ಕೊಲೊಸ್ಸೆ 2:6 - ಕೊಡವ ಬೈಬಲ್

⁶ ಆನಗುಂಡ್, ಕ್ರಿಸ್ತ ಯೇಸುನ ನಿಂಗ ಎನ್ನನೆ ಒಡೆಯನಾಯಿತ್ ಸ್ವೀಕಾರ ಮಾಡಿರೋ, ಅನ್ನನೆ ಅಂವೊಂಡಲ್ಲಿ ಬದ್‍ಕಂಡು.

ಕೊಲೊಸ್ಸೆ 2:6 ပူးပေါင်းရင်းမြစ်များ

ಮತ್ತಾಯ 10:40

ನಿಂಗಳ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ.

ಯೋಹಾನ 13:20

ನಾನ್ ಅಯಿಚಂವೊನ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ, ಇದ್‍ನ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

2 ಕೊರಿಂಥ 5:7

ನಂಗ ಕಣ್ಣ್‌ಲ್ ಕಂಡಿತ್ ನಡ್‍ಕತೆ, ನಂಬಿಕೇಲ್ ನಡ್ಂದಂಡುಂಡ್.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಗಲಾತ್ಯ 3:26

ಯೇಸು ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೇರಗುಂಡ್ ಇಕ್ಕ ನಿಂಗ ದೇವಡ ಮಕ್ಕಳಾಯಿತ್ ಉಳ್ಳಿರ.

ಎಫೆಸ 4:1

ಆನಗುಂಡ್, ದೇವ ನಿಂಗಳ ಕಾಕ್‍ನನೆಕೆ, ನಿಂಗ ಅದ್ಂಗ್ ಯೋಗ್ಯವಾನ ಬದ್‍ಕ್‍ನ ಬಾಳಡೂಂದ್ ಒಡೆಯಂಗಾಯಿತ್ ಕೈದಿಯಾಯಿತ್ ಉಳ್ಳ ನಾನ್, ನಿಂಗಳ ಬೋಡುವಿ.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

ಕೊಲೊಸ್ಸೆ 3:17

ತಕ್ಕ್ ಪರಿವದಾಡ್, ಕೆಲಸ ಮಾಡ್‌ವದಾಡ್, ನಿಂಗ ಎಂತ ಮಾಡ್‍ಚೇಂಗಿಯು, ಅದ್‍ನೆಲ್ಲಾ ಒಡೆಯನಾನ ಯೇಸುರ ಪೆದತ್‍ಲ್ ಮಾಡಿಯಂಡ್, ಅಂವೊಂಡ ಮೂಲಕ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

1 ಯೋಹಾನ 2:6

ದಾರೇಂಗಿ ನಾನ್ ದೇವಡ ಐಕ್ಯತ್‍ಲ್ ಉಳ್ಳ್‌ಂದ್ ಎಣ್ಣ್‌ಚೇಂಗಿ, ಅಂವೊನು ಯೇಸು ಕ್ರಿಸ್ತ ನಡ್ಂದನೆಕೆ ನಡ್‌ಕಂಡು.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

ಯೂದ ಒಳ್‍ದ್‍ನ ಕಾಗದ 1:3

ನಾಡ ಪ್ರೀತಿರ ಜನಳೇ, ನಂಗಕೆಲ್ಲಾರ್‌ಕು ಕ್‍ಟ್ಟ್‌ನ ರಕ್ಷಣೆರ ವಿಷಯತ್‍ನ ನೇರಾಯಿತ್ ಒಳ್‍ದ್‍ವಕ್ ಇಂಜ, ಆಚೇಂಗಿ ಇಕ್ಕ, ದೇವ ಅಂವೊಂಡ ಮಕ್ಕಳಾಯಿತ್ ಮಾಡ್‍ನಯಿಂಗಕ್ ಒಮ್ಮಕೆ ಒಪ್ಪ್‌ಚಿಟ್ಟ ನಂಬಿಕೆಕಾಯಿತ್ ನಿಂಗ ದೈರ್ಯತ್‍ಲ್ ಪೊರಾಡಂಡೂಂದ್ ಎಚ್ಚರ ಮಾಡಿತ್ ಒಳ್‍ದ್‍ವಕ್ ಅವಸ್ಯ ಉಂಡ್‍ೕಂದ್ ನಾಕ್ ತೋಂದ್‍ಚಿ.