ಕೊಲೊಸ್ಸೆ 3:3 - ಕೊಡವ ಬೈಬಲ್

³ ಎನ್ನಂಗೆಣ್ಣ್‌ಚೇಂಗಿ, ನಿಂಗ ಈ ಬದ್‍ಕ್‍ಕ್ ಚತ್ತ್ ಪೋಯಿತುಳ್ಳಿರ, ನಿಂಗಡ ನೇರಾನ ಜೀವ ಕ್ರಿಸ್ತಂಡ ಕೂಡೆ ದೇವಡಲ್ಲಿ ಒಳ್‌ಪ್‌ಚಿಟ್ಟಿತ್ ಉಂಡ್.

ಕೊಲೊಸ್ಸೆ 3:3 ပူးပေါင်းရင်းမြစ်များ

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಯೋಹಾನ 14:19

ಇಂಞು ಚೆನ್ನ ಸಮಯ ಆನ ಪಿಂಞ ಈ ಲೋಕತ್‍ರ ಜನ ನನ್ನ ಕಾಂಬುಲೆ. ಆಚೇಂಗಿ ನಿಂಗ ಕಾಂಬಿರ. ನಾನ್ ಬದ್‍ಕಿಯಂಡುಳ್ಳಗುಂಡ್, ನಿಂಗಳು ಬದ್‍ಕ್‍ವಿರ.

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ಯೋಹಾನ 4:14

ಆಚೇಂಗಿ, ನಾನ್ ತಪ್ಪ ನೀರ್‌ನ ಕುಡಿಪಯಿಂಗಕ್ ಒರ್‌ಕಾಲು ಬಾಯಾರಿಕೆ ಆಪುಲೆ; ನಾನ್ ಅಯಿಂಗಕ್ ಕೊಡ್‍ಪ ನೀರ್ ಅಯಿಂಗಡ ಹೃದಯತ್‍ಲ್ ನಿತ್ಯ ಜೀವಕಾಯಿತ್ ಉಕ್ಕಿ ಬಂದಂಡಿಪ್ಪ ಜಲವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 5:21

ಅಪ್ಪ, ಚತ್ತ್ ಪೋನಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವನೆಕೆ, ಮೋಂವೊನು ಸಹ ಅಂವೊಂಗ್ ಕುಶಿಯುಳ್ಳಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವ.

ಯೋಹಾನ 5:24

ದಾರ್ ನಾಡ ತಕ್ಕ್‌ನ ಕ್‍ೕಟಿತ್, ನನ್ನ ಅಯಿಚಂವೊನ ನಂಬುವ, ಅಯಿಂಗಕ್ ನಿತ್ಯ ಜೀವ ಉಂಡ್, ಅಯಿಂಗಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ಯಿಂಜ ಅಯಿಂಗ ಬಚಾವ್ ಆಪ. ಅನ್ನನೆ ಅಯಿಂಗಕ್ ಬಪ್ಪ ಚಾವ್‍ಯಿಂಜಲು, ಬದ್‌ಕಿತ್ ಜೀವವಾಯಿತ್ ಬಪ್ಪಾಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ.

ಯೋಹಾನ 5:40

ಅನ್ನನೆ ಇಂಜತೇಂಗಿಯು, ನಿಂಗಕ್ ನಿತ್ಯ ಜೀವ ಉಂಟಾಪಕ್ ನಾಡ ಪಕ್ಕ ಬಪ್ಪಕ್ ನಿಂಗಕ್ ಮನಸ್ಸಿಲ್ಲೆ.

ರೋಮ್ 5:10

ನಂಗ ದೇವಕ್ ವಿರೋದಿಯಂಗಳಾಯಿತಿಪ್ಪಕ, ಅಂವೊಂಡ ಮೋಂವೊಂಡ ಚಾವ್‍ರಗುಂಡ್ ವಿರೋದತ್‍ನ ನೀಕಿತ್ ಸಮಾದಾನತ್‍ನ ಕೊಂಡ್ ಬಾತೇಂಗಿ, ವಿರೋದತ್‍ನ ನೀಕಿತ್ ಸಮಾದಾನ ಕ್‍ಟ್ಟ್‌ನ ಪಿಂಞ ಅಂವೊಂಡ ಜೀವತ್‍ರ ಮೂಲಕ ಬಚಾವಾಪದ್ ಎಚ್ಚಕ್ ಕಂಡಿತ.

ರೋಮ್ 5:21

ಆನಗುಂಡ್, ಪಾಪತ್‍ರ ಮೇಲೆ ಚಾವ್‍ಕ್ ಜಯ ಕ್‍ಟ್ಟ್‌ನನೆಕೆ, ದೇವಡ ಕೃಪೆಯು ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಿತ್ಯ ಜೀವತ್‍ನ ತಂದಿತ್, ನೀತಿರಗುಂಡ್ ಜಯ ಕ್‍ಟ್ಟ್‌ವನೆಕೆ ಮಾಡ್‍ಚಿ.

ರೋಮ್ 6:11

ಅನ್ನನೆ ನಿಂಗಳು, ನಿಂಗಳ ಪಾಪಕ್ ಚತ್ತಯಿಂಗಳಾಯಿತು, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಐಕ್ಯತ್‍ಲ್ ದೇವಕಾಯಿತ್ ಬದ್‍ಕಿಯಂಡುಳ್ಳಯಿಂಗಳಾಯಿತು ಗೇನ ಮಾಡಿಯೊಳಿ.

ರೋಮ್ 6:2

ಅನ್ನನೆ ಇಲ್ಲೆ! ಪಾಪಕ್ ಚತ್ತ್ ಪೋಯಿತುಳ್ಳ ನಂಗ, ಇಂಞು ಅದ್‍ಲ್ ಎನ್ನನೆ ಬದ್‍ಕ್‌ವಕಾಪ?

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

1 ಕೊರಿಂಥ 15:45

ದೇವಡ ವಾಕ್ಯತ್‍ಲ್ ಉಳ್ಳನೆಕೆ, ಆದ್ಯ ಮನುಷ್ಯನಾನ ಆದಾಮನ ದೇವ ಸೃಷ್ಟಿ ಮಾಡ್‌ವಕ ಅಂವೊನ ಜೀವ ಉಳ್ಳ ಮನುಷ್ಯನಾಯಿತ್ ಮಾಡ್‍ಚಿ. ಆಚೇಂಗಿ ದಂಡನೆ ಆದಾಮನಾನ ಕ್ರಿಸ್ತ, ಚಾವ್‍ಯಿಂಜ ಎಪ್ಪ್‌ಚಿಡ್‍ವ ಆತ್ಮೀಯ ಜೀವ ತಪ್ಪಂವೊನಾಯಿತ್ ಆಚಿ.

1 ಕೊರಿಂಥ 2:14

ದೇವಡ ಆತ್ಮ ಇಲ್ಲತ ಮನುಷ್ಯ, ದೇವಡ ಆತ್ಮತ್‍ರ ವಿಷಯತ್‍ನ ಸ್ವೀಕಾರ ಮಾಡುಲೆ. ದೇವಡ ವಿಷಯವೆಲ್ಲ ಅಂವೊಂಗ್ ಪುಚ್ಚಿ ತಕ್ಕ್‌ರನೆಕೆ ಇಪ್ಪ. ಅಂವೊಂಗ್ ಅದ್‍ನ ಅರ್ಥ ಮಾಡ್‌ವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ ಆತ್ಮೀಯವಾಯಿತ್ ಉಳ್ಳಯಿಂಗಕ್ ಮಾತ್ರ ಪವಿತ್ರಾತ್ಮ ಎಣ್ಣ್‌ವದ್ ಅರ್ಥ ಆಪ.

2 ಕೊರಿಂಥ 5:14

ಕ್ರಿಸ್ತಂಡ ಪ್ರೀತಿ ನಂಗಳ ಒತ್ತಾಯ ಮಾಡಿಯಂಡುಂಡ್; ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾರ್‍ಕಾಯಿತ್ ಒಬ್ಬನೇ ಚತ್ತ್ ಪೋಚೀಂದ್ ನಂಬಿಯಂಡುಂಡ್. ಅನ್ನನೆ ಎಲ್ಲಾರು ಚತ್ತ್ ಪೋಚಿ.

2 ಕೊರಿಂಥ 5:7

ನಂಗ ಕಣ್ಣ್‌ಲ್ ಕಂಡಿತ್ ನಡ್‍ಕತೆ, ನಂಬಿಕೇಲ್ ನಡ್ಂದಂಡುಂಡ್.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಎಫೆಸ 3:9

ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಆದಿಯಿಂಜಲೆ ಮುಚ್ಚಿ ಬೆಚ್ಚಿತ್ಂಜ ಈ ಗುಟ್ಟ್‌ನ, ಎಲ್ಲಾರ್‌ಕು ಅರಿಚಿಡ್‌ವಕ್ ನನ್ನ ಗೊತ್ತ್ ಮಾಡ್‍ಚಿ.

ಫಿಲಿಪ್ಪಿ 4:7

ನಿಂಗ ಇನ್ನನೆ ಮಾಡ್‍ಚೇಂಗಿ, ನಿಂಗ ಏದ್ ವಿಷಯತು ಬೇಜಾರ್ ಮಾಡತೆ ಇಪ್ಪಕ್, ನಿಂಗಡ ಮನಸ್ಸ್‌ನ ಕಾಪಾಡ್‌ವ. ನಿಂಗ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಾಂಗ್ ನಿಂಗಡ ಹೃದಯತ್‍ಲ್ ಸಮಾದಾನ ತಂದಿತ್ ನಿಂಗಳ ಕಾಪಾಡ್‌ವ. ಅಂವೊಂಡಿಂಜ ಬಪ್ಪ ಈ ಸಮಾದಾನತ್‍ನ ನಂಗಡ ಬುದ್ದಿಯಿಂಜ ಅರ್ಥ ಮಾಡ್‌ವಕಯ್ಯುಲೆ.

ಕೊಲೊಸ್ಸೆ 1:5

ನೇರಾನ ಸುದ್ದಿಯಾನ ದೇವಡ ನಲ್ಲ ಸುದ್ದಿ ನಿಂಗಡ ಪಕ್ಕ ಆದ್ಯವಾಯಿತ್ ಬಂದಿತ್ ನಿಂಗಕ್ ಗೊತ್ತಾನ ಕಾಲತ್ಂಜ, ನಿಂಗ ಇನ್ನನೆ ಮಾಡಿಯಂಡ್, ನಿಂಗಕಾಯಿತ್ ಪರಲೋಕತ್‍ಲ್ ಬದ್ರವಾಯಿತ್ ಬೆಚ್ಚಿತುಳ್ಳ ನಿರೀಕ್ಷೆಕಾಯಿತ್ ಪಾರಕಾತಂಡ್ ಉಳ್ಳಿರ.

ಕೊಲೊಸ್ಸೆ 2:20

ನಿಂಗ ಕ್ರಿಸ್ತಂಡ ಕೂಡೆ ಚತ್ತ್ ಪೋಯಿತ್, ಈ ಲೋಕತ್‍ರ ಆತ್ಮತ್‍ರ ಅದಿಕಾರತ್ಂಜ ಬುಡುಗಡೆ ಆಯಿತುಳ್ಳಿರ. ಪಿಂಞ ಎನ್ನಂಗ್, ನಿಂಗ ಇಂಞು ಇನ್ನನೆ ಮಾಡ್‌ವಕ್ಕಾಗ, ಇದ್‍ನ ತಿಂಬಕ್ಕಾಗ, ಇದ್‍ನ ಮುಟ್ಟುವಕ್ಕಾಗಾಂದ್ ಈ ಲೋಕತ್‍ರ ನೇಮತ್‍ರನೆಕೆ ಬದ್‌ಕಿಯಂಡುಳ್ಳಿರ?

ಕೊಲೊಸ್ಸೆ 2:3

ಕ್ರಿಸ್ತಂಡ ಒಳ್‌ಲೇ ಎಲ್ಲಾ ಜ್ಞಾನ ಪಿಂಞ ಬುದ್ದಿ ಎಣ್ಣುವ ಬಂಡಾರ ಮುಚ್ಚಿತುಂಡ್.

ಕೊಲೊಸ್ಸೆ 3:4

ನಿಂಗಡ ನೇರಾನ ಜೀವವಾಯಿತುಳ್ಳ ಕ್ರಿಸ್ತ, ಅಂವೊ ಪುನಃ ಬಪ್ಪಕ, ನಿಂಗಳು ಸಹ ಅಂವೊಂಡ ಮಹಿಮೆಲ್ ಬಪ್ಪಿರ.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

1 ಪೇತ್ರ 3:4

ಅದ್ಂಡ ಬದ್‍ಲ್, ನಿಂಗಡ ಬೋಜ ನಿಂಗಡ ಒಳ್‍ಲಿಂಜ ಬಪ್ಪದಾಯಿತ್ ಇರಂಡು. ಅದ್ ಎಂತ ಎಣ್ಣ್‌ಚೇಂಗಿ: ಪಾಳಾಯಿ ಪೋಕತ ಅಲಂಗಾರವಾನ ಶಾಂತ ಮನಸ್ಸ್‌ಲ್ ನಿಂಗಡ ಹೃದಯತ್‍ಲ್ ಮುಚ್ಚಿತಿಪ್ಪ ಗುಣವೇ. ಅದ್ ದೇವಡ ನೋಟತ್‌ಲ್ ದುಂಬ ಬೆಲೆಯುಳ್ಳದಾಯಿತುಂಡ್.

1 ಪೇತ್ರ 4:2

ಆನಗುಂಡ್, ಇಂಞು ಮಿಂಞಕ್ ತಡೀಲ್ ಇಪ್ಪಕತ್ತನೆ, ಮನುಷ್ಯಂಗಡ ಇಚ್ಛೆಕಾಯಿತ್ ಬದ್‍ಕತೆ, ದೇವಡ ಚಿತ್ತತ್‍ರನೆಕೆ ಬದ್‍ಕ್‍ವ.

1 ಯೋಹಾನ 3:2

ಪ್ರೀತಿರ ಮಕ್ಕಳೇ, ಇಕ್ಕ ನಂಗ ದೇವಡ ಮಕ್ಕಳಾಯಿತುಂಡ್. ಆಚೇಂಗಿ ಇಂಞು ಮಿಂಞಕ್ ನಂಗ ಎನ್ನನೆ ಇಪ್ಪಾಂದ್ ಅಂವೊ ಎಣ್ಣಿತ್‌ಲ್ಲೆ. ಆಚೇಂಗಿ ಕ್ರಿಸ್ತ ಪ್ರತ್ಯಕ್ಷ ಆಪಕ ನಂಗಳು ಅಂವೊಂಡನೆಕೆ ಇಪ್ಪಾಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಪ್ರತ್ಯಕ್ಷ ಆಪಕ ಅಂವೊ ಉಳ್ಳನೆಕೆ ನಂಗ ಅಂವೊನ ಕಾಂಬ.

ಪ್ರಕಟನೆ 2:17

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.