ಕೊಲೊಸ್ಸೆ 2:5 - ಕೊಡವ ಬೈಬಲ್

⁵ ನಾನ್ ನಿಂಗಡ ಕೂಡೆ ತಡೀಲ್ ಇಲ್ಲತ ಪೋಚೇಂಗಿಯು, ನಾಡ ಆತ್ಮತ್‍ಲ್ ನಿಂಗಡ ಕೂಡೆ ಉಳ್ಳ. ನಿಂಗ ಎನ್ನನೆ ಬದ್‍ಕಂಡುವೊ ಅನ್ನನೆ ನಿಂಗ ಬದ್‍ಕಿಯಂಡ್ ಉಳ್ಳಾಂಗು, ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಂಬಿಕೆ ದೃಡವಾಯಿತ್ ಉಳ್ಳಾಂಗು ನಾನ್ ದುಂಬ ಕುಶಿಪಟ್ಟಂಡುಳ್ಳ.

ಕೊಲೊಸ್ಸೆ 2:5 ပူးပေါင်းရင်းမြစ်များ

ಅಪೊಸ್ತಲ 2:42

ಈಂಗ ಅಪೊಸ್ತಲಂಗಡ ಬೋದನೆನ ಕ್‍ೕಪಕ್ ಅರ್ಪಿಚಿಟ್ಟಯಿಂಗಳಾಯಿತ್, ಐಕ್ಯತ್‍ಲ್, ಒಟ್ಟಿ ಪೊಳಿಪದ್‍ಲ್, ಪಿಂಞ ಪ್ರಾರ್ಥನೆಲ್, ದೃಡ ಉಳ್ಳಯಿಂಗಳಾಯಿತ್ ಇಂಜತ್.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

1 ಕೊರಿಂಥ 11:34

ನಿಂಗ ಒಕ್ಕಚೆ ಕೂಡಿ ಬಪ್ಪದ್, ನಿಂಗಡ ನ್ಯಾಯತೀರ್ಪ್‌ಕ್ ಕಾರಣ ಆಪದ್ ಬೋಂಡ. ಒಬ್ಬಂಗ್ ಕೆಲ ಪಯಿಚತೇಂಗಿ ಅಂವೊ ಅಂವೊಂಡ ಮನೆಲ್ ಉಂಡಿತ್ ಬರಡ್. ಬೋರೆ ವಿಷಯತ್‍ನ ನಾನ್ ನಿಂಗಡ ಪಕ್ಕ ಬಪ್ಪಕ ಸರಿ ಮಾಡ್‌ವಿ.

1 ಕೊರಿಂಥ 14:40

ಎಲ್ಲಾನ ಚಾಯಿತೆ ಕ್ರಮವಾಯಿತ್ ಮಾಡಿ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

1 ಕೊರಿಂಥ 16:13

ನಿಂಗ ಎಕ್ಕಾಲು ಎಚ್ಚರತ್‍ಲ್ ಇರಿ. ದೇವಡ ಮೇಲೆ ಉಳ್ಳ ನಂಬಿಕೇಲ್ ನಿಂಗ ದೃಡವಾಯಿತ್ ಇರಿ, ನಿಂಗ ದೈರ್ಯತ್‍ಲ್ ಪಿಂಞ ಬಲವುಳ್ಳಯಿಂಗಳಾಯಿತ್ ಇರಿ.

ಕೊಲೊಸ್ಸೆ 2:1

ನಿಂಗಕಾಯಿತು, ಲವೊದಿಯಕೆ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತು ಪಿಂಞ ನನ್ನ ಇಲ್ಲಿಕತ್ತನೆ ಕಾಂಗತಯಿಂಗಕಾಯಿತು ನಾನ್ ಎಚ್ಚಕ್ ಪೋರಾಟತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತಾಂಡೂಂದ್ ನಾಡ ಆಸೆ.

1 ಥೆಸಲೊನೀಕ 2:17

ಪ್ರೀತಿರ ಅಣ್ಣತಮ್ಮಣಂಗಳೇ, ನಿಂಗಳ ಬುಟ್ಟಿತ್ ಚೆನ್ನ ಸಮಯ ದೂರ ಪೋಪನೆಕೆ ಆಯಿಪೋಚೇಂಗಿಯು, ನಂಗಡ ಮನಸ್ಸ್‌ಂಜ ನಿಂಗ ದೂರ ಪೋಯಿತ್‌ಲ್ಲೆ. ನಿಂಗಳ ಪುನಃ ಕಾಂಗಂಡೂಂದ್ ದುಂಬ ಆಸೇಲ್ ಎಚ್ಚಕೋ ಪೇಚಾಡಿಯತ್.

1 ಥೆಸಲೊನೀಕ 3:8

ದೇವಡ ಪಕ್ಕ ಉಳ್ಳ ನಂಬಿಕೇಲ್ ನಿಂಗ ಸ್ತಿರವಾಯಿತ್ ಉಳ್ಳಿರಾಂದ್ ಕ್‍ೕಟಿತ್, ನಂಗಕ್ ಬದ್‌ಕ್‍ವಕುಳ್ಳ ಪುದಿಯ ಶಕ್ತಿ ಕ್‍ಟ್ಟ್‌ಚಿ.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

ಇಬ್ರಿಯ 6:19

ಆ ನಂಬಿಕೆ ನಂಗಡ ಆತ್ಮಕ್ ಬಲವುಳ್ಳದಾಯಿತು ಸ್ತಿರವಾಯಿತು ಉಂಡ್. ದೇವಡ ಆಲಯತ್‌ರ, ಪಡಿರ ಬಟ್ಟೇರ ಒಳ್‍ಕ್ ಉಳ್ಳ ಅತಿಪವಿತ್ರವಾನ ಜಾಗಕ್ ನಂಗ ಪೋಪನೆಕೆ ಮಾಡಿಯಂಡುಂಡ್.

1 ಪೇತ್ರ 5:9

ನಂಬಿಕೇಲ್ ದೈರ್ಯವಾಯಿತ್ ಇಂಜಂಡ್, ಅಂವೊಂಗ್ ಎದ್‍ರಾಯಿತ್ ನಿಲ್ಲಿ. ಈ ಲೋಕತ್‍ಲ್ ಉಳ್ಳ ನಿಂಗಡ ಎಲ್ಲಾ ಅಣ್ಣತಮ್ಮಣಂಗ ಇದೇ ತರ ಕಷ್ಟತ್‍ಲ್ ಬದ್‍ಕಿಯಂಡ್ ಉಳ್ಳದ್ ನಿಂಗಕ್ ಗೊತ್ತುಂಡಲ್ಲ!