ಅಪೊಸ್ತಲ 9:42 - ಕೊಡವ ಬೈಬಲ್

⁴² ಈ ಸುದ್ದಿ ಯೊಪ್ಪ ಪಟ್ಟಣತ್‍ಲ್ ಎಲ್ಲೆಲಿಯು ಪಬ್ಬಿ ಪೋಚಿ. ದುಂಬ ಜನ ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್.

ಅಪೊಸ್ತಲ 9:42 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:3

ಅಕ್ಕ ಯೋನ, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್‌ ತಾರ್ಷೀಷ್ ಎಣ್ಣುವ ಪಟ್ಟಣಕ್‌ ಪೊರ್‌ಟತ್. ಅಂವೊ ಯೊಪ್ಪ ಎಣ್ಣುವ ಪಟ್ಟಣಕ್‌ ಪೋಯಿತ್‌ ಅಲ್ಲಿಂಜ ತಾರ್ಷೀಷ್‌ಕ್‌ ಪೋಪ ಹಡಗ್‌ನ ಕಂಡಿತ್‌ ಅಲ್ಲಿಕತ್ತನೆ ಪೋಪಕುಳ್ಳ ದುಡ್ಡ್‌ನ ಕೊಡ್‌ತಿತ್, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್, ಹಡಗ್‌ಲುಳ್ಳಯಿಂಗಡ ಕೂಡೆ ಪೊರ್‌ಟ್ ಪೋಚಿ.

ಯೋಹಾನ 11:4

ಯೇಸು ಇದ್‍ನ ಕ್‍ೕಟದು: ಇದ್ ಲಾಜರ ಚತ್ತ್ ಪೋಪಕುಳ್ಳ ಕಾಯಿಲೆ ಅಲ್ಲ, ಇದ್ಂಡ ಮೂಲಕ ದೇವಡ ಪೆದಕ್ ಮಹಿಮೆ ಕ್‍ಟ್ಟುವ, ಅದ್ಂಡ ಮೂಲಕ ದೇವಡ ಮೋಂವೊನಾನ ನಾಕ್ ಮಹಿಮೆ ಕ್‌ಟ್ಟುವಾಂದ್ ಎಣ್ಣ್‌ಚಿ.

ಯೋಹಾನ 11:45

ಅಲ್ಲಿ ಮರಿಯಡ ಕೂಡೆ ಬಂದಿತ್ಂಜ ಜನ ಪಿಂಞ ಯೇಸು ಮಾಡ್‍ನದ್‍ನ ಕಂಡ ದುಂಬ ಯೆಹೂದ್ಯ ಜನ ಯೇಸುನ ನಂಬ್‍ಚಿ.

ಯೋಹಾನ 12:11

ಎನ್ನಂಗೆಣ್ಣ್‌ಚೇಂಗಿ, ಲಾಜರ‌ನಗುಂಡ್ ದುಂಬ ಯೆಹೂದ್ಯಂಗ ಅಯಿಂಗಳ ಬುಟ್ಟಿತ್ ಯೇಸುನ ನಂಬ್‍ವಕ್ ಸುರು ಮಾಡ್‍ಚಿ.

ಯೋಹಾನ 12:44

ಆ ಸಮಯತ್‍ಲ್ ಯೇಸು ಜೋರಾಯಿತ್: ನನ್ನ ನಂಬುವಂವೊ, ನಾಡ ಮೇಲೆ ಅಲ್ಲ, ನನ್ನ ಅಯಿಚಂವೊಂಡ ಮೇಲೆ ನಂಬಿಕೆ ಇಟ್ಟಂಡುಂಡ್.

ಅಪೊಸ್ತಲ 10:5

ಇಕ್ಕ ನೀನ್ ಜನಳ ಯೊಪ್ಪ ಪಟ್ಟಣಕ್ ಅಯಿಚಿತ್ ಪೇತ್ರ ಎಣ್ಣುವ ಸೀಮೋನನ ಕಾಕ್‍ಚಿಡ್.

ಅಪೊಸ್ತಲ 10:8

ಅಯಿಂಗಕ್ ಎಲ್ಲಾ ವಿಷಯತ್‍ನ ವಿವರಿಚಿಟ್ಟಿತ್, ಅಯಿಂಗಳ ಯೊಪ್ಪ ಪಟ್ಟಣಕ್ ಅಯಿಚತ್.

ಅಪೊಸ್ತಲ 11:13

ಅಂವೊ ತಾಂಡ ಮನೆಲ್ ಎನ್ನನೆ ಒರ್ ದೇವದೂತನ ಕಂಡತ್‍ೕಂದೂ, ಯೊಪ್ಪ ಪಟ್ಟಣತ್‍ಲ್ ಉಳ್ಳ ಪೇತ್ರ ಎಣ್ಣುವ ಸೀಮೋನನ ಕಾಕ್‍ವಕ್, ಜನಳ ಅಯಿಚಿಕೊಡ್;

ಅಪೊಸ್ತಲ 11:21

ದೇವಡ ಶಕ್ತಿ ಅಯಿಂಗಡ ಕೂಡೆ ಇಂಜತ್. ಬಲ್ಯ ಜನಡ ಗುಂಪ್ ನಂಬಿತ್, ಒಡೆಯಂಡ ಪಕ್ಕ ತಿರ್‍ಗ್‍ಚಿ.

ಅಪೊಸ್ತಲ 11:5

ನಾನ್ ಯೊಪ್ಪ ಪಟ್ಟಣತ್‍ಲ್ ಪ್ರಾರ್ಥನೆ ಮಾಡಿಯಂಡಿಪ್ಪಕ ಒರ್ ದರ್ಶನ ಕಂಡಿಯೆ. ದರ್ಶನತ್‍ಲ್, ಕಂಬಳಿರನೆಕೆ ಒರ್ ಬಲ್ಯ ಬಟ್ಟೆ, ನಾಲ್ ಮೂಲೆಲ್ ಕೆಟ್ಟಿತ್ ಬಾನತ್ಂಜ ಇಳಿಂಜಿ ನಾಡ ಪಕ್ಕ ಬಪ್ಪಾನ ಕಂಡಿಯೆ.

ಅಪೊಸ್ತಲ 9:35

ಬಯ್ಯ ಲುದ್ದ ಪಿಂಞ ಸಾರೋನ ಎಣ್ಣುವ ಜಾಗತ್‍ಲ್ ವಾಸಯಿಂಜ ಜನಯೆಲ್ಲ ಅಂವೊ ನಡ್ಂದಂಡುಳ್ಳಾನ ಕಂಡಿತ್ ಒಡೆಯಂಡ ಪಕ್ಕ ತಿರಿಗಿ ಬಾತ್.

ಅಪೊಸ್ತಲ 9:36

ಯೊಪ್ಪ ಎಣ್ಣುವ ಒರ್ ಊರ್‌ಲ್ ತಬಿಥಾ ಎಣ್ಣುವ ಒಬ್ಬ ಯೇಸುನ ನಂಬ್‍ನವಳಾಯಿತ್ ಇಂಜತ್. ಗ್ರೀಕ್ ತಕ್ಕ್‌ಲ್ ಅವಡ ಪೆದಕ್ ದೊರ್ಕ. ಅವ ಎಕ್ಕಲೂ ನಲ್ಲ ಕ್ರಿಯೆ ಮಾಡಿಯಂಡ್ ಗರೀಬಯಿಂಗಕ್ ಸಹಾಯ ಮಾಡಿಯಂಡಿಂಜತ್.

ಅಪೊಸ್ತಲ 9:38

ಯೊಪ್ಪ ಪಟ್ಟಣ, ಲುದ್ದ ಊರ್‌ಕ್ ದುಂಬ ಪಕ್ಕತ್‍ಲ್ ಇಂಜತ್. ಆನಗುಂಡ್ ಯೊಪ್ಪ ಪಟ್ಟಣತ್‍ಲ್ ಇಂಜ ಯೇಸುನ ನಂಬ್‍ನಯಿಂಗಕ್, ಪೇತ್ರ ಲುದ್ದ ಊರ್‌ಲ್ ಉಂಡ್‍ೕಂದ್ ಗೊತ್ತಾನ ಪಿಂಞ, ತಡೆಮಾಡತೆ ಇಲ್ಲಿ ಬಾಂದ್ ದಂಡಾಳ್‌ರ ಪಕ್ಕ ಸುದ್ದಿ ಅಯಿಚಿತ್.

ಅಪೊಸ್ತಲ 9:43

ಪಿಂಞ ಪೇತ್ರ ಯೊಪ್ಪತ್‍ಲ್ ಚರ್ಮಕಾರನಾನ ಸೀಮೋನ ಎಣ್ಣ್‌ವಂವೊಂಡ ಪಕ್ಕ ದುಂಬ ದಿವಸ ಒಳಿಂಜತ್.