ಕೊಲೊಸ್ಸೆ 2:2 - ಕೊಡವ ಬೈಬಲ್

² ನಾಡ ಕುಶಿ ಎಂತ ಎಣ್ಣ್‌ಚೇಂಗಿ, ಅಯಿಂಗಕ್ ಪುರ್‌ಡ್ ಕ್‍ಟ್ಟಿತ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪ್ರೀತಿಲ್ ಒಂದಾಯಿತ್ ಇರಂಡೂಂದ್ ಉಳ್ಳದೇ. ಪಿಂಞ ದೇವಡ ಗುಟ್ಟಾನ ಕ್ರಿಸ್ತನ ಅಯಿಂಗಕ್ ಪೂರ್ತಿ ನಿಶ್ಚಯವಾಯಿತ್ ಅರ್ಥ ಮಾಡ್‍ವಕಯ್ಯೂಂದ್ ಉಳ್ಳ ನಂಬಿಕೆ ಅಯಿಂಗಕ್ ಇರಂಡು.

ಕೊಲೊಸ್ಸೆ 2:2 ပူးပေါင်းရင်းမြစ်များ

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಮತ್ತಾಯ 11:27

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:1

ಮರ್ಯಾದಸ್ತನಾನ ಥೆಯೊಫಿಲನೇ: ನಿಂಗಕ್ ಗೊತ್ತುಳ್ಳನೆಕೆ, ದುಂಬ ಜನ, ನಂಗಡ ಮದ್ಯತ್‍ಲ್ ನಡ್ಂದ ಈ ವಿಷಯತ್‍ನ ಚಾಯಿತೆ ಒಳ್‍ದ್‍ವಕ್ ಪ್ರಯತ್ನ ಮಾಡ್‍ಚಿ.

ಯೋಹಾನ 10:30

ನಾನು ನಾಡ ಅಪ್ಪನು ಒಂದ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 10:38

ನಾನ್ ನಾಡ ಅಪ್ಪಂಡ ಕ್ರಿಯೇನ ಮಾಡ್‍ಚೇಂಗಿ, ನಿಂಗ ನನ್ನ ನಂಬತ ಇಂಜತೇಂಗಿಯು, ನಾನ್ ಅದ್‍ನ ಮಾಡ್‌ವಿ. ನಾನ್ ನಾಡ ಅಪ್ಪಂಡ ಕೂಡೆ, ನಾಡ ಅಪ್ಪ ನಾಡ ಕೂಡೆ ಉಂಡ್‍ೕಂದ್ ಸಾಕ್ಷಿಯಾಯಿತ್ ನಾನ್ ಮಾಡ್‌ವ ಅದ್ಬುತ ಕಾರ್ಯತ್‍ನ ನೋಟಿತ್ ಅದ್‍ನ ನಂಬುವಿರಾಂದ್ ಎಣ್ಣ್‌ಚಿ.

ಯೋಹಾನ 16:15

ನಾಡ ಅಪ್ಪಂಡ ಪಕ್ಕ ಉಳ್ಳದೆಲ್ಲಾ ನಾಡದ್, ಆನಗುಂಡ್, ಪವಿತ್ರಾತ್ಮ ನನ್ನಿಂಜ ಎಡ್‍ತಿತ್ ನಿಂಗಕ್ ಕಾಂಬ್‍ಚಿಡುವಾಂದ್ ಎಣ್ಣಿಯೆ.

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ಯೋಹಾನ 5:17

ಯೇಸು ಅಯಿಂಗಕ್: ನಾಡ ಅಪ್ಪ ಇಲ್ಲಿಕತ್ತನೆ ಕ್ರಿಯೆ ಮಾಡಿಯಂಡುಂಡ್, ಅದ್ಂಗಾಯಿತ್ ನಾನ್ ಸಹ ಕ್ರಿಯೆ ಮಾಡಿಯಂಡ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 5:23

ಮೋಂವೊನ ಗನ ಪಡ್‍ತತಯಿಂಗ, ಅಂವೊನ ಅಯಿಚ ಅಪ್ಪನ ಸಹ ಗನ ಪಡ್‍ತತಯಿಂಗಳಾಯಿತುಂಡ್.

ಯೋಹಾನ 6:69

ನೀನ್ ಜೀವವಾಯಿತುಳ್ಳ ದೇವಡ ಪವಿತ್ರವಾನಂವೋಂದ್ ನಂಗಕ್ ಗೊತ್ತಾನಗುಂಡ್ ನಿನ್ನ ನಂಬಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 4:32

ಯೇಸುನ ನಂಬ್‍ನಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಒರೇ ಹೃದಯತ್‍ಲ್ ಬದ್‍ಕಿಯಂಡಿಂಜತ್. ಒಬ್ಬ ಸಹ ತಾಂಡ ವಸ್ತುನ ಅಂವೊಂಗ್ ಮಾತ್ರಾಂದ್ ಎಣ್ಣಿಯಂಡಿಂಜಿಲೆ; ಅಲ್ಲಿ ಉಳ್ಳ ಎಲ್ಲಾನ ಎಲ್ಲಾರ್‌ಕು ಕೂಡನದಾಯಿತ್ಂಜತ್.

ರೋಮ್ 15:13

ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ನಿಂಗಡ ನಿರೀಕ್ಷೆ ಬಲ್ಯದಾಪಕಾಯಿತ್, ನಿರಿಕ್ಷೇರ ದೇವ, ನಂಬಿಕೇರ ಮೂಲಕ ಕ್‍ಟ್ಟುವ ಎಲ್ಲಾ ಕುಶೀರಗುಂಡ್ ಸಮಾದಾನತ್‍ರಗುಂಡ್ ನಿಂಗಳ ದುಂಬ್‌ಚಿಡಡ್.

ರೋಮ್ 16:25

ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

ರೋಮ್ 2:4

ಅಥವ, ನಿಂಗ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಬಪ್ಪಕ್ ದೇವಡ ದಯೆ ನಿಂಗಳ ಕಾಕಿಯಂಡ್ ಉಂಡ್‍ೕಂದ್ ಗೊತ್ತಿಲ್ಲತೆ, ದೇವಡ ದಾರಾಳವಾಯಿತುಳ್ಳ ದಯೆ, ಸಯಿಸುವ ಗುಣ ಪಿಂಞ ತಾಳ್ಮೆ ಇನ್ನತಾನ ಐಶ್ವರ್ಯತ್‍ನ ಅಲ್ಲಗೆಳೆಯುವಿರ?

1 ಕೊರಿಂಥ 14:31

ಅನ್ನನೆ ಎಲ್ಲಾರು ದೇವಡ ವಿಷಯತ್ ಬೊಳಿಯುವಕು ಪಿಂಞ ದೇವಡ ಮೇಲೆ ಉಳ್ಳ ನಂಬಿಕೇಲ್ ಇಂಞು ದೃಡವಾಪಕು, ಒಬ್ಬೊಬ್ಬನಾಯಿತ್ ಪ್ರವಾದನೆ ಎಣ್ಣಡ್.

1 ಕೊರಿಂಥ 2:12

ನಂಗ ಈ ಲೋಕತ್‍ರ ಆತ್ಮತ್‌ನ ಅಲ್ಲ, ಆಂಡ ಬದ್‍ಲ್, ದೇವ ನಂಗಕ್ ಇನಾಮಾಯಿತ್ ಕೊಡ್‍ತಿತುಳ್ಳದ್‍ನ ಗೊತ್ತಾಪಕಾಯಿತ್ ದೇವ ನಂಗಕ್ ಅಯಿಚ ಪವಿತ್ರಾತ್ಮತ್‍ನ ಕ್‍ಟ್ಟ್‌ನಯಿಂಗಳಾಯಿತುಂಡ್.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಎಫೆಸ 1:7

ಅಂವೊಂಡ ಕೃಪೇರ ಐಶ್ವರ್ಯತ್‍ರಗುಂಡ್, ಅಂವೊಂಡ ಮೋಂವೊಂಡ ಚೋರೆರ ಮೂಲಕ ನಂಗಡ ಪಾಪಕ್ ಮನ್ನಿಪ್ ಕ್‍ಟ್ಟಿತ್, ವಿಮೋಚನ ಕ್‍ಟ್ಟ್‌ಚಿ.

ಎಫೆಸ 3:16

ನಿಂಗ ಅಂವೊಂಡ ಪವಿತ್ರಾತ್ಮತ್‍ರ ಶಕ್ತಿರ ಮೂಲಕ ನಿಂಗಡ ಒಳ್‍ಲ್ ಉಳ್ಳ ಮನುಷ್ಯಂಡಲ್ಲಿ ಅಂವೊಂಡ ಮಹಿಮೇರ ಐಶ್ವರ್ಯತ್‍ರಗುಂಡ್ ನಿಂಗ ಬಲಪಡಂಡೂಂದು,

ಎಫೆಸ 3:3

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗ ಅಲ್ಲತಯಿಂಗಕ್ ದೇವ ಬೆಚ್ಚಿತುಳ್ಳ ಗುಟ್ಟ್‌ನ ನಾನ್ ಗೊತ್ತಾಪನೆಕೆ ಕಾಂಬ್‍ಚಿಟ್ಟತ್. ಇದ್ಂಡ ವಿಷಯತ್‍ನ ನಾನ್ ಮಿಂಞಲೇ ಚೆನ್ನ ಒಳ್‍ದಿತುಂಡ್.

ಎಫೆಸ 6:22

ನಿಂಗ ನಂಗಡ ವಿಷಯತ್‍ನ ಗೊತ್ತಾಪಕು, ನಿಂಗಡ ಹೃದಯಕ್ ಸಮಾದಾನ ಕ್‍ಟ್ಟ್‌ವಕಾಯಿತ್‌ ಅಂವೊನ ನಾನ್ ಅಯಿಚಿಯೆ.

ಫಿಲಿಪ್ಪಿ 2:1

ಕ್ರಿಸ್ತನ ನಂಬಿತ್ ಅಂವೊಂಡ ಕೂಟ್‌ಲ್ ಕೂಡ್‍ನಗುಂಡ್ ನಿಂಗಕ್ ಎಂತೇಂಗಿ ಒತ್ತಾಸೆ ಉಂಡಾ? ಅಂವೊಂಡ ಪ್ರೀತಿಲ್ ನಿಂಗಕ್ ಎಂತೇಂಗಿ ಸುಕ ಉಂಡಾ? ಪವಿತ್ರಾತ್ಮತ್‍ರ ಶಕ್ತಿ ಕ್‍ಟ್ಟಿತ್ ನಿಂಗಕ್ ಎಂತೇಂಗಿ ಐಕ್ಯ ಉಂಡಾ? ನಿಂಗಡ ಮನಸ್ಸ್‌ಲ್ ಎಂತೇಂಗಿ ಕನಿಕರ, ದಯೆ ಉಂಡಾ?

ಫಿಲಿಪ್ಪಿ 3:8

ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್‍ನ ಅರಿಯುವ ಜ್ಞಾನತ್‍ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್‍ೕಂದ್ ಗೇನ ಮಾಡ್‍ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್‌ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.

ಕೊಲೊಸ್ಸೆ 1:26

ಈ ಸುದ್ದಿನ ಪಂಡ್ ಕಾಲತ್‍ಲ್ ಗುಟ್ಟಾಯಿತ್ ದುಂಬ ಸಂತಾನಕಾರಂಗಕ್ ಮುಚ್ಚಿತ್ ಬೆಚ್ಚಿತ್ಂಜತ್. ಆಚೇಂಗಿ ಇಕ್ಕ, ಅದ್‍ನ ದೇವಡ ಮಕ್ಕಕ್ ಕಾಂಬ್‍ಚಿಟ್ಟಿತುಂಡ್.

ಕೊಲೊಸ್ಸೆ 1:27

ಯೆಹೂದ್ಯಂಗಲ್ಲತ ಜನಕಾಯಿತ್ ಅಂವೊ ಬೆಚ್ಚಿತುಳ್ಳ ಈ ಐಶ್ವರ್ಯವಾನ ಮಹಿಮೇರ ಗುಟ್ಟ್‌ನ, ದೇವ ತಾಂಡ ಮಕ್ಕಕ್ ಕಾಂಬ್‍ಚಿಡಂಡೂಂದ್ ಉಳ್ಳದೇ ಅಂವೊಂಡ ಚಿತ್ತ. ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಿಂಡಗಲ್ಲಿ ಉಂಡ್, ಅದ್ ಮಹಿಮೇರೆ ನಿರೀಕ್ಷೆಯೇ.

ಕೊಲೊಸ್ಸೆ 1:9

ಆನಗುಂಡ್ ನಂಗ ಇದ್‍ನ ಕ್‍ೕಟ ದಿವಸತ್ಂಜ ಎಕ್ಕಾಲು ನಿಂಗಕಾಯಿತ್ ಪ್ರಾರ್ಥನೆ ಮಾಡಿಯಂಡುಂಡ್. ನಿಂಗ ದೇವಡ ಚಿತ್ತತ್‍ನ ಗೊತ್ತ್‌ಮಾಡ್‍ವಕುಳ್ಳ ಬುದ್ದಿ ದುಂಬ್‍ನಯಿಂಗಳಾಯಿತ್, ಪವಿತ್ರಾತ್ಮ ತಪ್ಪ ಎಲ್ಲಾ ಜ್ಞಾನ ಪಿಂಞ ಬುದ್ದಿಲ್ ಪ್ರಾರ್ಥನೆ ಮಾಡಿಯಂಡುಂಡ್.

ಕೊಲೊಸ್ಸೆ 2:19

ಆತ್ಮೀಯ ತಡಿಕ್ ಮಂಡೆಯಾಯಿತುಳ್ಳ ಕ್ರಿಸ್ತಂಡ ಅಡಿಲ್ ಇಪ್ಪಕ್ ಅಯಿಂಗಕ್ ಕುಶಿ ಇಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತ, ನಂಗಡ ಪೂರ್ತಿ ಆತ್ಮೀಯ ತಡಿ ಬೊಳಿವಕ್ ಶಕ್ತಿ ಕೊಡ್‌ತಿತ್, ತಡೀರ ಮುಟ್ಟ್ ಪಿಂಞ ಯರ್ಚಿಕಂಡ, ಒಂದಿಂಜ ಒಂದ್ ಬುಟ್ಟ್ ಪೋಕತೆ ಕೂಡಿತ್ ಇಪ್ಪನೆಕೆ ಮಾಡಿತ್, ಅಂವೊ ಕುಶಿ ಪಡುವನೆಕೆ ಬೊಳಿವಕ್ ಮಾಡಿಯಂಡುಂಡ್.

ಕೊಲೊಸ್ಸೆ 3:14

ಎಲ್ಲಾಕಿಂಜ ಬಲ್ಯದಾಯಿತ್, ಎಲ್ಲಾನ ಒಂದಾಯಿತ್ ಪೂರ್ತಿ ಐಕ್ಯತ್‍ಲ್ ಪುಡ್‌ಚಿತ್ ಬೆಪ್ಪ ಗುಣವಾಯಿತುಳ್ಳ ಪ್ರೀತಿನ ನಿಂಗಡ ಮೇಲೆ ಒರ್ ಬಟ್ಟೇರನೆಕೆ ಇಟ್ಟೊಳಿ.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

ಕೊಲೊಸ್ಸೆ 4:8

ನಂಗ ಎನ್ನನೆ ಉಂಡ್‍ೕಂದ್ ಎಣ್ಣಿತ್, ನಿಂಗಡ ಹೃದಯಕ್ ಪುರ್‌ಡ್ ಕೊಡ್‍ಪಕಾಯಿತೇ ನಾನ್ ಅಂವೊನ ನಿಂಗಡ ಪಕ್ಕ ಅಯಿಚಂಡುಳ್ಳ.

1 ಥೆಸಲೊನೀಕ 1:5

ನಂಗ ನಿಂಗಡ ಪಕ್ಕ ಎಣ್ಣ್‌ನ ದೇವಡ ನಲ್ಲ ಸುದ್ದಿ ತಕ್ಕಾಯಿತ್ ಮಾತ್ರ ಬಂದಿತ್‌ಲ್ಲೆ. ಆಚೇಂಗಿ ಅದ್ ಶಕ್ತಿಲ್, ಪವಿತ್ರಾತ್ಮತ್‍ಲ್ ಪಿಂಞ ತ್‍ೕರ ನಿಶ್ಚಯತ್‍ಲ್ ಬಾತ್‍ೕಂದ್ ನಂಗಕ್ ಗೊತ್ತುಂಡ್. ನಿಂಗಕ್ ಗೊತ್ತುಳ್ಳನೆಕೆ, ನಂಗ ನಿಂಗಡ ಕೂಡೆ ಇಪ್ಪಕ, ನಿಂಗಡ ನಲ್ಲಾಮೇಕಾಯಿತ್, ನಂಗ ಎನ್ನನೆ ಬದ್‍ಕಿಯಂಡ್ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡಲ್ಲ?

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಇಬ್ರಿಯ 10:22

ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

ಇಬ್ರಿಯ 6:11

ನಿಂಗಕ್ ನಿರಿಕ್ಷೇರ ಪೂರ್ತಿ ನಿಶ್ಚಯ ಕ್‍ಟ್ಟಿತ್, ಇಕ್ಕ ಉಳ್ಳನೆಕೆ ಆಕೀರ್‍ಕತ್ತನೆ ಇದೇ ಎಚ್ಚರತ್‍ಲ್ ಇಕ್ಕಂಡೂಂದ್ ಉಳ್ಳದೇ ನಿಂಗಡ ವಿಷಯತ್ ನಂಗಡ ಆಸೆ.

2 ಪೇತ್ರ 1:10

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗಳ ದೇವ ಕಾಕ್‍ನದ್‌ಲ್ ಪಿಂಞ ದೇವ ಆಯ್ಕೆ ಮಾಡ್‍ನದ್‍ಲ್ ದೃಡವಾಯಿತ್ ಇಪ್ಪಕಾಯಿತ್ ಎಚ್ಚರತ್‍ಲ್ ಇರಿ; ಇನ್ನನೆ ನಿಂಗ ಮಾಡ್‍ಚೇಂಗಿ ನಿಂಗ ಬುದ್ದ್ ಪೋಪುಲೆ.

2 ಪೇತ್ರ 1:3

ದೇವಡ ಶಕ್ತಿ ನಂಗಡ ಈ ಬದ್‍ಕ್‍ಕ್ ಬೋಂಡಿಯಾನ ಎಲ್ಲಾನ ತಂದಿತ್, ದೇವಡ ಬಕ್ತಿಲ್ ಬದ್‍ಕ್‍ವಕ್ ಮಾಡಿಯಂಡುಂಡ್. ಅಂವೊಂಡ ಮಹಿಮೇರಗುಂಡ್ ಪಿಂಞ ನಲ್ಲ ಗುಣತ್‍ರಗುಂಡ್ ನಂಗಳ ಕಾಕ್‍ನಂವೊನ ಗೊತ್ತಾನಗುಂಡ್ ಇದೆಲ್ಲ ನಂಗಕ್ ಕ್‍ಟ್ಟ್‌ಚಿ.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.

1 ಯೋಹಾನ 3:19

ಇನ್ನನೆ ನಂಗ ಸತ್ಯಕ್ ಕೂಡ್‍ನಯಿಂಗಾಂದ್ ಗೊತ್ತಾಯಿತ್, ನಂಗ ದೇವಡ ಪ್ರಸನ್ನತ್‌ಲ್ ದೈರ್ಯತ್‍ಲ್ ಇಪ್ಪಕಯ್ಯು.

1 ಯೋಹಾನ 5:7

ಪರಲೋಕತ್‍ಲ್ ಸಾಕ್ಷಿ ತಪ್ಪಯಿಂಗ ಮೂಂದಾಳ್: ಪವಿತ್ರಾತ್ಮ, ನೀರ್ ಪಿಂಞ ಚೋರೆ.