ಕೊಲೊಸ್ಸೆ 1:25 - ಕೊಡವ ಬೈಬಲ್

²⁵ ನಿಂಗಕ್ ನಲ್ಲದಾಂಡೂಂದ್, ದೇವ ನಾಕ್ ಅಪ್ಪಣೆ ತಂದಿತುಳ್ಳ ಆ ಸೇವೆಯಾನ ದೇವಡ ವಾಕ್ಯತ್‍ನ ಪೂರ್ತಿಯಾಯಿತ್ ಗೊತ್ತ್ ಮಾಡಿ ಕೊಡ್‍ಪಕ್ ನಾನ್ ಸೇವಕನಾಯಿತ್ ಆನ.

ಕೊಲೊಸ್ಸೆ 1:25 ပူးပေါင်းရင်းမြစ်များ

1 ಕೊರಿಂಥ 3:5

ಅಪೊಲ್ಲೋಸ ದಾರ್? ಪೌಲ ದಾರ್? ನಂಗ ದೇವಡ ಸೇವಕಂಗ ಮಾತ್ರ ಅಚ್ಚಕೆ. ನಿಂಗ ನಂಗಡ ಮೂಲಕ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‍ವಕಾಚಿ. ದೇವ ನಂಗ ಒಬ್ಬೊಬ್ಬಂಗ್ ಕೊಡ್‍ತ ಕೆಲಸತ್‍ನ ನಂಗ ಮಾಡಿಯೆ.

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

ಎಫೆಸ 3:2

ಯೆಹೂದ್ಯಂಗಲ್ಲತ ನಿಂಗಕ್ ದೇವಡ ಸುದ್ದಿನ ಅರಿಚಿಡುವಕುಳ್ಳ ಜವಾಬ್ದಾರಿನ ನಾಡ ಮೇಲೆ ದೇವ ಕೃಪೆಯಾಯಿತ್ ದಾನಮಾಡ್‌ಚೀಂದ್ ನಿಂಗ ನೇರಾಯಿತು ಕ್‍ೕಟಿತುಳ್ಳಿರ.

ಎಫೆಸ 3:7

ದೇವಡ ಬಲ್ಯ ಶಕ್ತಿರಗುಂಡ್ ಅಂವೊ ನಾಕ್ ದಾನಮಾಡ್‍ನ ವರತ್‍ರ ಕೃಪೇರಗುಂಡ್ ದೇವಡ ಈ ನಲ್ಲ ಸುದ್ದಿಕ್ ನಾನ್ ಸೇವಕನಾಯಿತ್ ಆನ.

ಕೊಲೊಸ್ಸೆ 1:23

ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

1 ತಿಮೊಥೆಯ 4:6

ನೀನ್ ಇದ್‍ನೆಲ್ಲ ಯೇಸುನ ನಂಬ್‍ನಯಿಂಗಕ್ ಬೋದನೆ ಮಾಡಿಯಂಡ್ ಬಾತೇಂಗಿ, ನಂಬಿಕೇಕ್ ಉಳ್ಳ ತಕ್ಕ್‌ಲು ನೀನ್ ಮಾಡಿಯಂಡುಳ್ಳ ನಲ್ಲ ಬೋದನೆಲು ಬೊಳ್ಂದಿತ್, ಯೇಸು ಕ್ರಿಸ್ತಂಗ್ ನಲ್ಲ ಸೇವಕನಾಯಿತ್ ಇಪ್ಪಿಯ.