ಅಪೊಸ್ತಲ 9:20 - ಕೊಡವ ಬೈಬಲ್

²⁰ ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

ಅಪೊಸ್ತಲ 9:20 ပူးပေါင်းရင်းမြစ်များ

ಮತ್ತಾಯ 27:43

ಇಂವೊ, ಇಂವೊನ ದೇವ ಕುಮಾರಾಂದ್ ಎಣ್ಣಿಯಂಡ್, ದೇವಡ ಮೇಲೆ ನಂಬಿಕೇಲ್ ಇಂಜತಲ್ಲ; ಅಂವೊಂಗ್ ಇಂವೊಂಡ ಮೇಲೆ ಕುಶಿ ಇಂಜತೇಂಗಿ ಇಕ್ಕ ಇಂವೊನ ಬಚಾವ್ ಮಾಡಡ್‍ೕಂದ್ ಅಯಿಂಗ ಎಣ್ಣ್‌ಚಿ.

ಮತ್ತಾಯ 27:54

ನೂರ್ ಸಿಪಾಯಿಯಂಗಡ ಅದಿಕಾರಿ ಪಿಂಞ ಅಂವೊಂಡ ಕೂಡೆ ನಿಂದಂಡ್ ಯೇಸುನ ನೋಟಿಯಂಡಿಂಜ ಜನ ಬೂಕಂಪ ಪಿಂಞ ಅಲ್ಲಿ ಆಪಾನೆಲ್ಲಾ ಕಂಡಿತ್, ಬೊತ್ತಿತ್: ಈ ಮನುಷ್ಯ ನೇರಾಯಿತ್ ದೇವಡ ಮೋಂವೊನಾಯಿತ್ಂಜತ್ ಎಣ್ಣಿಯಂಡ್ ಎಣ್ಣ್‌ಚಿ.

ಮತ್ತಾಯ 4:3

ಅಕ್ಕ ಸೈತಾನ ಯೇಸುರ ಪಕ್ಕ ಬಂತ್: ನೀನ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.

ಯೋಹಾನ 1:49

ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 19:7

ಯೆಹೂದ್ಯಂಗ ಪಿಲಾತನ ನೋಟಿತ್: ನಂಗಕ್ ಒರ್ ನ್ಯಾಯಪ್ರಮಾಣ ಉಂಡ್. ಅದ್ಂಡ ಪ್ರಕಾರ ಇಂವೊ ಚಾವಂಡು. ಎನ್ನಂಗೆಣ್ಣ್‌ಚೇಂಗಿ ಇಂವೊ ತಾನ್ ದೇವಡ ಮೋಂವೋಂದ್ ಎಣ್ಣ್‌ಚೀಂದ್ ಎಣ್ಣ್‌ಚಿ.

ಯೋಹಾನ 20:28

ಅಕ್ಕ ತೋಮ: ನಾಡ ಒಡೆಯನೇ ನಾಡ ದೇವನೇಂದ್ ಎಣ್ಣ್‌ಚಿ.

ಯೋಹಾನ 20:31

ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಅಪೊಸ್ತಲ 13:14

ಪಿಂಞ ಅಯಿಂಗ ಪೆರ್ಗೆಯಿಂಜ ಪಿಸಿದ್ಯ ಸೀಮೆಕ್ ಕೂಡ್‍ನ ಅಂತಿಯೋಕ್ಯಕ್ ಬಾತ್. ಸಬ್ಬತ್ ದಿವಸತ್‍ಲ್ ಅಲ್ಲಿಯತ್‍ರ ಸಬಾಮಂದಿರಕ್ ಪೋಯಿತ್ ಅಳ್‌ತತ್.

ಅಪೊಸ್ತಲ 13:33

ಅದ್ ಎಂತ ಎಣ್ಣ್‌ಚೇಂಗಿ: ದೇವಡ ಪಾಟ್ ಪುಸ್ತಕತ್‍ಲ್, ದಂಡನೆ ಪಾಟ್‍ಲ್ ಒಳ್‍ದಿತುಳ್ಳನೆಕೆ: ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಉಳ್ಳ ವಾಗ್ದಾನ, ದೇವಡ ಮಕ್ಕಳಾನ ನಂಗಕ್, ಯೇಸುನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಮೂಲಕ ನೆರೆವೇರಿಚಿಟ್ಟತ್.

ಅಪೊಸ್ತಲ 13:46

ಅಕ್ಕ ಪೌಲ ಪಿಂಞ ಬಾರ್ನಬ, ದೈರ್ಯತ್ಂಜ ತಕ್ಕ್ ಪರ್ಂದತ್. ಅಯಿಂಗಳ ನೋಟಿತ್: ದೇವಡ ವಾಕ್ಯತ್‍ನ ನಿಂಗಕೇ ಆದ್ಯವಾಯಿತ್ ಎಣ್ಣ್‌ವಕ್ ಅವಸ್ಯ ಇಂಜತ್; ಆಚೇಂಗಿ ನಿಂಗ ಅದ್‍ನ ತಳ್ಳಿತ್, ನಿಂಗಳ ನಿತ್ಯ ಜೀವಕ್ ಯೋಗ್ಯ ಇಲ್ಲತಯಿಂಗಳಾಯಿತ್ ನಿಂಗಳೇ ತೀರ್ಪ್ ಮಾಡ್‍ನಗುಂಡ್, ನೋಟಿ, ನಂಗ ನಿಂಗಳ ಬುಟ್ಟಿತ್ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಪೋಪಾಂದ್ ಎಣ್ಣ್‌ಚಿ.

ಅಪೊಸ್ತಲ 13:5

ಅಯಿಂಗ ಸಲಮಿಸ್ ಪಟ್ಟಣಕ್ ಬಂದಿತ್, ಅಲ್ಲಿ ಇಂಜ ಯೆಹೂದ್ಯಂಗಡ ಸಬಾಮಂದಿರತ್‍ಲ್ ದೇವಡ ವಾಕ್ಯತ್‍ನ ಬೋದನೆ ಮಾಡ್‍ಚಿ. ಅಯಿಂಗಡ ಸೇವೇಲ್ ಸಹಾಯ ಮಾಡ್‌ವಕ್ ಯೋಹಾನ ಎಣ್ಣುವ ಮಾರ್ಕ ಅಯಿಂಗಡ ಕೂಡೆ ಇಂಜತ್.

ಅಪೊಸ್ತಲ 14:1

ಅನ್ನನೆ, ಇಕೋನ್ಯ ಪಟ್ಟಣತ್‍ಲ್ ಪೌಲ ಪಿಂಞ ಬಾರ್ನಬ, ಯೆಹೂದ್ಯಂಗಡ ಸಬಾಮಂದಿರಕ್ ಪೋಯಿತ್, ಅಲ್ಲಿಂಜ ದುಂಬ ಯೆಹೂದ್ಯ ಜನಳು, ಯೆಹೂದ್ಯ ಅಲ್ಲತಯಿಂಗಳು ಯೇಸುನ ನಂಬುವನೆಕೆ ಚಾಯಿತೆ ತಕ್ಕ್ ಪರ್ಂದತ್.

ಅಪೊಸ್ತಲ 16:13

ಸಬ್ಬತ್ ದಿವಸತ್‍ಲ್, ಪಟ್ಟಣತ್‍ರ ಪೊರಮೆ ಪೋಯಿತ್, ಪೊಳೆರ ಕರೆಲ್, ಜನ ಎಕ್ಕಾಲು ಅಲ್ಲಿ ಪ್ರಾರ್ಥನೆ ಮಾಡ್‌ವಾಂದ್ ಗೇನ ಮಾಡಿತ್ ನಂಗ ಅಲ್ಲಿ ಅಳ್‌ತತ್. ಅಲ್ಲಿ ಕೂಡಿ ಬಂದಿತ್ಂಜ ಪೊಣ್ಣಾಳುವಕ್ ನಂಗ ಉಪದೇಶ ಮಾಡ್‍ಚಿ.

ಅಪೊಸ್ತಲ 17:10

ಒಡನೆ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಬಯಿಟ್ ನೇರತೆ ಪೌಲ ಪಿಂಞ ಸೀಲನ ಬೆರೋಯ ಪಟ್ಟಣಕ್ ಅಯಿಚತ್; ಅಯಿಂಗ ಅಲ್ಲಿಕ್ ಎತ್ತಿತ್ ಯೆಹೂದ್ಯಂಗಡ ಸಬಾಮಂದಿರಕ್ ಪೋಚಿ.

ಅಪೊಸ್ತಲ 17:17

ಆನಗುಂಡ್, ಅಂವೊ ಸಬಾಮಂದಿರಕ್ ಪೋಯಿತ್ ಅಲ್ಲಿಂಜ ಯೆಹೂದ್ಯಂಗಡ ಕೂಡೆಯು, ಯೆಹೂದ್ಯ ಅಲ್ಲತಯಿಂಗ ದೇವನ ಆರಾದನೆ ಮಾಡ್‌ವ ಜನಡ ಕೂಡೆಯು ಪಿಂಞ ದಿನಾಲು ಪೇಟೇಲ್ ಕಾಂಬಯಿಂಗಡ ಕೂಡೆಯೆಲ್ಲ ಚರ್ಚೆ ಮಾಡಿಯಂಡಿಂಜತ್.

ಅಪೊಸ್ತಲ 17:2

ಪೌಲ, ತಾನ್ ಎಲ್ಲಾ ಜಾಗತ್‍ಲ್ ಮಾಡ್‌ವ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಮೂಂದ್ ಸಬ್ಬತ್ ದಿವಸತ್‍ಲ್, ದೇವಡ ವಾಕ್ಯತ್ಂಜ ಅಯಿಂಗಡ ಕೂಡೆ ಕ್ರಿಸ್ತಂಡ ವಿಷಯತ್ ವಾದ ಮಾಡ್‍ಚಿ.

ಅಪೊಸ್ತಲ 18:19

ಪೌಲ ಎಫೆಸ ಪಟ್ಟಣಕ್ ಬಪ್ಪಕ, ಅಯಿಂಗಳ ಅಲ್ಲೇ ಬುಟ್ಟತ್. ತಾನ್ ಮಾತ್ರ ಸಬಾಮಂದಿರತ್‍ರ ಒಳ್‍ಕ್ ಪೋಯಿತ್ ಯೆಹೂದ್ಯಂಗಡ ಕೂಡೆ ವಾದ ಮಾಡ್‍ಚಿ.

ಅಪೊಸ್ತಲ 18:4

ಎಲ್ಲಾ ಸಬ್ಬತ್ ದಿವಸತ್‍ಲ್ ಸಬಾಮಂದಿರತ್‍ಲ್ ಚರ್ಚೆ ಮಾಡಿತ್ ಯೆಹೂದ್ಯಂಗಕು ಯೆಹೂದ್ಯ ಅಲ್ಲತಯಿಂಗಕು ಯೇಸು ಕ್ರಿಸ್ತಂಡ ವಿಷಯತ್‍ನ ದೃಡವಾಯಿತ್ ಸಾಕ್ಷಿ ಎಣ್ಣಿಯಂಡಿಂಜತ್.

ಅಪೊಸ್ತಲ 19:8

ಪಿಂಞ, ಪೌಲ ಎಫೆಸ ಪಟ್ಟಣತ್‍ಲ್ ಇಂಜ ಸಬಾಮಂದಿರಕ್ ಪೋಯಿತ್ ಮೂಂದ್ ತಿಂಗ ದೇವಡ ರಾಜ್ಯತ್‍ರ ವಿಷಯತ್‍ನ ದೈರ್ಯತ್‍ಲ್, ನಂಬುವನೆಕೆ ಚರ್ಚೆ ಮಾಡಿಯಂಡ್ ಬೋದನೆ ಮಾಡಿಯಂಡೇ ಇಂಜತ್.

ಅಪೊಸ್ತಲ 8:36

ಇನ್ನನೆ ಅಯಿಂಗ ಬಟ್ಟೇಲ್ ಪೋಯಂಡಿಪ್ಪಕ, ನೀರ್ ಇಂಜ ಜಾಗಕ್ ಬಾತ್. ಅಕ್ಕ ಆ ಅದಿಕಾರಿ: ನೋಟ್, ಇಲ್ಲಿ ನೀರ್ ಉಂಡ್, ನಾಕ್ ದೀಕ್ಷಾಸ್ನಾನ ತಪ್ಪಕ್ ತಡೆ ಏದೇಂಗಿ ಉಂಡಾಂದ್ ಕ್‍ೕಟತ್.

ಅಪೊಸ್ತಲ 8:37

ಅದ್ಂಗ್ ಫಿಲಿಪ್ಪ: ನೀನ್ ತ್‍ೕರ ಹೃದಯತ್‍ಲ್ ನಂಬ್‍ಚೇಂಗಿ ತಡೆ ಒಂದು ಇಲ್ಲೆ, ಅಕ್ಕ ಅಂವೊ, ಯೇಸು ಕ್ರಿಸ್ತ ದೇವಡ ಮೋಂವೋಂದ್ ನಾನ್ ನಂಬುವೀಂದ್ ಎಣ್ಣ್‌ಚಿ.

ಅಪೊಸ್ತಲ 9:22

ಆಚೇಂಗಿ ಸೌಲ ಇಂಞು ದುಂಬ ದೃಡವಾಯಿತ್ ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ. ಅಕ್ಕ ದಮಸ್ಕತ್‍ಲ್ ವಾಸಯಿಂಜ ಯೆಹೂದ್ಯಂಗಕ್ ಅಂವೊ ಎಣ್ಣ್‌ವದ್ ತಪ್ಪ್‍ೕಂದ್ ದೇವಡ ವಾಕ್ಯತ್ಂಜ ಕಾಟ್‍ವಕ್ ಕಯ್ಯತನೆಕೆ ಆಚಿ.

ರೋಮ್ 1:4

ಅಂವೊನ ದೇವ ಚತ್ತಯಿಂಗಡ ಮದ್ಯತ್ಂಜ ಪವಿತ್ರಾತ್ಮಂಡ ಶಕ್ತಿಲ್ ಜೀವವಾಯಿತ್ ಎಪ್ಪ್‌ಚಿಟ್ಟಗುಂಡ್, ಅಂವೊ ದೇವಡ ಮೋಂವೋಂದ್ ದೃಡವಾಯಿತ್ ಅರಿಚಿಟ್ಟತ್.

ಗಲಾತ್ಯ 1:16

ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಪ್ರಕಟನೆ 2:18

ಥುವತೈರ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ತಿತ್ತ್‌ರ ಜ್ವಾಲತ್‌ರನೆಕೆ ಕಣ್ಣ್ ಪಿಂಞ ಮಿನ್ನುವ ಬೊಳಿಯುಳ್ಳ ಪಿಚ್ಚೋಳೆರನೆಕೆ ಉಳ್ಳ ಕಾಲ್‍ರ ಅಡಿಯುಳ್ಳ ದೇವಡ ಮೋಂವೊ ಎಣ್ಣಿಯಂಡುಳ್ಳ.