ಕೊಲೊಸ್ಸೆ 3:19 - ಕೊಡವ ಬೈಬಲ್

¹⁹ ವಡಿಯಂಗಳೇ, ನಿಂಗ ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು, ಅಯಿಂಗಡ ಮೇಲೆ ಕಯಿಪ್‌ಲ್ ಇಪ್ಪಕ್ಕಾಗ.

ಕೊಲೊಸ್ಸೆ 3:19 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:67

ಅಲ್ಲಿಂಜ ಇಸಾಕ ಅವಳ ತಾಂಡ ಅವ್ವ ಸಾರಳಂಡ ಗುಡಾರಕ್‌ ಕಾಕಿಯಂಡ್‌ ಪೋಯಿತ್, ರೆಬೆಕ್ಕಳ ಮಂಗಲ ಕಯಿಚತ್. ಅವ ಅಂವೊಂಡ ಪೊಣ್ಣ್‌ ಆಚಿ. ಅಂವೊ ಅವಳ ಪ್ರೀತಿ ಮಾಡಿತ್‌ ತಾಂಡ ಅವ್ವ ಚತ್ತ ದುಃಖತ್‌ನ ಮರ್‌ಂದತ್.

ರೋಮ್ 3:14

ಅಯಿಂಗಡ ಬಾಯಿ, ಕೆಟ್ಟ ತಕ್ಕ್ ಪಿಂಞ ಶಾಪ ದುಂಬಿತ್ ಉಂಡ್.

ಎಫೆಸ 4:31

ಎಲ್ಲಾ ಕೈಪ್‍ತನ, ಬೈಗಳ, ಚೆಡಿ, ಜೋರ್ ಮಾಡ್‍ವದ್, ಕೆಟ್ಟ ತಕ್ಕ್ ಪಿಂಞ ಎಲ್ಲಾ ಕೆಟ್ಟ ಗುಣವು ನಿಂಗಳ ಬುಟ್ಟಿತ್ ಪೋಡ್.

ಎಫೆಸ 5:25

ವಡಿಯಂಗಳೇ, ನಿಂಗ ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು, ಕ್ರಿಸ್ತ ಸಹ ಅನ್ನನೆ ಸಬೇನ ಪ್ರೀತಿ ಮಾಡಿತ್, ಅಂವೊನೇ ಅವಕಾಯಿತ್ ತಾಂಡ ಜೀವತ್‍ನ ಕೊಡ್‍ತತ್.

ಎಫೆಸ 5:33

ಎನ್ನನೆ ಆಚೇಂಗಿಯು, ಪ್ರತಿ ಒಬ್ಬನು ಅಂವೊನ ತಾನೆ ಪ್ರೀತಿ ಮಾಡ್‌ವನೆಕೆ ತಾಂಡ ಪೊಣ್ಣ್‌ನ ಪ್ರೀತಿ ಮಾಡಂಡು; ಪ್ರತಿ ಪೊಣ್ಣಾಳು ಅವಡ ವಡಿಯಂಗ್ ಮರ್ಯಾದೆ ಕೊಡ್‍ಕಂಡು.

ಕೊಲೊಸ್ಸೆ 3:21

ಅಪ್ಪಂಗಳೇ, ನಿಂಗಡ ಮಕ್ಕ ನಿಂಗಡ ಮೇಲೆ ಕಡ್‍ಪ ಆಕತನೆಕೆ ಮಾಡತಿ, ಅಯಿಂಗ ನಲ್ಲದ್ ಮಾಡಂಡೂಂದ್ ಉಳ್ಳ ಮನಸ್ಸ್‌ನ ಬುಟ್ಟ್‌ರ್‌ವ.

ಯಾಕೋಬ 3:14

ಆಚೇಂಗಿ ನಿಂಗಡ ಹೃದಯತ್‍ಲ್ ನಿಂಗ ಕೆಟ್ಟದ್ ಮಾಡಂಡೂಂದ್ ಗೇನ ಮಾಡಿಯಂಡ್ ಒಟ್ಟೆಕಿಚ್ಚ್‌ಪಟ್ಟಂಡ್, ನಿಂಗ ಬುದ್ದಿವಂತಂಗಾಂದ್ ಕಳಿಕತಿ, ಅದ್ ಎಲ್ಲಾಕಿಂಜಿ ಬಲ್ಯ ಪೊಟ್ಟ್.

1 ಪೇತ್ರ 3:7

ಅನ್ನನೆ, ವಡಿಯಂಗಳೇ! ನಿಂಗಡ ಪೊಣ್ಣಾಳುವ ತಡೀಲ್ ಬೆಲ ಇಲ್ಲತಯಿಂಗಳಾಯಿತ್ ಉಳ್ಳಾಂಗ್, ನಿಂಗಡ ಪ್ರಾರ್ಥನೆಕ್ ತಡೆ ಬರತನೆಕೆ, ಜ್ಞಾನತ್‍ಲ್ ಅಯಿಂಗಡ ಕೂಡೆ ಬದ್‌ಕಿತ್, ನಿಂಗಡ ಕೂಡೆ ಅಯಿಂಗಳು ಕೃಪೇರ ನಿತ್ಯ ಜೀವಕ್ ಪಾಲ್‍ದಾರಂಗಳಾನಗುಂಡ್, ಅಯಿಂಗಕ್ ಬೋಂಡಿಯಾನ ಮರ್ಯಾದೆನ ಕೊಡ್‍ಕಂಡು.