‍ಲ್ ಕುಪ್ರ ದೇಶತ್ಂಜ ಬಂದ ಲೇವಿಯ ಕುಲಕ್ ಕೂಡ್‍ನ ಒಬ್ಬನು, ಒತ್ತಾಸೆ ಮಾಡ್‌ವಂವೋಂದ್ ಅಪೊಸ್ತಲಂಗ ಕಾಕ್‍ನ ಬಾರ್ನಬ ಎಣ್ಣುವ ಪೆದ ಉಳ್ಳ ಯೋಸೇಫ,

ರೋಮ್ 16:2

ಏದ್ ವಿಷಯತ್‍ಲ್ ಅವಕ್ ಸಹಾಯ ಬೋಂಡ್‌ವೋ ಅದ್‍ನ ಅವಕ್ ನಿಂಗ ಮಾಡಂಡೂಂದ್ ನಿಂಗಡ ಪಕ್ಕ ಅವಳ ನಾನ್ ಒಪ್ಪ್‌ಚಿಡುವಿ; ಅವ ದುಂಬ ಜನಕ್ ಪಿಂಞ ನಾಕ್ ಸಹ ಸಹಾಯ ಮಾಡಿತುಂಡ್.

ರೋಮ್ 16:7

ಅಪೊಸ್ತಲಂಗಡಡೆಲ್ ಚಾಯಿ ಗೊತ್ತುಳ್ಳಯಿಂಗಳು, ನಾಕಿಂಜ ಮಿಂಞ ಕ್ರಿಸ್ತಂಡ ಪಕ್ಕ ಬಂದಯಿಂಗಳು, ನಾಡ ಬೆಂದ್‌ವಳುವಾನ ನಾಡ ಕೂಡೆ ಸೆರಮನೇಲ್ ಕೈದಿಯಾಯಿತ್ ಇಂಜ ಅಂದ್ರೋನಿಕ ಎಣ್ಣ್‌ವಂವೊಂಗು ಯೂನ್ಯ ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

2 ತಿಮೊಥೆಯ 4:11

ಲೂಕ ಮಾತ್ರ ನಾಡ ಕೂಡೆ ಉಂಡ್. ಮಾರ್ಕನ ನೀಡ ಕೂಡೆ ಕಾಕಿಯಂಡ್ ಬಾ. ನಾಡ ಸೇವೇಲ್ ಅಂವೊ ನಾಕ್ ಸಹಾಯ ಮಾಡ್‌ವ.

ಫಿಲೆಮೋನ 1:23

ಯೇಸು ಕ್ರಿಸ್ತಂಗಾಯಿತ್ ನಾಡ ಕೂಡೆ ಕೈದಿಯಾಯಿತುಳ್ಳ ಎಪಫ್ರ ಪಿಂಞ ನಾಡ ಕೂಡೆ ದೇವಡ ಸೇವಕಂಗಳಾಯಿತುಳ್ಳ ಮಾರ್ಕ, ಅರಿಸ್ತಾರ್ಕ, ದೇಮ ಪಿಂಞ ಲೂಕ ಎಣ್ಣ್‌ವಯಿಂಗ ಎಲ್ಲಾರು ವಂದನೆ ಎಣ್ಣಿಯಂಡುಂಡ್.

1 ಪೇತ್ರ 5:13

ನಿಂಗಡ ಕೂಡೆ ಗೊತ್ತ್ ಮಾಡ್‍ನ, ಬಾಬೆಲ್‍ಲ್ ಉಳ್ಳಯಿಂಗ ಪಿಂಞ ನಾಡ ಮೋಂವೊಂಡನೆಕೆ ಉಳ್ಳ ಮಾರ್ಕ ನಿಂಗಕ್ ವಂದನೆ ಎಣ್ಣಿಯಂಡುಂಡ್.