ಕೊಲೊಸ್ಸೆ 2:23 - ಕೊಡವ ಬೈಬಲ್

²³ ಈ ತರತ್‍ರ ಬೋದನೆಯೆಲ್ಲಾ ಅಯಿಂಗಳೇ ಮಾಡ್‍ನ ಮಾರ್ಗವಾಯಿತ್, ಪೊರಮೆ ತಾಳ್ಮೆ ಉಳ್ಳಯಿಂಗಾಂದ್ ಕಾಂಬ್‌ಚಿಡ್‍ವಕಾಯಿತ್, ತಡೀನ ಚಾಯಿ ಮಾಡಂಡೂಂದ್ ಅದ್ಂಗ್ ಶಿಕ್ಷೆ ಕೊಡ್‍ಪದಾಯಿತ್ ಮಾತ್ರ ಉಂಡ್. ಆಚೇಂಗಿ ಮನುಷ್ಯಂಗಡ ತಡೀರ ಕೆಟ್ಟ ಆಸೇನ ಗೆಲ್ಲ್‌ವಕ್ ಈ ಬೋದನೆಕ್ ಶಕ್ತಿ ಇಲ್ಲೆ.

ಕೊಲೊಸ್ಸೆ 2:23 ပူးပေါင်းရင်းမြစ်များ

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

ಎಫೆಸ 5:29

ತಾಂಡ ಸ್ವಂತ ತಡೀನ ದ್ವೇಶ ಮಾಡ್‌ವಂವೊ ಒಬ್ಬನು ಇಲ್ಲೆ; ಆಂಡ ಬದ್‍ಲ್, ಕ್ರಿಸ್ತ ತಾಂಡ ಸಬೆ ಎಣ್ಣುವ ತಡೀನ ಎನ್ನನೆ ಚಾಕಿತ್ ಕಾಪಾಡಿಯಂಡ್ ಉಂಡೋ ಅನ್ನನೆ ವಡಿಯನು ತಾಂಡ ತಡೀನ ಚಾಕಿತ್ ಕಾಪಾಡಿಯಂಡುಂಡ್.

ಕೊಲೊಸ್ಸೆ 2:18

ದಾರೂ ನಿಂಗಳ, ನಿಂಗಡ ಇನಾಮ್‍ನ ಕಳೆಂದ್ ಪೋಪನೆಕೆ ವಂಚನೆ ಮಾಡ್‌ವಕ್ ಬುಡತಿ; ಅಯಿಂಗ ದಾರ್ ಎಣ್ಣ್‌ಚೇಂಗಿ, ವಂಚನೆ ಮಾಡ್‌ವ ತಾಳ್ಮೆಲ್ ಇಪ್ಪನೆಕೆ ಕಾಟಿಯಂಡ್, ದೇವದೂತಂಗಳ ಆರಾದನೆ ಮಾಡ್‌ವಕ್ ಕುಶಿಪಟ್ಟಂಡ್, ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ನುಗ್ಗಿತ್ ಪಿಂಞ ಅಯಿಂಗ ತಡೀರ ಗೇನತ್‍ಲ್ ಒರ್ ಕಾರಣವು ಇಲ್ಲತೆ ಗರ್ವ ಪಡ್‌ವಯಿಂಗಳಾಯಿತ್ ಉಂಡ್.

ಕೊಲೊಸ್ಸೆ 2:22

ಇದ್‍ನೆಲ್ಲಾ ಉಪಯೋಗಿಚಿಡ್‌ವಕ, ಪಾಳಾಯಿ ಪೋಪ ಅಲ್ಲ? ಎನ್ನಂಗೆಣ್ಣ್‌ಚೇಂಗಿ, ಇದೆಲ್ಲಾ ಮನುಷ್ಯಂಗಡ ಆಚಾರ ಪಿಂಞ ಬೋದನೆಯಾಯಿತ್ ಉಂಡ್.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.

1 ತಿಮೊಥೆಯ 4:3

ಮಂಗಲ ಆಪಕ್ಕಾಗಾಂದ್ ಪಿಂಞ ಯೇಸುನ ನಂಬ್‍ನಯಿಂಗಳು, ಸತ್ಯತ್‍ನ ಗೊತ್ತುಳ್ಳಯಿಂಗಳು, ದೇವಕ್ ವಂದನೆ ಮಾಡಿತ್ ಕುಶೀಲ್ ತಿಂಗಂಡೂಂದ್ ದೇವ ಸೃಷ್ಟಿ ಮಾಡ್‍ನ ವಸ್ತುನೆಲ್ಲಾ, ತಿಂಬಕ್ಕಾಗಾಂದ್ ಆ ಪೊಟ್ಟ್‌ಮಾರಿಯಂಗ ಎಣ್ಣ್‌ವ.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.