ಅಪೊಸ್ತಲ 9:11 - ಕೊಡವ ಬೈಬಲ್

¹¹ ಒಡೆಯ ಅಂವೊಂಗ್: ನೀನ್ ಎದ್ದಿತ್ ನೇರೆಬೀದಿ ಎಣ್ಣುವ ಬೀದಿಕ್ ಪೋಯಿತ್, ಯೂದಂಡ ಮನೆಲ್ ತಾರ್ಸ ಪಟ್ಟಣತ್‍ರ ಸೌಲ ಎಣ್ಣ್‌ವಂವೊನ ತ್‍ೕಡ್. ಅಂವೊ ಇಕ್ಕ ಪ್ರಾರ್ಥನೆ ಮಾಡಿಯಂಡುಂಡ್.

ಅಪೊಸ್ತಲ 9:11 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:8

ದುಷ್ಟಂಗ ಕೊಡ್‌ಪ ಬಲಿ ಯೆಹೋವಂಗ್‌ ಅಸಹ್ಯವಾಯಿತುಂಡ್. ಆಚೇಂಗಿ ಸತ್ಯವಂತಯಿಂಗಡ ಪ್ರಾರ್ಥನೆ ಅಂವೊಂಗ್‌ ದುಂಬ ಕುಶಿ.

ಯೋಹಾನ 4:10

ಅಕ್ಕ ಯೇಸು ಅವಕ್: ದೇವಡ ದಾನ ನೀಕ್ ಗೊತ್ತಾಯಿತ್, ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟಂವೊ ದಾರ್‍ೕಂದ್ ನೀಕ್ ಗೊತ್ತ್‌ಂಜತೇಂಗಿ, ನೀನೇ ಅಂವೊಂಡ ಪಕ್ಕ ಕ್‍ೕಟಿತ್‌ಪ್ಪಿಯ, ಅಂವೊ ನೀಕ್ ಜೀವತ್‍ರ ನೀರ್‌ನ ಕೊಡ್‍ತಿತ್‌ಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 11:13

ಅಂವೊ ತಾಂಡ ಮನೆಲ್ ಎನ್ನನೆ ಒರ್ ದೇವದೂತನ ಕಂಡತ್‍ೕಂದೂ, ಯೊಪ್ಪ ಪಟ್ಟಣತ್‍ಲ್ ಉಳ್ಳ ಪೇತ್ರ ಎಣ್ಣುವ ಸೀಮೋನನ ಕಾಕ್‍ವಕ್, ಜನಳ ಅಯಿಚಿಕೊಡ್;

ಅಪೊಸ್ತಲ 11:25

ಅಲ್ಲಿಂಜ ಬಾರ್ನಬ ಸೌಲನ ತ್‍ೕಡಿಯಂಡ್ ತಾರ್ಸ ಪಟ್ಟಣಕ್ ಪೊರಟ್ ಪೋಚಿ.

ಅಪೊಸ್ತಲ 2:21

ಆಚೇಂಗಿ, ಒಡೆಯಂಡ ಪೆದತ್‍ನ ಕಾಕ್‌ವಯಿಂಗೆಲ್ಲ ಬಚಾವಾಪಾಂದ್ ದೇವ ಎಣ್ಣಿತುಂಡ್.

ಅಪೊಸ್ತಲ 21:39

ಅದ್ಂಗ್ ಪೌಲ, ನಾನ್ ಒರ್ ಯೆಹೂದ್ಯ ಮನುಷ್ಯ, ಕಿಲಿಕ್ಯ ಪ್ರಾಂತ್ಯತ್‍ರ ಮುಕ್ಯಪಟ್ಟ ಪಟ್ಟಣವಾನ ತಾರ್ಸ ಪಟ್ಟಣತ್‍ರ ಪ್ರಜೆ. ಈ ಜನಡ ಕೂಡೆ ಚೆನ್ನ ತಕ್ಕ್ ಪರಿಯುವಕ್ ನಾಕ್ ಅಪ್ಪಣೆ ತರಂಡೂಂದ್ ಕ್‍ೕಟತ್.

ಅಪೊಸ್ತಲ 22:3

ನಾನ್ ಕಿಲಿಕ್ಯ ದೇಶತ್‍ರ ತಾರ್ಸ ಪಟ್ಟಣತ್‍ಲ್, ಯೆಹೂದ್ಯ ಕುಲತ್‍ಲ್ ಪುಟ್ಟ್‌ನಂವೊ. ಆಚೇಂಗಿ ಈ ಪಟ್ಟಣತ್‍ಲ್ ಬೊಳ್ಂದಿಯೆ. ಗಮಲಿಯೇಲಂಡ ಅಡಿಲ್ ನಂಗಡ ಅಜ್ಜಂಗಡ ನ್ಯಾಯಪ್ರಮಾಣತ್‍ರನೆಕೆ ಕ್ರಮವಾಯಿತ್ ಪಡಿಚಿಯೆ. ನಿಂಗೆಲ್ಲಾರು ಈ ದಿವಸ ದೇವಡ ವಿಷಯತ್‍ಲ್ ಎಚ್ಚಕ್ ವೈರಾಗ್ಯತ್‍ಲ್ ಉಳ್ಳಿರೋ, ಅನ್ನನೆ ನಾನ್ ಸಹ ವೈರಾಗ್ಯತ್‍ಲ್ ಇಂಜ.

ಅಪೊಸ್ತಲ 8:22

ಆನಗುಂಡ್ ಇಕ್ಕ ನೀನ್ ಕ್‍ೕಟದ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಒಡೆಯಂಡ ಪಕ್ಕ ಪ್ರಾರ್ಥನೆ ಮಾಡ್; ನೀಡ ಹೃದಯತ್‍ರ ಗೇನತ್‍ನ ಅಂವೊ ಮನ್ನಿಚಿಡ್‌ವಕ್ ಆಪ.

ಅಪೊಸ್ತಲ 8:26

ಪಿಂಞ, ಒರ್ ದಿವಸ ಒಡೆಯಂಡ ದೂತ ಫಿಲಿಪ್ಪಂಗ್: ನೀನ್ ದಕ್ಷಿಣ ದಿಕ್ಕ್‌ಲ್, ಯೆರೂಸಲೇಮ್ಂಜ ಗಾಜ ಪಟ್ಟಣಕ್ ಪೋಪ ಮಣಬೂಮಿರ ಬಟ್ಟೇಲ್ ಪೋಂದ್ ಎಣ್ಣ್‌ಚಿ.

ಅಪೊಸ್ತಲ 9:30

ಅಂವೊಂಡ ಕೂಡೆ ಇಂಜ ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ಇದ್ ಗೊತ್ತಾಪಕ ಅಯಿಂಗ ಅಂವೊನ ಕೈಸರೈಕ್ ಕಾಕಿಯಂಡ್ ಪೋಯಿತ್ ಅಲ್ಲಿಂಜ ಅಂವೊನ ಅಂವೊಂಡ ಸ್ವಂತ ಊರಾನ ತಾರ್ಸಕ್ ಅಯಿಚತ್.