ಕೊಲೊಸ್ಸೆ 2:19 - ಕೊಡವ ಬೈಬಲ್

¹⁹ ಆತ್ಮೀಯ ತಡಿಕ್ ಮಂಡೆಯಾಯಿತುಳ್ಳ ಕ್ರಿಸ್ತಂಡ ಅಡಿಲ್ ಇಪ್ಪಕ್ ಅಯಿಂಗಕ್ ಕುಶಿ ಇಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತ, ನಂಗಡ ಪೂರ್ತಿ ಆತ್ಮೀಯ ತಡಿ ಬೊಳಿವಕ್ ಶಕ್ತಿ ಕೊಡ್‌ತಿತ್, ತಡೀರ ಮುಟ್ಟ್ ಪಿಂಞ ಯರ್ಚಿಕಂಡ, ಒಂದಿಂಜ ಒಂದ್ ಬುಟ್ಟ್ ಪೋಕತೆ ಕೂಡಿತ್ ಇಪ್ಪನೆಕೆ ಮಾಡಿತ್, ಅಂವೊ ಕುಶಿ ಪಡುವನೆಕೆ ಬೊಳಿವಕ್ ಮಾಡಿಯಂಡುಂಡ್.

ಕೊಲೊಸ್ಸೆ 2:19 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:38

ಆಂಡ ಬದ್‍ಲ್ ಪುದಿಯ ದ್ರಾಕ್ಷಿರಸತ್‍ನ ಪುದಿಯ ಚೀಲಕ್ ಬೂಕಂಡು. ಅಕ್ಕ ದಂಡು ಚಾಯಿಪ್ಪ.

ಯೋಹಾನ 17:21

ಅಯಿಂಗೆಲ್ಲಾರು ಒಂದಾಯಿತ್ ಇಪ್ಪನೆಕೆ ನಾನ್ ಪ್ರಾರ್ಥನೆ ಮಾಡ್‌ವಿ. ಅಪ್ಪಾ! ನಾನ್ ನೀಡಲ್ಲಿ ನೀನ್ ನಾಡಲ್ಲಿ ಇಪ್ಪನೆಕೆ ಅಯಿಂಗಳು ನಂಗಡಲ್ಲಿ ಒಂದಾಯಿತ್ ಇಕ್ಕಡ್. ನೀನ್ ನನ್ನ ಲೋಕತ್‍ಲ್ ಅಯಿಚದ್‍ನ ಲೋಕತ್‍ರ ಜನ ನಂಬುವನೆಕೆ ಅಯಿಂಗ ಎಲ್ಲಾರು ಒಂದಾಯಿತ್ ಇಕ್ಕಡ್‍ೕಂದ್ ಬೋಡುವಿ.

ಅಪೊಸ್ತಲ 4:32

ಯೇಸುನ ನಂಬ್‍ನಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಒರೇ ಹೃದಯತ್‍ಲ್ ಬದ್‍ಕಿಯಂಡಿಂಜತ್. ಒಬ್ಬ ಸಹ ತಾಂಡ ವಸ್ತುನ ಅಂವೊಂಗ್ ಮಾತ್ರಾಂದ್ ಎಣ್ಣಿಯಂಡಿಂಜಿಲೆ; ಅಲ್ಲಿ ಉಳ್ಳ ಎಲ್ಲಾನ ಎಲ್ಲಾರ್‌ಕು ಕೂಡನದಾಯಿತ್ಂಜತ್.

ರೋಮ್ 11:17

ಇಸ್ರಾಯೇಲ್ ಎಣ್ಣುವ ನಾಡ್‍ರ ಒಲಿವ ಮರತ್‍ರ ಚೆನ್ನ ಕೊಂಬ್‍ನ ಮುರ್‌ಚಿತ್, ಕಾಡ್‍ರ ಒಲಿವ ಮರವಾಯಿತುಳ್ಳ ನಿಂಗಳ ಆ ಜಾಗತ್‍ಲ್ ಅಂಟ್‍ಚಿಟ್ಟ್ ಬೆಚ್ಚತ್. ಅನ್ನನೆ ನಾಡ್‍ರ ಒಲಿವ ಮರತ್‍ರ ಬೇರ್‌ಕ್ ಪಿಂಞ ರಸಕ್ ನಿಂಗ ಪಾಲ್‍ದಾರಂಗಳಾಯಿತುಂಡ್.

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

1 ಕೊರಿಂಥ 11:3

ಆಚೇಂಗಿ ಇಕ್ಕ, ಇದ್ ನಿಂಗಕ್ ಗೊತ್ತಾಯಿತಿರಂಡೂಂದ್ ನಾಕ್ ಆಸೆ. ಪ್ರತಿಯೊರ್ ಆಣಾಳ್‍ಕು ಕ್ರಿಸ್ತ ಮಂಡೆಯಾಯಿತ್ ಉಂಡ್, ಪ್ರತಿಯೊರ್ ಪೊಣ್ಣಾಳ್‍ಕು ಅವಡ ವಡಿಯ ಮಂಡೆಯಾಯಿತ್ ಉಂಡ್, ಕ್ರಿಸ್ತಂಗ್ ದೇವ ಮಂಡೆಯಾಯಿತ್ ಉಂಡ್.

1 ಕೊರಿಂಥ 3:6

ನಾನ್ ಕುರುನ ಬಿತ್ತಿಯೆ, ಅಪೊಲ್ಲೋಸ ನೀರ್ ಬೂಕ್‌ಚ್. ಆಚೇಂಗಿ ದೇವನೇ ಗಿಡತ್‍ನ ಬೊಳಿಯುವಕ್ ಮಾಡ್‍ಚಿ.

ಎಫೆಸ 1:22

ಪಿಂಞ ಎಲ್ಲಾನ ಅಂವೊಂಡ ಕಾಲ್‍ರ ಅಡಿಕ್ ಇಟ್ಟಿತ್,

ಎಫೆಸ 1:23

ಎಲ್ಲಾನ ಎಲ್ಲಾನಗುಂಡ್ ದುಂಬ್‌ಚಿಡುವ ಪರಿಪೂರ್ಣವಾನ ಅಂವೊಂಡ ತಡೀಯಾಯಿತುಳ್ಳ ಸಬೇಕ್, ಎಲ್ಲಾಕಿಂಜ ಮೇಲೆ ಅಂವೊನ ಮಂಡೆಯಾಯಿತ್ ಮಾಡ್‍ಚಿ.

ಎಫೆಸ 2:21

ಅಂವೊಂಡ ಮೇಲೆ ಆ ಕಟ್ಟಡ ಒಂದಾಂಗ್ ಒಂದ್ ಕೂಟಾಯಿತ್ ಒಕ್ಕಿಯಂಡ್, ಒಡೆಯಂಡಲ್ಲಿ ಪವಿತ್ರವಾನ ಆಲಯವಾಯಿತ್ ಬೊಳ್‌ಂದಿಯಂಡ್ ಉಂಡ್.

ಎಫೆಸ 4:3

ಪವಿತ್ರಾತ್ಮತ್‍ರ ಐಕ್ಯತ್‌ನ ಕಾಪಾಡ್‌ವಕ್ ಸಮಾದಾನತ್‍ಲ್ ಒಂದಾಯಿತ್ ಇಂಜಂಡ್ ಎಚ್ಚರತ್‍ಲ್ ಇರಿ.

ಎಫೆಸ 5:29

ತಾಂಡ ಸ್ವಂತ ತಡೀನ ದ್ವೇಶ ಮಾಡ್‌ವಂವೊ ಒಬ್ಬನು ಇಲ್ಲೆ; ಆಂಡ ಬದ್‍ಲ್, ಕ್ರಿಸ್ತ ತಾಂಡ ಸಬೆ ಎಣ್ಣುವ ತಡೀನ ಎನ್ನನೆ ಚಾಕಿತ್ ಕಾಪಾಡಿಯಂಡ್ ಉಂಡೋ ಅನ್ನನೆ ವಡಿಯನು ತಾಂಡ ತಡೀನ ಚಾಕಿತ್ ಕಾಪಾಡಿಯಂಡುಂಡ್.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

ಕೊಲೊಸ್ಸೆ 1:18

ತಡಿರನೆಕೆ ಉಳ್ಳ ಸಬೇಕ್ ಅಂವೊನೇ ಮಂಡೆಯಾಯಿತ್ ಉಂಡ್, ಅಂವೊ ಎಲ್ಲಾಂಗು ಆದ್ಯವಾಯಿತ್ ಇಪ್ಪಕಾಯಿತ್, ಅಂವೊನೇ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಬಂದಂವೊ.

ಕೊಲೊಸ್ಸೆ 2:2

ನಾಡ ಕುಶಿ ಎಂತ ಎಣ್ಣ್‌ಚೇಂಗಿ, ಅಯಿಂಗಕ್ ಪುರ್‌ಡ್ ಕ್‍ಟ್ಟಿತ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪ್ರೀತಿಲ್ ಒಂದಾಯಿತ್ ಇರಂಡೂಂದ್ ಉಳ್ಳದೇ. ಪಿಂಞ ದೇವಡ ಗುಟ್ಟಾನ ಕ್ರಿಸ್ತನ ಅಯಿಂಗಕ್ ಪೂರ್ತಿ ನಿಶ್ಚಯವಾಯಿತ್ ಅರ್ಥ ಮಾಡ್‍ವಕಯ್ಯೂಂದ್ ಉಳ್ಳ ನಂಬಿಕೆ ಅಯಿಂಗಕ್ ಇರಂಡು.

1 ಥೆಸಲೊನೀಕ 3:12

ನಂಗ ನಿಂಗಡ ಮೇಲೆ ಬೆಚ್ಚಿತುಳ್ಳ ಪ್ರೀತಿರನೆಕೆ, ನಿಂಗ ಸಹ ಒಬ್ಬೊಬ್ಬಂಡ ಮೇಲೆ ಉಳ್ಳ ಪ್ರೀತಿಲ್ ಪಿಂಞ ಬೋರೆಯಿಂಗಡ ಮೇಲೆ ಬೆಚ್ಚಿತುಳ್ಳ ಪ್ರೀತಿಲ್ ದುಂಬಿತ್ ಇಂಞು ಬೊಳಿಯುವಕ್ ಒಡೆಯ ಸಹಾಯ ಮಾಡಡ್.

1 ಥೆಸಲೊನೀಕ 4:10

ಅನ್ನನೆ ಮಕೆದೋನ್ಯ ನಾಡ್‍ಲ್ ಉಳ್ಳ ಯೇಸುನ ನಂಬ್‍ನ ಅಣ್ಣತಮ್ಮಣಂಗಳ ನಿಂಗ ಪ್ರೀತಿ ಮಾಡಿಯಂಡ್ ಉಳ್ಳಿರ. ಆಚೇಂಗಿ, ನಿಂಗ ಇಂಞು ಪ್ರೀತಿಲ್ ಬೊಳಿಯಂಡೂಂದ್ ನಂಗ ನಿಂಗಳ ಬೋಡುವ.

2 ಥೆಸಲೊನೀಕ 1:3

ನಂಗಡ ಅಣ್ಣತಮ್ಮಣಂಗಳೇ, ನಿಂಗಕಾಯಿತ್ ನಂಗ ಎಕ್ಕಾಲು ದೇವಕ್ ವಂದನೆ ಎಣ್ಣುವಕ್ ಜವಾಬ್ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ ಚಾಯಿತೆ ಬೊಳ್ಂದಂಡ್, ನಿಂಗ ಒಬ್ಬೊಬ್ಬಂಡ ಮೇಲೆ ಬೆಚ್ಚಿತುಳ್ಳ ಪ್ರೀತಿ ದುಂಬ ಜಾಸ್ತಿ ಆಯಂಡ್ ಉಳ್ಳಾಂಗ್, ನಂಗ ಅನ್ನನೆ ಎಣ್ಣ್‌ವದ್ ಸರಿಯಾಯಿತ್ ಉಂಡ್.

1 ಪೇತ್ರ 3:8

ಕಡೇಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಲ್ಲಾರು ಒಬ್ಬ ಒಬ್ಬಂಡ ಕೂಡೆ ಐಕ್ಯತ್‍ಲ್ ಬದ್‍ಕಂಡು; ದಯೆ ಉಳ್ಳಯಿಂಗಳಾಯಿತ್, ಯೇಸುನ ನಂಬ್‍ನಯಿಂಗಡ ಪ್ರೀತಿ ಉಳ್ಳಯಿಂಗಳಾಯಿತ್, ಕನಿಕರ ಉಳ್ಳಯಿಂಗಳಾಯಿತ್, ಪೊರುಮೆ ಉಳ್ಳಯಿಂಗಳಾಯಿತ್ ಇಕ್ಕಂಡು.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.