ಅಪೊಸ್ತಲ 9:33 - ಕೊಡವ ಬೈಬಲ್

³³ ಅಲ್ಲಿ ಎಟ್ಟ್ ಕಾಲತ್ಂಜ ಪಾರ್ಶವಾಯುಲಿಂಜ, ಮೆತ್ತೆಲ್ ಬುದ್ದಡಿಂಜ ಐನೇಯ ಎಣ್ಣುವ ಒಬ್ಬನ ಪೇತ್ರ ಕಂಡತ್.

ಅಪೊಸ್ತಲ 9:33 ပူးပေါင်းရင်းမြစ်များ

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಮಾರ್ಕ 5:25

ಅಲ್ಲಿ ಪನ್ನೆರಂಡ್ ಕಾಲತ್ಂಜ ಚೋರೆ ಪೋಪ ರೋಗತ್‌ಂಜ ಕಷ್ಟಪಟ್ಟಂಡಿಂಜ ಒರ್ ಪೊಣ್ಣಾಳ್ ಇಂಜತ್.

ಮಾರ್ಕ 9:21

ಯೇಸು ಅಂವೊಂಡ ಅಪ್ಪಂಗ್: ಎಕ್ಕಯಿಂಜ ಇಂವೊ ಇನ್ನನೆ ಉಂಡ್‍ೕಂದ್ ಕ್‍ೕಟತ್. ಅದ್ಂಗ್ ಅಂವೊ: ಅಂವೊ ಚೆರಿಯ ಕುಂಞಿ ಆಯಿತ್‌ಪ್ಪಕಿಂಜ್‌ಲೇ ಉಂಡ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:16

ಅನ್ನನಾಚೇಂಗಿ, ಪದನೆಟ್ಟ್ ಕಾಲತ್ಂಜ ಸೈತಾನ ಕೆಟ್ಟಿ ಇಟ್ಟಿತ್ತುಳ್ಳ ಇವ ಅಬ್ರಹಾಮಂಡ ಸಂತಾನಕರ್ತಿ. ಇವಳ, ಸಬ್ಬತ್ ದಿನತ್‌ಲ್ ಈ ಕೆಟ್ಟ್‌ಯಿಂಜ ಬುಡ್‍ಗಡೆ ಮಾಡ್‍ವದ್ ತಪ್ಪಾಂದ್ ಕ್‍ೕಟತ್.

ಯೋಹಾನ 5:5

ನುಪ್ಪತೆಟ್ಟ್ ಕಾಲ ಕಾಯಿಲೆಲ್ ಇಂಜ ಒಬ್ಬ ಅಲ್ಲಿ ಇಂಜತ್.

ಯೋಹಾನ 9:1

ಯೇಸು ನಡ್‌ದಂಡ್ ಪೋಯಂಡಿಪ್ಪಕ, ಪುಟ್ಟ್‌ವಕಾಪಲೇ ಕುರ್‌ಡನಾಯಿತ್ಂಜ ಒರ್ ಮನುಷ್ಯನ ಕಂಡತ್.

ಯೋಹಾನ 9:21

ಆಚೇಂಗಿ ಇಂವೊಂಗ್ ಇಕ್ಕ ಎನ್ನನೆ ಕಣ್ಣ್ ಕಾಂಬಕಾಚೀಂದು, ಇಂವೊನ ದಾರ್ ವಾಸಿ ಮಾಡ್‌ಚೀಂದು ನಂಗಕ್ ಗೊತ್ತ್‌ಲ್ಲೆ. ಇಂವೊ ಬಲ್ಯಂವೊನಾಯಿತುಂಡ್, ಇಂವೊನ ಕ್‍ೕಳಿ, ಇಂವೊನೇ ಎಣ್ಣುವಾಂದ್ ಎಣ್ಣ್‌ಚಿ.

ಅಪೊಸ್ತಲ 14:8

ಲುಸ್ತ್ರತ್‍ಲ್ ಒರ್ ಮನುಷ್ಯ ಇಂಜತ್. ಅಂವೊ ಪುಟ್ಟ್‌ವಯಿಂಜಲೆ ಕುಂಟನಾಯಿತ್, ಅಂವೊಂಡ ಕಾಲ್‍ರ ಅಡಿಲ್ ಊಣನಾಯಿತ್, ಇಲ್ಲಿಕತ್ತನೆ ನಡ್‍ಕತಂವೊನಾಯಿತ್ ಅಲ್ಲಿ ಅಳ್‍ತಂಡಿಂಜತ್.

ಅಪೊಸ್ತಲ 3:2

ಅಲ್ಲಿ, ಪುಟ್ಟ್‌ನಲ್ಲಿಂಜ ಕುಂಟನಾಯಿತ್ಂಜ ಒಬ್ಬನ ಚೆನ್ನ ಜನ ಕೊಂಡ್ ಬಂದಂಡಿಂಜತ್. ದೇವಾಲಯತ್‍ರ ಒಳ್‍ಕ್ ಪೋಪ ಜನಡ ಪಕ್ಕ ಬಿಕ್ಷೆ ಬೋಡ್‌ವಕಾಯಿತ್, ಅಂವೊನ ದಿನಾಲು ದೇವಾಲಯತ್‍ರ ಚಾಯಿ ಬಾಯಿಕಂಡೀಂದ್ ಕಾಕ್‍ವ ಪಡಿರ ಪಕ್ಕತ್‍ಲ್ ಅಳ್‍ಪಚಿಟ್ಟಂಡಿಂಜತ್.

ಅಪೊಸ್ತಲ 4:22

ಅದ್ಬುತವಾಯಿತ್ ವಾಸಿ ಆನ ಆ ಮನುಷ್ಯಂಗ್ ಸುಮಾರ್ ನಾಪದ್ ವಯಸ್‍ಕ್ ಮೇಲೆ ಆಯಿತ್ಂಜತ್.

ಅಪೊಸ್ತಲ 9:32

ಅನ್ನನೆ, ಪೇತ್ರ ಎಲ್ಲಾ ಜಾಗಕು ಪ್ರಯಾಣ ಮಾಡಿಯಂಡಿಪ್ಪಕ, ಒಮ್ಮ ಲುದ್ದ ಎಣ್ಣುವ ಊರ್‌ಲ್ ವಾಸ ಉಳ್ಳ ಯೇಸುನ ನಂಬ್‍ನ ದೇವಡ ಮಕ್ಕಡ ಪಕ್ಕ ಬಾತ್.

ಅಪೊಸ್ತಲ 9:34

ಪೇತ್ರ ಅಂವೊಂಗ್: ಐನೇಯನೇ ಯೇಸು ಕ್ರಿಸ್ತ ನಿನ್ನ ವಾಸಿ ಮಾಡ್‌ವ. ನೀನ್ ಎದ್ದಿತ್ ನೀಡ ಮೆತ್ತೆನ ನೀನೇ ಎಡ್‌ತ. ಅಕ್ಕಣೆ ಅಂವೊ ಎದ್ದತ್.