ಕೊಲೊಸ್ಸೆ 2:12 - ಕೊಡವ ಬೈಬಲ್

¹² ನಿಂಗ ದೀಕ್ಷಾಸ್ನಾನ ಎಡ್‍ಪಕ, ಕ್ರಿಸ್ತಂಡ ಕೂಡೆ ಪೋಪನೆಕೆ ಪೋಯಿತ್ ಪಾಪತ್‍ರ ಚಾವ್ ತಡೀನ ಕುಂಡ್‌ಕ್ ಇಟ್ಟನೆಕೆ ಆಚಿ. ಅನ್ನನೆ ದೀಕ್ಷಾಸ್ನಾನತ್ಂಜ ನಿಂಗಳ ಅಂವೊಂಡ ಕೂಡೆ ಪುದಿಯ ಬದ್‍ಕ್‍ಕಾಯಿತ್ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತಂಡ ತಡೀನ ಚಾವ್‍ಯಿಂಜ ಪುನಃ ಜೀವತ್‍ಲ್ ಎಪ್ಪ್‌ಚಿಟ್ಟ ದೇವಡ ಬಲ್ಯ ಶಕ್ತಿನ ನಿಂಗ ನಂಬಿತುಳ್ಳಿರ.

ಕೊಲೊಸ್ಸೆ 2:12 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:5

ಅಕ್ಕ ಅಪೊಸ್ತಲಂಗ: ಒಡೆಯನ ನೋಟಿತ್, ನಂಗಡ ನಂಬಿಕೇನ ಸ್ತಿರಮಾಡ್‍ೕಂದ್ ಕ್‍ೕಟತ್.

ಅಪೊಸ್ತಲ 14:27

ಅಯಿಂಗ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿಯತ್‍ರ ಸಬೇನ ಕೂಟಿತ್, ದೇವ ಅಯಿಂಗಡ ಮೂಲಕ ಮಾಡ್‍ನ ಎಲ್ಲಾನ ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ನಂಬಿಕೇರ ಪಡಿನ ಅಂವೊ ಎನ್ನನೆ ತೊರಂದತ್‍ೕಂದ್ ವಿವರವಾಯಿತ್ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 2:24

ಆಚೇಂಗಿ ದೇವ ಅಂವೊನ ಮರಣತ್‌ರ ಅದಿಕಾರತ್ಂಜ ಬಲಿಪಂಜಿ, ಚಾವ್‍ಯಿಂಜ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ ಚಾವ್‍ಕ್ ಅಂವೊನ ಪುಡ್‌ಚಿತ್ ಬೆಪ್ಪಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ರೋಮ್ 4:24

ನಂಗಡ ಒಡೆಯನಾನ ಯೇಸುನ ಚಾವ್‍ಯಿಂಜ ಎಪ್ಪ್‌ಚಿಟ್ಟಂವೊನ ನಂಬುವ ನಂಗಕ್ ಅನ್ನನೆ ಲೆಕ್ಕ ಆಪ.

ರೋಮ್ 7:4

ಅನ್ನನೆ, ನಾಡ ಅಣ್ಣತಮ್ಮಣಂಗಳೇ, ನಿಂಗಳು ಸಹ, ಕ್ರಿಸ್ತಂಡ ತಡೀರ ಮೂಲಕ ನ್ಯಾಯಪ್ರಮಾಣಕ್ ಚತ್ತ್ ಪೋಯಿತುಳ್ಳಿರ. ಆನಗುಂಡ್, ದೇವಕಾಯಿತ್ ಫಲ ಕೊಡ್‍ಪನೆಕೆ, ಚಾವ್‍ಯಿಂಜ ಜೀವವಾಯಿತ್ ಬಂದ ಬೋರೆ ಒಬ್ಬಂಗ್ ಕೂಡ್‍ನಯಿಂಗಳಾಯಿತುಳ್ಳಿರ.

1 ಕೊರಿಂಥ 12:13

ನಂಗ ಯೆಹೂದ್ಯ ಜನವಾಯಿತ್ ಇಂಜತೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನವಾಯಿತ್ ಇಂಜತೇಂಗಿಯು, ಅಡಿಯಾಳಾಯಿತ್ ಇಂಜತೇಂಗಿಯು, ಬುಡ್‍ಗಡೆ ಆನ ಜನವಾಯಿತ್ ಇಂಜತೇಂಗಿಯು, ಎಲ್ಲಾ ಜನಳು ಒರೇ ಆತ್ಮತ್‍ರಗುಂಡ್ ಒರೇ ತಡಿಕ್ ದೀಕ್ಷಾಸ್ನಾನ ಪಡ್ಂದಿತ್, ಒರೇ ಆತ್ಮ ನಂಗಡ ಕೂಡೆ ವಾಸ ಮಾಡಿಯಂಡುಂಡ್.

1 ಕೊರಿಂಥ 15:20

ಆಚೇಂಗಿ, ಕ್ರಿಸ್ತ ಚಾವ್‍ಯಿಂಜ ಜೀವವಾಯಿತ್ ಎದ್ದತ್. ಒರ್ ಬೊಳೆರೆ ಆದ್ಯ ಪಣ್ಣ್‌ರನೆಕೆ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗಕೆಲ್ಲಾ ಅಂವೊ ಆದ್ಯ ಪಣ್ಣಾಚಿ.

ಗಲಾತ್ಯ 3:27

ಎನ್ನಂಗೆಣ್ಣ್‌ಚೇಂಗಿ, ದಾರೆಲ್ಲಾ ಕ್ರಿಸ್ತಂಡಲ್ಲಿ ದೀಕ್ಷಾಸ್ನಾನ ಎಡ್‍ತತೋ ಅಯಿಂಗೆಲ್ಲಾ, ಒಬ್ಬ ಪುದಿಯ ಬಟ್ಟೇನ ಇಡ್‍ವನೆಕೆ ಕ್ರಿಸ್ತನ ಇಟ್ಟಿತುಂಡ್.

ಎಫೆಸ 2:8

ಕೃಪೇರಗುಂಡ್ ನಂಬಿಕೇರ ಮೂಲಕ ನಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ, ಇದ್ ನಿಂಗಡಗುಂಡ್ ಕ್‍ಟ್ಟ್‌ನದ್ ಅಲ್ಲ, ಇದ್ ದೇವಡ ಇನಾಮ್.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

ಎಫೆಸ 3:7

ದೇವಡ ಬಲ್ಯ ಶಕ್ತಿರಗುಂಡ್ ಅಂವೊ ನಾಕ್ ದಾನಮಾಡ್‍ನ ವರತ್‍ರ ಕೃಪೇರಗುಂಡ್ ದೇವಡ ಈ ನಲ್ಲ ಸುದ್ದಿಕ್ ನಾನ್ ಸೇವಕನಾಯಿತ್ ಆನ.

ಎಫೆಸ 4:5

ಒರೇ ಒಡೆಯನು, ಒರೇ ನಂಬಿಕೆಯು, ಒರೇ ದೀಕ್ಷಾಸ್ನಾನವು,

ಎಫೆಸ 5:14

ಆನಗುಂಡ್, ವರಿಯಂಡ್ ಉಳ್ಳ ನೀ, ಎಚ್ಚರ ಎಡ್‌ತ, ಚತ್ತಯಿಂಗಡ ಮದ್ಯತ್ಂಜ ಏಳ್, ಅಕ್ಕ, ನೀಡ ಮೇಲೆ ಕ್ರಿಸ್ತಂಡ ಬೊಳಿ ಮಿನ್ನುವಾಂದ್ ಎಣ್ಣಿತುಂಡ್.

ಫಿಲಿಪ್ಪಿ 1:29

ನಿಂಗಕ್, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಪ್ಪ ಬಾಗ್ಯ ಮಾತ್ರ ಅಲ್ಲ, ಅಂವೊಂಗಾಯಿತ್ ನೊಂಬಲ ಎಡ್‍ತವಕೂ ಬಾಗ್ಯ ಕ್‍ಟ್ಟ್‌ಚಿ.

ಕೊಲೊಸ್ಸೆ 1:29

ಅದ್ಂಗಾಯಿತೇ, ನಾನ್ ನಾಡ ಒಳ್‍ಲ್ ಬಲ್ಯ ಶಕ್ತಿಲ್ ಕ್ರಿಯೆ ಮಾಡಿಯಂಡುಳ್ಳ ಅಂವೊಂಡ ಶಕ್ತಿಯಿಂಜ ಕ್ರಿಯೆ ಮಾಡಿತ್, ದುಂಬ ಪ್ರಯತ್ನ ಪಟ್ಟಂಡುಳ್ಳ.

ಕೊಲೊಸ್ಸೆ 2:13

ನಿಂಗ, ನಿಂಗಡ ಪಾಪತ್‍ರಗುಂಡ್ ಪಿಂಞ ನಿಂಗಡ ಪಾಪತ್‍ರ ಗುಣ ನಿಂಗಳ ಬುಟ್ಟಿತ್ ಪೋಕತಗುಂಡ್ ಆತ್ಮೀಯ ಸುನ್ನತಿ ಮಾಡತಯಿಂಗಳಾಯಿತ್ ಚತ್ತ್ ಪೋಯಿತ್ಂಜಿರ. ಆಚೇಂಗಿ, ಕ್ರಿಸ್ತಂಡ ಕೂಡೆ ದೇವ ನಿಂಗಳ ಎಪ್ಪಿತ್ ಬದ್‍ಕ್‍ವಕ್ ಮಾಡಿತ್, ನಿಂಗಡ ಎಲ್ಲಾ ಪಾಪತ್‍ನ ಮನ್ನಿಚಿಟ್ಟಿತ್,

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 6:2

ದೀಕ್ಷಾಸ್ನಾನತ್‍ರ ಬೋದನೆ, ಬೋರೆಯಿಂಗಡ ಮಂಡೆಕ್ ಕೈ ಬೆಪ್ಪದ್, ಚತ್ತಯಿಂಗ ಜೀವವಾಯಿತ್ ಎದ್ದಿತ್ ಬಪ್ಪದ್, ನಿತ್ಯ ನ್ಯಾಯತೀರ್ಪ್, ಇನ್ನತಾನ ಅಡಿಪಪಾಯತ್‍ರ ಬೋದನೆನ ಪುನಃ ನಿಂಗಕ್ ಬೋದನೆ ಮಾಡತೆ, ಪೂರ್ತಿಯಾಯಿತ್ ಬೊಳಿಯುವನೆಕೆ ನಡ್‌ಕನ.

1 ಪೇತ್ರ 3:21

ಅದ್ಂಗ್ ಸಮವಾನ ನಂಗಡ ರಕ್ಷಣೆಕಾಯಿತುಳ್ಳ ದೀಕ್ಷಾಸ್ನಾನ ಎಂತ ಎಣ್ಣ್‌ಚೇಂಗಿ, ಅದ್ ನಂಗಡ ತಡೀರ ಅಶುದ್ದತ್‍ನ ಕತ್ತುವ ವಿಷಯ ಅಲ್ಲ. ಆಚೇಂಗಿ, ದೇವಡ ವಿಷಯತ್ ನಂಗಡ ಮನಸಾಕ್ಷಿರ ಒಪ್ಪಂದವಾಯಿತ್, ಇಕ್ಕ ನಂಗಳ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವತ್‍ಲ್ ಬಂದ ಮೂಲಕ ರಕ್ಷಣೆ ಮಾಡಿಯೆ.