ಅಪೊಸ್ತಲ 9:2 - ಕೊಡವ ಬೈಬಲ್

² ಯೇಸು ಕಾಟಿ ಕೊಡ್‍ತ ಮಾರ್ಗತ್‍ಲ್ ನಡ್ಂದಂಡುಳ್ಳಯಿಂಗ ದಾರಾಯಿತ್ಂಜತೇಂಗಿಯು, ಆಣಾಳ್ ಆಡ್ ಪೊಣ್ಣಾಳಾಡ್ ಅಂವೊ ಕಂಡತೇಂಗಿ, ಅಯಿಂಗಳ ಪುಡ್‌ಚಿತ್ ಬಂದಿಚಿಟ್ಟಿತ್ ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್, ದಮಸ್ಕ ಪಟ್ಟಣತ್‍ಲ್ ಉಳ್ಳ ಎಲ್ಲಾ ಸಬಾಮಂದಿರಕ್ ಕಾಗದ ಕೊಡ್‍ಕಂಡೂಂದ್ ಮಹಾ ಯಾಜಕಂಡ ಪಕ್ಕ ಬೋಡ್‍ಚಿ.

ಅಪೊಸ್ತಲ 9:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 14:15

ಬಯಿಟ್ ನೇರತ್‌ಲ್‌ ಅಂವೊನ ಪಿಂಞ ಅಂವೊಂಡ ಸೇವಕಂಗಳ ಬೋರೆ ಬೋರೆ ಗುಂಪಾಯಿತ್‌ ಮಾಡಿತ್‌ ಎಲ್ಲಾ ದಿಕ್ಕ್‌ಯಿಂಜ ಆಕ್ರಮಣ ಮಾಡ್‌ಚಿ. ಅಯಿಂಗಳ ದಮಸ್ಕ ಪಟ್ಟಣತ್‌ರ ಬಡಕ್‌ ದಿಕ್ಕ್‌ಲ್‌ ಉಳ್ಳ ಹೋಬಾ ಊರ್‌ಕತ್ತನೆ ದೌತಿಯಂಡ್‌ ಪೋಚಿ.

ಮತ್ತಾಯ 10:17

ಇದ್‍ಲ್ಲತೆ ಜನಡ ಕೂಡೆ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್, ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚಿಟ್ಟಿತ್ ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಅಪೊಸ್ತಲ 18:25

ಅಂವೊಂಗ್ ಒಡೆಯಂಡ ಬೋದನೆ ಕ್‍ಟ್ಟಿತ್ಂಜತ್, ಆಚೇಂಗಿಯು ಯೋಹಾನಂಡ ಮೂಲಕ ಮಾಡ್‌ವ ದೀಕ್ಷಾಸ್ನಾನತ್‍ನ ಮಾತ್ರ ಗೊತ್ತುಳ್ಳಂವೊನಾಯಿತ್ ಇಂಜತ್. ಅಂವೊ ಯೇಸುರ ಮಾರ್ಗತ್‍ನ ಅಚ್ಚಕ್ ಚಾಯಿಲ್ ಪಿಂಞ ದುಂಬ ಕುಶೀಲ್ ಬೋದನೆ ಮಾಡಿಯಂಡ್ ಬಾತ್.

ಅಪೊಸ್ತಲ 19:23

ಆ ಕಾಲತ್‍ಲ್ ಈ ಮಾರ್ಗತ್‍ರ ವಿಷಯತ್ ದುಂಬ ಗಲಿಬಿಲಿ ಆಚಿ.

ಅಪೊಸ್ತಲ 19:9

ಆಚೇಂಗಿ, ಚೆನ್ನ ಜನ ತಂಗಡ ಮನಸ್ಸ್‌ನ ಕಠಿಣ ಮಾಡಿಯಂಡ್ ನಂಬುಲೇಂದ್ ಎಣ್ಣ್‌ಚಿ. ಅಯಿಂಗ, ಎಲ್ಲಾಡ ಮಿಂಞತ್ ಈ ಬಟ್ಟೇರ ಬೋದನೆಕ್ ವಿರೋದವಾಯಿತ್ ಕೆಟ್ಟ ತಕ್ಕ್ ಪರ್ಂದಂಡ್ ಇಂಜತ್. ಅಕ್ಕ ಪೌಲ ಸಬಾಮಂದಿರತ್ಂಜ ಪೋಯಿತ್, ಯೇಸುನ ನಂಬ್‍ನಯಿಂಗಳ ಅಂವೊಂಡ ಕೂಡೆ ಕಾಕಿಯಂಡ್ ಪೋಚಿ. ಬಯ್ಯ ತುರನ್ನ ಎಣ್ಣುವ ಒಬ್ಬಂಡ ಪಾಠಶಾಲೆಲ್ ಪ್ರತಿ ದಿನ ಚರ್ಚೆ ಮಾಡಿಯಂಡ್ ಬೋದನೆ ಮಾಡ್‍ಚಿ.

ಅಪೊಸ್ತಲ 24:14

ಒರ್ ವಿಷಯತ್‍ನ ಮಾತ್ರ ನಾನ್ ನಿಂಗಡ ಮಿಂಞತ್‍ಲ್ ಒತ್ತೊವಿ. ಅದ್ ಎಂತ ಎಣ್ಣ್‌ಚೇಂಗಿ: ಈಂಗ ಕಳ್ಳ ಬೋದನೇಂದ್ ಎಣ್ಣ್‌ವ ಈ ಮಾರ್ಗತ್‍ರನೆಕೆ, ನಾನ್ ನಂಗಡ ಅಜ್ಜಂಗಡ ದೇವನ ಆರಾದನೆ ಮಾಡಿಯಂಡ್, ಮೋಶೇರ ನ್ಯಾಯಪ್ರಮಾಣತ್‍ಲ್ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ಲ್ ಒಳ್‍ದಿತುಳ್ಳ ವಿಷಯನೆಲ್ಲ ನಂಬಿಯಂಡುಂಡ್.

ಅಪೊಸ್ತಲ 24:22

ಫೇಲಿಕ್ಸ ಕ್ರಿಸ್ತಂಡ ಮಾರ್ಗತ್‍ನ ಚಾಯಿತೆ ಅರಿಂಜಂವೊನಾನಗುಂಡ್, ಇದ್‍ನೆಲ್ಲ ಕ್‍ೕಪಕ, ಅಂವೊ ಅಯಿಂಗಳ ನೋಟಿತ್: ಸೇನೆರ ಅದಿಕಾರಿಯಾನ ಲೂಸ್ಯ ಬಪ್ಪಕ, ಈ ಕಾರ್ಯತ್‍ನ ತೀರ್ಮಾನ ಮಾಡ್‌ವೀಂದ್ ಎಣ್ಣಿತ್ ವಿಚಾರಣೆನ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 26:10

ಅನ್ನನೆ ಯೆರೂಸಲೇಮ್‍ಲು ಮಾಡಿಯೆ. ಮುಕ್ಯ ಯಾಜಕಂಗಯಿಂಜ ಅದಿಕಾರತ್‍ನ ಪಡ್ಂದಿತ್, ಯೇಸುನ ನಂಬ್‍ನ ದುಂಬ ದೇವಡ ಮಕ್ಕಳ ಜೈಲ್‌ಕ್ ಇಟ್ಟಿತ್, ಅದಲ್ಲತೆ ಅಯಿಂಗಕ್ ಮರಣ ಶಿಕ್ಷೇರ ತೀರ್ಪ್ ಕ್‍ಟ್ಟ್‌ವಕ, ನಾಡ ಒತ್ತಾಸೆನೆ ಸಹ ಕೊಡ್‌ತಿಯೆ.

ಅಪೊಸ್ತಲ 26:12

ಈ ಉದ್ದೇಶತ್‍ಲ್, ನಾನ್ ಮುಕ್ಯ ಯಾಜಕಂಗಡ ಅದಿಕಾರತ್‍ನ ಪಿಂಞ ಹುಕುಮ್‍ನ ಪಡ್ಂದಿತ್ ನಾನ್ ದಮಸ್ಕ ಪಟ್ಟಣತ್‍ರ ಬಟ್ಟೇಲ್ ಪೋಯಂಡಿಪ್ಪಕ,

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.

ಅಪೊಸ್ತಲ 7:19

ಈ ರಾಜ ನಂಗಡ ಜನಳ ವಂಚನೆಯಿಂಜ ನಡ್‍ತಿತ್, ನಂಗಡ ಮುತ್ತಜ್ಜಂಗಕ್ ಪುಟ್ಟ್‌ವ ಕುಂಞಿಯಳ ಜೀವವಾಯಿತ್ ಇಕ್ಕತನೆಕೆ, ಅಯಿಂಗ ಕುಂಞಿಯಳ ಚಾಡ್‌ವನೆಕೆ ಮಾಡಿತ್ ಅಯಿಂಗಳ ಕ್ರೂರವಾಯಿತ್ ನಡ್‍ತ್‍ಚಿ.

ಅಪೊಸ್ತಲ 9:14

ಪಿಂಞ ಇಲ್ಲಿಯು ನೀಡ ಪೆದತ್‍ಲ್ ಆರಾದನೆ ಮಾಡ್‌ವಯಿಂಗಳ ಬಂದನೆ ಮಾಡ್‌ವ ಅದಿಕಾರತ್‍ನ ಮುಕ್ಯ ಯಾಜಕಯಿಂಜ ಪಡ್ಂದಿತುಂಡ್.

ಅಪೊಸ್ತಲ 9:21

ಕ್‍ೕಟಯಿಂಗ ಎಲ್ಲಾರು ಆಶ್ಚರ್ಯಪಟ್ಟಿತ್: ಯೆರೂಸಲೇಮ್‍ಲ್ ಈ ಪೆದತ್‍ನ ಎಣ್ಣ್‌ವಯಿಂಗಳ ಪಾಳ್ ಮಾಡಿತ್, ಇಲ್ಲಿಯು ಅನ್ನನೆ ಉಳ್ಳ ಜನಳ ಬಂದಿಚಿಟ್ಟಿತ್, ಮುಕ್ಯ ಯಾಜಕಂಗಡ ಪಕ್ಕ ಕಾಕಿಯಂಡ್ ಪೋಪಕಾಯಿತ್ ಬಂದಂವೊ ಇಂವೊ ತಾನೇಂದ್ ಕ್‍ೕಟತ್.

2 ಕೊರಿಂಥ 11:32

ದಮಸ್ಕ ಪಟ್ಟಣತ್‍ಲ್ ಅರೇತ ರಾಜಂಡ ಸೇನೆರ ಅದಿಕಾರಿ ನನ್ನ ಪುಡಿಕಂಡೂಂದ್ ದಮಸ್ಕ ಪಟ್ಟಣತ್‍ರ ಬಾಯಿಕಂಡಿಲ್ ಸಿಪಾಯಿಯಳ ಕಾಪಕ್ ನಿಪ್ಪ್‌ಚಿಟ್ಟತ್.

ಗಲಾತ್ಯ 1:17

ನಾಕಿಂಜ ಮಿಂಞಲೇ ಅಪೊಸ್ತಲನಾಯಿತ್ಂಜಯಿಂಗಡ ಪಕ್ಕ ಯೆರೂಸಲೇಮ್‌ಕ್ ಪೋಕತೆ, ಅರಬಿ ದೇಶಕ್ ಪೋಯಿತ್ ದಮಸ್ಕ ಎಣ್ಣುವ ಪಟ್ಟಣಕ್ ಪುನಃ ವಾಪಸ್ ಬಾತ್.