ಕೊಲೊಸ್ಸೆ 2:22 - ಕೊಡವ ಬೈಬಲ್

²² ಇದ್‍ನೆಲ್ಲಾ ಉಪಯೋಗಿಚಿಡ್‌ವಕ, ಪಾಳಾಯಿ ಪೋಪ ಅಲ್ಲ? ಎನ್ನಂಗೆಣ್ಣ್‌ಚೇಂಗಿ, ಇದೆಲ್ಲಾ ಮನುಷ್ಯಂಗಡ ಆಚಾರ ಪಿಂಞ ಬೋದನೆಯಾಯಿತ್ ಉಂಡ್.

ಕೊಲೊಸ್ಸೆ 2:22 ပူးပေါင်းရင်းမြစ်များ

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

1 ಕೊರಿಂಥ 6:13

ನಿಂಗ ಕೆಲಕಾಯಿತ್ ಕೂಳ್, ಕೂಳ್‍ಕಾಯಿತ್ ಕೆಲಾಂದ್ ಎಣ್ಣುವಿರ, ಅದ್ ನೇರ್. ಆಚೇಂಗಿಯು, ದೇವ ಅದ್ ದಂಡನೂ ಪಾಳ್ ಮಾಡ್‌ವ. ಆನಗುಂಡ್ ನಿಂಗ, ಈ ತಡಿನ ಲೈಂಗಿಕ ಕುಶಿಕಾಯಿತ್‍ೕಂದ್‌ ಎಣ್ಣ್‌ವಕ್ ಕಯ್ಯುಲೆ. ಅದ್ ಒಡೆಯಂಗಾಯಿತ್ ಮಾಡ್‍ನದ್, ಒಡೆಯ ನಂಗಡ ತಡಿಕ್ ಜವಾಬ್ದಾರನಾಯಿತ್ ಉಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:14

ಅಯಿಂಗ ಯೆಹೂದ್ಯಂಗಡ ಕಟ್ಟ್‌ಕಥೆಕು, ಸತ್ಯತ್‍ರ ಬೋದನೆನ ತಿರಸ್ಕಾರ ಮಾಡ್‌ವ ಜನತ್‍ರ ಬೋದನೆಕ್ ಕೆಮಿ ಕೊಡ್‍ಕಂಡಾಂದು ಎಚ್ಚರ ಮಾಡ್.

2 ಪೇತ್ರ 2:12

ಆಚೇಂಗಿ, ಈ ಕಳ್ಳ ಬೋದನೆ ಮಾಡ್‌ವಯಿಂಗ ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ದೇವ ದೂಷಣೆ ಎಣ್ಣಿಯಂಡುಂಡ್. ಈಂಗ ಮುಠಾಳರನೆಕೆ ಉಳ್ಳ ಪ್ರಾಣಿಯರನೆಕೆ, ಬುದ್ದಿಯಿಲ್ಲತ ಸೂನ್ಯ ಮೃಗತ್‍ರನೆಕೆ, ಪುಡ್‌ಚಿತ್ ಪಾಳಾಪಕಾಯಿತೇ ಪುಟ್ಟ್‌ನಯಿಂಗ. ಮೃಗತ್‍ರನೆಕೆ ಈಂಗಳು ಪಾಳಾಯಿ ಪೋಪ.

ಪ್ರಕಟನೆ 17:18

ನೀನ್ ಕಂಡ ಆ ಪೊಣ್ಣಾಳ್ ಬೂಮಿಲ್ ಉಳ್ಳ ರಾಜಂಗಡ ಮೇಲೆ ರಾಜ್ಯಬಾರ ಮಾಡ್‌ವ ಬಲ್ಯ ಪಟ್ಟಣವೇಂದ್ ಎಣ್ಣ್‌ಚಿ.