ಕೊಲೊಸ್ಸೆ 1:23 - ಕೊಡವ ಬೈಬಲ್

²³ ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.

ಕೊಲೊಸ್ಸೆ 1:23 ပူးပေါင်းရင်းမြစ်များ

ಮಾರ್ಕ 16:15

ಪಿಂಞ, ಅಂವೊ ಅಯಿಂಗಳ ನೋಟಿತ್: ನಿಂಗ ಬೂಲೋಕವೆಲ್ಲಾ ಪೋಯಿತ್ ದೇವಡ ನಲ್ಲ ಸುದ್ದಿನ ಎಲ್ಲಾ ಜನಕು ಪ್ರಚಾರ ಮಾಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:32

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:48

ಬಂಡೆ ಕಲ್ಲ್‌ರ ಮೇಲೆ ಆಳವಾಯಿತ್ ಅಡಿಪಾಯ ಇಟ್ಟಿತ್ ಮನೆ ಕೆಟ್ಟ್‌ವ ಮನುಷ್ಯಂಗ್ ಅಂವೊ ಸಮವಾಯಿತ್‌ಪ್ಪ; ಪೊಳೆ ಉಕ್ಕಿತ್ ಮನೆಕ್ ಪೊಜ್ಜತೇಂಗಿಯು, ಮನೆ ಬೂವತನೆಕೆ ಗಟ್ಟಿಯಾಯಿತ್ ನಿಪ್ಪ. ಎನ್ನಂಗೆಣ್ಣ್‌ಚೇಂಗಿ ಆ ಮನೆರ ಅಡಿಪಾಯ ಬಂಡೆ ಕಲ್ಲ್‌ರ ಮೇಲೆ ಇಟ್ಟಿತುಂಡ್.

ಯೋಹಾನ 15:6

ದಾರ್ ನಾಡಲ್ಲಿ ಸ್ತಿರವಾಯಿತ್ ಇಲ್ಲೆ, ಅಂವೊ ಪೊರಮೆ ಚಾಡ್‌ನ ಕೊಂಬ್‌ರನೆಕೆ ಇಪ್ಪ. ಆ ಕೊಂಬ್ ಒಣಂಗಿ ಪೋಪ; ಅನ್ನನೆ ಚಾಡ್‌ನ ಕೊಂಬ್‍ನ ಕೂಟಿತ್ ತಿತ್ತ್‌ಕ್ ಇಡ್‌ವ. ಅನ್ನನೆ ಅದ್ ಚುಟ್ಟ್ ಪೋಪ.

ಅಪೊಸ್ತಲ 1:17

ಯೂದ ನಂಗಡ ಕೂಟ್‌ಲ್ ಒಬ್ಬನಾಯಿತ್ಂಜತ್. ದೇವಡ ಸೇವೇಲ್ ಪಾಲ್‍ದಾರನಾಯಿತ್ಂಜತ್.

ಅಪೊಸ್ತಲ 1:25

ಈ ದಂಡಾಳ್‌ರ ಕೂಟ್‌ಲ್ ದಾರ್‍ೕಂದ್ ಗೊತ್ತ್ ಮಾಡಿತ್ ಕಾಟ್‍ೕಂದ್ ಪ್ರಾರ್ಥನೆ ಮಾಡ್‍ಚಿ. ಎನ್ನಂಗೆಣ್ಣ್‌ಚೇಂಗಿ, ಯೂದ ಈ ಅಪೊಸ್ತಲ ಸ್ತಾನತ್ಂಜ, ಮೋಸ ಮಾಡಿತ್, ಅಂವೊಂಗ್ ತಕ್ಕ ಜಾಗಕ್ ಪೋಚಿ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 2:5

ಆ ಸಮಯತ್‍ಲ್ ಲೋಕತ್‍ಲ್ ಉಳ್ಳ ಎಲ್ಲಾ ದೇಶತ್ಂಜ ಬಯ ಬಕ್ತಿಯುಳ್ಳ ಯೆಹೂದ್ಯಂಗ ಯೆರೂಸಲೇಮ್‌ಕ್ ಬಂದಿತ್ಂಜತ್.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 26:16

ಇಕ್ಕ, ನೀನ್ ಎದ್ದಿತ್ ನಿಂದ, ನಿನ್ನ ನಾಡ ಸೇವಕನಾಯಿತು, ಸಾಕ್ಷಿಯಾಯಿತು ನೇಮಿಚಿಡುವಕಾಯಿತ್ ನಾನ್ ನೀಕ್ ಪ್ರತ್ಯಕ್ಷ ಆನ. ಇಂದ್ ನೀನ್ ನಾಡ ವಿಷಯವಾಯಿತ್ ಕಂಡಾನ, ಮಿಂಞಕ್ ನಾನ್ ನೀಕ್ ಕಾಂಬ್‍ಚಿಡುವಕುಳ್ಳಾನ ಈ ಲೋಕಕ್ ನೀನ್ ಎಣ್ಣಂಡು.

ಅಪೊಸ್ತಲ 4:12

ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ನಂಗಳ ರಕ್ಷಣೆ ಮಾಡ್‌ವಕ್ ಕಯ್ಯುಲೆ. ಬಾನತ್‍ರ ಅಡಿಲ್, ಮನುಷ್ಯಂಗಡ ಮದ್ಯತ್‍ಲ್ ಯೇಸುರ ಪೆದತ್‍ನ ಬುಟ್ಟಿತ್ ಬೋರೆ ಒರ್ ಪೆದವು ನಂಗಡ ರಕ್ಷಣೆಕ್ ಕೊಡ್‍ತಿತ್‌ಲ್ಲೆ.

ರೋಮ್ 10:18

ಆಚೇಂಗಿ, ಇಸ್ರಾಯೇಲ್ ಜನ ಇದ್‍ನ ಕ್‍ೕಟಿತ್‌ಲ್ಲೆಯಾಂದ್ ನಾನ್ ಕ್‍ೕಪಿ; ಅಯಿಂಗ ಕ್‍ೕಟತ್; ಅಯಿಂಗ ಎಣ್ಣ್‌ನ ವಾಕ್ಯತ್‍ರ ವಾಣಿ ಲೋಕತ್‍ಲ್ ಎಲ್ಲೆಲ್ಲಿಕು ಪೋಚಿ, ಪಿಂಞ ಲೋಕತ್‍ರ ಆಕೀರ್‍ಕತ್ತನೆ ಪೋಚೀಂದ್ ಉಂಡ್.

ರೋಮ್ 15:16

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಲ್ಲತಯಿಂಗ ಒರ್ ಬಲಿರನೆಕೆ ಪವಿತ್ರಾತ್ಮತ್‍ರಗುಂಡ್ ಶುದ್ದ ಆಯಿತ್, ದೇವಕ್ ಒರ್ ಕುಶೀರ ಬಲಿಯಾಪನೆಕೆ, ನಲ್ಲ ಸುದ್ದಿರ ದೇವಡ ಯಾಜಕನಾಯಿತ್, ಯೇಸು ಕ್ರಿಸ್ತಂಡ ಸೇವಕನಾಯಿತ್ ಯೆಹೂದ್ಯಲ್ಲತಯಿಂಗಕ್ ನಾನ್ ಆನ.

ರೋಮ್ 2:7

ಎಲ್ಲಾನ ತಾಳ್ಮೆಲ್ ಸಹಿಸಿಯಂಡ್, ನಲ್ಲ ಕೆಲಸ ಮಾಡಿಯಂಡ್ ಮಹಿಮೆನ, ಗನತ್‍ನ ಪಿಂಞ ಪಾಳಾಯಿ ಪೋಕತದ್‍ನ ತ್‍ೕಡಿಯಂಡುಳ್ಳಯಿಂಗಕ್ ದೇವ ನಿತ್ಯ ಜೀವ ತಪ್ಪ.

ರೋಮ್ 5:5

ಈ ನಿರೀಕ್ಷೆ ನಂಗಳ ನಿರಾಶೆ ಮಾಡುಲೆ, ಎನ್ನಂಗೆಣ್ಣ್‌ಚೇಂಗಿ, ನಂಗಕ್ ತಂದಿತುಳ್ಳ ಪವಿತ್ರಾತ್ಮತ್‍ರಗುಂಡ್ ದೇವಡ ಪ್ರೀತಿ ನಂಗಡ ಹೃದಯತ್‍ಲ್ ಬೂಕಿತುಂಡ್.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

1 ಕೊರಿಂಥ 3:5

ಅಪೊಲ್ಲೋಸ ದಾರ್? ಪೌಲ ದಾರ್? ನಂಗ ದೇವಡ ಸೇವಕಂಗ ಮಾತ್ರ ಅಚ್ಚಕೆ. ನಿಂಗ ನಂಗಡ ಮೂಲಕ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‍ವಕಾಚಿ. ದೇವ ನಂಗ ಒಬ್ಬೊಬ್ಬಂಗ್ ಕೊಡ್‍ತ ಕೆಲಸತ್‍ನ ನಂಗ ಮಾಡಿಯೆ.

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

2 ಕೊರಿಂಥ 11:23

ಅಯಿಂಗ ಕ್ರಿಸ್ತಂಡ ಸೇವಕಂಗಳಾ? ನಾನ್ ಅಯಿಂಗಕಿಂಜ ಕ್ರಿಸ್ತಂಡ ಬಲ್ಯ ಸೇವಕ. ನಾನ್ ಬುದ್ದಿ ಇಲ್ಲತಂವೊಂಡನೆಕೆ ತಕ್ಕ್ ಪರ್ಂದಂಡುಳ್ಳ. ನಾನ್ ದುಂಬ ಕಷ್ಟಪಟ್ಟಂವೊ, ಜನ ನನ್ನ ದುಂಬ ಪೊಜ್ಜಿತುಂಡ್, ಜೈಲ್‍ಲ್ ದುಂಬ ಇಂಜಂವೊ, ದುಂಬ ಕುರಿ ಚಾವ್‍ಕ್ ಚಿಕ್ಕಿತುಳ್ಳ.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

2 ಕೊರಿಂಥ 4:1

ದೇವ ಅಂವೊಂಡ ಕರುಣೇಲ್ ಈ ಸೇವೇನ ನಂಗಕ್ ಕೊಡ್‍ತಿತುಳ್ಳಾಂಗ್, ನಂಗ ತಳ್ಂದ್ ಪೋಯಂಡಿಲ್ಲೆ.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

ಗಲಾತ್ಯ 4:11

ನಾನ್ ನಿಂಗಕಾಯಿತ್ ಪಟ್ಟ ಕಷ್ಟವೆಲ್ಲ ಪ್ರಯೋಜನ ಇಲ್ಲತೆ ಪೋಚಾಂದ್ ನಾನ್ ಪೋಡಿಲ್ ಉಳ್ಳ.

ಗಲಾತ್ಯ 5:5

ಆಚೇಂಗಿ ಪವಿತ್ರಾತ್ಮಂಡ ಸಹಾಯತ್‍ಲ್ ನಂಬಿಕೇರಗುಂಡ್, ಬದ್‍ಕಿಯಂಡುಳ್ಳ ನಂಗ, ನಂಬಿಕೇರಗುಂಡ್ ದೇವಡ ನೀತಿ ಎಕ್ಕ ಕ್‌ಟ್ಟುವಾಂದ್ ಕುಶೀಲ್ ಪಾರಕಾತಂಡ್ ಉಂಡ್.

ಗಲಾತ್ಯ 5:7

ನಿಂಗ ಚಾಯಿತೆ ಓಡಿಯಂಡಿಂಜೀರಲ್ಲಾ? ಪಿಂಞ ದಾರ್ ನಿಂಗಳ ಸತ್ಯತ್‍ರ ಬಟ್ಟೇಲ್ ಪೋಕತನೆಕೆ ನಿಪ್ಪ್‌ಚಿಟ್ಟದ್?

ಗಲಾತ್ಯ 6:9

ನಂಗ ನಲ್ಲದ್ ಮಾಡ್‌ವದ್‍ಲ್ ತಳ್ಂದ್ ಪೋಪಕ್ಕಾಗ; ನಂಗ ನಲ್ಲದ್ ಮಾಡ್‌ವದ್‍ಲ್ ತಳ್ಂದ್ ಪೋಕತೆ ಇಂಜತೇಂಗಿ, ತಕ್ಕ ಸಮಯತ್‍ಲ್ ನಂಗಕ್ ಫಲ ಕ್‍ಟ್ಟುವ.

ಎಫೆಸ 1:18

ಅಂವೊ ನಿಂಗಳ ಕಾಕ್‍ನಗುಂಡ್ ನಿಂಗಕುಳ್ಳ ನಿರೀಕ್ಷೆ ಎಂತದ್‍ೕಂದು, ದೇವಡ ಮಕ್ಕಡ ಪಕ್ಕ ನಂಗಕುಳ್ಳ ಬಾದ್ಯತೆರ ಮಹಿಮೇರ ಐಶ್ವರ್ಯ ಎಂತದ್‍ೕಂದ್ ಗೊತ್ತಾಪಕು,

ಎಫೆಸ 2:21

ಅಂವೊಂಡ ಮೇಲೆ ಆ ಕಟ್ಟಡ ಒಂದಾಂಗ್ ಒಂದ್ ಕೂಟಾಯಿತ್ ಒಕ್ಕಿಯಂಡ್, ಒಡೆಯಂಡಲ್ಲಿ ಪವಿತ್ರವಾನ ಆಲಯವಾಯಿತ್ ಬೊಳ್‌ಂದಿಯಂಡ್ ಉಂಡ್.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

ಎಫೆಸ 4:16

ಅಂವೊನಗುಂಡ್, ತಡಿ ಪೂರ್ತಿಯು, ತಡೀನ ಒಂದಾಯಿತ್ ಪುಡ್‌ಚಿತಿಪ್ಪಕ್ ಸಹಾಯ ಮಾಡ್‌ವ ಅದ್ಂಡ ಯರ್ಚಿ ಕಂಡವು ಒಂದಾಯಿತ್ ಕೂಡಿತ್, ಓರೋರ್ ಬಾಗವು, ಅದ್ಂಗದ್ಂಗ್ ತಕ್ಕ ಅಳ್‌ತೆಲ್ ಕೆಲಸತ್‍ನ ಮಾಡ್‌ವಕ, ಪ್ರೀತಿನಗುಂಡ್ ತಡಿ ಬೊಳ್ಂದಿತ್ ಅದ್ಂಡದ್ಂಡ ಕೆಲಸತ್‍ನ ಮಾಡ್‌ವ.

ಕೊಲೊಸ್ಸೆ 1:25

ನಿಂಗಕ್ ನಲ್ಲದಾಂಡೂಂದ್, ದೇವ ನಾಕ್ ಅಪ್ಪಣೆ ತಂದಿತುಳ್ಳ ಆ ಸೇವೆಯಾನ ದೇವಡ ವಾಕ್ಯತ್‍ನ ಪೂರ್ತಿಯಾಯಿತ್ ಗೊತ್ತ್ ಮಾಡಿ ಕೊಡ್‍ಪಕ್ ನಾನ್ ಸೇವಕನಾಯಿತ್ ಆನ.

ಕೊಲೊಸ್ಸೆ 2:7

ನಿಂಗಡ ಬೇರ್ ಅಂವೊಂಡಲ್ಲಿ ಆಳವಾಯಿತ್ ಬೇರೂರಿತ್, ನಿಂಗಡ ಬದ್‍ಕ್‍ನ ಅಂವೊಂಡ ಮೇಲೆ ಕೆಟ್ಟುವಿರ. ಅಕ್ಕ ನಿಂಗಕ್ ಕ್‍ಟ್ಟ್‌ನ ನಂಬಿಕೇಲ್ ನಿಂಗ ದೃಡವಾಯಿತ್ ಬೊಳ್ಂದಿತ್, ದೇವಕ್ ವಂದನೆ ಎಣ್ಣುವದ್‍ಲ್ ದುಂಬ ಬೊಳಿವಿರ.

1 ಥೆಸಲೊನೀಕ 3:3

ಅಕ್ಕ, ದಾರೂ ನಿಂಗಳ ನಿಂಗಡ ನಂಬಿಕೆಯಿಂಜ ಬಲಿಪಕ್ ಕಯ್ಯುಲೆ. ನಂಗ ಯೇಸುರ ಬಯ್ಯಕ್ ಬಪ್ಪಕ, ಜನ ನಂಗಳ ಹಿಂಸೆ ಮಾಡ್‌ವಾಂದ್ ಉಳ್ಳದ್ ದೇವಡ ಚಿತ್ತಾಂದ್ ನಿಂಗಕ್ ಗೊತ್ತುಂಡಲ್ಲ.

1 ಥೆಸಲೊನೀಕ 3:5

ಆನಗುಂಡ್, ನಿಂಗಡ ವಿಷಯತ್ ನಾಕ್ ಪಾರಕಾತಂಡ್ ಇಪ್ಪಕ್ ಕಯ್ಯತೆ, ಯೇಸುರ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಎನ್ನನೆ ಉಂಡ್‍ೕಂದ್ ಗೊತ್ತಾಪಕಾಯಿತ್ ಅಂವೊನ ನಿಂಗಡ ಪಕ್ಕ ಅಯಿಚಿಯೆ. ನಂಗಳ ಸೋದನೆ ಮಾಡ್‌ವ ಸೈತಾನ ನಿಂಗಳ ಸೋದನೆ ಮಾಡಿತ್, ನಂಗ ಇಲ್ಲಿಕತ್ತನೆ ನಿಂಗಡಲ್ಲಿ ಮಾಡ್‍ನ ದೇವಡ ಸೇವೇಕ್ ಒರ್ ಪ್ರಯೋಜನವು ಇಲ್ಲತ ಪೋಯಿರುವಾಂದ್ ನಾಕ್ ಪೋಡಿ ಆಚಿ.

1 ಥೆಸಲೊನೀಕ 5:8

ಆಚೇಂಗಿ, ನಂಗ ಪೋಲ್‍ಕ್ ಕೂಡ್‍ನಯಿಂಗ. ಆನಗುಂಡ್ ಎಚ್ಚರತ್‍ಲ್ ಬದ್‌ಕಿತ್, ಎದೆತಟ್ಟೆರನೆಕೆ ಉಳ್ಳ ನಂಬಿಕೆ ಪಿಂಞ ಪ್ರೀತಿನ ಎದೇಲ್ ಇಟ್ಟಂಡ್, ಇರ್‍ಂಬ್ ತೊಪ್ಪಿರನೆಕೆ ಉಳ್ಳ ರಕ್ಷಣೆರ ನಿರಿಕ್ಷೇನ ಮಂಡೆಕ್ ಇಟ್ಟಂಡ್ ಇರಂಡು.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

1 ತಿಮೊಥೆಯ 1:12

ದೇವಡ ಸೇವೇನ ಮಾಡ್‌ವಕಾಯಿತ್ ನಾಕ್ ಶಕ್ತಿ ತಂದ ಒಡೆಯನಾನ ಯೇಸು ಕ್ರಿಸ್ತಂಗ್ ವಂದನೆ ಎಣ್ಣ್‌ವಿ. ಅಂವೊಂಗ್ ಸೇವೆ ಮಾಡ್‌ವಕ್ ನನ್ನ ಯೋಗ್ಯನಾಯಿತ್ ಗೇನ ಮಾಡಿತ್, ಅದ್ಂಗ್ ನನ್ನ ನೇಮಿಚಿಟ್ಟಾಂಗ್ ವಂದನೆ ಮಾಡ್‌ವಿ.

1 ತಿಮೊಥೆಯ 2:7

ಈ ನಲ್ಲ ಸುದ್ದಿಕಾಯಿತೇ ದೇವ ನನ್ನ ಒರ್ ಬೋದಕನಾಯಿತ್ ಪಿಂಞ ಒರ್ ಅಪೊಸ್ತಲನಾಯಿತ್ ನೇಮಿಚಿಟ್ಟತ್. ನಂಬಿಕೇರ ವಿಷಯತ್‍ನ, ಸತ್ಯತ್‍ರ ವಿಷಯತ್‍ನ ಅನ್ಯ ಜನಕ್ ಬೋದನೆ ಮಾಡ್‌ವಕಾಯಿತ್ ನನ್ನ ಅಯಿಚತ್. ನಾನ್ ಪೊಟ್ಟ್ ಪರಿಯತೆ ಯೇಸು ಕ್ರಿಸ್ತಂಡ ಪೆದತ್‍ಲ್ ಸತ್ಯತ್‍ನ ಎಣ್ಣಿಯಂಡುಂಡ್.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:7

ಆನಗುಂಡ್, ಅಂವೊಂಡ ಕೃಪೇರಗುಂಡ್ ನಂಗಳ ನೀತಿವಂತಯಿಂಗಳಾಯಿತ್ ಮಾಡಿತ್, ನಿತ್ಯ ಜೀವತ್‍ರ ಹಕ್ಕ್‌ದಾರಂಗಳಾಯಿತುಂಡ್‍ೕಂದ್ ಎಣ್ಣುವ ನಂಬಿಕೇನ ನಂಗಕ್ ತಂದಿತುಂಡ್.

ಇಬ್ರಿಯ 10:38

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‍ಕ್‍ವ, ಅದ್‍ನ ಅಂವೊ ಬುಟ್ಟಿತ್ ಪೋಚೇಂಗಿ, ನಾನ್ ಅಂವೊಂಡ ಮೇಲೆ ಕುಶಿಪಡುಲೇಂದ್ ದೇವ ಎಣ್ಣ್‌ಚಿ.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

ಇಬ್ರಿಯ 3:6

ಆಚೇಂಗಿ ಕ್ರಿಸ್ತ, ದೇವಡ ಮನೇಕಿಂಜ ಬಲ್ಯಂವೊನಾಯಿತ್ ಒರ್ ಮೋಂವೊಂಡನೆಕೆ ಸತ್ಯವಂತಂವೊನಾಯಿತುಂಡ್; ನಂಗಡ ನಿರೀಕ್ಷೇರಗುಂಡ್ ಕ್‍ಟ್ಟುವ ದೈರ್ಯ ಪಿಂಞ ಹೆಮ್ಮೆನ ಕಡೇಕತ್ತನೆ ಗಟ್ಟಿಯಾಯಿತ್ ಪುಡ್‍ಚಂಡ್ ಇಂಜತೇಂಗಿ ನಂಗಳೇ ಅಂವೊಂಡ ಮನೇಯಾಯಿತ್‌ಪ್ಪ.

ಇಬ್ರಿಯ 4:14

ಬಾನತ್‍ರ ಮೂಲಕ ಪರಲೋಕಕ್ ಪೋಯಿತುಳ್ಳ ದೇವಡ ಮೋಂವೊನಾನ ಯೇಸು ಎಣ್ಣುವ ಮಹಾ ಯಾಜಕ ನಂಗಕ್ ಉಳ್ಳಗುಂಡ್, ನಂಗ ಮಾಡ್‍ನ ನಂಬಿಕೇರ ಅರಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್ ಬದ್‍ಕಂಡು.

ಇಬ್ರಿಯ 6:19

ಆ ನಂಬಿಕೆ ನಂಗಡ ಆತ್ಮಕ್ ಬಲವುಳ್ಳದಾಯಿತು ಸ್ತಿರವಾಯಿತು ಉಂಡ್. ದೇವಡ ಆಲಯತ್‌ರ, ಪಡಿರ ಬಟ್ಟೇರ ಒಳ್‍ಕ್ ಉಳ್ಳ ಅತಿಪವಿತ್ರವಾನ ಜಾಗಕ್ ನಂಗ ಪೋಪನೆಕೆ ಮಾಡಿಯಂಡುಂಡ್.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.

1 ಪೇತ್ರ 1:5

ಅದ್ಂಗಾಯಿತ್ ನಿಂಗಳ ದೇವ ನಂಬಿಕೇರಗುಂಡ್ ದೇವಡ ಶಕ್ತಿರ ಬಲತ್‍ಲ್, ಆಕೀರ್ ಕಾಲತ್‍ಲ್ ರಕ್ಷಣೆ ಪೊರಮೆ ಕಾಂಬಕತ್ತನೆ ತಯಾರಾಯಿತ್ ಬದ್ರವಾಯಿತ್ ಕಾಪಾಡಿಯಂಡ್,

1 ಯೋಹಾನ 2:27

ಆಚೇಂಗಿ ನಿಂಗಡ ವಿಷಯತ್‍ಲ್, ಕ್ರಿಸ್ತ ನಿಂಗಳ ಪವಿತ್ರ ಆತ್ಮತ್‍ಲ್ ಅಬಿಷೇಕ ಮಾಡಿತುಂಡ್. ಅಂವೊಂಡ ಅಬಿಷೇಕ ನಿಂಗಡಲ್ಲಿ ಉಳ್ಳಗುಂಡ್, ದಾರೂ ನಿಂಗಕ್ ಉಪದೇಶ ಮಾಡ್‌ವ ಅವಸ್ಯ ಇಲ್ಲೆ, ಅಂವೊಂಡ ಆತ್ಮ ಎಲ್ಲಾ ವಿಷಯತ್‍ನ ನಿಂಗಕ್ ಬೋದನೆ ಮಾಡ್‌ವ. ಅಂವೊ ಮಾಡ್‌ವ ಬೋದನೆಯೆಲ್ಲ ಸತ್ಯ, ಅದ್‍ಲ್ ಪೊಟ್ಟ್ ಇಲ್ಲೆ. ಆನಗುಂಡ್, ಅಂವೊ ನಿಂಗಕ್ ಉಪದೇಶ ಮಾಡ್‍ನ ಪ್ರಕಾರ ನಡ್‌ಂದಿತ್ ಕ್ರಿಸ್ತಂಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತಿರಿ.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.