ಕೊಲೊಸ್ಸೆ 3:24 - ಕೊಡವ ಬೈಬಲ್

²⁴ ಎನ್ನಂಗೆಣ್ಣ್‌ಚೇಂಗಿ, ನಿಂಗಕ್ ಒಡೆಯಂಡಿಂಜ ಕ್‍ಟ್ಟುವ ಇನಾಮ್‍ಕ್ ಬಾದ್ಯತೆ ಉಳ್ಳಯಿಂಗಾಂದ್ ಗೊತ್ತುಳ್ಳಗುಂಡ್, ನಿಂಗಡ ಒಡೆಯನಾಯಿತುಳ್ಳ ಕ್ರಿಸ್ತಂಗ್ ಸೇವೆ ಮಾಡಿ.

ಕೊಲೊಸ್ಸೆ 3:24 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:1

ಈ ಘಟನೆಯೆಲ್ಲಾ ಆನ ಪಿಂಞ ಅಬ್ರಾಮಂಗ್‌ ಯೆಹೋವ ದರ್ಶನತ್‌ಲ್‌ ಬಂದಿತ್: ಅಬ್ರಾಮನೇ ನೀನ್‌ ಬೊತ್ತತೆ; ನಾನ್‌ ನೀಕ್‌ ಎದೆತಟ್ಟ್‌ ಆಯಿತ್‌ಪ್ಪಿ. ನೀಡ ಬಹುಮಾನ ಬಲ್ಯದಾಯಿತ್‌ಪ್ಪಾಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 11:18

ಒರ್‌ ದುಷ್ಟಂಡ ಆದಾಯ ಮೋಸವಾಯಿತ್‌ಪ್ಪ. ಆಚೇಂಗಿ ನೀತಿನ ಬಿತ್ತ್‌ವಂವೊ ಯೋಗ್ಯವಾನ ಫಲತ್‌ನ ಪಡೆಯುವ.

ಮತ್ತಾಯ 10:41

ನಿಂಗ, ಒರ್ ಪ್ರವಾದಿನ, ಅಂವೊ ದೇವಡ ಪ್ರವಾದೀಂದ್ ಗೊತ್ತಾನಗುಂಡ್ ಸತ್ಕಾರ ಮಾಡ್‍ನಕ, ಒರ್ ಪ್ರವಾದಿಕ್ ಕ್‍ಟ್ಟ್‌ವ ಅದೇ ಫಲ ನಿಂಗಕು ಕ್‍ಟ್ಟ್‌ವ. ಅನ್ನನೆ, ಒರ್ ಮನುಷ್ಯ ನೀತಿವಂತಂವೋಂದ್ ಗೊತ್ತಾನಗುಂಡ್ ಅಂವೊನ ಸತ್ಕಾರ ಮಾಡ್‍ಚೇಂಗಿ, ಆ ನೀತಿವಂತ ಮನುಷ್ಯಂಗ್ ಕ್‍ಟ್ಟ್‌ವ ಅದೇ ಫಲ ನಿಂಗಕು ಕ್‍ಟ್ಟ್‌ವ.

ಮತ್ತಾಯ 5:12

ಸಂತೋಷವಾಯಿತ್ ಇರಿ, ಕುಶಿ ಪಡಿರಿ; ಪರಲೋಕತ್‍ಲ್ ನಿಂಗಡ ಫಲ ಬಲ್ಯದಾಯಿತ್‌ಪ್ಪ. ಎನ್ನಂಗೆಣ್ಣ್‌ಚೇಂಗಿ, ನಿಂಗಕಿಂಜ ಮಿಂಞ ಇಂಜ ಪ್ರವಾದಿಯಂಗಕ್ ಸಹ ಅಯಿಂಗ ಇನ್ನನೆ ಹಿಂಸೆ ಮಾಡ್‍ಚಿ.

ಮತ್ತಾಯ 5:46

ನಿಂಗಳ ಪ್ರೀತಿ ಮಾಡ್‌ವಯಿಂಗಳ ಮಾತ್ರ ನಿಂಗ ಪ್ರೀತಿ ಮಾಡ್‍ಚೇಂಗಿ ಎಂತ ಫಲ? ಕಂದಾಯ ಎಡ್‌ಪಯಿಂಗಳು ಅನ್ನನೆ ಮಾಡ್‌ವಲ್ಲ?

ಮತ್ತಾಯ 6:16

ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 6:5

ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ಕಪಟಿಯರನೆಕೆ ಮಾಡಂಡ. ಎಲ್ಲಾರು ಕಾಂಗಂಡೂಂದ್ ಎದ್ದ್ ನಿಂದಿತ್ ಸಬಾಮಂದಿರತ್‍ಲ್, ಬೀದಿ ಮೂಲೆಲ್ ಪ್ರಾರ್ಥನೆ ಮಾಡ್‌ವಕ್ ಅಯಿಂಗ ಕುಶಿ ಪಡ್‍ವ. ಪೂರ್ತಿಯಾಯಿತ್ ಅಯಿಂಗಕ್ ಫಲ ಕ್‍ಟ್ಟ್‌ಚೀಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:14

ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ನಿನ್ನ ಕಾಕಿತ್ ನೀಕ್ ಬದ್‍ಲ್ ತಪ್ಪಕಯ್ಯುಲೆ. ಅಕ್ಕ ನಿನ್ನ ದೇವ ಆಶೀರ್ವಾದ ಮಾಡ್‌ವ ಪಿಂಞ ನೀತಿವಂತಯಿಂಗ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪ ಕಾಲತ್‍ಲ್ ನೀಕ್ ಬದ್‍ಲ್ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:35

ಆಚೇಂಗಿ ನಿಂಗ ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಲ್ಲದ್ ಮಾಡಿ, ಪುನಃ ನಂಗಕ್ ಕ್‍ಟ್ಟ್‌ವಾಂದ್ ಬಯಂದತೆ, ಅಯಿಂಗಕ್ ಸಾಲ ಕೊಡಿ, ಅಕ್ಕ ನಿಂಗಡ ಫಲ ಬಲ್ಯದಾಯಿತಿಪ್ಪ ಪಿಂಞ ನಿಂಗ ದೇವಾದಿ ದೇವಡ ಮಕ್ಕಳಾಯಿತ್‌ಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ಅಂವೊ ಕೆಟ್ಟ ಜನಕ್ ಪಿಂಞ ದುಷ್ಟಯಿಂಗಕ್ ನಲ್ಲದ್ ಮಾಡಿಯಂಡುಂಡ್.

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

ಅಪೊಸ್ತಲ 20:32

ನಾನ್ ಇಕ್ಕ ನಿಂಗಳ ದೇವಂಗೂ ಅಂವೊಂಡ ಕೃಪೇರ ವಾಕ್ಯ‌ಕೂ ಒಪ್ಪ್‌ಚಿಟ್ಟಿತ್ ಪೋಪಿ. ಈ ಕೃಪೇರ ವಾಕ್ಯ ನಿಂಗಡ ಬಕ್ತಿ ಬೊಳಿವಕು, ಅಂವೊಂಗಾಯಿತ್ ಬೋರೆ ಮಾಡಿತುಳ್ಳ ಪವಿತ್ರವಾನ ಜನಕ್ ಬೆಚ್ಚಿತುಳ್ಳ ಬಾದ್ಯತ್‌ಲ್ ನಿಂಗಕು ಕ್‍ಟ್ಟ್‌ವನೆಕೆ ಮಾಡ್‌ವ.

ರೋಮ್ 1:1

ಯೇಸು ಕ್ರಿಸ್ತಂಡ ಸೇವಕನು, ಅಪೊಸ್ತಲನಾಯಿತ್‌ಪ್ಪಕ್ ದೇವ ಕಾಕ್‌ನಂವೊನು, ದೇವಡ ನಲ್ಲ ಸುದ್ದಿನ ಅರಿಚಿಡುವಕಾಯಿತ್ ದೇವ ಗೊತ್ತ್ ಮಾಡ್‍ನ ಪೌಲನಾನ ನಾನ್ ಒಳ್‍ದ್‍ವ ಕಾಗದ ಇದ್.

ರೋಮ್ 14:18

ಈ ವಿಷಯತ್‍ಲ್ ಎಚ್ಚರ ಎಡ್‍ತಂಡ್ ಕ್ರಿಸ್ತನ ಸೇವೆ ಮಾಡ್‌ವಂವೊಂಡ ಮೇಲೆ ದೇವನು ಕುಶಿ ಪಡುವ, ಮನುಷ್ಯಂಗಡಿಂಜ ಅಂಗಿಕಾರವು ಕ್‍ಟ್ಟುವ.

1 ಕೊರಿಂಥ 11:23

ನಾನ್ ಒಪ್ಪ್‌ಚಿಟ್ಟ ಈ ಬೋದನೆನ, ದೇವಡಯಿಂಜ ನಾನ್ ಪಡ್ಂದಿಯೆ. ಅದ್ ಎಂತ ಎಣ್ಣ್‌ಚೇಂಗಿ, ಒಡೆಯನಾನ ಯೇಸುನ ವಿರೋದಿಯಂಗಡ ಕೈಯಿಕ್ ಪುಡ್‍ಚಿ ಕೊಡ್‍ಪಕ್ ಮಿಂಞ, ಆ ಬಯಿಟ್ ಒಟ್ಟಿನ ಎಡ್‌ಪಂಜಿ,

1 ಕೊರಿಂಥ 3:8

ಇಂಞು ಕುರುನ ಬಿತ್ತ್‌ವಂವೊನು ನೀರ್ ಬೂಕ್‍ವಂವೊನು ಒರೇ ಉದ್ದೇಶಕಾಯಿತ್ ಕೆಲಸ ಮಾಡ್‌ವ. ದಂಡಾಳ್‍ಕು ಅಯಿಂಗಯಿಂಗ ಮಾಡ್‍ನ ಕೆಲಸಕ್ ತಕ್ಕಂತ ಸಂಬಳ ಕ್‍ಟ್ಟ್‌ವ.

1 ಕೊರಿಂಥ 7:22

ದೇವ ನಿಂಗಳ ಕಾಕ್‍ವಕ ನಿಂಗ ಒರ್ ಅಡಿಯಾಳಾಯಿತ್ ಇಂಜತೇಂಗಿಯು, ಒಡೆಯಂಡಲ್ಲಿ ನಿಂಗ ಇಕ್ಕ ಸ್ವಾತಂತ್ರವಾಯಿತುಳ್ಳಿರ. ಅನ್ನನೆ ದೇವ ನಿಂಗಳ ಕಾಕ್‍ವಕ ನಿಂಗ ಸ್ವಾತಂತ್ರ ಮನುಷ್ಯನಾಯಿತ್ ಇಂಜತೇಂಗಿಯು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಅಂವೊ ಎಣ್ಣ್‌ವಾನ ಮಾಡ್‌ವಗುಂಡ್ ನಿಂಗ ಇಕ್ಕ ಅಂವೊಂಗ್ ಅಡಿಯಾಳಾಯಿತುಳ್ಳಿರ.

ಗಲಾತ್ಯ 1:10

ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್‌ತ್‌ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್‍ತ್‌ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.

ಎಫೆಸ 6:6

ಮನುಷ್ಯಂಗ ಕುಶಿಪಡ್‌ವನೆಕೆ ಅಯಿಂಗ ನೋಟ್‍ವಕ ಮಾತ್ರ ಕೆಲಸ ಮಾಡತೆ, ಕ್ರಿಸ್ತಂಡ ಅಡಿಯಾಳಾಯಿತ್, ಪೂರ್ತಿ ಮನಸ್ಸ್‌ಲ್ ದೇವಡ ಚಿತ್ತತ್‍ನ ಮಾಡಿ.

ಎಫೆಸ 6:8

ಅಡಿಯಾಳಾಯಿತ್ಂಜತೇಂಗಿಯು, ಸ್ವಾತಂತ್ರ ಆನಯಿಂಗಳಾಯಿತ್ಂಜತೇಂಗಿಯು, ಅಯಿಂಗಯಿಂಗ ಮಾಡ್‌ವ ಸೇವೇಕ್ ತಕ್ಕಂತ ಇನಾಮ್‍ನ ದೇವ ತಪ್ಪಾಂದ್ ಗೇನ ಬೆಚ್ಚೊಳಿ.

ಕೊಲೊಸ್ಸೆ 2:18

ದಾರೂ ನಿಂಗಳ, ನಿಂಗಡ ಇನಾಮ್‍ನ ಕಳೆಂದ್ ಪೋಪನೆಕೆ ವಂಚನೆ ಮಾಡ್‌ವಕ್ ಬುಡತಿ; ಅಯಿಂಗ ದಾರ್ ಎಣ್ಣ್‌ಚೇಂಗಿ, ವಂಚನೆ ಮಾಡ್‌ವ ತಾಳ್ಮೆಲ್ ಇಪ್ಪನೆಕೆ ಕಾಟಿಯಂಡ್, ದೇವದೂತಂಗಳ ಆರಾದನೆ ಮಾಡ್‌ವಕ್ ಕುಶಿಪಟ್ಟಂಡ್, ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ನುಗ್ಗಿತ್ ಪಿಂಞ ಅಯಿಂಗ ತಡೀರ ಗೇನತ್‍ಲ್ ಒರ್ ಕಾರಣವು ಇಲ್ಲತೆ ಗರ್ವ ಪಡ್‌ವಯಿಂಗಳಾಯಿತ್ ಉಂಡ್.

ಇಬ್ರಿಯ 10:35

ಆನಗುಂಡ್, ನಿಂಗಡ ದೈರ್ಯತ್‍ನ ಕಳೆಯುವಕ್ಕಾಗ, ಅದ್ ನಿಂಗಕ್ ಬಲ್ಯ ಪ್ರತಿಫಲ ತಪ್ಪ.

ಇಬ್ರಿಯ 11:6

ನಂಬಿಕೆ ಇಲ್ಲತಪೋನಕ ದೇವನ ಕುಶಿ ಪಡ್‍ತ್‍ವಕ್ ಸಾದ್ಯ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ದೇವಡ ಪಕ್ಕ ಕೂಡ್‍ವಂವೊ ದೇವ ಉಂಡ್‍ೕಂದು, ಅಂವೊನ ತ್‍ೕಡ್‌ವ ಜನಕ್ ಅಂವೊ ಪ್ರತಿಫಲ ತಪ್ಪಾಂದು ನಂಬಂಡು.

ಇಬ್ರಿಯ 9:15

ಈ ಕಾರಣಕಾಯಿತ್, ಪಳೆಯ ಒಪ್ಪಂದತ್‍ರ ಕಾಲತ್‍ಲ್ ಆಯಂಡಿಂಜ ಅಕ್ರಮಕ್ ವಿಮೋಚನವಾಯಿತ್ ಅಂವೊ ಚತ್ತಿತ್, ವಾಗ್ದಾನ ಮಾಡ್‍ನ ನಿತ್ಯ ಬಾದ್ಯತೇನ ಅಂವೊ ಕಾಕ್‌ನಯಿಂಗ ಪಡೆಯಂಡೂಂದ್, ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತ್ ಅಂವೊ ಆಚಿ.

1 ಪೇತ್ರ 1:4

ಒರ್‌ಕಾಲು ಬಾಡಿ ಪೋಕತ ಅಥವ ನಾಶ ಆಯಿ ಪೋಕತ, ಪಾಳಾಯಿ ಪೋಪಕ್ ಕಯ್ಯತ ಬಾದ್ಯತೇನ ಪರಲೋಕತ್‍ಲ್ ನಂಗಕಾಯಿತ್ ಬೆಚ್ಚಿತುಂಡ್.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

ಯೂದ ಒಳ್‍ದ್‍ನ ಕಾಗದ 1:1

ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬಂಡ ತಮ್ಮಣನಾನ ಯೂದ, ದೇವ ಕಾಕ್‍ನಯಿಂಗಳಾಯಿತ್, ಅಪ್ಪನಾನ ದೇವನ ಪ್ರೀತಿ ಮಾಡ್‌ವಯಿಂಗಳಾಯಿತ್, ಯೇಸು ಕ್ರಿಸ್ತಂಗಾಯಿತ್ ಬದ್ರವಾಯಿತ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.