ಅಪೊಸ್ತಲ 9:38 - ಕೊಡವ ಬೈಬಲ್

³⁸ ಯೊಪ್ಪ ಪಟ್ಟಣ, ಲುದ್ದ ಊರ್‌ಕ್ ದುಂಬ ಪಕ್ಕತ್‍ಲ್ ಇಂಜತ್. ಆನಗುಂಡ್ ಯೊಪ್ಪ ಪಟ್ಟಣತ್‍ಲ್ ಇಂಜ ಯೇಸುನ ನಂಬ್‍ನಯಿಂಗಕ್, ಪೇತ್ರ ಲುದ್ದ ಊರ್‌ಲ್ ಉಂಡ್‍ೕಂದ್ ಗೊತ್ತಾನ ಪಿಂಞ, ತಡೆಮಾಡತೆ ಇಲ್ಲಿ ಬಾಂದ್ ದಂಡಾಳ್‌ರ ಪಕ್ಕ ಸುದ್ದಿ ಅಯಿಚಿತ್.

ಅಪೊಸ್ತಲ 9:38 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:3

ಅಕ್ಕ ಯೋನ, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್‌ ತಾರ್ಷೀಷ್ ಎಣ್ಣುವ ಪಟ್ಟಣಕ್‌ ಪೊರ್‌ಟತ್. ಅಂವೊ ಯೊಪ್ಪ ಎಣ್ಣುವ ಪಟ್ಟಣಕ್‌ ಪೋಯಿತ್‌ ಅಲ್ಲಿಂಜ ತಾರ್ಷೀಷ್‌ಕ್‌ ಪೋಪ ಹಡಗ್‌ನ ಕಂಡಿತ್‌ ಅಲ್ಲಿಕತ್ತನೆ ಪೋಪಕುಳ್ಳ ದುಡ್ಡ್‌ನ ಕೊಡ್‌ತಿತ್, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್, ಹಡಗ್‌ಲುಳ್ಳಯಿಂಗಡ ಕೂಡೆ ಪೊರ್‌ಟ್ ಪೋಚಿ.

ಅಪೊಸ್ತಲ 10:5

ಇಕ್ಕ ನೀನ್ ಜನಳ ಯೊಪ್ಪ ಪಟ್ಟಣಕ್ ಅಯಿಚಿತ್ ಪೇತ್ರ ಎಣ್ಣುವ ಸೀಮೋನನ ಕಾಕ್‍ಚಿಡ್.

ಅಪೊಸ್ತಲ 10:8

ಅಯಿಂಗಕ್ ಎಲ್ಲಾ ವಿಷಯತ್‍ನ ವಿವರಿಚಿಟ್ಟಿತ್, ಅಯಿಂಗಳ ಯೊಪ್ಪ ಪಟ್ಟಣಕ್ ಅಯಿಚತ್.

ಅಪೊಸ್ತಲ 11:13

ಅಂವೊ ತಾಂಡ ಮನೆಲ್ ಎನ್ನನೆ ಒರ್ ದೇವದೂತನ ಕಂಡತ್‍ೕಂದೂ, ಯೊಪ್ಪ ಪಟ್ಟಣತ್‍ಲ್ ಉಳ್ಳ ಪೇತ್ರ ಎಣ್ಣುವ ಸೀಮೋನನ ಕಾಕ್‍ವಕ್, ಜನಳ ಅಯಿಚಿಕೊಡ್;

ಅಪೊಸ್ತಲ 11:26

ಅಂವೊನ ಅಲ್ಲಿ ಕಂಡಿತ್ ಅಂತಿಯೋಕ್ಯಕ್ ಕಾಕಿಯಂಡ್ ಬಾತ್. ಅಲ್ಲಿ ಅಯಿಂಗ ಒರ್ ಕಾಲಕತ್ತನೆ ಸಬೆರ ಜನಡ ಕೂಡೆ ಇಂಜಿತ್, ದುಂಬ ಜನಡ ಗುಂಪ್‌ಕ್ ಬೋದನೆ ಮಾಡಿಯಂಡಿಂಜತ್. ಅಂತಿಯೋಕ್ಯ ಪಟ್ಟಣತ್‍ಲ್ಲೇ ಯೇಸುನ ನಂಬ್‍ನಯಿಂಗಕ್ ಕ್ರಿಸ್ತಂಗಾಂದ್ ಆದ್ಯತ್ ಪೆದ ಕ್‍ಟ್ಟ್‌ಚಿ.

ಅಪೊಸ್ತಲ 11:5

ನಾನ್ ಯೊಪ್ಪ ಪಟ್ಟಣತ್‍ಲ್ ಪ್ರಾರ್ಥನೆ ಮಾಡಿಯಂಡಿಪ್ಪಕ ಒರ್ ದರ್ಶನ ಕಂಡಿಯೆ. ದರ್ಶನತ್‍ಲ್, ಕಂಬಳಿರನೆಕೆ ಒರ್ ಬಲ್ಯ ಬಟ್ಟೆ, ನಾಲ್ ಮೂಲೆಲ್ ಕೆಟ್ಟಿತ್ ಬಾನತ್ಂಜ ಇಳಿಂಜಿ ನಾಡ ಪಕ್ಕ ಬಪ್ಪಾನ ಕಂಡಿಯೆ.

ಅಪೊಸ್ತಲ 9:19

ಪಿಂಞ ಅಂವೊ ಉಂಡಿತ್ ಬಲಪಟ್ಟತ್. ಸೌಲ ದಮಸ್ಕತ್‍ಲ್ ಇಂಜ ಯೇಸುನ ನಂಬ್‍ನಯಿಂಗಡ ಕೂಡೆ ಚೆನ್ನ ದಿವಸ ಇಂಜತ್.

ಅಪೊಸ್ತಲ 9:32

ಅನ್ನನೆ, ಪೇತ್ರ ಎಲ್ಲಾ ಜಾಗಕು ಪ್ರಯಾಣ ಮಾಡಿಯಂಡಿಪ್ಪಕ, ಒಮ್ಮ ಲುದ್ದ ಎಣ್ಣುವ ಊರ್‌ಲ್ ವಾಸ ಉಳ್ಳ ಯೇಸುನ ನಂಬ್‍ನ ದೇವಡ ಮಕ್ಕಡ ಪಕ್ಕ ಬಾತ್.

ಅಪೊಸ್ತಲ 9:36

ಯೊಪ್ಪ ಎಣ್ಣುವ ಒರ್ ಊರ್‌ಲ್ ತಬಿಥಾ ಎಣ್ಣುವ ಒಬ್ಬ ಯೇಸುನ ನಂಬ್‍ನವಳಾಯಿತ್ ಇಂಜತ್. ಗ್ರೀಕ್ ತಕ್ಕ್‌ಲ್ ಅವಡ ಪೆದಕ್ ದೊರ್ಕ. ಅವ ಎಕ್ಕಲೂ ನಲ್ಲ ಕ್ರಿಯೆ ಮಾಡಿಯಂಡ್ ಗರೀಬಯಿಂಗಕ್ ಸಹಾಯ ಮಾಡಿಯಂಡಿಂಜತ್.

ಅಪೊಸ್ತಲ 9:42

ಈ ಸುದ್ದಿ ಯೊಪ್ಪ ಪಟ್ಟಣತ್‍ಲ್ ಎಲ್ಲೆಲಿಯು ಪಬ್ಬಿ ಪೋಚಿ. ದುಂಬ ಜನ ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್.

ಅಪೊಸ್ತಲ 9:43

ಪಿಂಞ ಪೇತ್ರ ಯೊಪ್ಪತ್‍ಲ್ ಚರ್ಮಕಾರನಾನ ಸೀಮೋನ ಎಣ್ಣ್‌ವಂವೊಂಡ ಪಕ್ಕ ದುಂಬ ದಿವಸ ಒಳಿಂಜತ್.