ಕೊಲೊಸ್ಸೆ 1:20 - ಕೊಡವ ಬೈಬಲ್

²⁰ ಅಂವೊಂಡ ಮೋಂವೊಂಡ ಮೂಲಕ, ಎಲ್ಲಾನ ತಾಂಡ ಪಕ್ಕ ಪುನಃ ಕೊಂಡ್ ಬಂದಿತ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವಕ್ ತೀರ್ಮಾನ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳಾನ ಎಲ್ಲಾ, ಬೂಲೋಕತ್‍ಲ್ ಉಳ್ಳಾನ ಎಲ್ಲಾ, ತಾಂಡ ಮೋಂವೊ ಶಿಲುಬೇಲ್ ಬೂಕ್‌ನ ಚೋರೆರ ಮೂಲಕ ಸಮಾದಾನ ಮಾಡ್‌ವಕ್ ಅಂವೊ ತೀರ್ಮಾನ ಮಾಡ್‍ಚಿ.

ಕೊಲೊಸ್ಸೆ 1:20 ပူးပေါင်းရင်းမြစ်များ

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:14

ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆಯು, ಬೂಲೋಕತ್‍ಲ್ ಶಾಂತಿಯು, ಮನುಷ್ಯಂಗಡ ಮೇಲೆ ಪ್ರೀತಿಯು ಇಕ್ಕಡ್‍ೕಂದ್ ದೇವನ ತುದಿಚಂಡ್ ಪಾಟ್ ಪಾಡ್‌ಚಿ.

ಅಪೊಸ್ತಲ 10:30

ಅದ್ಂಗ್ ಕೊರ್ನೇಲ್ಯ: ನಾನ್ ನಾಲ್ ದಿವಸಕ್ ಬಯ್ಯ ಈ ಸಮಯತ್‍ಲ್ ಸುಮಾರ್ ಮೂಂದ್ ಗಂಟೆಕ್ ನಾಡ ಮನೆಲ್ ಪ್ರಾರ್ಥನೆ ಮಾಡಿಯಂಡಿಂಜ್. ಮಿನ್ನುವಂತ ವಸ್ತ್ರ ಇಟ್ಟಿತ್ಂಜ ಒರ್ ಮನುಷ್ಯ ನಾಡ ಮಿಂಞತ್ ನಿಂದಂಡ್:

ರೋಮ್ 5:1

ಇನ್ನನೆ, ನಂಗ ನಂಬಿಕೆಯಿಂಜ ನೀತಿವಂಯಿಂಗಳಾನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗಕ್ ದೇವಡ ಪಕ್ಕ ಸಮಾದಾನ ಕ್‍ಟ್ಟ್‌ಚಿ.

ಎಫೆಸ 1:10

ಅದ್ ಎಂತ ಎಣ್ಣ್‌ಚೇಂಗಿ, ಅಂವೊ ತೀರ್ಮಾನ ಮಾಡ್‍ನ ಕಾಲ ನೆರವೇರುವಕ, ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾನ ಕೂಟಿತ್, ಕ್ರಿಸ್ತಂಡ ಅದಿಕಾರತ್‍ರ ಅಡಿಕ್ ಕೊಂಡ್ ಬರಂಡೂಂದ್ ಉಳ್ಳದ್‍ನ ದೇವ ಪೂರ್ತಿ ಮಾಡ್‌ವ.

ಫಿಲಿಪ್ಪಿ 2:10

ಆಂಗ್ ಪರಲೋಕ, ಬೂಲೋಕ ಪಿಂಞ ಪಾತಾಳತ್‍ಲ್ ಉಳ್ಳ ಎಲ್ಲಾರು ಯೇಸುರ ಪೆದಕ್ ಅಡ್ಡ ಬುದ್ದಿತ್,

ಕೊಲೊಸ್ಸೆ 1:16

ಎನ್ನಂಗೆಣ್ಣ್‌ಚೇಂಗಿ, ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳದು, ಬೂಲೋಕತ್‍ಲ್ ಉಳ್ಳದು, ಕಾಂಬಕುಳ್ಳದು, ಕಾಂಬಕಯ್ಯತದು, ರಾಜಂಗಳು, ರಾಜ್ಯಂಗಳು, ಏದ್ ಅದಿಕಾರವು, ಅದಿಕಾರಿಯಂಗಳು, ಇದೆಲ್ಲಾ ಅಂವೊಂಡ ಮೂಲಕ, ಅಂವೊಂಗಾಯಿತ್ ಸೃಷ್ಟಿ ಮಾಡ್‍ಚಿ.

ಇಬ್ರಿಯ 2:17

ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.