ಕೊಲೊಸ್ಸೆ 3:11 - ಕೊಡವ ಬೈಬಲ್

¹¹ ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

ಕೊಲೊಸ್ಸೆ 3:11 ပူးပေါင်းရင်းမြစ်များ

ಮಲಾಕಿ 1:11

ಸೂರ್ಯ ಉದಿಪ ದಿಕ್ಕ್‌ ಪುಡಿಚಿತ್, ಅದ್‌ ಮುಳಿವ ದಿಕ್ಕ್‌ಕತ್ತನೆ, ಎಲ್ಲಾ ದೇಶತ್‌ರ ಜನಳು ನಾಡ ಪೆದತ್‌ನ ಗನ ಪಡ್‌ತುವ. ಎಲ್ಲಾ ಜಾಗತ್‌ಲು ನಾಕ್‍ ದೂಪತ್‌ನ ಪಿಂಞ ಶುದ್ದ ಕಾಣಿಕೆನ ಅರ್ಪಿಚಿಡುವ. ಅಕ್ಕು, ಎಲ್ಲಾ ಜನಾಂಗತ್‌ರ ಮದ್ಯತ್‌ಲು ನಾಡ ಪೆದ ಬಲ್ಯದಾಯಿತ್‌ಪ್ಪಾಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 15:5

ನಾನೇ ದ್ರಾಕ್ಷಿ ಬಳ್ಳಿ, ನಿಂಗ ಕೊಂಬ್. ಒಬ್ಬ ನಾಡಲ್ಲಿ, ನಾನ್ ಅಂವೊಂಡಲ್ಲಿ ಸ್ತಿರವಾಯಿತ್ ಇಂಜತೇಂಗಿ ದುಂಬ ಫಲ ತಪ್ಪ; ನಿಂಗಕ್ ನನ್ನ ಬುಟ್ಟಿತ್ ಒಂದು ಮಾಡ್‌ವಕ್ ಕಯ್ಯುಲೆ.

ಯೋಹಾನ 17:23

ಐಕ್ಯತ್‍ಲ್ ಈಂಗ ಪೂರ್ತಿಯಾಯಿತ್ ಇಪ್ಪಕಾಯಿತು, ನೀನ್ ನನ್ನ ಲೋಕಕ್ ಅಯಿಚದ್‍ನ ಪಿಂಞ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಪ್ಪನೆಕೆ ಅಯಿಂಗಡಲ್ಲಿ ಪ್ರೀತಿಯಾಯಿತ್ ಇಪ್ಪದ್‍ನ ಲೋಕತ್‍ರ ಜನ ಗೊತ್ತಾಪಕಾಯಿತು ನಾನ್ ಅಯಿಂಗಡಲ್ಲಿಯು ನೀನ್ ನಾಡಲ್ಲಿಯು ಇರಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ಅಪೊಸ್ತಲ 15:17

ನಾನ್ ಇನ್ನನೆ ಮಾಡ್‌ವಗುಂಡ್, ಬಾಕಿಯುಳ್ಳ ಎಲ್ಲಾ ಜನಳು, ವಿಶೇಷವಾಯಿತ್ ನಾಕಾಯಿತ್ ನಾನ್ ಕಾಕಿತುಳ್ಳ ಯೆಹೂದ್ಯ ಅಲ್ಲತ ಜನ ಒಡೆಯನಾನ ದೇವನ ತ್‍ೕಡ್‌ವ. ಇನ್ನನೆ ಮಾಡ್‌ವ ನಾನ್ ಇದ್‍ನ ಎಣ್ಣಿಯೆ. ಅದ್ ಅನ್ನನೆ ಆಪ,

ಅಪೊಸ್ತಲ 28:2

ಆ ದ್ವೀಪತ್‍ರ ಜನಾಂಗ, ನಂಗಕ್ ಗೊತ್ತ್‌ಲ್ಲತಯಿಂಗಳಾಯಿತ್ ಇಂಜತೇಂಗಿಯು ನಂಗಕ್ ದುಂಬ ಕನಿಕರ ಕಾಟ್‍ಚಿ. ಆ ಸಮಯತ್‍ಲ್ ಮಳೆಯು ಕುಳ್‍ರು ದುಂಬ ಇಂಜಗುಂಡ್, ತಿತ್ತ್ ಇಟ್ಟಿತ್ ನಂಗಳ ಕೂಟಿಯಂಡತ್.

ಅಪೊಸ್ತಲ 28:4

ಆ ಪಾಂಬ್ ಪೌಲಂಡ ಕೈಯಿಲ್ ತೂಂಗಿಯಂಡ್ ಇಪ್ಪದ್‍ನ ಆ ದ್ವೀಪತ್‍ರ ಜನ ಕಾಂಬಕ, ಈ ಮನುಷ್ಯ ಒರ್ ಕೊಲೆಗಾರನಾಯಿತ್ ಇಕ್ಕೂಂದ್ ಕಾಂಬ; ಸಮುದ್ರತ್‍ಂಜ ತಪ್ಪಿಚಿಟ್ಟಂಡ್ ಬಂದತೇಂಗಿಯು, ನ್ಯಾಯ ಇಂವೊನ ಬದ್‍ಕ್‍ವಕ್ ಬುಡ್‍ಲೇಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ರೋಮ್ 1:14

ಗ್ರೀಕ್ ಜನಕು, ಬೋರೆ ಜನಕು, ಜ್ಞಾನಿಯಂಗಕು, ಅಜ್ಞಾನಿಯಂಗಕು ಪ್ರಸಂಗ ಮಾಡ್‌ವಕ್ ನಾನ್ ಜವಾಬ್ದಾರನಾಯಿತುಳ್ಳ.

ರೋಮ್ 10:12

ಯೆಹೂದ್ಯಂಗಾಂದು, ಯೆಹೂದ್ಯ ಅಲ್ಲತಯಿಂಗಾಂದು ವೆತ್ಯಾಸ ಇಲ್ಲೆ, ಎಲ್ಲಾರ್‌ಕು ಒಡೆಯನಾಯಿತ್ ಉಳ್ಳ ಅಂವೊ, ಅಂವೊನ ಆರಾದನೆ ಮಾಡ್‌ವಯಿಂಗಕೆಲ್ಲಾ ದಾರಾಳವಾಯಿತ್ ಆಶೀರ್ವಾದ ಮಾಡ್‌ವಂವೊನಾಯಿತುಂಡ್.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 3:29

ಯೆಹೂದ್ಯಂಗಕ್ ಮಾತ್ರ ಅಂವೊ ದೇವನಾ? ಯೆಹೂದ್ಯ ಅಲ್ಲತಯಿಂಗಕೂ ಅಂವೊ ದೇವ ತಾನೇ? ಅಕ್ಕು, ಯೆಹೂದ್ಯ ಅಲ್ಲತಯಿಂಗಕು ಅಂವೊ ದೇವ.

1 ಕೊರಿಂಥ 12:13

ನಂಗ ಯೆಹೂದ್ಯ ಜನವಾಯಿತ್ ಇಂಜತೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನವಾಯಿತ್ ಇಂಜತೇಂಗಿಯು, ಅಡಿಯಾಳಾಯಿತ್ ಇಂಜತೇಂಗಿಯು, ಬುಡ್‍ಗಡೆ ಆನ ಜನವಾಯಿತ್ ಇಂಜತೇಂಗಿಯು, ಎಲ್ಲಾ ಜನಳು ಒರೇ ಆತ್ಮತ್‍ರಗುಂಡ್ ಒರೇ ತಡಿಕ್ ದೀಕ್ಷಾಸ್ನಾನ ಪಡ್ಂದಿತ್, ಒರೇ ಆತ್ಮ ನಂಗಡ ಕೂಡೆ ವಾಸ ಮಾಡಿಯಂಡುಂಡ್.

1 ಕೊರಿಂಥ 14:11

ಆಚೇಂಗಿಯು, ನಾಕ್ ಆ ತಕ್ಕ್ ಗೊತ್ತ್‌ಲ್ಲೆ ಎಣ್ಣ್‌ಚೇಂಗಿ, ಆ ಬಾಷೆಲ್ ತಕ್ಕ್ ಪರಿಯುವಂಗ್ ನಾನ್ ಗೊತ್ತಿಲ್ಲತಂವೊನಾಯಿತ್‌ಪ್ಪಿ, ನಾಕ್ ಅಂವೊ ಗೊತ್ತಿಲ್ಲತಂವೊನಾಯಿತ್‌ಪ್ಪ.

1 ಕೊರಿಂಥ 7:19

ನೀಕ್ ಸುನ್ನತಿ ಆಯಿತ್ಂಜತೇಂಗಿಯು, ಸುನ್ನತಿ ಆಕತ ಇಂಜತೇಂಗಿಯು ಅದ್ ನಿಂಗಳ ದೇವಡ ಪಕ್ಕ ಬಲ್ಯಂಗಳಾಯಿತ್ ಕಾಟ್‌ಲೆ. ಅದ್ಂಡ ಬದ್‍ಲ್ ದೇವಡ ಆಜ್ಞೆರನೆಕೆ ಮಾಡ್‌ವದೇ ಮುಕ್ಯ.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಎಫೆಸ 1:23

ಎಲ್ಲಾನ ಎಲ್ಲಾನಗುಂಡ್ ದುಂಬ್‌ಚಿಡುವ ಪರಿಪೂರ್ಣವಾನ ಅಂವೊಂಡ ತಡೀಯಾಯಿತುಳ್ಳ ಸಬೇಕ್, ಎಲ್ಲಾಕಿಂಜ ಮೇಲೆ ಅಂವೊನ ಮಂಡೆಯಾಯಿತ್ ಮಾಡ್‍ಚಿ.

ಎಫೆಸ 2:14

ಎನ್ನನೆ ಎಣ್ಣ್‌ಚೇಂಗಿ, ಅಂವೊನೇ ನಂಗಕ್ ಸಮಾದಾನ ತಪ್ಪಂವೊನಾಯಿತು, ಯೆಹೂದ್ಯಂಗ ಪಿಂಞ ಯೆಹೂದ್ಯಂಗಲ್ಲತಯಿಂಗಾಂದ್ ಇಂಜ ದಂಡ್ ಜನತ್‍ನ ಒಂದ್ ಮಾಡಿತ್, ಬೋರೆ ಬೋರೇಂದ್ ಮಾಡಿಯಂಡ್ ವಿರೋದವಾಯಿತ್ ಮದ್ಯತ್‍ಲ್ ನಿಂದಂಡಿಂಜ ಗೋಡೆನ ಪೊಳಿಚತ್.

ಎಫೆಸ 2:15

ನ್ಯಾಯಪ್ರಮಾಣತ್‍ನ ಪಿಂಞ ಅದ್ಂಡ ನೇಮತ್‍ನ ತಾಂಡ ತಡೀರಗುಂಡ್ ನಾಶ ಮಾಡ್‍ಚಿ. ಅನ್ನನೆ ಈ ದಂಡ್ ಜನತ್‍ನ ತಾಂಡ ಮೂಲಕ ಒರೇ ಪುದಿಯ ಮನುಷ್ಯನಾಯಿತ್ ಸೃಷ್ಟಿ ಮಾಡಿತ್, ಸಮಾದಾನ ಮಾಡ್‍ಚಿ.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

ಎಫೆಸ 6:8

ಅಡಿಯಾಳಾಯಿತ್ಂಜತೇಂಗಿಯು, ಸ್ವಾತಂತ್ರ ಆನಯಿಂಗಳಾಯಿತ್ಂಜತೇಂಗಿಯು, ಅಯಿಂಗಯಿಂಗ ಮಾಡ್‌ವ ಸೇವೇಕ್ ತಕ್ಕಂತ ಇನಾಮ್‍ನ ದೇವ ತಪ್ಪಾಂದ್ ಗೇನ ಬೆಚ್ಚೊಳಿ.

ಕೊಲೊಸ್ಸೆ 2:10

ನಿಂಗ ಕ್ರಿಸ್ತಂಡ ಕೂಡೆ ಒಂದಾನಗುಂಡ್, ನಿಂಗಕ್ ಪೂರ್ಣವಾನ ಬದ್‍ಕ್‍ನ ಅಂವೊ ತಂದಿತುಂಡ್. ಅಂವೊ ಎಲ್ಲಾ ಆತ್ಮೀಕ ಅದಿಕಾರಕು, ಎಲ್ಲಾ ಶಕ್ತಿಕು ಮಂಡೆಯಾಯಿತುಂಡ್.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

2 ಯೋಹಾನ 1:9

ಕ್ರಿಸ್ತಂಡ ಬೋದನೆರನೆಕೆ ನಡ್‍ಕತೆ ಅದ್‍ನ ಮೀರಿತ್ ನಡ್‍ಪಯಿಂಗಡ ಕೂಡೆ ದೇವ ಇಲ್ಲೆ. ಯೇಸು ಕ್ರಿಸ್ತಂಡ ಉಪದೇಶಕ್ ಬಗ್ಗಿತ್ ನಡ್‍ಪಯಿಂಗಡ ಕೂಡೆ ಅಪ್ಪನಾನ ದೇವ ಪಿಂಞ ಮೋಂವೊ ಉಂಡ್.