ಅಪೊಸ್ತಲ 9:10 - ಕೊಡವ ಬೈಬಲ್

¹⁰ ದಮಸ್ಕತ್‍ಲ್ ಅನನೀಯ ಎಣ್ಣ್‌ವ ಯೇಸುನ ನಂಬುನ ಒಬ್ಬ ಇಂಜತ್; ಅಂವೊಂಗ್ ಒಡೆಯ ದರ್ಶನತ್‍ಲ್ ಬಂದಿತ್: ಅನನೀಯನೇಂದ್ ಕಾಕ್‍ವಕ, ಅಂವೊ: ಒಡೆಯನೇ, ಇದಾ, ನಾನ್ ಇಲ್ಲಿ ಉಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 9:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 14:15

ಬಯಿಟ್ ನೇರತ್‌ಲ್‌ ಅಂವೊನ ಪಿಂಞ ಅಂವೊಂಡ ಸೇವಕಂಗಳ ಬೋರೆ ಬೋರೆ ಗುಂಪಾಯಿತ್‌ ಮಾಡಿತ್‌ ಎಲ್ಲಾ ದಿಕ್ಕ್‌ಯಿಂಜ ಆಕ್ರಮಣ ಮಾಡ್‌ಚಿ. ಅಯಿಂಗಳ ದಮಸ್ಕ ಪಟ್ಟಣತ್‌ರ ಬಡಕ್‌ ದಿಕ್ಕ್‌ಲ್‌ ಉಳ್ಳ ಹೋಬಾ ಊರ್‌ಕತ್ತನೆ ದೌತಿಯಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 22:1

ಈ ಕಾರ್ಯಯೆಲ್ಲ ಆನ ಪಿಂಞ, ದೇವ ಅಬ್ರಹಾಮಂಡ ನಂಬಿಕೆನ ಪರೀಕ್ಷೆ ಮಾಡ್‌ಚಿ; ಅದ್‌ ಎನ್ನನೆ ಎಣ್ಣ್‌ಚೇಂಗಿ, ದೇವ: ಅಬ್ರಹಾಮನೇಂದ್‌ ಕಾಕ್‌ಚಿ. ಅದ್‌ಂಗ್‌ ಅಬ್ರಹಾಮ: ಅಕ್ಕು, ನಾನ್‌ ಇಲ್ಲಿಯೇ ಉಳ್ಳಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 31:11

ಪಿಂಞ ಆ ಸ್ವಪ್ನತ್‌ಲ್‌ ದೇವದೂತ ಒಬ್ಬ: ಯಾಕೋಬಾಂದ್‌ ಕಾಕ್‌ಚಿ. ಅದ್‌ಂಗ್‌ ನಾನ್: ಇದಾ, ಇಲ್ಲಿ ಉಳ್ಳಂದ್‌ ಎಣ್ಣ್‌ನ.

ಅಪೊಸ್ತಲ 10:3

ಒರ್ ದಿವಸ ಮಜ್ಜಣ, ಸುಮಾರ್ ಮೂಂದ್ ಗಂಟೆ ಸಮಯತ್‍ಲ್ ಅಂವೊ ಒರ್ ದರ್ಶನ ಕಂಡತ್. ದರ್ಶನತ್‍ಲ್ ಒರ್ ದೇವದೂತ ತಾಂಡ ಪಕ್ಕ ಬಂತ್: ಕೊರ್ನೇಲ್ಯನೇಂದ್ ಕಾಕ್‍ವಾನ ಕಂಡತ್.

ಅಪೊಸ್ತಲ 11:5

ನಾನ್ ಯೊಪ್ಪ ಪಟ್ಟಣತ್‍ಲ್ ಪ್ರಾರ್ಥನೆ ಮಾಡಿಯಂಡಿಪ್ಪಕ ಒರ್ ದರ್ಶನ ಕಂಡಿಯೆ. ದರ್ಶನತ್‍ಲ್, ಕಂಬಳಿರನೆಕೆ ಒರ್ ಬಲ್ಯ ಬಟ್ಟೆ, ನಾಲ್ ಮೂಲೆಲ್ ಕೆಟ್ಟಿತ್ ಬಾನತ್ಂಜ ಇಳಿಂಜಿ ನಾಡ ಪಕ್ಕ ಬಪ್ಪಾನ ಕಂಡಿಯೆ.

ಅಪೊಸ್ತಲ 12:9

ಅನ್ನನೆ ಪೇತ್ರ ಜೈಲ್‍ಯಿಂಜ ಪೊರಟಿತ್ ದೂತಂಡ ಬಯ್ಯ ಪೋಯಂಡ್, ದೂತ ಮಾಡ್‍ನದೆಲ್ಲ ಸತ್ಯಾಂದ್ ಅರಿಯತೆ, ಅಂವೊ ಒರ್ ದರ್ಶನ ಕಂಡಂಡುಂಡ್‍ೕಂದ್ ಗೇನ ಮಾಡ್‍ಚಿ.

ಅಪೊಸ್ತಲ 16:10

ಅಂವೊಂಗ್ ಆ ದರ್ಶನ ಕ್‍ಟ್ಟ್‌ನ ಪಿಂಞ, ದೇವ ಆ ಸೀಮೆಲ್ ಉಳ್ಳಯಿಂಗಕ್ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಂಗಳ ಕಾಕ್‍ಚೀಂದ್ ನಂಗಕ್ ಕಂಡಿತವಾಯಿತ್ ಗೊತ್ತಾನಗುಂಡ್, ನಂಗ ಮಕೆದೋನ್ಯಕ್ ಪೋಪಕ್ ಪ್ರಯತ್ನಪಟ್ಟತ್.

ಅಪೊಸ್ತಲ 16:9

ಅಲ್ಲಿ ಅಂದ್ ಬಯಿಟ್, ಪೌಲ ಒರ್ ದರ್ಶನ ಕಂಡತ್. ಅದ್ ಎಂತ ಎಣ್ಣ್‌ಚೇಂಗಿ, ಮಕೆದೋನ್ಯ ದೇಶತ್‍ರ ಒರ್ ಮನುಷ್ಯ ನಿಂದಂಡ್: ನೀನ್ ಸಮುದ್ರತ್‍ನ ದಾಟಿತ್ ಮಕೆದೋನ್ಯಕ್ ಬಂದಿತ್ ನಂಗಕ್ ಸಹಾಯ ಮಾಡ್‍ೕಂದ್ ಅಂವೊನ ಕ್‍ೕಟಂಡತ್.

ಅಪೊಸ್ತಲ 18:9

ಒರ್ ಬಯಿಟ್ ನೇರತ್ ಒಡೆಯ, ಪೌಲಂಗ್ ದರ್ಶನತ್‍ಲ್: ನೀನ್ ಬೊತ್ತತೆ, ನೀನ್ ದೈರ್ಯವಾಯಿತ್ ಜನಕ್ ಬೋದನೆ ಮಾಡಿಯಂಡಿರ್, ಮುಂಡತೆ ಇರತೆ.

ಅಪೊಸ್ತಲ 2:17

ಕಡೆ ಕಾಲತ್‍ಲ್ ನಾನ್ ಎಲ್ಲಾ ಮನುಷ್ಯಂಗಡ ಮೇಲೆ ನಾಡ ಆತ್ಮತ್‌ನ ಬೂಕುವಿ. ಅಕ್ಕ ನಿಂಗಡ ಮೋನಿಯಂಗ, ಮೋಳಿಯ ಪ್ರವಾದನೆ ಎಣ್ಣುವ. ನಿಂಗಡ ಬಾಲೆಕಾರ ಮಕ್ಕ ದರ್ಶನ ಕಾಂಬ. ನಿಂಗಡ ಪೆರಿಯಯಿಂಗ ಸ್ವಪ್ನ ಕಾಂಬ.

ಅಪೊಸ್ತಲ 22:12

ಅಲ್ಲಿ ನ್ಯಾಯಪ್ರಮಾಣತ್‍ರ ಪ್ರಕಾರ ದೇವಡ ಮೇಲೆ ಬಕ್ತಿಯುಳ್ಳಂವೊನು, ಆ ಜಾಗತ್‍ಲ್ ಎಲ್ಲಾ ಯೆಹೂದ್ಯಂಗಡಡೆ‍ಲ್ ಮರ್ಯಾದೆ ಪಡ್ಂದಂವೊನು ಆನ ಅನನೀಯ ಎಣ್ಣುವ ಒರ್ ಮನುಷ್ಯ ವಾಸ ಮಾಡಿಯಂಡಿಂಜತ್.

ಅಪೊಸ್ತಲ 9:12

ಅಂವೊ, ಅನನೀಯ ಎಣ್ಣುವ ಒರ್ ಮನುಷ್ಯ ಅಂವೊಂಡ ಪಕ್ಕ ಪೋಯಿತ್, ಅಂವೊಂಗ್ ಕಣ್ಣ್ ಕಾಂಬನೆಕೆ ಅಂವೊಂಡ ಮೇಲೆ ಕೈ ಬೆಪ್ಪದ್‍ನ ಒರ್ ದರ್ಶನತ್‍ಲ್ ಕಂಡಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 9:9

ಮೂಂದ್ ದಿವಸ ಅಂವೊ ಕಣ್ಣ್ ಕಾಂಗತಂವೊನಾಯಿತ್, ಒಂದು ತಿಂಗತೆ, ಕುಡಿಕತೆ ಇಂಜತ್.

2 ಕೊರಿಂಥ 11:32

ದಮಸ್ಕ ಪಟ್ಟಣತ್‍ಲ್ ಅರೇತ ರಾಜಂಡ ಸೇನೆರ ಅದಿಕಾರಿ ನನ್ನ ಪುಡಿಕಂಡೂಂದ್ ದಮಸ್ಕ ಪಟ್ಟಣತ್‍ರ ಬಾಯಿಕಂಡಿಲ್ ಸಿಪಾಯಿಯಳ ಕಾಪಕ್ ನಿಪ್ಪ್‌ಚಿಟ್ಟತ್.

ಗಲಾತ್ಯ 1:17

ನಾಕಿಂಜ ಮಿಂಞಲೇ ಅಪೊಸ್ತಲನಾಯಿತ್ಂಜಯಿಂಗಡ ಪಕ್ಕ ಯೆರೂಸಲೇಮ್‌ಕ್ ಪೋಕತೆ, ಅರಬಿ ದೇಶಕ್ ಪೋಯಿತ್ ದಮಸ್ಕ ಎಣ್ಣುವ ಪಟ್ಟಣಕ್ ಪುನಃ ವಾಪಸ್ ಬಾತ್.