ಅಪೊಸ್ತಲ 9:39 - ಕೊಡವ ಬೈಬಲ್

³⁹ ಪೇತ್ರ ಈ ದಂಡಾಳ್‌ರ ಕೂಡೆ ಪೋಚಿ. ಅಂವೊ ಅಲ್ಲಿ ಪೋಯಿತ್ ಎತ್ತ್‌ನ ಪಿಂಞ ಅಯಿಂಗ ಪೇತ್ರನ ಕೊಡಿಲ್ ಉಳ್ಳ ಕೋಂಬರೇಕ್ ಕಾಕಿಯಂಡ್ ಪೋಚಿ. ಅಲ್ಲಿ ವಿದವೆಯಂಗ ಮೊರಟಂಡ್, ದೊರ್ಕ ಅಯಿಂಗಡ ಕೂಡೆ ಇಪ್ಪಕ ಅಯಿಂಗಕ್ ಮಾಡಿಕೊಡ್‌ತಿತ್ಂಜ ಒಳ್‍ಲ್ ಪಿಂಞ ಪೊರಮೆ ಇಡ್‌ವ ಬಟ್ಟೇನ ಕಾಟಿತ್ ಅಂವೊಂಡ ಸುತ್ತ್‌ಲ್ ನಿಂದತ್.

ಅಪೊಸ್ತಲ 9:39 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:7

ನೀತಿವಂತಂವೊಂಡ ಪೆದ ಕ್‍ೕಳಿ ಪೋಯಿತ್‌ ದುಂಬ ಕಾಲಕ್‌ ಇಪ್ಪ. ಆಚೇಂಗಿ ದುಷ್ಟಂಡ ಪೆದತ್‌ನ ಬೆರಿಯ ಮರ್‌ಂದರ್ವ.

ಮತ್ತಾಯ 17:17

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮತ್ತಾಯ 26:11

ಗರೀಬಂಗ ಎಕ್ಕಾಲು ನಿಂಗಡ ಕೂಡೆ ಇಪ್ಪ. ಆಚೇಂಗಿ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪುಲೆ.

ಮಾರ್ಕ 14:8

ಅವಕ್ ಎಂತ ಕಯ್ಯುವ ಅದ್‍ನ ಅವ ಮಾಡ್‍ಚಿ. ನನ್ನ ಪೂಪಂಗ್ ಮಿಂಞಲೇ ಅವ ಈ ತರ ಸುಗಂದ ತೈಲತ್‌ನ ಬೂಕಿತ್ ನನ್ನ ತಯಾರ್ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 12:8

ಗರೀಬಂಗ ಎಕ್ಕಾಲು ನಿಂಗಡ ಕೂಡೆ ಇಪ್ಪ, ಆಚೇಂಗಿ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪುಲೇಂದ್ ಎಣ್ಣ್‌ಚಿ.

ಯೋಹಾನ 17:12

ನಾನ್ ಈಂಗಡ ಕೂಡೆ ಇಪ್ಪಕಾಪಕ, ನೀನ್ ನಾಕ್ ತಂದಿತುಳ್ಳ ನೀಡ ಪೆದತ್‍ರ ಅದಿಕಾರತ್‍ಲ್ ಈಂಗಳ ಕಪಾಡಿಯಂಡ್ ಬಂದಿಯೆ; ನೀನ್ ನಾಕ್ ತಂದಯಿಂಗಳ ನಾನ್ ಕಾಪಾಡಿಯಂಡ್ ಬಂದಿಯೆ. ದೇವಡ ವಾಕ್ಯತ್‍ಲ್ ಎಣ್ಣ್‌ನದ್ ಪೂರ್ತಿ ಆಪನೆಕೆ ನಾಶ ಆಪಕ್ ಗುರಿ ಬೆಚ್ಚಿತ್ಂಜ ಒಬ್ಬನ ಬುಟ್ಟಿತ್ ಈಂಗಡ ಕೂಟ್‌ಲ್ ದಾರೂ ನಾಶ ಆಯಿತ್‌ಲ್ಲೆ.

ಅಪೊಸ್ತಲ 1:13

ಅಯಿಂಗ ಅಲ್ಲಿ ಬಪ್ಪಕ, ಅಯಿಂಗ ವಾಸ ಮಾಡಿಯಂಡಿಂಜ ಕೊಡಿಲ್ ಉಳ್ಳ ಕೋಂಬರೇಕ್ ಪತ್ತ್‌ಚಿ. ಅಯಿಂಗಡಲ್ಲಿ ಇಂಜಯಿಂಗ ದಾರ್ ದಾರ್‍ೕಂದ್ ಎಣ್ಣ್‌ಚೇಂಗಿ, ಪೇತ್ರ, ಯಾಕೋಬ, ಯೋಹಾನ, ಅಂದ್ರೆಯ, ಫಿಲಿಪ್ಪ, ತೋಮ, ಬಾರ್ತೊಲೊಮಾಯ, ಮತ್ತಾಯ, ಅಲ್ಫಾಯಂಡ ಮೋಂವೊನಾನ ಯಾಕೋಬ, ದೇಶ ಪ್ರೇಮಿಯಾಯಿತ್ಂಜ ಸೀಮೋನ ಪಿಂಞ ಯಾಕೋಬಂಡ ತಮ್ಮಣನಾನ ಯೂದ ಎಣ್ಣ್‌ವಯಿಂಗಳೇ.

ಅಪೊಸ್ತಲ 20:35

ಇನ್ನನೆ ಕಷ್ಟಪಟ್ಟಿತ್, ಇಲ್ಲತಯಿಂಗಕ್ ಸಹಾಯ ಮಾಡ್‌ವಕು, ಪಿಂಞ ಎಡ್‍ಪಕಿಂಜ ಕೊಡ್‌ಪದೇ ಬಲ್ಯ ಆಶೀರ್ವಾದಾಂದ್ ಒಡೆಯನಾನ ಯೇಸು ಎಣ್ಣ್‌ನನೆಕೆ, ಗೇನಮಾಡಂಡೂಂದ್ ಎಲ್ಲಾ ವಿಷಯತ್‍ಲ್ ನಾನ್ ನಿಂಗಕ್ ಉದರಾಣೆಯಾಯಿತ್ ಇಂಜ.

ಅಪೊಸ್ತಲ 6:1

ಇನ್ನನೆ ಆಯಂಡಿಂಜ ಕಾಲತ್‍ಲ್, ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಬಲ್ಯದಾಯಂಡಿಪ್ಪಕ, ಅಯಿಂಗಡ ಕೂಟ್‌ಲ್ ಗ್ರೀಕ್ ತಕ್ಕ್ ಪರಿಯುವಯಿಂಗ, ಇಬ್ರಿಯ ತಕ್ಕ್ ಪರಿಯುವಯಿಂಗಕ್ ವಿರೋದವಾಯಿತ್ ಗುಣುಗುಟ್ಟಿಯಂಡ್ ಇಂಜತ್. ಗ್ರೀಕ್ ತಕ್ಕ್ ಪರಿಯುವ ಜನ, ಅಯಿಂಗಡ ವಿದವೆಯಂಗಕ್ ದಿನದಿನಕ್ ಬೋಂಡಿಯಾನ ಆಹಾರತ್‍ರ ವಿಷಯತ್‍ಲ್ ಸರಿಯಾಯಿತ್ ನೋಟಿಯಂಡಿಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 8:2

ಚೆನ್ನ ಬಕ್ತಿಯುಳ್ಳ ದೇವಡ ಮಕ್ಕ ಸ್ತೆಫನಂಡ ಚಾವ್ ತಡೀನ ಕೊಂಡ್ ಪೋಯಿತ್ ಪೂತ್ತತ್. ಅಂವೊಂಗಾಯಿತ್ ಅಯಿಂಗ ದುಂಬ ಮೊರಟಿತ್ ದುಃಖ ಪಟ್ಟತ್.

ಅಪೊಸ್ತಲ 9:41

ಪೇತ್ರ ಅವಕ್ ಕೈಕೊಡ್‍ತಿತ್, ಎಪ್ಪಿತ್ ದೇವಡ ಮಕ್ಕಳ ಪಿಂಞ ವಿದವೆಯಂಗಳ ಕಾಕಿತ್, ಜೀವವಾಯಿತ್ತುಳ್ಳ ಅವಳ ಅಯಿಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

2 ಕೊರಿಂಥ 8:12

ಒಬ್ಬಂಗ್ ಮನಸ್ಸ್ ಇಂಜತೇಂಗಿ, ಅಂವೊಂಗ್ ಇಲ್ಲತ ಅಳ್‌ತೆರಚ್ಚಕ್ ಅಲ್ಲ, ಅಂವೊಂಗ್ ಉಳ್ಳಚ್ಚಕ್ ಕೊಡ್‍ತತೇಂಗಿ ಅದ್ಂಗ್ ಅಂಗಿಕಾರ ಕ್‍ಟ್ಟುವ.

ಎಫೆಸ 4:28

ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

1 ಥೆಸಲೊನೀಕ 4:13

ನಂಗಡ ಅಣ್ಣತಮ್ಮಣಂಗಳೇ, ನಂಗಡ ಆಸೆ ಎಂತ ಎಣ್ಣ್‌ಚೇಂಗಿ, ಚತ್ತಯಿಂಗಕಾಯಿತ್, ಯೇಸುನ ನಂಬತಯಿಂಗ ನಂಬಿಕೆ ಇಲ್ಲತೆ ವ್ಯಸನ ಪಡ್‌ವನೆಕೆ, ದೇವಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗಕಾಯಿತ್ ನಿಂಗ ವ್ಯಸನಪಟ್ಟಿತ್, ಅಯಿಂಗಡ ವಿಷಯತ್ ಸತ್ಯ ಎಂತ್‍ೕಂದ್ ಗೊತ್ತಿಲ್ಲತೆ ಇಪ್ಪಕ್ಕಾಗ.

1 ತಿಮೊಥೆಯ 5:3

ದಾರೂ ಇಲ್ಲತೆ, ವಡಿಯ ಚತ್ತ್‌ಪೋನ ಪೊಣ್ಣಾಳ್‌ಕ್ ಸಹಾಯ ಮಾಡ್.

1 ತಿಮೊಥೆಯ 5:5

ದಾರೂ ಸಹಾಯ ಮಾಡ್‌ವಕ್ ಇಲ್ಲತೆ, ಒರ್ ವಡಿಯ ಚತ್ತ್‌ಪೋನ ಪೊಣ್ಣಾಳ್, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಬಯಿಟ್ ಪೋಲ್ ದೇವಡ ಪಕ್ಕ ಪ್ರಾರ್ಥನೆ ಮಾಡಿಯಂಡ್, ದೇವ ಸಹಾಯ ಮಾಡ್‌ವಕಾಯಿತ್ ಅವ ಬೋಡಿಯಂಡಿಪ್ಪ.

1 ಯೋಹಾನ 3:18

ನಾಡ ಪ್ರೀತಿರ ಮಕ್ಕಳೇ, ನಂಗಡ ಪ್ರೀತಿ ಬರಿ ತಕ್ಕ್‌ಬಾಕ್‍ಲ್ ಮಾತ್ರ ಇಪ್ಪಕ್ಕಾಗ, ಆಚೇಂಗಿ ಸತ್ಯತ್‍ಲ್ ಪಿಂಞ ಕ್ರಿಯೇಲ್ ಕಾಟಂಡು.