ಅಪೊಸ್ತಲ 9:6 - ಕೊಡವ ಬೈಬಲ್

⁶ ಇಕ್ಕ ನೀನ್ ಎದ್ದಿತ್ ಊರ್‌ರ ಒಳ್‍ಕ್ ಪೋ, ನೀನ್ ಎಂತ ಮಾಡಡೂಂದ್ ಉಳ್ಳದ್‍ನ ಅಲ್ಲಿ ನೀಕ್ ಎಣ್ಣುವಾಂದ್ ಎಣ್ಣ್‌ಚಿ.

ಅಪೊಸ್ತಲ 9:6 ပူးပေါင်းရင်းမြစ်များ

ಮತ್ತಾಯ 19:30

ಮಿಂಞತ್‍ಲ್ ಇಪ್ಪ ದುಂಬ ಜನ ಬಯ್ಯತ್ ಆಪ, ದಾರ್ ಬಯ್ಯತ್‌ಲ್ ಇಪ್ಪ ಅಯಿಂಗ ಮಿಂಞಕ್ ಬಪ್ಪ ಎಣ್ಣಿಯಂಡ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:10

ಅಕ್ಕ ಜನಯೆಲ್ಲಾ: ನಂಗ ಎಂತ ಮಾಡಂಡೂಂದ್ ಕ್‍ೕಟತ್.

ಅಪೊಸ್ತಲ 10:22

ಅದ್ಂಗ್ ಅಯಿಂಗ: ಕೊರ್ನೇಲ್ಯ ಎಣ್ಣಿತ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾನ ಒಬ್ಬ ಉಂಡ್. ಅಂವೊ ನೀತಿವಂತವೊನು ದೇವಡ ಬಕ್ತಿ ಉಳ್ಳಂವೊನು ಯೆಹೂದ್ಯ ಜನಾಂಗಡಡೆಲ್ ನಲ್ಲರಿಕೆ ಪಡ್ಂದಂವೊನು ಆಯಿತುಂಡ್. ನಿನ್ನ ಅಂವೊಂಡ ಮನೆಕ್ ಕಾಕಿತ್, ನೀನ್ ಎಣ್ಣುವ ಬೋದನೆನ ಅಂವೊ ಕ್‍ೕಕಂಡೂಂದ್ ಒರ್ ದೇವದೂತಡಿಂಜ ಅಂವೊ ಅಪ್ಪಣೆ ಪಡ್ಂದತ್.

ಅಪೊಸ್ತಲ 10:32

ಇಕ್ಕ ನೀನ್ ಜನಳ ಯೊಪ್ಪ ಪಟ್ಟಣಕ್ ಅಯಿಚಿತ್ ಪೇತ್ರ ಎಣ್ಣುವ ಸೀಮೋನನ ಕಾಕ್‍ಚಿಡ್. ಅಂವೊ ಸಮುದ್ರತ್‍ರ ಪಕ್ಕತ್‍ಲ್ ಚರ್ಮಕಾರನಾನ ಸೀಮೋನಂಡ ಮನೆಲ್ ಉಂಡ್; ಅಂವೊ ಬಂತ್ ನೀಡ ಕೂಡೆ ತಕ್ಕ್ ಪರಿವಾಂದ್ ಎಣ್ಣ್‌ಚಿ.

ಅಪೊಸ್ತಲ 10:6

ಅಂವೊ ಚರ್ಮಕಾರನಾನ ಸೀಮೋನಂಡ ಕೂಡೆ ಉಂಡ್; ಆ ಸೀಮೋನಂಡ ಮನೆ ಸಮುದ್ರರತ್‍ರ ಪಕ್ಕತ್‍ಲ್ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 2:37

ಇದ್‍ನೆಲ್ಲ ಕ್‍ೕಟಂಡಿಪ್ಪಕ, ಅಲ್ಲಿ ಇಂಜ ಜನಕ್, ಅಯಿಂಗಡ ಹೃದಯತ್‍ಲ್ ಕುತ್ತ್‌ವನೆಕೆ ಆಚಿ. ಅಕ್ಕ ಅಯಿಂಗ ಪೇತ್ರನ ಪಿಂಞ ಬಾಕಿಯುಳ್ಳ ಅಪೊಸ್ತಲಂಗಕ್, ಅಣ್ಣತಮ್ಮಣಂಗಳೇ, ನಂಗ ಎಂತ ಮಾಡಂಡೂಂದ್ ಕ್‍ೕಟತ್.

ಅಪೊಸ್ತಲ 22:10

ಅಕ್ಕ ನಾನ್: ಒಡೆಯನೇ, ನಾನ್ ಎಂತ ಮಾಡಂಡೂಂದ್ ಕ್‍ೕಟ. ಅದ್ಂಗ್ ಒಡೆಯ: ನೀನ್ ಎದ್ದಿತ್ ದಮಸ್ಕ ಪಟ್ಟಣತ್‍ರ ಒಳ್‍ಕ್ ಪೋ, ನೀನ್ ಎಂತ ಮಾಡಡೂಂದ್ ನೇಮಿಚಿಟ್ಟದ್‍ನೆಲ್ಲ ಅಲ್ಲಿ ನೀಕ್ ಅರಿಚಿಡ್‍ವಾಂದ್ ಎಣ್ಣ್‌ಚಿ.

ಅಪೊಸ್ತಲ 26:16

ಇಕ್ಕ, ನೀನ್ ಎದ್ದಿತ್ ನಿಂದ, ನಿನ್ನ ನಾಡ ಸೇವಕನಾಯಿತು, ಸಾಕ್ಷಿಯಾಯಿತು ನೇಮಿಚಿಡುವಕಾಯಿತ್ ನಾನ್ ನೀಕ್ ಪ್ರತ್ಯಕ್ಷ ಆನ. ಇಂದ್ ನೀನ್ ನಾಡ ವಿಷಯವಾಯಿತ್ ಕಂಡಾನ, ಮಿಂಞಕ್ ನಾನ್ ನೀಕ್ ಕಾಂಬ್‍ಚಿಡುವಕುಳ್ಳಾನ ಈ ಲೋಕಕ್ ನೀನ್ ಎಣ್ಣಂಡು.

ಅಪೊಸ್ತಲ 9:5

ಅದ್ಂಗ್ ಅಂವೊ: ಒಡೆಯನೇ, ನೀನ್ ದಾರ್‍ೕಂದ್ ಕ್‍ೕಟತ್. ಅದ್ಂಗ್ ಒಡೆಯ: ನೀನ್ ಹಿಂಸೆ ಮಾಡಿಯಂಡುಳ್ಳ ಯೇಸು ನಾನೇ.

ರೋಮ್ 10:20

ಯೆಶಾಯ ಪ್ರವಾದಿ: ನನ್ನ ತ್‍ೕಡತಯಿಂಗ ನನ್ನ ಕಂಡ್‌ಪುಡ್‌ಚತ್, ನಾಡ ವಿಷಯತ್‍ನ ಕ್‍ೕಕತಯಿಂಗಕ್ ನಾನ್ ದಾರ್‍ೕಂದ್ ಗೊತ್ತಾಚೀಂದ್ ದೈರ್ಯವಾಯಿತ್ ಎಣ್ಣ್‌ಚಿ.

ರೋಮ್ 10:3

ಅಯಿಂಗ ದೇವಡಗುಂಡ್ ಕ್‍ಟ್ಟ್‌ವ ನೀತಿನ ತ್‍ೕಡತೆ, ಅಯಿಂಗಡ ಕ್ರಿಯೇರಗುಂಡ್ ಬಪ್ಪ ನೀತಿನ ಸ್ತಾಪನೆ ಮಾಡ್‌ವಕ್ ಪ್ರಯತ್ನ ಪಟ್ಟಂಡುಳ್ಳಾಂಗ್, ಅಯಿಂಗ ಅಯಿಂಗಳ ದೇವಡ ನೀತಿಕ್ ತಗ್ಗಿತ್ ಕೊಡ್‍ತಂಡಿಲ್ಲೆ.

ರೋಮ್ 5:20

ಅದಲ್ಲತೆ, ಅಪರಾದ ಜಾಸ್ತಿ ಆಂಡೂಂದ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಆಚೇಂಗಿ, ಎಲ್ಲಿ ಪಾಪ ಜಾಸ್ತಿ ಆಚೋ, ಅಲ್ಲಿ ಕೃಪೆಯು ಇಂಞು ಜಾಸ್ತಿಯಾಚಿ.

ರೋಮ್ 7:9

ನ್ಯಾಯಪ್ರಮಾಣ ಇಲ್ಲತೆ ಇಪ್ಪಕ ಮಿಂಞ ನಾನ್ ಜೀವತ್‍ಲ್ ಇಂಜಿಯೆ, ನ್ಯಾಯಪ್ರಮಾಣ ಬಪ್ಪಕ, ಪಾಪಕ್ ಜೀವ ಕ್‌ಟ್ಟಿಪೋಚಿ, ನಾನ್ ಚತ್ತಂವೊಂಡನೆಕೆ ಆನ.

ಫಿಲಿಪ್ಪಿ 2:12

ಅದ್ಂಗಾಯಿತ್ ನಾಡ ಪ್ರೀತಿರ ಜನಳೇ, ನಾಡ ಮಿಂಞತ್‍ಲ್ ನಿಂಗ ನಾಡ ತಕ್ಕ್‌ನ ಕ್‍ೕಟಂಡ್ ಇಂಜನೆಕೆ, ನಾನ್ ಇಲ್ಲತಿಪ್ಪಕ ಸಹ, ನಿಂಗ ಇಂಞು ದುಂಬ ಇಕ್ಕ ಕ್‍ೕಕಂಡು, ಆನಗುಂಡ್, ದೇವಡ ಮೇಲೆ ಬಕ್ತಿ ಪಿಂಞ ಪೋಡಿಲ್ ನಿಂಗಡ ರಕ್ಷಣೆ ಪೂರ್ತಿ ಆಪಕಾಯಿತ್ ನಿಂಗಡ ಬದ್‍ಕ್‍ಲ್ ಕಾಂಬನೆಕೆ ಚಾಯಿ ಕೆಲಸ ಮಾಡಂಡು.

ಯಾಕೋಬ 4:6

ಅಂವೊ ನಂಗಕ್ ಇಂಞು ದುಂಬ ಕರುಣೆ ಕಾಟಿಯಂಡುಂಡಲ್ಲ. ಅದ್ಂಗಾಯಿತೇ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕೃಪೆ ತಪ್ಪಾಂದ್ ದೇವಡ ವಾಕ್ಯ ಎಣ್ಣಿತುಂಡ್.