ಅಪೊಸ್ತಲ 9:16 - ಕೊಡವ ಬೈಬಲ್

¹⁶ ಅಂವೊ ನಾಡ ಪೆದತ್‍ರಗುಂಡ್ ಎಚ್ಚಕ್ ಹಿಂಸೆ ಅನುಬವಿಚಿಡಂಡೂಂದ್ ನಾನ್ ಅಂವೊಂಗ್ ಕಾಟಿ ಕೊಡ್‌ಪೀಂದ್ ಎಣ್ಣ್‌ಚಿ.

ಅಪೊಸ್ತಲ 9:16 ပူးပေါင်းရင်းမြစ်များ

ಮತ್ತಾಯ 24:9

ಅಕ್ಕ ನಿಂಗಳ ಹಿಂಸೆ ಮಾಡ್‌ವಕಾಯಿತ್ ಒಪ್ಪ್‌ಚಿಟ್ಟಿತ್, ನಿಂಗಳ ಕೊಲ್ಲ್‌ಚಿಡುವ. ನಾಡ ಪೆದತ್‍ನಗುಂಡ್ ಎಲ್ಲಾ ದೇಶತ್‍ರ ಜನ ನಿಂಗಳ ದ್ವೇಶ ಮಾಡ್‌ವ.

ಮತ್ತಾಯ 5:11

ಜನ ನಿಂಗಳ ನಾಡಗುಂಡ್ ಅವಮಾನ ಮಾಡಿತ್, ಹಿಂಸೆ ಮಾಡಿತ್ ಪಿಂಞ ನಿಂಗಡ ಮೇಲೆ ಕೆಟ್ಟ ತಕ್ಕ್ ಪರ್ಂದತೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ;

ಯೋಹಾನ 15:20

ಒರ್ ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೇಂದ್ ನಾನ್ ನಿಂಗಕ್ ಎಣ್ಣ್‌ನ ತಕ್ಕ್‌ನ ನಿಂಗ ಗೇನ ಮಾಡಿಯೊಳಿ. ಅಯಿಂಗ ನಾಕ್ ಹಿಂಸೆ ತಂದಕ ನಿಂಗಕು ಹಿಂಸೆ ತಪ್ಪ; ಅಯಿಂಗ ನಾಡ ತಕ್ಕ್‌ರ ಪ್ರಕಾರ ನಡ್ಂದತೇಂಗಿ, ನಿಂಗಡ ತಕ್ಕ್‌ರ ಪ್ರಕಾರ ಸಹ ನಡ್‍ಪ.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 21:11

ಅಂವೊ ನಂಗಡ ಪಕ್ಕ ಬಂದಿತ್, ಪೌಲಂಡ ಅರೆಪಟ್ಟಿನ ಎಡ್‍ತಿತ್ ಅಂವೊಂಡ ಕಾಲ್‌ಕೈಯಿನ ಆ ಪಟ್ಟಿಲ್ ಕೆಟ್ಟಿಯಂಡತ್. ಅಂವೊ ನಂಗಳ ನೋಟಿತ್: ಈ ಅರೆ ಪಟ್ಟಿ ದಾಡದೋ, ಅಂವೊನ ಯೆರೂಸಲೇಮ್‍ರ ಯೆಹೂದ್ಯಂಗ ಇನ್ನನೆ ಕೆಟ್ಟಿತ್ ಅಲ್ಲಿಯತ್‍ರ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಒಪ್ಪ್‌ಚಿಡುವಾಂದ್ ಪವಿತ್ರಾತ್ಮ ಎಣ್ಣಿಯಂಡ್ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 21:13

ಆಚೇಂಗಿ ಪೌಲ: ನಿಂಗ ಎನ್ನಂಗ್ ಇನ್ನನೆ ಮೊರಟಂಡ್, ನಾಡ ಹೃದಯ ತಳ್ಂದ್ ಪೋಪನೆಕೆ ಮಾಡ್‌ವಿರ? ನಾನ್ ಒಡೆಯನಾನ ಯೇಸುರ ಪೆದಕಾಯಿತ್ ಯೆರೂಸಲೇಮ್‍ಲ್ ಜೈಲ್‌ಕ್ ಪೋಪಕ್ ಮಾತ್ರ ಅಲ್ಲ, ಚಾವಕು ತಯಾರಾಯಿತ್ ಉಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 21:4

ಅಲ್ಲಿ ಇಂಜ ಯೇಸುನ ನಂಬ್‍ನಯಿಂಗಳ ತ್‍ೕಡಿ ಕಂಡ್‍ಪುಡ್‌ಚಿತ್ ನಂಗ ಅಯಿಂಗಡ ಕೂಡೆ ಒರ್ ವಾರ ಒಳಿಂಜಿತ್. ಅಯಿಂಗ ಪೌಲನ ನೋಟಿತ್: ನೀನ್ ಯೆರೂಸಲೇಮ್‌ಕ್ ಪೋಪದ್ ಬೋಂಡಾಂದ್ ಪವಿತ್ರಾತ್ಮತ್‍ರ ಪ್ರೇರಣೆಯಿಂಜ ಎಣ್ಣ್‌ಚಿ.

ಅಪೊಸ್ತಲ 9:14

ಪಿಂಞ ಇಲ್ಲಿಯು ನೀಡ ಪೆದತ್‍ಲ್ ಆರಾದನೆ ಮಾಡ್‌ವಯಿಂಗಳ ಬಂದನೆ ಮಾಡ್‌ವ ಅದಿಕಾರತ್‍ನ ಮುಕ್ಯ ಯಾಜಕಯಿಂಜ ಪಡ್ಂದಿತುಂಡ್.

ಅಪೊಸ್ತಲ 9:6

ಇಕ್ಕ ನೀನ್ ಎದ್ದಿತ್ ಊರ್‌ರ ಒಳ್‍ಕ್ ಪೋ, ನೀನ್ ಎಂತ ಮಾಡಡೂಂದ್ ಉಳ್ಳದ್‍ನ ಅಲ್ಲಿ ನೀಕ್ ಎಣ್ಣುವಾಂದ್ ಎಣ್ಣ್‌ಚಿ.

2 ಕೊರಿಂಥ 6:4

ಬಲ್ಯ ಪೊರುಮೇಲ್ ಎಲ್ಲಾ ಹಿಂಸೆನ, ಕಷ್ಟತ್‍ನ, ನೊಂಬಲತ್‍ನ ನಂಗ ಸಹಿಸಿಯಂಡ್ ಉಂಡ್.

1 ಥೆಸಲೊನೀಕ 3:3

ಅಕ್ಕ, ದಾರೂ ನಿಂಗಳ ನಿಂಗಡ ನಂಬಿಕೆಯಿಂಜ ಬಲಿಪಕ್ ಕಯ್ಯುಲೆ. ನಂಗ ಯೇಸುರ ಬಯ್ಯಕ್ ಬಪ್ಪಕ, ಜನ ನಂಗಳ ಹಿಂಸೆ ಮಾಡ್‌ವಾಂದ್ ಉಳ್ಳದ್ ದೇವಡ ಚಿತ್ತಾಂದ್ ನಿಂಗಕ್ ಗೊತ್ತುಂಡಲ್ಲ.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

2 ತಿಮೊಥೆಯ 3:11

ಅಂತಿಯೋಕ್ಯ, ಇಕೋನ್ಯ ಪಿಂಞ ಲುಸ್ತ್ರ ಎಣ್ಣುವ ಪಟ್ಟಣತ್‍ಲ್ ನಾಕ್ ನಡ್ಂದ ದೇವಡ ವಿಷಯಕಾಯಿತ್ ಕ್‍ಟ್ಟ್‌ನ ಹಿಂಸೆ ಪಿಂಞ ಕಷ್ಟವೆಲ್ಲ ನೀಕ್ ಚಾಯಿತೆ ಗೊತ್ತುಂಡ್. ಅಂತು, ದೇವ ನನ್ನ ಈ ಎಲ್ಲಾ ಕಷ್ಟತ್ಂಜ ಬಚಾವ್ ಮಾಡ್‍ಚಿ.

1 ಪೇತ್ರ 4:14

ಕ್ರಿಸ್ತಂಡ ಪೆದಕಾಯಿತ್ ಜನ ನಿಂಗಳ ಏಜುವದಾಚೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ, ಮಹಿಮೇರ ಆತ್ಮವಾನ ದೇವಡ ಆತ್ಮ ನಿಂಗಡ ಮೇಲೆ ವಾಸ ಮಾಡ್‌ವ.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.