ಕೊಲೊಸ್ಸೆ 1:12 - ಕೊಡವ ಬೈಬಲ್

¹² ಬೊಳಿಲ್ ಉಳ್ಳ ದೇವಡ ಮಕ್ಕಡ ಬಾದ್ಯತೆಲ್, ನಂಗಕ್ ಪಾಲ್ ಕ್‍ಟ್ಟುವಕ್ ಯೋಗ್ಯವಾಯಿತ್ ಮಾಡ್‍ನಂವೊಂಗ್,

ಕೊಲೊಸ್ಸೆ 1:12 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:1

ಮನಸ್ಸ್‌ರ ಯೋಜನೆ ಮನುಷ್ಯಂಗಡದ್. ನಾವ್‌ಕ್‌ ಸೆರಿಯಾನ ಜವಾಬ್ ಕೊಡ್‌ಪಂವೊ ಯೆಹೋವನೇ.

ಜ್ಞಾನತ್‌ರ ಪಡಿಮ 4:18

ನೀತಿವಂತಂಯಿಂಗಡ ಬಟ್ಟೆ ಪೊಲಾಕತ್‌ರ ಬೊಳೀರನೆಕೆ ಇಪ್ಪ, ಅದ್‌ ಎನ್ನನೆ ಎಣ್ಣ್‌ಚೇಂಗಿ ಮಜ್ಜಣತ್‌ರ ಬೊಳಿ ಪ್ರಕಾಶ ಆಯಂಡೇ ಇಪ್ಪನೆಕೆ ಜಾಸ್ತಿ ಆಯಿತ್‌ ಇಪ್ಪ.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಯೋಹಾನ 4:23

ನೇರಾಯಿತ್ ಆರಾದನೆ ಮಾಡ್‌ವಯಿಂಗ, ಅಪ್ಪನಾನ ದೇವನ ಆತ್ಮತ್‍ಲು ಸತ್ಯತ್‍ಲು ಆರಾದನೆ ಮಾಡ್‌ವ ಕಾಲ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ಅನ್ನನೆ ಆರಾದನೆ ಮಾಡ್‌ವಯಿಂಗಳ ದೇವ ತ್‍ೕಡಿಯಂಡುಂಡ್.

ಅಪೊಸ್ತಲ 20:32

ನಾನ್ ಇಕ್ಕ ನಿಂಗಳ ದೇವಂಗೂ ಅಂವೊಂಡ ಕೃಪೇರ ವಾಕ್ಯ‌ಕೂ ಒಪ್ಪ್‌ಚಿಟ್ಟಿತ್ ಪೋಪಿ. ಈ ಕೃಪೇರ ವಾಕ್ಯ ನಿಂಗಡ ಬಕ್ತಿ ಬೊಳಿವಕು, ಅಂವೊಂಗಾಯಿತ್ ಬೋರೆ ಮಾಡಿತುಳ್ಳ ಪವಿತ್ರವಾನ ಜನಕ್ ಬೆಚ್ಚಿತುಳ್ಳ ಬಾದ್ಯತ್‌ಲ್ ನಿಂಗಕು ಕ್‍ಟ್ಟ್‌ವನೆಕೆ ಮಾಡ್‌ವ.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ರೋಮ್ 11:17

ಇಸ್ರಾಯೇಲ್ ಎಣ್ಣುವ ನಾಡ್‍ರ ಒಲಿವ ಮರತ್‍ರ ಚೆನ್ನ ಕೊಂಬ್‍ನ ಮುರ್‌ಚಿತ್, ಕಾಡ್‍ರ ಒಲಿವ ಮರವಾಯಿತುಳ್ಳ ನಿಂಗಳ ಆ ಜಾಗತ್‍ಲ್ ಅಂಟ್‍ಚಿಟ್ಟ್ ಬೆಚ್ಚತ್. ಅನ್ನನೆ ನಾಡ್‍ರ ಒಲಿವ ಮರತ್‍ರ ಬೇರ್‌ಕ್ ಪಿಂಞ ರಸಕ್ ನಿಂಗ ಪಾಲ್‍ದಾರಂಗಳಾಯಿತುಂಡ್.

ರೋಮ್ 15:27

ಇನ್ನನೆ ಮಾಡ್‍ವದ್ ನಲ್ಲದ್‍ೕಂದ್ ಅಯಿಂಗ ಗೇನಮಡ್‍ಚಿ; ಇನ್ನನೆ ಮಾಡ್‌ವಕ್ ಅಯಿಂಗಕ್ ಜವಾಬ್ದಾರಿಯು ಉಂಡ್. ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯ ಅಲ್ಲತಯಿಂಗ ಯೆಹೂದ್ಯಂಗಡ ಆತ್ಮೀಯ ಆಶೀರ್ವಾದತ್‍ಲ್ ಪಾಲ್‍ದಾರಂಗಳಾಯಿತ್‌ಪ್ಪಕ, ಲೋಕತ್‍ರ ಆಶೀರ್ವಾದತ್‍ಲ್ ಅಯಿಂಗಕ್ ಪಾಲ್ ಮಾಡ್‌ವಕ್ ಜವಾಬ್ದಾರಿ ಉಂಡಲ್ಲ?

ರೋಮ್ 8:17

ಇಕ್ಕ, ನಂಗ ಮಕ್ಕಾಳಾಯಿತ್ಂಜತೇಂಗಿ ಬಾದ್ಯೆತೆಕಾರಂಗಳಾಯಿತ್ ಉಂಡ್, ದೇವಡ ಹಕ್ಕ್‌ದಾರಂಗಳು, ಕ್ರಿಸ್ತಂಡ ಕೂಡೆ ಹಕ್ಕ್‌ದಾರಂಗಳಾಯಿತುಂಡ್, ಕ್ರಿಸ್ತಂಡ ಕೂಡೆ ಕಷ್ಟಪಟ್ಟತೇಂಗಿ, ಅಂವೊಂಡ ಕೂಡೆ ನಂಗಳು ಸಹ ಮಹಿಮೆನ ಪಡೆಯುವ.

ರೋಮ್ 9:23

ತಾಂಡ ಮಹಿಮೆಕಾಯಿತ್ ತಯಾರ್ ಮಾಡ್‍ನ ಕನಿಕರತ್‍ರ ಪಾತ್ರವಾಯಿತುಳ್ಳ ನಂಗಡ ಮೇಲೆ ತಾಂಡ ಮಹಿಮೇರ ಐಶ್ವರ್ಯತ್‍ನ ಕಾಂಬ್‍ಚಿಡುವಕ್ ಕುಶಿಯುಳ್ಳಂವೊನಾಯಿತು,

1 ಕೊರಿಂಥ 8:6

ಆಚೇಂಗಿ, ಎಲ್ಲಾನ ಸೃಷ್ಟಿ ಮಾಡ್‍ನ ಅಪ್ಪನಾನ ದೇವ ಒಬ್ಬನೇ; ನಂಗ ಅಂವೊಂಗಾಯಿತ್ ಬದ್‍ಕಿಯಂಡುಂಡ್. ಯೇಸು ಕ್ರಿಸ್ತ ಎಣ್ಣುವ ಒರೇ ಒರ್ ಒಡೆಯ ನಂಗಕ್ ಉಂಡ್; ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಅಂವೊನಗುಂಡ್ ನಂಗ ಬದ್‍ಕಿಯಂಡುಂಡ್.

1 ಕೊರಿಂಥ 9:23

ನಾನ್ ಇದ್‍ನೆಲ್ಲಾ ಎನ್ನಂಗ್ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿನ ದುಂಬ ಜನ ನಂಬುವ. ಆನಗುಂಡ್ ಅದ್ಂಡ ಆಶೀರ್ವಾದತ್‍ಲ್ ನಾನ್ ಪಾಲ್‍ದಾರನಾಯಿತ್‌ಪ್ಪಿ.

2 ಕೊರಿಂಥ 11:14

ಇದ್ ಒಂದು ಆಶ್ಚರ್ಯ ಅಲ್ಲ, ಎನ್ನಂಗೆಣ್ಣ್‌ಚೇಂಗಿ, ಸೈತಾನ ಸಹ ಬೊಳಿರ ದೂತಂಡ ವೇಷತ್‍ನ ಇಟ್ಟಂಡುಂಡಲ್ಲ?

2 ಕೊರಿಂಥ 5:5

ಇದ್ಂಗಾಯಿತೇ, ಅಂವೊ ನಂಗಕಾಯಿತ್ ಮಾಡ್‌ವದ್‍ನ ಪಡೆಯುವಕ್, ದೇವನೇ ನಂಗಳ ತಯಾರ್ ಮಾಡಿತ್, ಅಂವೊನೇ ಪವಿತ್ರಾತ್ಮತ್‍ನ ನಂಗಡ ಸಂಚಕಾರವಾಯಿತ್ ತಂದಿತುಂಡ್.

ಎಫೆಸ 1:11

ದೇವಡ ಏರ್ಪಾಡ್‌ರ ಪ್ರಕಾರ ಅಂವೊಂಡ ತೀರ್ಮಾನತ್‍ರನೆಕೆ ಎಲ್ಲಾ ಆಯಂಡುಂಡ್. ಅನ್ನನೆ, ಅಂವೊಂಡ ಚಿತ್ತತ್‍ರನೆಕೆ, ನಂಗ ಅಂವೊಂಡ ಕೂಡೆ ಒಂದಾಯಿತ್ ಇಪ್ಪಕು, ಅಂವೊಂಡ ಕೂಡೆ ಪಾಲ್‍ದಾರಂಗಳಾಯಿತ್ ಇಪ್ಪಕು ಎಲ್ಲಾಕಿಂಜ ಮಿಂಞಲೇ, ದೇವ ನಂಗಳ ಗೊತ್ತ್ ಮಾಡ್‍ಚಿ.

ಎಫೆಸ 1:18

ಅಂವೊ ನಿಂಗಳ ಕಾಕ್‍ನಗುಂಡ್ ನಿಂಗಕುಳ್ಳ ನಿರೀಕ್ಷೆ ಎಂತದ್‍ೕಂದು, ದೇವಡ ಮಕ್ಕಡ ಪಕ್ಕ ನಂಗಕುಳ್ಳ ಬಾದ್ಯತೆರ ಮಹಿಮೇರ ಐಶ್ವರ್ಯ ಎಂತದ್‍ೕಂದ್ ಗೊತ್ತಾಪಕು,

ಎಫೆಸ 2:18

ಅನ್ನನೆ ನಂಗ ದಂಡ್ ಜನವು, ಒರೇ ಪವಿತ್ರಾತ್ಮತ್‍ರ ಮೂಲಕ, ಅಪ್ಪನಾನ ದೇವಡ ಪಕ್ಕ ಕೂಡುವಕುಳ್ಳ ಬಾಗ್ಯ ಅಂವೊಂಡ ಮೂಲಕ ಕ್‍ಟ್ಟ್‌ಚಿ.

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

ಎಫೆಸ 4:6

ಎಲ್ಲಾರ್‌ಕು ಒರೇ ದೇವನಾನ ಅಪ್ಪನು ಉಂಡ್; ಅಂವೊ ಎಲ್ಲಾಡ ಮೇಲೆಯು, ಎಲ್ಲಾಡ ಮೂಲಕವು, ಎಲ್ಲಾಡಲ್ಲಿಯು ವಾಸ ಮಾಡಿಯಂಡ್ ಉಂಡ್.

ಎಫೆಸ 5:11

ಫಲ ತಪ್ಪಕ್ ಕಯ್ಯತ ಇರ್‌ಟ್‌ರ ಕ್ರಿಯೇಲ್ ಪಾಲ್‍ದಾರಂಗಳಾಯಿತ್ ಆಕತೆ, ಅದ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಪೊರಮೆ ಕಾಂಬ್‌ಚಿಡಂಡು.

ಎಫೆಸ 5:20

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ಎಕ್ಕಾಲು ಎಲ್ಲಾಕಾಯಿತ್ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

ಎಫೆಸ 5:4

ಅನ್ನನೆ ಕೆಟ್ಟ ತಕ್ಕ್, ಬುದ್ದಿಯಿಲ್ಲತ ತಕ್ಕ್ ಪಿಂಞ ಪ್ರಯೋಜನ ಇಲ್ಲತ ತಕ್ಕ್ ನಿಂಗಕ್ ಆಪುಲೆ, ಆಂಡ ಬದ್‍ಲ್ ದೇವಕ್ ವಂದನೆ ಎಣ್ಣಂಡು.

ಎಫೆಸ 5:8

ಪಂಡ್ ನಿಂಗ ಇರ್‌ಟ್‌ಲ್ ಇಂಜಿರ, ಆಚೇಂಗಿ ಇಕ್ಕ ನಿಂಗ ಒಡೆಯಂಡಲ್ಲಿ ಉಳ್ಳಗುಂಡ್ ಬೊಳಿಲ್ ಉಳ್ಳಿರ; ಆನಗುಂಡ್ ಬೊಳಿರ ಮಕ್ಕಡನೆಕೆ ನಡ್‌ಕಂಡು.

ಕೊಲೊಸ್ಸೆ 2:2

ನಾಡ ಕುಶಿ ಎಂತ ಎಣ್ಣ್‌ಚೇಂಗಿ, ಅಯಿಂಗಕ್ ಪುರ್‌ಡ್ ಕ್‍ಟ್ಟಿತ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪ್ರೀತಿಲ್ ಒಂದಾಯಿತ್ ಇರಂಡೂಂದ್ ಉಳ್ಳದೇ. ಪಿಂಞ ದೇವಡ ಗುಟ್ಟಾನ ಕ್ರಿಸ್ತನ ಅಯಿಂಗಕ್ ಪೂರ್ತಿ ನಿಶ್ಚಯವಾಯಿತ್ ಅರ್ಥ ಮಾಡ್‍ವಕಯ್ಯೂಂದ್ ಉಳ್ಳ ನಂಬಿಕೆ ಅಯಿಂಗಕ್ ಇರಂಡು.

ಕೊಲೊಸ್ಸೆ 3:15

ಕ್ರಿಸ್ತಂಡ ಸಮಾದಾನ ನಿಂಗಡ ಹೃದಯತ್‍ನ ಆಳ್ವಿಕೆ ಮಾಡಡ್. ಸಮಾದಾನತ್‍ಲ್ ಇಪ್ಪಕಾಯಿತೇ ಒರೇ ತಡಿಯಾಯಿತ್ ದೇವ ನಿಂಗಳ ಕಾಕ್‍ಚಿ. ಆನಗುಂಡ್ ದೇವಕ್ ವಂದನೆ ಮಾಡ್‌ವಯಿಂಗಳಾಯಿತ್ ಸಹ ಇರಂಡು.

ಕೊಲೊಸ್ಸೆ 3:17

ತಕ್ಕ್ ಪರಿವದಾಡ್, ಕೆಲಸ ಮಾಡ್‌ವದಾಡ್, ನಿಂಗ ಎಂತ ಮಾಡ್‍ಚೇಂಗಿಯು, ಅದ್‍ನೆಲ್ಲಾ ಒಡೆಯನಾನ ಯೇಸುರ ಪೆದತ್‍ಲ್ ಮಾಡಿಯಂಡ್, ಅಂವೊಂಡ ಮೂಲಕ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 12:23

ಅಲ್ಲತೆ ಪರಲೋಕತ್‍ಲ್ ಪೆದ ಒಳ್‍ದಿತುಳ್ಳ ದೇವಡ ಆದ್ಯ ಮಕ್ಕಡ ಸಬೆರ ಪಕ್ಕವು, ಎಲ್ಲಾಡ ದೇವಾನಾಯಿತುಳ್ಳ ನ್ಯಾಯಾದಿಪತಿರ ಪಕ್ಕವು, ಪೂರ್ತಿಯಾಯಿತ್ ನೀತಿವಂತಯಿಂಗಳಾಯಿತುಳ್ಳ ಆತ್ಮತ್‍ರ ಪಕ್ಕವು,

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

ಯಾಕೋಬ 3:9

ಅದೇ ನಾವ್‌ಲ್ ನಂಗಡ ಅಪ್ಪನಾನ ದೇವನ ತುದಿಚಿತ್ ಕೊಂಡಾಡುವ; ದೇವಡ ರೂಪತ್‌ಲ್ ಸೃಷ್ಟಿ ಮಾಡ್‍ನ ಮನುಷ್ಯಂಗಳ ಅದೇ ನಾವ್ಂಜ ಶಾಪ ಇಡ್‌ವ.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಯೋಹಾನ 1:3

ಅಪ್ಪಂಡ ಪಿಂಞ ಮೋಂವೊನಾನ ಯೇಸು ಕ್ರಿಸ್ತಂಡಲ್ಲಿ ನಂಗಕ್ ಉಳ್ಳ ಐಕ್ಯತ್‍ಲ್ ನಿಂಗಳು ಕೂಡಂಡೂಂದ್ ನಂಗ ಕಂಡಾನ ಕ್‍ೕಟಾನ ನಿಂಗಕ್ ಎಣ್ಣಿ ತಪ್ಪ.

ಪ್ರಕಟನೆ 21:23

ಆ ಪಟ್ಟಣಕ್ ಬೊಳಿ ಕೊಡ್‍ಪಕ್ ಸೂರ್ಯನಾಡ್ ಚಂದ್ರನಾಡ್ ಬೋಂಡ್‍ವಕಿಂಜ್‍ಲೆ; ದೇವಡ ಮಹಿಮೆಯೇ ಅದ್ಂಗ್ ಬೊಳಿಯಾಯಿತ್ಂಜತ್. ಕೊರಿಕುಟ್ಟಿಯಾನಂವೊನೇ ಅದ್ಂಗ್ ಬೊಳಕಾಯಿತ್ಂಜತ್

ಪ್ರಕಟನೆ 22:14

ಜೀವತ್‍ರ ಮರಕ್ ಅದಿಕಾರ ಉಳ್ಳಯಿಂಗಳಾಯಿತು, ಪಟ್ಟಣತ್‍ರ ಒಳ್‍ಕ್ ಬಾಯಿಕಂಡಿರ ಮೂಲಕ ಪೋಪಕಾಯಿತ್ ತಾಂಡ ಬಟ್ಟೇನ ನೆಲೆಚಿತ್ ಶುದ್ದವಾಯಿತ್ ಬೆಪ್ಪಯಿಂಗ ಆಶೀರ್ವಾದ ಪಡ್ಂದಯಿಂಗ.

ಪ್ರಕಟನೆ 22:5

ಅಲ್ಲಿ ಬಯಿಟ್ ಎಣ್ಣುವದ್ ಇಪ್ಪದೇ ಇಲ್ಲೆ; ಅಯಿಂಗಕ್ ಬೊಳ್‍ಚತ್‍ರ ಬೊಳಿ ಅಥವ ಸೂರ್ಯಂಡ ಬೊಳಿ ಬೋಂಡ. ಎನ್ನಂಗೆಣ್ಣ್‌ಚೇಂಗಿ, ಒಡೆಯನಾನ ದೇವ ಅಯಿಂಗಕ್ ಬೊಳಿಯಾಯಿತ್‌ಪ್ಪ. ಅಯಿಂಗ ಯುಗ ಯುಗಕ್ ರಾಜ್ಯಬಾರ ಮಾಡ್‌ವ.