ಅಪೊಸ್ತಲ 9:8 - ಕೊಡವ ಬೈಬಲ್

⁸ ಸೌಲ ನೆಲತ್ಂಜ ಎದ್ದಿತ್ ಕಣ್ಣ್ ತೊರ್‌ಪಕ ಅಂವೊಂಗ್ ಒಂದು ಕಾಂಬಕಯಿಂಜಿತ್‌ಲ್ಲೆ. ಅಕ್ಕ ಅಯಿಂಗ ಅಂವೊಂಡ ಕೈ ಪುಡ್‍ಚಂಡ್ ದಮಸ್ಕ ಎಣ್ಣುವ ಪಟ್ಟಣತ್‍ರ ಒಳ್‍ಕ್ ಕಾಕಿಯಂಡ್ ಪೋಚಿ.

ಅಪೊಸ್ತಲ 9:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 14:15

ಬಯಿಟ್ ನೇರತ್‌ಲ್‌ ಅಂವೊನ ಪಿಂಞ ಅಂವೊಂಡ ಸೇವಕಂಗಳ ಬೋರೆ ಬೋರೆ ಗುಂಪಾಯಿತ್‌ ಮಾಡಿತ್‌ ಎಲ್ಲಾ ದಿಕ್ಕ್‌ಯಿಂಜ ಆಕ್ರಮಣ ಮಾಡ್‌ಚಿ. ಅಯಿಂಗಳ ದಮಸ್ಕ ಪಟ್ಟಣತ್‌ರ ಬಡಕ್‌ ದಿಕ್ಕ್‌ಲ್‌ ಉಳ್ಳ ಹೋಬಾ ಊರ್‌ಕತ್ತನೆ ದೌತಿಯಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 19:11

ಅದ್‌ಲ್ಲತೆ ಮನೆರ ಪೊರಮೆ ನಿಂದಿತ್‌ಂಜ ಬಾಲ್ಯಕಾರಂಗ ಪಿಂಞ ಬಲ್ಯಯಿಂಗಕ್‌ ಮನೆರ ಪಡಿನ ಕಾಂಗತನೆಕೆ, ಅಯಿಂಗಡ ಕಣ್ಣ್‌ನ ಕುರುಡ್‌ ಮಾಡ್‌ಚಿ.

ಅಪೊಸ್ತಲ 13:11

ನೋಟ್ ಇಕ್ಕ, ಒಡೆಯಂಡ ಕೈ ನೀಕ್ ವಿರೋದವಾಯಿತ್ ಉಂಡ್. ಆನಗುಂಡ್ ಇಕ್ಕಲೆ ನೀನ್ ಕುರ್‌ಡನಾಯಿತ್ ಚೆನ್ನ ಕಾಲ ಸೂರ್ಯನ ಕಾಂಗತೆ ಇಪ್ಪಿಯಾಂದ್ ಎಣ್ಣ್‌ಚಿ. ಅದೇ ಕ್ಷಣತ್‍ಲ್ ಅಂವೊಂಡ ಕಣ್ಣ್‌ರ ಮೇಲೆ ಮಂಜ್ ಬಂತ್, ಕಣ್ಣ್ ಕಾಂಗತೆ ಆಚಿ. ಅಕ್ಕ, ಕೈ ಪುಡ್‌ಚಿತ್ ಸಹಾಯ ಮಾಡ್‌ವಯಿಂಗಳ ತ್‍ೕಡ್‌ಚಿ.

ಅಪೊಸ್ತಲ 22:11

ಆ ಬೊಳಿರ ಶಕ್ತಿಯಿಂಜ ನಾಡ ಕಣ್ಣ್ ಕಾಂಗತೆ ಪೋನಗುಂಡ್ ನಾಡ ಕೂಡೆ ಇಂಜಯಿಂಗ ನಾಡ ಕೈ ಪುಡ್‌ಚಿತ್ ಕಾಕಿಯಂಡ್ ಪೋನಗುಂಡ್ ನಾನ್ ದಮಸ್ಕ ಒಳ್‍ಕ್ ಪೋನ.

ಅಪೊಸ್ತಲ 9:18

ಅಕ್ಕಲೆ ಅಂವೊಂಡ ಕಣ್ಣಿಂಜ ಮೀನ್‌ರ ಚೊಳಿಕೆರನೆಕೆ ಎಂತದೊ ಒಂದ್ ಬುದ್ದತ್. ಅಕ್ಕಲೆ ಅಂವೊಂಗ್ ಕಣ್ಣ್ ತೊರಂದಿತ್, ಎದ್ದಿತ್, ದೀಕ್ಷಾಸ್ನಾನ ಎಡ್‍ತತ್.

ಅಪೊಸ್ತಲ 9:9

ಮೂಂದ್ ದಿವಸ ಅಂವೊ ಕಣ್ಣ್ ಕಾಂಗತಂವೊನಾಯಿತ್, ಒಂದು ತಿಂಗತೆ, ಕುಡಿಕತೆ ಇಂಜತ್.

2 ಕೊರಿಂಥ 11:32

ದಮಸ್ಕ ಪಟ್ಟಣತ್‍ಲ್ ಅರೇತ ರಾಜಂಡ ಸೇನೆರ ಅದಿಕಾರಿ ನನ್ನ ಪುಡಿಕಂಡೂಂದ್ ದಮಸ್ಕ ಪಟ್ಟಣತ್‍ರ ಬಾಯಿಕಂಡಿಲ್ ಸಿಪಾಯಿಯಳ ಕಾಪಕ್ ನಿಪ್ಪ್‌ಚಿಟ್ಟತ್.

ಗಲಾತ್ಯ 1:17

ನಾಕಿಂಜ ಮಿಂಞಲೇ ಅಪೊಸ್ತಲನಾಯಿತ್ಂಜಯಿಂಗಡ ಪಕ್ಕ ಯೆರೂಸಲೇಮ್‌ಕ್ ಪೋಕತೆ, ಅರಬಿ ದೇಶಕ್ ಪೋಯಿತ್ ದಮಸ್ಕ ಎಣ್ಣುವ ಪಟ್ಟಣಕ್ ಪುನಃ ವಾಪಸ್ ಬಾತ್.