ಅಪೊಸ್ತಲ 9:27 - ಕೊಡವ ಬೈಬಲ್

²⁷ ಆಚೇಂಗಿ ಬಾರ್ನಬ ಅಂವೊನ ಕೂಟಿಯಂಡ್, ಅಪೊಸ್ತಲಂಗಡ ಪಕ್ಕ ಕಾಕಿಯಂಡ್ ಪೋಚಿ. ಬಾರ್ನಬ, ಅಯಿಂಗಕೆಲ್ಲ ಸೌಲ ಎನ್ನನೆ ಒಡೆಯನ ಬಟ್ಟೇಲ್ ಕಂಡತ್‍ೕಂದೂ, ಒಡೆಯ ಅಂವೊಂಡ ಕೂಡೆ ತಕ್ಕ್ ಪರ್ಂದದನೂ ಎಣ್ಣ್‌ಚಿ. ಅದಲ್ಲತೆ ದಮಸ್ಕತ್‍ಲ್ ಯೇಸುರ ಪೆದತ್‍ಲ್ ಇಂವೊ ದೈರ್ಯತ್‍ಲ್ ತಕ್ಕ್ ಪರ್ಂದದ್‍ನ ಸಹ ಅಯಿಂಗಕ್ ವಿವರಿಚಿಟ್ಟತ್.

ಅಪೊಸ್ತಲ 9:27 ပူးပေါင်းရင်းမြစ်များ

ಅಪೊಸ್ತಲ 11:22

ಈ ವಿಷಯನೆಲ್ಲ ಯೆರೂಸಲೇಮ್ ಸಬೆರ ಜನ ಕ್‍ೕಪಕ, ಅಯಿಂಗ ಬಾರ್ನಬನ ಅಂತಿಯೋಕ್ಯಕ್ ಅಯಿಚತ್.

ಅಪೊಸ್ತಲ 11:25

ಅಲ್ಲಿಂಜ ಬಾರ್ನಬ ಸೌಲನ ತ್‍ೕಡಿಯಂಡ್ ತಾರ್ಸ ಪಟ್ಟಣಕ್ ಪೊರಟ್ ಪೋಚಿ.

ಅಪೊಸ್ತಲ 12:25

ಬಾರ್ನಬ ಪಿಂಞ ಸೌಲ, ಅಯಿಂಗ ಯೆರೂಸಲೇಮ್‍ಲ್ ಮಾಡ್‍ವಕ್ಕುಳ್ಳ ಸೇವೇನ ಪೂರ್ತಿ ಮಾಡ್‍ನ ಪಿಂಞ ಮಾರ್ಕ ಎಣ್ಣುವ ಇಂಞೊರ್ ಪೆದವುಳ್ಳ ಯೋಹಾನನ ಕಾಕಿಯಂಡ್ ಯೆರೂಸಲೇಮ್ಂಜ ಪುನಃ ವಾಪಸ್ ಬಾತ್.

ಅಪೊಸ್ತಲ 13:2

ಅಯಿಂಗ ಒಡೆಯನ ಆರಾದನೆ ಮಾಡಿಯಂಡ್ ಪಟ್ಟಣಿ ನಿಂದಂಡ್ ಇಪ್ಪಕ, ಪವಿತ್ರಾತ್ಮ ಅಯಿಂಗಕ್: ನಾನ್ ಕಾಕ್‍ನ ವಿಶೇಷ ಸೇವೆಕಾಯಿತ್ ಬಾರ್ನಬ ಪಿಂಞ ಸೌಲನ, ನಿಂಗ ಬೋರೆ ಮಾಡಿತ್ ಅಯಿಂಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 15:2

ಅಕ್ಕ, ಅಯಿಂಗಕು ಪಿಂಞ ಪೌಲ ಬಾರ್ನಬಂಗಕು ಬಲ್ಯ ತರ್ಕ ಆಚಿ. ಈ ವಿಷಯಕಾಯಿತ್, ಅಲ್ಲಿಂಜ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಡ ಕೂಡೆ ಇಂಞು ಚೆನ್ನ ಜನಳ ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗಡ ಪಕ್ಕ ಪೋಪಕ್ ಅಯಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಅಪೊಸ್ತಲ 4:29

ಆಚೇಂಗಿ ಇಕ್ಕ ಒಡೆಯನೇ, ಅಯಿಂಗ ನಂಗಳ ಬೊತ್ತ್‌ಚಿಟ್ಟದ್‍ನ ನೀನ್ ನೋಟಿತ್, ನೀಡ ಸೇವಕಂಗಳಾನ ನಂಗಕ್ ನೀಡ ವಾಕ್ಯತ್‍ನ ಬೋದನೆ ಮಾಡ್‌ವಕ್ ದೈರ್ಯ ಕೊಡ್.

ಅಪೊಸ್ತಲ 4:36

ಇನ್ನನೆ ಮಾಡಿಯಂಡ್ ಉಳ್ಳಯಿಂಗಡಡೆ‍ಲ್ ಕುಪ್ರ ದೇಶತ್ಂಜ ಬಂದ ಲೇವಿಯ ಕುಲಕ್ ಕೂಡ್‍ನ ಒಬ್ಬನು, ಒತ್ತಾಸೆ ಮಾಡ್‌ವಂವೋಂದ್ ಅಪೊಸ್ತಲಂಗ ಕಾಕ್‍ನ ಬಾರ್ನಬ ಎಣ್ಣುವ ಪೆದ ಉಳ್ಳ ಯೋಸೇಫ,

ಅಪೊಸ್ತಲ 9:17

ಅಕ್ಕ ಅನನೀಯ ಪೊರಟಿತ್ ಸೌಲ ಇಂಜ ಮನೆರ ಒಳ್‍ಕ್ ಪೋಯಿತ್ ಅಂವೊಂಡ ಮೇಲೆ ಕೈಯಿನ ಬೆಚ್ಚಿತ್: ತಮ್ಮಣಾನ ಸೌಲನೇ, ನೀನ್ ಬಂದ ಬಟ್ಟೇಲ್, ನೀಕ್ ಕಾಂಬ್‍ಚಿಟ್ಟಂಡ ಒಡೆಯನಾನ ಯೇಸುವೇ, ನೀನ್ ಕಣ್ಣ್ ಕಾಂಬನೆಕೆ ಪಿಂಞ ನೀನ್ ಪವಿತ್ರಾತ್ಮತ್‍ಲ್ ದುಂಬ್‍ವನೆಕೆ ನನ್ನ ಅಯಿಚಿತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 9:29

ಗ್ರೀಕ್ ತಕ್ಕ್ ಪರಿಯುವ ಯೆಹೂದ್ಯಂಗಡ ಕೂಡೆ ತರ್ಕ ಮಾಡ್‍ಚಿ. ಆಚೇಂಗಿ ಅಯಿಂಗಕ್ ಚೆಡಿ ಬಂತ್, ಅಂವೊನ ಕೊಲ್ಲ್‌ವಕ್ ಪ್ರಯತ್ನಪಟ್ಟತ್.

1 ಕೊರಿಂಥ 15:8

ಕಡೇಕ್, ಪುಟ್ಟ್‌ವಕುಳ್ಳ ಸಮಯಕ್ ಮಿಂಞಲೇ ಪುಟ್ಟ್‌ನ ನಾಕ್ ಸಹ ಕಾಂಬ್‍ಚಿಟ್ಟತ್.

1 ಕೊರಿಂಥ 9:6

ಇಂಞು ನಾನ್ ಪಿಂಞ ಬಾರ್ನಬ ಮಾತ್ರ ಕೆಲಸ ಮಾಡಿತ್, ನಂಗಕ್ ಬೋಂಡಿಯಾನದ್‍ನ ಎಡ್‍ಕಂಡುವ?

ಗಲಾತ್ಯ 2:13

ಬೋರೆ ಯೆಹೂದ್ಯಂಗಳು ಅಂವೊಂಡ ಕೂಡೆ ಅಂವೊ ಮೋಸ ಮಾಡ್‌ವನೆಕೆ ನಾಟಕ ಕಳಿಚಂಡ್ ಇಂಜತ್. ಬಾರ್ನಬ ಸಹ ಅಯಿಂಗ ಮಾಡ್‌ವ ಮೋಸತ್‌ರ ಕೆಲಸಕ್ ಜಾರಿರ್‌ತ್.

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.