ಅಪೊಸ್ತಲ 9:19 - ಕೊಡವ ಬೈಬಲ್

¹⁹ ಪಿಂಞ ಅಂವೊ ಉಂಡಿತ್ ಬಲಪಟ್ಟತ್. ಸೌಲ ದಮಸ್ಕತ್‍ಲ್ ಇಂಜ ಯೇಸುನ ನಂಬ್‍ನಯಿಂಗಡ ಕೂಡೆ ಚೆನ್ನ ದಿವಸ ಇಂಜತ್.

ಅಪೊಸ್ತಲ 9:19 ပူးပေါင်းရင်းမြစ်များ

ಅಪೊಸ್ತಲ 11:26

ಅಂವೊನ ಅಲ್ಲಿ ಕಂಡಿತ್ ಅಂತಿಯೋಕ್ಯಕ್ ಕಾಕಿಯಂಡ್ ಬಾತ್. ಅಲ್ಲಿ ಅಯಿಂಗ ಒರ್ ಕಾಲಕತ್ತನೆ ಸಬೆರ ಜನಡ ಕೂಡೆ ಇಂಜಿತ್, ದುಂಬ ಜನಡ ಗುಂಪ್‌ಕ್ ಬೋದನೆ ಮಾಡಿಯಂಡಿಂಜತ್. ಅಂತಿಯೋಕ್ಯ ಪಟ್ಟಣತ್‍ಲ್ಲೇ ಯೇಸುನ ನಂಬ್‍ನಯಿಂಗಕ್ ಕ್ರಿಸ್ತಂಗಾಂದ್ ಆದ್ಯತ್ ಪೆದ ಕ್‍ಟ್ಟ್‌ಚಿ.

ಅಪೊಸ್ತಲ 11:29

ಅಕ್ಕ ಯೇಸುನ ನಂಬ್‍ನ ಓರೋರ್ ಅಣ್ಣತಮ್ಮಣಂಗಳು ಅಯಿಂಗಯಿಂಗಕ್ ಕಯ್ಯುವಚ್ಚಕ್ ಯೂದಾಯ ಪ್ರಾಂತ್ಯತ್‍ಲ್ ವಾಸ ಮಾಡಿಯಂಡುಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕ್ ತೀರ್ಮಾನ ಎಡ್‍ತತ್.

ಅಪೊಸ್ತಲ 26:20

ಅಕ್ಕ, ಆದ್ಯವಾಯಿತ್ ದಮಸ್ಕತ್‍ಲ್, ಅಲ್ಲಿಂಜ ಯೆರೂಸಲೇಮ್‍ಲ್, ಯೂದಾಯತ್‍ಲ್ ಎಲ್ಲಾ ಸೀಮೆಲ್ ಪಿಂಞ ಯೆಹೂದ್ಯಂಗಲ್ಲತಯಿಂಗಕ್ ಸಹ ಪೋಯಿತ್ ಬೋದನೆ ಮಾಡ್‍ನ. ಅಯಿಂಗ ಪಾಪತ್ಂಜ ತಿರಿತ್, ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಬರಂಡೂಂದು, ಪಿಂಞ ಅಯಿಂಗ ದೇವಡ ಪಕ್ಕ ತಿರಿರ್‌ತ್‍ೕಂದ್ ಕಾಂಬ್‍ಚಿಡುವನೆಕೆ, ಯೋಗ್ಯವಾನ ಬದ್‍ಕ್ ಬದ್‍ಕಂಡೂಂದ್ ಅಯಿಂಗಕ್ ಎಣ್ಣಿಯೆ.

ಅಪೊಸ್ತಲ 9:18

ಅಕ್ಕಲೆ ಅಂವೊಂಡ ಕಣ್ಣಿಂಜ ಮೀನ್‌ರ ಚೊಳಿಕೆರನೆಕೆ ಎಂತದೊ ಒಂದ್ ಬುದ್ದತ್. ಅಕ್ಕಲೆ ಅಂವೊಂಗ್ ಕಣ್ಣ್ ತೊರಂದಿತ್, ಎದ್ದಿತ್, ದೀಕ್ಷಾಸ್ನಾನ ಎಡ್‍ತತ್.

ಅಪೊಸ್ತಲ 9:26

ಅಂವೊ ಯೆರೂಸಲೇಮ್‌ಕ್ ಬಂದ ಪಿಂಞ ಯೇಸುನ ನಂಬ್‍ನಯಿಂಗಡ ಕೂಡೆ ಕೂಡ್‍ವಕ್ ಪ್ರಯತ್ನಪಟ್ಟತ್. ಆಚೇಂಗಿ ಅಯಿಂಗ ಅಂವೊ ನೇರಾಯಿತು ಯೇಸುನ ನಂಬಿತುಂಡಾಂದ್ ಎಲ್ಲಾರು ಅಂವೊಂಡ ವಿಷಯತ್ ಪೋಡಿಲ್ ಇಂಜತ್.

ಅಪೊಸ್ತಲ 9:38

ಯೊಪ್ಪ ಪಟ್ಟಣ, ಲುದ್ದ ಊರ್‌ಕ್ ದುಂಬ ಪಕ್ಕತ್‍ಲ್ ಇಂಜತ್. ಆನಗುಂಡ್ ಯೊಪ್ಪ ಪಟ್ಟಣತ್‍ಲ್ ಇಂಜ ಯೇಸುನ ನಂಬ್‍ನಯಿಂಗಕ್, ಪೇತ್ರ ಲುದ್ದ ಊರ್‌ಲ್ ಉಂಡ್‍ೕಂದ್ ಗೊತ್ತಾನ ಪಿಂಞ, ತಡೆಮಾಡತೆ ಇಲ್ಲಿ ಬಾಂದ್ ದಂಡಾಳ್‌ರ ಪಕ್ಕ ಸುದ್ದಿ ಅಯಿಚಿತ್.

ಗಲಾತ್ಯ 1:17

ನಾಕಿಂಜ ಮಿಂಞಲೇ ಅಪೊಸ್ತಲನಾಯಿತ್ಂಜಯಿಂಗಡ ಪಕ್ಕ ಯೆರೂಸಲೇಮ್‌ಕ್ ಪೋಕತೆ, ಅರಬಿ ದೇಶಕ್ ಪೋಯಿತ್ ದಮಸ್ಕ ಎಣ್ಣುವ ಪಟ್ಟಣಕ್ ಪುನಃ ವಾಪಸ್ ಬಾತ್.