ಕೊಲೊಸ್ಸೆ 1:13 - ಕೊಡವ ಬೈಬಲ್

¹³ ಪಿಂಞ ಇರ್‌ಟ್‌ರ ಅದಿಕಾರತ್ಂಜ ನಂಗಳ ಬುಡುಗಡೆ ಮಾಡಿತ್, ತಾಂಡ ಪ್ರೀತಿರ ಮೋಂವೊಂಡ ರಾಜ್ಯಕ್ ಕೊಂಡ್ ಬಂದ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

ಕೊಲೊಸ್ಸೆ 1:13 ပူးပေါင်းရင်းမြစ်များ

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಮತ್ತಾಯ 3:17

ಅಕ್ಕ, ಪರಲೋಕತ್ಂಜ ಒರ್ ವಾಣಿ: ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:24

ಅದ್ಂಗ್ ಯೇಸು: ಪರಲೋಕಕ್ ಪೋಪ ಪಡಿ ದುಂಬ ಇರ್ಂಗ್‍ನದ್. ನಿಂಗ ಇರ್ಂಗ್‍ನ ಬಾಯಿಕಂಡಿಲ್ ಪೋಪಕ್ ಕಷ್ಟಪಡಿ. ದುಂಬ ಜನ ಇಕ್ಕಟಾನ ಪಡಿರ ಮೂಲಕ ಒಳ್‍ಕ್ ಪೋಪಕ್ ನೋಟ್‍ವ, ಆಚೇಂಗಿ ಅಯಿಂಗಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:53

ನಾನ್ ದಿನಾಲು ದೇವಾಲಯತ್‍ಲ್ ಇಂಜಲ್ಲ, ಅಕ್ಕ ನಿಂಗ ನನ್ನ ಪುಡಿಪಕ್ ಕಯಿಂಜಿತ್‌ಲ್ಲೆ; ಆಚೇಂಗಿ, ಇರ್‌ಟ್ ಆಳಿಯಂಡುಳ್ಳಗುಂಡ್, ಇದ್ ನಿಂಗ ಕ್ರಿಯೆ ಮಾಡ್‌ವಕುಳ್ಳ ಕಾಲಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 17:24

ಅಪ್ಪಾ! ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಂಜಗುಂಡ್, ನೀನ್ ನಾಕ್ ತಂದ ನಾಡ ಮಹಿಮೆನ, ನೀನ್ ನಾಕ್ ಕೊಡ್‍ತಯಿಂಗ ಕಾಂಬನೆಕೆ, ನಾನ್ ಎಲ್ಲಿ ಇಪ್ಪಿ, ಅಲ್ಲಿ ಅಯಿಂಗಳು ಇಪ್ಪಕ್ ನಾನ್ ಕುಶೀಲ್ ಉಳ್ಳ.

ಯೋಹಾನ 3:35

ಅಪ್ಪನಾನ ದೇವ ತಾಂಡ ಮೋಂವೊನ ಪ್ರೀತಿ ಮಾಡಿತ್, ತಾಂಡ ಮೋಂವೊಂಡ ಕೈಕ್ ಎಲ್ಲಾನ ಒಪ್ಪ್‌ಚಿಟ್ಟತ್.

ಯೋಹಾನ 5:24

ದಾರ್ ನಾಡ ತಕ್ಕ್‌ನ ಕ್‍ೕಟಿತ್, ನನ್ನ ಅಯಿಚಂವೊನ ನಂಬುವ, ಅಯಿಂಗಕ್ ನಿತ್ಯ ಜೀವ ಉಂಡ್, ಅಯಿಂಗಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ಯಿಂಜ ಅಯಿಂಗ ಬಚಾವ್ ಆಪ. ಅನ್ನನೆ ಅಯಿಂಗಕ್ ಬಪ್ಪ ಚಾವ್‍ಯಿಂಜಲು, ಬದ್‌ಕಿತ್ ಜೀವವಾಯಿತ್ ಬಪ್ಪಾಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ರೋಮ್ 14:17

ಎನ್ನಂಗೆಣ್ಣ್‌ಚೇಂಗಿ, ದೇವಡ ರಾಜ್ಯ ತಿಂಬದು ಕುಡಿಪದು ಅಲ್ಲ, ಅದ್ ನೀತಿಯು, ಸಮಾದಾನವು ಪವಿತ್ರಾತ್ಮತ್‍ರಗುಂಡ್ ಕ್‍ಟ್ಟ್‌ವ ಕುಶಿಯು ಆಯಿತುಂಡ್.

2 ಕೊರಿಂಥ 11:14

ಇದ್ ಒಂದು ಆಶ್ಚರ್ಯ ಅಲ್ಲ, ಎನ್ನಂಗೆಣ್ಣ್‌ಚೇಂಗಿ, ಸೈತಾನ ಸಹ ಬೊಳಿರ ದೂತಂಡ ವೇಷತ್‍ನ ಇಟ್ಟಂಡುಂಡಲ್ಲ?

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

ಎಫೆಸ 1:6

ಅನ್ನನೆ, ದೇವ ಪ್ರೀತಿ ಮಾಡ್‌ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್‌ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್‍ಚಿ.

ಎಫೆಸ 4:18

ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್, ಅಯಿಂಗಡ ಹೃದಯತ್‍ನ ಅಯಿಂಗ ಕಠಿಣ ಮಾಡಿತುಳ್ಳಗುಂಡ್ ಅಯಿಂಗಡ ಮನಸ್ಸ್‌ಕ್ ಒಂದು ಅರ್ಥ ಆಕತನೆಕೆ, ದೇವಡ ಜೀವಕ್ ಅನ್ಯರಾಯಿತ್ ಉಂಡ್.

ಎಫೆಸ 5:5

ವ್ಯಬಿಚಾರ ಮಾಡ್‌ವಯಿಂಗ, ಅಶುದ್ದ ಕಾರ್ಯ ಮಾಡ್‌ವಯಿಂಗ, ಅತಿ ಆಸೆಯಾನ ವಿಗ್ರಹ ಆರಾದನೆ ಮಾಡ್‌ವಯಿಂಗಳಾನ ಈಂಗ ದಾರ್‌ಕು ದೇವಡ ರಾಜ್ಯವಾಯಿತುಳ್ಳ ಕ್ರಿಸ್ತಂಡ ರಾಜ್ಯತ್‍ಲ್ ಬಾದ್ಯತೆ ಇಲ್ಲೇಂದ್ ನಿಂಗಕ್ ಗೊತ್ತುಂಡಲ್ಲ?

ಎಫೆಸ 5:8

ಪಂಡ್ ನಿಂಗ ಇರ್‌ಟ್‌ಲ್ ಇಂಜಿರ, ಆಚೇಂಗಿ ಇಕ್ಕ ನಿಂಗ ಒಡೆಯಂಡಲ್ಲಿ ಉಳ್ಳಗುಂಡ್ ಬೊಳಿಲ್ ಉಳ್ಳಿರ; ಆನಗುಂಡ್ ಬೊಳಿರ ಮಕ್ಕಡನೆಕೆ ನಡ್‌ಕಂಡು.

ಎಫೆಸ 6:12

ಎನ್ನಂಗೆಣ್ಣ್‌ಚೇಂಗಿ, ನಂಗಡ ಪೋರಾಟ ಮನುಷ್ಯಂಗಕ್ ವಿರೋದವಾಯಿತ್ ಅಲ್ಲ, ಅದಿಕಾರಕ್ ವಿರೋದವಾಯಿತ್, ಕೂಳಿಯಡ ಅದಿಕಾರಿಯಂಗಕ್ ವಿರೋದವಾಯಿತ್, ಈ ಇರ್‌ಟ್ ಲೋಕತ್‍ರ ಅದಿಪತಿಯಂಗಕ್ ವಿರೋದವಾಯಿತ್ ಪಿಂಞ ಬಾನತ್‍ಲ್ ವಾಸ ಮಾಡಿಯಂಡುಳ್ಳ ಕೂಳಿಯಡ ಸೇನೆಕ್ ವಿರೋದವಾಯಿತ್ ಉಂಡ್.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.

2 ಪೇತ್ರ 1:11

ಇನ್ನನೆ ನಂಗಡ ಒಡೆಯನು ರಕ್ಷಕನುವಾಯಿತುಳ್ಳ ಯೇಸು ಕ್ರಿಸ್ತಂಡ ನಿತ್ಯ ರಾಜ್ಯತ್‍ರ ಒಳ್‍ಕ್ ಪೋಪಕುಳ್ಳ ಪೂರ್ತಿ ಸತ್ಕಾರ ನಿಂಗಕ್ ಕ್‍ಟ್ಟುವ.

1 ಯೋಹಾನ 2:8

ಆಚೇಂಗಿ, ನಾನ್ ನಿಂಗಕ್ ಒಳ್‍ದ್‍ವ ಪುದಿಯ ಆಜ್ಞೆ ಎನ್ನಂಗೆಣ್ಣ್‌ಚೇಂಗಿ, ಇದ್ ಯೇಸುರಲ್ಲಿ ಪಿಂಞ ನಿಂಗಡಲ್ಲಿ ಸತ್ಯವಾಯಿತುಂಡ್. ಎನ್ನನೆ ಎಣ್ಣ್‌ಚೇಂಗಿ ಇರ್‌ಟ್ ಪೋಯಂಡುಂಡ್, ನೇರಾನ ಬೊಳಿ ಇಕ್ಕಲೆ ಮಿನ್ನಿಯಂಡಂಡು.

1 ಯೋಹಾನ 3:14

ನಂಗಡ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‌ವಗೊಂಡ್, ನಂಗ ಮರಣತ್ಂಜ ತಪ್ಪಿ ಪೋಯಿತ್ ನಿತ್ಯ ಜೀವಕ್ ಕೂಡಿತುಂಡ್‍ೕಂದ್ ಗೊತ್ತುಂಡ್. ದಾರ್ ಪ್ರೀತಿ ಮಾಡುಲೆ ಅಂವೊ ಮರಣತ್‌ರ ಅದಿಕಾರತ್‌ಲ್ಲೇ ಉಂಡ್.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.